ဒီမိုကရေစီ ဆောင်းဦးပေါက် (၂)


မေး။ ဒီသဘာဝတွေ တကယ်ရောရှိသလား။
ဖြေ။ ရှိတာပေါ့။ ဒါဆိုရင်တော့ ဟန်တင်တန်ရဲ့ တတိယလှိုင်းကို ဖတ်ဖို့ အကြံပြုရတော့မှာပါ။ သူက လှိုင်းသုံးလှိုင်းနဲ့ ခွဲခြားပြပါတယ်။ ပထမလှိုင်းထဲမှာ ဒီမိုကရေစီ ပြောင်း၊ ပြီးတော့ အာဏာရှင်စနစ်ဆီ ခြေဦးလှည့်၊ အဲဒီအထဲက တချို့နိုင်ငံတွေက ဒုတိယလှိုင်းထဲမှာ ဒီမိုကရေစီ ထပ်ပြောင်း စုံလို့ပါပဲ။

မေး။ မြန်မာနိုင်ငံက ဘယ်လှိုင်းထဲမှာ ပါမလဲ။
ဖြေ။ ဒုတိယလှိုင်းထဲမှာ ဘုမသိဘမသိနဲ့ ပါခဲ့တယ်။ ပြီးတော့ နောက်ကြောင်းပြန်တယ်။ အခု ဒီမိုကရေစီစနစ်ဆီ ပြန်လည် ကူးပြောင်းရာမှာတော့ တစ်နိုင်ငံထဲ ကူးပြောင်းတာမို့ လှိုင်းလို့ ပြောဖို့ ခက်ပါတယ်။ လှိုင်းဆိုတာ နိုင်ငံအများအပြား တစ်ချိန်ထဲမှာလိုလို ဒီမိုကရေစီ ကူးပြောင်းကြမှ သတ်မှတ်လို့ ရနိုင်တာ မဟုတ်လား။ ကျွန်တော်တို့ ဒီမိုကရေစီ ပြောင်းတာကို သဘောကျပြီး လာမယ့် နှစ်တွေအတွင်း ဒီမိုကရေစီ ကူးပြောင်းကြမယ့် နိုင်ငံတွေ အတော်များများ ပေါ်ထွက်လာမယ် ဆိုရင်တော့ ကျွန်တော်တို့က စတုတ္ထ ဒီမိုကရေစီ လှိုင်းဦးစလို့ ခေါ်ရင်ရကောင်းရပါလိမ့်မယ်။

မေး။ လက်ရှိ မြန်မာ့ဒီမိုကရေစီ ရေရှည်တည်တံ့မယ်လို့ ထင်ပါသလား။
ဖြေ။ ထင်ပါတယ်။ အချိန်ယူပြီး ပြင်ဆင်ခဲ့ကြတာပဲ။

မေး။ ဘာကြောင့်လဲ။
ဖြေ။ ဒီကိစ္စကို နောက်မှ ဆက်ပြီး ဆွေးနွေးကြရအောင်ဗျာ။
................................................................................
မေး။ ဒီမိုကရေစီဆိုတဲ့ စကားက ဂရိဘာသာစကားကနေ ဆင်းသက်လာတာ ဖြစ်ပြီး ဒီမိုကရေစီရဲ့ သဘောတရားတွေလည်း ဂရိခေတ်ကတည်းက ရှိနေခဲ့တာလို့ ဆိုကြတာနော်။
ဖြေ။ မှန်တယ်၊ မမှန်ဘူးလို့ပဲ ဖြေရမယ် ထင်ပါတယ်။ ဂရိခေတ် ဒီမိုကရေစီက မောင်နီပါ။ ဒီနေ့ခေတ် ဒီမိုကရေစီက ဦးနီပါ။ တကယ်တော့ ဒီမိုကရေစီရဲ့ သဘောသဘာဝတွေက ဂရိတင်မကပါဘူး။ အိန္ဒိယမှာလည်း ဘီစီ ခြောက်ရာစု ကတည်းက ရှိခဲ့ပါပြီ။

မေး။ ဟိုခေတ် ဒီမိုကရေစီနဲ့ ဒီခေတ် ဒီမိုကရေစီ မတူဘူး ဆိုတော့ အဓိက ခြားနားချက်က ဘာဖြစ်မလဲ။
ဖြေ။ ရှေးခေတ် ဒီမိုကရေစီက နယ်ပယ်ကျဉ်းတာပေါ့။ ကျေးရွာအဆင့်၊ လူမျိုးစုတူ လူတွေချင်း အဆင့်၊ အဖွဲ့အစည်း အဆင့်၊ ကိုးကွယ်မှုတူရာ အဆင့် စသည် အမျိုးမျိုး ရှိတာပေါ့။ ဒီနေ့ ဒီမိုကရေစီက ဒီဘောင်တွေကို ကျော်လွန်သွားတယ်။ နိုင်ငံတော်အဆင့်ကို ရောက်သွားတယ်။
အကျဉ်းဆုံး အရှင်းဆုံး ပြောပြရရင် ကျေးရွာအခြေခံ ဒီမိုကရေစီအဆင့်နဲ့ နိုင်ငံတော် အခြေခံ ဒီမိုကရေစီ အဆင့်ပါပဲ။

