တရားနာခြင်းကို "ဓမ္မဿဝန" ဟုခေါ်သည်။ တရားနာရာ၌

၁။ မကြားဖူးသေးသော အကြောင်းအရာများကို ကြားရခြင်း၊
၂။ ကြားဖူးသော အကြောင်းအရာများကို ထပ်၍ ရှင်းလင်းစွာနားလည်ရခြင်း၊
၃။ ယုံမှားသံသယ ဖြစ်နေသော အချက်များ၌ ယုံမှားကင်းရခြင်း၊
၎။ အယူမှန် သမ္မာဒိဋ္ဌိကို ရခြင်း၊
၅။ သဒ္ဓါ ပညာတိုးပွား၍ စိတ်ကြည်လင်ခြင်းဟူသော အကျိုး ငါးပါးကို ရနိုင်သည်။

ဤအကျိုးတရားများကို ရဖို့ရန် ရည်သန်၍ တရားနာရာ၌သာ ဓမ္မဿဝန ကုသိုလ်အစစ်ဖြစ်နိုင်၏။ ဓမ္မကထိကကို ခင်မင်၍ဖြစ်စေ၊ ရယ်စရာ မောစရာ အသောပါ၍ ပျော်ရွှင်၍ဖြစ်စေ ၊ "တရားမှ နာဖော်မရဘူး ။ အပျင်းထူလိုက်တာ" ဟုကဲ့ရဲ့မည် စိုး၍ဖြစ်စေ၊ သူများအထင်ကြီးအောင်ဖြစ်စေ၊ ဓမ္မကထိက၏ အရည်အချင်းကို အကဲခတ်ကာ ကဲ့ရဲ့တန်လျှင် ကဲ့ရဲ့လို၍ဖြစ်စေ နာကြရာ၌ကား ပေါက်ဖော်ကြီးစကားလို "၀မ်မှာ" စိုးရသည်။

ထို့အတူ မကောင်းစိတ်ယိုထွက်ဖို့ တရားနာရာ၌ အယိုဘဲ ၀မ်မှာ စိုးရသည်။

ယခုခေတ်၌ကား အလိမ္မာကို ကောင်းစွာပေးနိုင်သော ကျမ်းစာတွေပေါများလှ၏။ ထိုကဲ့သို့သော ကျမ်းစာများကို ကြည့်ရှုကျက်မှတ် ရွတ်ဖတ်၍ နေလျှင်လည်း တရားနာခြင်း၏ အကျိုးကို ရနိုင်၏။ ထို့ကြောင့် အချို့သော ခေတ်ဆန်ဆန် တရားကိုနာမည့်အစား ကျမ်းစာကို ကြည့်ရှုနေခြင်း ၊ နှုတ်ရှင်းသူကို ဖတ်ဖို့ရန်တောင်းပန်၍ ကြားနာခြင်းတို့က အကျိုးများဖွယ် ရှိပါသေးသည်။
{မည်သည့်ကျမ်းစာသည် မိမိတို့နှင့် သင့်လျော်သည်ဟု မရွေးချယ်တတ်လျှင် ဇိနတ္ထပကာသနီ ၊ ဗုဒ္ဓ၀င် ၊ သံဝေဂ၀တ္ထုဒီပနီ၊ ငါးရာ့ငါးဆယ် ဇာတ်တော်ကြီးများနှင့် ရှေးဆရာတော်ကြီးများ စီစဉ်တော်မူအပ်သော ကျမ်းစာတို့သည် အမှန်အကျိုးများသော ကျမ်းစာများ ဖြစ်ပါသည်။}

(မဟာဂန္ဓာရုံ ဆရာတော် အရှင် ဇနကာဘိဝံသ ရေးသားတော်မူသော "ကိုယ်ကျင့် အဘိဓမ္မာ" စာ-၁၉၉~၂၀၀)