မေး။ ဒီလိုဆိုရင် ဒီမိုကရေစီနဲ့ လူသားဟာ မစိမ်းလှဘူးပေါ့။
ဖြေ။ မစိမ်းပါဘူး။ ဒီမိုကရေစီရဲ့ သဘောတရား တချို့ စီဗီလိုက်ဇေးရှင်းတိုင်းမှာ ရှိနေတတ်တယ်။ ဒါကလည်း ၁၈၊ ၁၉ ရာစုမတိုင်ခင် ရှေးပဝေသဏီကတည်းက ရှိနေခဲ့တာပါ။

မေး။ ဒါနဲ့ ဘီစီခြောက်ရာစုက လိစ္ဆဝီမင်းတွေ ကျင့်သုံးတဲ့ စနစ်ဟာ ဒီမိုကရေစီလား။
ဖြေ။ ဒီမိုကရေစီ အစစ်ကြီး မဟုတ်သေးဘူးလို့ပဲ ယူဆပါတယ်။ ပါလီမန်စနစ် အစပျိုးနေပြီလို့တော့ အသေအချာ ပြောလို့ ရပါတယ်။

မေး။ ဘာဖြစ်လို့ ဒီမိုကရေစီ မဟုတ်လှသေးဘူး။ မစစ်သေးဘူးလို့ ပြောနိုင်တာလဲ။
ဖြေ။ ဒီမိုကရေစီရဲ့ အဓိက တန်ဖိုးဖြစ်တဲ့ အစိုးရပေါ်ထွက်လာပုံက ပြည်သူလူထုဆီမှာ အခြေခံမထားလို့ပါ။ ဒီနေ့ခေတ် သတ်မှတ်ချက်အရဆိုရင် လူမျိုးစု ဒီမိုကရေစီ၊ မြို့ပြ ဒီမိုကရေစီလို့ပဲ ခေါ်လို့ရပါတယ်။ လိစ္ဆဝီသာကီဝင် မင်းသား တွေက လူထုကြီးရဲ့ ထောက်ခံမှုတွေရအောင် တမင်တကာ စည်းရုံးနေကြမယ် မထင်ပါဘူး။ သူတို့ ချင်း ထောက်ခံရင် ရနေပြီလေ။ အထူးသဖြင့် အလွန်မာနကြီးတဲ့ လိစ္ဆဝီတွေဟာ သူတို့ထက် အဆင့်နိမ့်တဲ့ အခြား လူတန်းစားတွေနဲ့ အပေးအယူတွေ၊ အလျှော့အတင်းတွေ ညှိနှိုင်းနေကြလိမ့်မယ်လို့ မထင်ပါဘူး။ အလွန် မာနကြီးတဲ့ လူမျိုးတွေပါ။ ဒါပေမဲ့ သူတို့က ဒီနေ့ လှိုင်လှိုင်ကြီး အသုံးပြုနေကြတဲ့ နိုင်ငံရေးအရ မှန်ကန်မှု (Politically correctness) တော့ ကျင့်သုံးကြတယ်လို့ ဆိုနိုင်ပြန်တယ်။ နိုင်ငံရေးပါးဝတယ်ပေါ့။
ဇင်ဝေသော်

"ထမင်း ဝအောင်စားကြ၊ အားမနာကြနဲ့" :D


ဆိုပါတော့..
အသောက ကျောက်စာတစ်ချပ်ထဲမှာ "ထမင်း ဝအောင် စားထားကြ" လို့ ရေးထားမယ်။
နောက်ကျောက်စာထဲမှာတော့ "ထမင်း ဝအောင်စားကြ၊ အားမနာကြနဲ့" ရေးထားမယ်။
ဒါကို ဒီခေတ်လူတွေကဖတ်ပြီး အဓိပ္ပါယ်ဖော်ယူကြမယ်။
အတူတူပဲ "အားမနာကြနဲ့" ပဲ ထူးတယ်။ "ထား" ဆိုတာ ဒီနေရာမှာ အဓိပ္ပါယ်ထူးမရှိဘူး။ ထား ဆိုတာ အဲဒီခေတ်က အမျိုးသမီးနာမည်တစ်မျိုး ဘာညာ ဆိုသူတွေလည်း ရှိမယ်။
လုံးဝမတူဘူး။ "ထား" ဆိုတာ ဒီနေရာမှာ အမျိုးသမီးနာမည် မဟုတ်ဘူး။ ကြုံးဝါးတဲ့ အဓိပ္ပါယ်ရှိတယ်။ အားမနာကြနဲ့ဆိုတဲ့ ဒုတိယဝါကျကို ဘာမှမထူးတဲ့အနေနဲ့ အဓိပ္ပါယ်ဖွင့်ဆိုခြင်းဟာ နားမလည်ရာရောက်တယ် ဘာညာ ဆိုသူတွေလည်း ရှိမှာပဲ။
နာတယ်ကွာ။
အသောကကြီး ဒါမျိုးရေးခဲ့ရင် တစ်ကမ္ဘာလုံး ပညာရှင်တွေ ဝိုင်းဖတ်ကြရမှာ။
😜😜😜

အသောကက ဗုဒ္ဓဘာသာ ဖြစ်ပြီးသား


ကလိင်္ဂစစ်ပွဲပြီးတဲ့နောက်မှ သံဝေဂနဲ့ ဗုဒ္ဓဘာသာ ဖြစ်ရတာမျိုး မဟုတ်။ ဒီစစ်ပွဲကြောင့် ဗုဒ္ဓဘာသာ ဖြစ်ရတာဆိုတဲ့ မဟာဝံသအဆိုကို ကျောက်စာအထောက်အထားက သိပ်လက်မခံ။ ဒီစစ်ပွဲ မတိုင်မီကတည်းက အသောကက ဗုဒ္ဓဘာသာ ဖြစ်ပြီးသား။
အဲဒီကျောက်စာရဲ့ ဆိုလိုရင်းက "ဗုဒ္ဓရဲ့အဆုံးအမကို ခံယူထားတဲ့ ဘုရင်တစ်ပါး ဖြစ်ပါလျက် ဒီလောက်ရက်စက်တဲ့ စစ်ပွဲကြီးကို နွှဲမိလေးခြင်း" ဆိုတဲ့ ရှက်နောင်တမျှသာ ဖြစ်ပါသတဲ့။
ကလိင်္ဂကျောက်စာမတိုင်မီ ကျောက်စာတွေထဲမှာကိုပဲ "သမ္မာသမ္ဗောဓိ" "တိသရဏ" ဆိုတာတွေ ပါနေပြီးပါပြီ။
ကိုယ့်အာရုံထဲတော့ အသောကကြီးကို ခပ်ရေးရေး တွေ့ရပါပြီ။

ထူးဆန်းလို့ ပြောရအုံးမယ်


ဒီညနေ အိန္ဒိယန်းတစ်ယောက် ရောက်လာတယ်။ မြန်မာစကား အတော်လေး ပြောနိုင်တယ်။
ပြောနိုင်ဆို ၂၀၀၉ ခုကနေ ၂၀၁၅ အထိ မြန်မာပြည်မှာနေပြီး စီးပွားရေးလုပ်လာတာ။
မြန်မာပြည်မှာ အိမ်ရှိတယ်၊ ရုံးရှိတယ်၊ ဂိုဒေါင်ရှိတယ်။ အခုတော့ စင်္ကာပူနိုင်ငံသား ခံယူထားတယ်။
သူက ဥဂျိန် (ပါဠိ ဥဇ္ဇေနီ) ပြည်နယ်သား။ သူဋ္ဌေးဆိုပါတော့။
မြန်မာပြည်တွင်းစီးပွားရေး အခြေအနေကြောင့် သူလည်း အတော်အရှုံးပေါ်နေတယ်။ အဓိကက အိန္ဒိယနဲ့ ကုန်သွယ်ရေးပြသနာကြောင့်။
သူလာတာက တရားထိုင်ချင်လို့ လာစုံစမ်းတာ။ မြန်မာလိုပဲ ပြောတာများတယ်။ သူ့ကို လက်ရှိ တရုတ်ဘုန်ကြီးသင်တန်းထဲ ထည့်ပေးလိုက်တယ်။
နောက်ဆုံးအချက်က သူက ဂျိန်းဘာသာဝင်။
မဟာဝီရတပည့်ပေါ့။
သူ့မှာ ဘာသာရေးစည်းတားထားတာ မရှိဘူး။
ဒါက ချစ်စရာ အကောင်းဆုံးပဲ။
ကိုယ်နဲ့မတူလို့ မိစ္ဆာဒိဋ္ဌိထဲ ထည့်တာမျိုး မဟုတ်ဘူး။
အိန္ဒိယမှာ ဘာသာတရားကြီးတွေ ထွန်းကားခဲ့တယ်၊ ဒီမိုကရေစီ ထွန်းကားတယ်ဆိုတာ အဲ့ဒီအချက်ပဲ။
သူတို့က အငြင်းသန်ပေမဲ့ မတူညီမှုကို မတူညီမှုအနေနဲ့ပဲ ထားကြတယ်။ ငါနဲ့မတူ ငါ့ရန်သူ မဟုတ်ဘူး။ ကောင်းရင် ယူတာပဲ။

ဒီမိုကရေစီ ဆောင်းဦးပေါက် (၁)



(မှန်ထောင်ပြီး မေးကြည့်မိတဲ့ မေးခွန်းများ)
မေး။ ဒီမိုကရေစီ ဆိုတာ ဘာပါလဲ။ 
ဖြေ။ လူထုလက်ထဲမှာ အာဏာရှိတဲ့စနစ်၊ လူထုရဲ့ ဆန္ဒနဲ့အညီ အုပ်ချုပ်သူ လူတန်းစားကို ရွေးချယ်ယူတဲ့ စနစ်လို့ပဲ အတိုချုပ် မှတ်နိုင်ပါတယ်။ ဒီလိုမဟုတ်ရင် အလွန် လေးလံသွားမှာ စိုးရိမ်ရပါတယ်။

မေး။ ဒါဆိုရင် ဒီမိုကရေစီစနစ်ရဲ့ ဆန့်ကျင်ဘက်စနစ်က ဘာဖြစ်မလဲ။
ဖြေ။ ကမ္ဘာ့သမိုင်းမှာ အစိုးရစနစ်၊ အစိုးရ ပုံသဏ္ဌာန်တွေ အမျိုးမျိုး ရှိခဲ့ဖူးပါတယ်။ အင်ပါယာ၊ ပဒေသရာဇ်၊ ဧကရာဇ်၊ ဆိုရှယ်လစ်၊ ကွန်မြူနစ် စသည် စုံလို့ပါပဲ။ ဒါတွေကို လိုက်ကြည့်နေရင် ရှုပ်ထွေးသွားပါတယ်။ ဒါ့ကြောင့် အတိုဆုံးဖြေရရင် ဒီမိုကရေစီစနစ်ရဲ့ ဆန့်ကျင်ဘက်ဟာ အာဏာရှင်စနစ်ပါပဲ။ အာဏာရှင်စနစ်မှာ အစိုးရက လူထု ဆန္ဒနဲ့အညီ ရွေးကောက် တင်မြှောက်ထားတာ မဟုတ်ပါဘူး။ ဒီအကြောင်းကို နောက်ပိုင်းမှ ဆက်ကြရအောင်ပါ။

မေး။ ဇင်ဝေသော်က ဒီမိုကရေစီစနစ်ကို ထောက်ခံပါသလား။ ဘာကြောင့်လဲ။
ဖြေ။ ထောက်ခံပါတယ်။ လူတစ်ဦးချင်းစီရဲ့ ရပိုင်ခွင့်နဲ့ ယူပိုင်ခွင့်ကို အပြည့်ဝဆုံး ပုံဖော်ပေးနိုင်တဲ့ စနစ်၊ ရင့်ကျက် ယဉ်ကျေးတဲ့ အုပ်ချုပ်ပုံစနစ် ဖြစ်လို့ပါ။ အရှင်းဆုံးပြောရရင် အရွယ်ရောက်သူတွေကို အုပ်ချုပ်တဲ့ စနစ်မျိုး ဖြစ်နေလို့ ပါပဲ။

မေး။ ဒါဆိုရင် အခြား စနစ်တွေက အရွယ်မရောက်သေးတဲ့ အုပ်ချုပ်ပုံပေါ့။
ဖြေ။ ကျွန်တော်တော့ ဒီလိုပဲ ယုံကြည်ပါတယ်။

မေး။ ဒါလေးကို နည်းနည်း အကျယ်ချဲ့ပြပါလား။
ဖြေ။ ရပါတယ်၊ လူမှုရေးသဘာဝနဲ့ ဆက်ပြီး ကြည့်ကြရအောင်။ အာဏာရှင်စနစ် ဆိုတာ အရွယ်မရောက်သေးတဲ့ လူမမယ်လေးတွေကို အုပ်ချုပ်ပုံပါ။ တစ်မိန့်တစ်အာဏာ ဆန်တယ်။ ကျောင်းသွားရမယ့်အချိန်က ဘယ်အချိန်၊ ကျောင်းကနေ အိမ်ပြန်ရောက်ရမယ့် အချိန်က ဘယ်အချိန်၊ အိပ်ယာထချိန်က ဘယ်အချိန် စသည် တိတိကျကျ သတ်မှတ်ပေးထားသလိုပါ။ အရွယ်မရောက်သေးတဲ့ ကလေးတွေအတွက် အဲသလို တိကျတဲ့ စည်းကမ်းတွေလည်း လိုအပ်ပါတယ်။

မေး။ ကလေးတွေ အရွယ်ရောက်လာတာနဲ့ အုပ်ချုပ်ပုံ ကွဲပြားလာရသလို နိုင်ငံရဲ့ အခြေအနေကို ကြည့်ပြီး အုပ်ချုပ်ပုံ၊ အစိုးရစနစ် ပြောင်းလဲပေးရတယ်လို့ ဆိုလိုချင်တာလား။
ဖြေ။ မှန်ပါတယ်။ ဒီအတိုင်းပါပဲ။ ကျွန်တော် သဘောပေါက် နားလည်ထားသလိုဆိုရင်-
၁။ အာဏာရှင်စနစ်က ကလေးကို အုပ်ချုပ်ပုံနဲ့ တူမယ်။ 
၂။ နိုင်ငံရေး လွတ်လပ်ခွင့်ပေးခြင်းက လူငယ်တွေကို ရည်းစားထားခွင့်ပေးခြင်းနဲ့ တူမယ်။
၃။ သူတို့ချင်း သဘောထားမျှ၊ မိဘတွေကလည်း သဘောတူရင် သူတို့ကို စေ့စပ်ကြောင်းလမ်းပေးမယ်။ ဒါကိုတော့ ဒီမိုကရေစီ အကူးအပြောင်း ကာလအတွင်း စေ့စပ်ညှိနှိုင်းဆွေးနွေးခြင်းလို့ ဆိုရပါမယ်။ 
၎။ ရွေးကောက်ပွဲ ကျင်းပခြင်းကတော့ သူတို့နှစ်ဦးကို ထိမ်းမြားလက်ထပ်ပေး ခြင်းနဲ့ တူပါတယ်။ 
၅။ ရွေးကောက်ပွဲပြီးလို့ ပါတီတစ်ခုခုက အာဏာရလာတဲ့အခါ တရားဝင် ဒီမိုကရေစီ ဖြစ်လာတာပါပဲ။ လူငယ် အမျိုးသားနဲ့ အမျိုးသမီးတို့ တရားဝင် လက်ထပ်ပြီးတဲ့နောက် တာဝန်တွေ အပြန်အလှန် ယူကြ၊ ကျေပွန်ကြရပါတယ်။ ဒါကတော့ ဒီမိုကရေစီ အားသစ်လောင်းခြင်းနဲ့ တူညီပါတယ်။ 
လက်ထပ်လိုက်လို့ အကြင်လင်မယားအရာ မြောက်သွားပေမဲ့ ခိုင်မာတဲ့ မိသားစု ဘဝတော့ မရကြသေးပါဘူး။ အလားတူပါပဲ။ ရွေးကောက်ပွဲ ကျင်းပပေးလိုက်ရုံနဲ့ ဒီမိုကရေစီက မဖွံ့ဖြိုးသေးပါဘူး။ အညှောက်ပေါက်ရုံပဲ ရှိပါသေးတယ်။

မေး။ ထိမ်းမြားလက်ထပ်ပြီးမှ သဘောထားချင်း မတိုက်ဆိုင်လို့ ကွဲကြ ကွာကြတာတွေလည်း ရှိနေနိုင်တာပဲနော်။ 
ဖြေ။ အတိအကျပေါ့။ ဒါ့ကြောင့် ဒီမိုကရေစီမှာလည်း နောက်ကြောင်းပြန်လှိုင်းတွေ ရှိတာ့။ ဒီမိုကရေစီ ကူးပြောင်းပြီးမှ အာဏာရှင်စနစ်ဆီ ခြေဦးပြန်လှည့်သွားတာတွေ အများအပြား ရှိပါတယ်။

မေး။ ဘယ်လို အခြေအနေမျိုးတွေမှာ နောက်ကြောင်းပြန်လှည့်ဖို့ ဖြစ်နိုင်ခြေ ပိုများမလဲ။
ဖြေ။ ဘယ်လို ဇနီးမောင်နှံတွေမှာ ကွာရှင်းပြတ်စဲဖို့ ရာခိုင်နှုန်း ပိုများမလဲ။ ကျွန်တော်ကပဲ ပြန်မေးပါရစေ။

မေး။ အင်း... ဒါကတော့ အကြောင်းအမျိုးမျိုး ရှိနိုင်တာပေါ့။ ချစ်တယ်ထင်ပြီး ယူပြီးမှ သဘောထား ညှိနှိုင်းလို့ မရတာတွေ၊ ငယ်ငယ်ရွယ်ရွယ် မနူးမနပ်နဲ့ ဘာမှမသိဘဲ လက်ထပ်ပြီးမှ ကွဲသွားရတာတွေ၊ အမျိုးမျိုးပေါ့ဗျာ။
ဖြေ။ ကွက်တိကြီး မတူလှပေမဲ့ ဒီမိုကရေစီ အကူးအပြောင်းကလည်း ဒီသဘောအတိုင်းပါပဲ။ ဒီမိုကရေစီစနစ်နဲ့ အလုပ်ဖြစ်မယ် ထင်ပြီး ပြောင်းလဲလိုက်ကြပေမဲ့ အလုပ်မဖြစ်တော့ဘူး ဆိုတော့ အာဏာရှင်စနစ်ဆီကို ပြန်ရောက်သွားတတ်ကြတယ်။ ပညာရှင် အများအပြား လက်ခံတဲ့ အဓိက လိုအပ်ချက်တွေကတော့ ပညာတတ် လူလတ်တန်းစား အားကောင်းမှု၊ နိုင်ငံလူထုရဲ့ စီးပွားရေးနဲ့ ပညာရေး အခြေခံ ကောင်းမွန်မှု စတာတွေပါပဲ။ သူတို့ ဆွေးနွေးပြတဲ့ အကြောင်းတွေ ကတော့ အများကြီးပေါ့။ ဒါကိုလည်း နောက်ပိုင်းမှာ ဆက်ပြီး ဆွေးနွေးကြည့်ကြသေးတာပေါ့။
နောက်ပြီး ဘုမသိဘမသိနဲ့ ငယ်ငယ်ရွယ်ရွယ် အိမ်ထောင်ကျ၊ ဘာမှ မကြာခင် ကွဲကြကွာကြသလို ဗြိတိသျှ စတဲ့ ဥရောပ ကိုလိုနီဖြစ်တဲ့ နိုင်ငံတွေဟာ ကိုလိုနီလက်က လွတ်တာနဲ့ အလိုလို ဒီမိုကရေစီစနစ်အောက် ရောက် သွားကြတယ်။ ဒီမိုကရေစီအတွက် လိုအပ်တဲ့ အခြေခံ အဆောက်အဦးတွေ မရှိဘူးဆိုတော့ သိပ်မကြာခင်မှာပဲ အာဏာရှင်စနစ်အောက် ပြန်ရောက်သွားကြရပြန်ပါတယ်။

မေး။ မြန်မာနိုင်ငံကိုများ ရည်ရွယ်ပြီး ပြောနေတာလား။
ဖြေ။ မြန်မာနိုင်ငံ ပါဝင်ပါတယ်။ မြန်မာတစ်နိုင်ငံထဲတော့ မဟုတ်ပါဘူး။ တတိယ ကမ္ဘာနိုင်ငံ အများစု၊ အထူးသဖြင့် ဗြိတိသျှကိုလိုနီ လက်အောက် ရောက်ခဲ့တဲ့ နိုင်ငံအများအပြား ပါဝင်ပါတယ်။

မေး။ ဗြိတိသျှကိုလိုနီလွန် မြန်မာ့နိုင်ငံရေးနဲ့ လွတ်လပ်ရေးကိုရော မေးလို့ ရမလား။
ဖြေ။ ဒီမိုကရေစီ ဆုံးရှုံးခဲ့တယ်။ စစ်တပ်ရ့ အာဏာသိမ်းခြင်း ခံခဲ့ရတယ်။ ကျန်တာတွေတော့ ဒီမိုကရေစီနဲ့ မဆိုင်လို့ မဖြေပါရစေနဲ့။ ဘုမသိဘမသိနဲ့ ရခဲ့တဲ့ ဒီမိုကရေစီလေး ဆုံးရှုံးသွားခဲ့ရတယ်ပေါ့။

မေး။ လူမှုရေးနဲ့ ဆက်စပ်ကြည့်မယ်ဆိုရင် အိမ်ထောင်ကျ၊ ကလေးတွေ ဘာတွေ ရပြီးပြီဆိုရင် သဘောထား သိပ်ပြီး မတိုက်ဆိုင်ဘူး ဆိုရင်တောင် ကွဲကြကွာကြဖို့ ပိုခက်လိမ့်မယ် ထင်တယ်။ 
ဖြေ။ မှန်ပါတယ်။ ဒီမိုကရေစီရဲ့ သဘောတရားကလည်း ဒီအတိုင်းပါပဲ။ ကလေးတွေက အိမ်ထောင်မြဲဖို့ရဲ့ အကြောင်းရင်းတွေ ဖြစ်နေနိုင်သလို ဒီမိုကရေစီရဲ့ အစဉ်အလာတွေ၊ ဒီမိုကရေစီ တန်ဖိုးတွေကို လူထုက လက်ခံလာပြီဆိုရင် ဒီမိုကရေစီ ခိုင်မြဲဖို့ အားသစ်လောင်းပေးခြင်းတွေ ဖြစ်ကြပါတယ်။ ကုန်ကုန် ပြောကြစို့ဗျာ။ ကလေးတွေရပြီးမှ ကွဲကြကွာကြတယ် ဆိုရင်တောင် ကလေးတွေရဲ့ သံယောဇဉ်ကြောင့် ပြန်လည် ပေါင်းစည်းဖို့ အခွင့်အလမ်း ပိုများပါတယ်။ 
ဒီမိုကရေစီရဲ့ သမိုင်းကြောင်းကလည်း ဒီအတိုင်းပါပဲ။ ဒီမိုကရေစီ ဖြစ်ခဲ့ဖူးတဲ့ နိုင်ငံတွေက ဒီမိုကရေစီ စနစ်ဆီ ပြန်လည်ကူးပြောင်းဖို့ အခွင့်အလမ်း ပိုများသလို ဒုတိယအကြိမ် ပြောင်းလဲလိုက်တဲ့ ဒီမိုကရေစီက ရေရှည် ခိုင်မြဲ သွားတတ်ပါတယ်။
ဇင်ဝေသော်

တတိယလှိုင်း (အပိုင်း ၂)


ရန်ကုန် ၊ မန္တလေး နဲ့ နယ်မြို့တွေမှာ ရနိုင်ပါပြီ။ 

ဒီမိုကရေစီ ဆောင်းဦးပေါက်ကို မတို၊ မရှည် စတေးတပ်လေးတွေ တင်ပေးပါမယ်




မနက်ဖြန်ကစပြီး ဒီမိုကရေစီ ဆောင်းဦးပေါက်ကို မတို၊ မရှည် စတေးတပ်လေးတွေ တင်ပေးပါမယ်။ ကောက်နှုတ်တင်တာမျိုး မဟုတ်ပါဘူး၊ ရောက်သလောက်အထိ စာစစ်ရင်း အစကနေ တင်တာမျိုးပါ။
မရှင်းလင်းတာတွေရှိရင် ကွန်မင့်ရေးပြီး မေးနိုင်ပါတယ်။ မေးခွန်းက တကယ်ကောင်းရင် မေးသူအမည်ပါ (သဘောတူရင်) ထည့်စွက်ပြီး စာအုပ်ထဲမှာ အသိအမှတ်ပြုပေးပါမယ်။
စာဖတ်သူကသာ နားမလည်တာ စာရေးသူကတော့ သူ့စာသူ ပြန်ဖတ်တဲ့အခါ ရှင်းနေတတ်ပါတယ်။ ဒါလေးကို သတိထားမိလို့ပါ။ 
ဘယ်လောက်ပေါ့ပါးအောင် ကြိုးစားသည်ဆိုစေ ဒီမိုကရေစီအကြောင်းက အတန်ငယ်တော့ ရှုပ်ထွေး၊ လေးလံနေမှာပါပဲ။
မေတ္တာဖြင့်
ဇင်ဝေသော်

Ticket please


ကီဝီသုံးယောက်နဲ့ အော်ဇီသုံးယောက် ရထားပေါ် ဆုံမိကြတယ်။
ကီဝီသုံးယောက်က လူသုံးယောက်ပေမဲ့ လက်မှတ်က တစ်စောင်ထဲ။ ဒီသုံးကောင် လက်မှတ်စစ်လာရင် ဘယ်လိုလုပ်ကြမလဲပေါ့။ အော်ဇီတွေ ဉာဏ်မမီဘူး။
လက်မှတ်စစ်လည်းလာရော ကီဝီသုံးကောင်စလုံး အိမ်သာတစ်ခုထဲ ပြိုင်တူဝင်သွားကြတယ်။
ခဏအကြာ..
လက်မှတ်စစ်က အိမ်သာတံခါးခေါက်ပြီး လက်မှတ်အပြခိုင်းတော့ လက်တစ်ချောင်း၊ လက်မှတ်တစ်စောင် ထွက်လာတယ်။ စစ်ပြီး လက်မှတ်စစ်လည်း ထွက်သွားတော့တာပဲ။
အိမ်သာတစ်ခုထဲ လူသုံးယောက်လို့ ဘယ်ထင်မလဲ။
ဟာ တယ်ဟုတ်ပါလား။ ကီဝီတွေ ဉာဏ်ပြေးလှပါလား။
တို့လည်း သူတို့လို လုပ်မှ။
အပြန်မှာ တွေ့ကြပြန်ရော။
ဒီတစ်ခါ ကီးဝီသုံးကောင်က လက်မှတ်ကို မဝယ်တော့တာ။
လက်မှတ်စစ်လာတာလည်းမြင်ရော အော်ဇီသုံးကောင်က အိမ်သာတစ်ခုထဲ ပြေးဝင်သွားကြတယ်။ အဲ့ဒီအချိန်အထိ ကီဝီတွေက မလှုပ်သေးဘူး။
ခဏနေတော့ ကီဝီတစ်ကောင်က အော်ဇီတွေဝင်သွားတဲ့ အိမ်သာတံခါးကိုခေါက်ပြီး
"Ticket please.”
အော်ဇီလက်တစ်ချောင်း ထွက်လာတယ်၊ လက်မှတ်တစ်စောင်နဲ့။
အဲ့ဒီလက်မှတ်ကိုယူပြီး ကီဝီသုံးကောင်က မျက်နှာချင်းဆိုင် အိမ်သာထဲ ပြိုင်တူဝင်သွားကြလေရဲ့....
🤣🤣🤣

၂၀၁၈


၁) တတိယလှိုင်း (ဒု) ထွက်...
၂) ရက်ပိုင်းအတွင်း ဒီမိုကရေစီ ဆောင်းဦးပေါက် ပရုဖတ်...
၃) ကမ္ဘာ့အလင်းလက်ဆုံး ကြယ်စင်လေးများ..စာရိုက်ဖို့ မောင်သစ်ဝေဆီ ဒီနေ့ အီးမေးပို့
၎) လက်ရှိ ကမ္ဘာ့ ပထမဆုံး ဆယ်လီကျောက်ဘုတ်ဆရာကြီး အသောကကို ဖတ်နေတယ်။
စာအုပ် ၆ အုပ်၊ စာနှာ ၂၀၀၀ ကျော်နဲ့ ချာလပတ်ရမ်း။
ဖမ်းမိမှ "မင်းတြားကြီး ဘယ်မှမပြေးနဲ့။ မြန်မာပြည်လိုက်ခဲ့" လို့ ပြောရမှာပဲ။
အခုတော့ ဖမ်းမမိသေးဘူး။

ညေး....


မေမေ စိတ်ဆိုးနေတုံး ခေါင်းဖြီးပေးဖို့ခေါ်ရင် မသွားနဲ့၊ မကြားချင်ယောင်ဆောင်ပြီး ထွက်ပြေး၊ ကြားလား။ အရမ်းနာတယ်။
ဖေဖေပြောနေတာတွေထဲမှာ ရယ်စရာ တစ်ခုမှမပါဘဲ မေမေက ပြုံးပြံး ပြုံးပြုံးနဲ့ ဘေးကနေ ထောက်ခံနေရင် အဲ့ဒါ အရေးကြီးတဲ့ ဧည့်သည်ရှေ့မှာမို့။
မုန့်ဖိုးတောင်းချင်ရင် အဲ့ဒီအချိန်မှာ မျက်နှာငယ်လေးနဲ့ဝင်တောင်း။ မေမေက သာမန်အချိန်တွေထက် ပိုပေးတယ်။ 
နောက်မှ ဆက်ပြောမယ်နော်
ချစ်တဲ့
ကွီး
❤️❤️❤️

Get back to normal.





ဗောဓိပင်ဘက်တောင် ၃/၄ ရက် မရာက်ဖြစ်ခဲ့ဘူး။
နာဂ (သို့) နာဂကေသရ (သို့) ကံ့ကော်ပန်းတွေတောင် ပွင့်ပြန်၊ ကြွေနေပြန်ပါရောလား။
ဒါနဲ့ "ဒီမိုကရေစီ ဆောင်းဦးပေါက် ဒိုင်ယာလော့ဂ်"
(ကျနော့်ကို ကျနော် အင်တာဗျူးကြည့်ခြင်း) စာအုပ် စတင်ရေးသားနေလို့ ပို့စ်တွေ အရင်လို မတက်တော့ပါ။ တစ်ခါတစ်ခါ ဖုန်းတောင် မိမိအနား ရှိမနေတတ်ပါ။ အလုပ်ပျက်လို့။
ဓမ္မဘေရီဆရာတော်ကြီးကို အာမခံထားတဲ့ "အရပ်သား နားလည်မယ့် ဒီမိုကရေစီအကြောင်း" ဆိုတာ တကယ် စတင်ခဲ့ပါပြီဆိုတာ အသိပေးအပ်ပါတယ်။
ဇင်ဝေသော်

ထမင်းဆိုင်


အမှန်တရား ဟူသည်
လိုက်ပွဲမရသော
ထမင်းဆိုင်ဖြစ်သည်။
သို့သော်
လောကဓံကို ခံတွင်းတွေ့လျင်
လိုက်ပွဲများစွာ တောင်းယူနိုင်သည်။
ယင်းဆိုင်က
တစ်ခါတစ်ခါ မုသားကို
သွားကြားထိုးတံအဖြစ်လည်း
ဧည့်ခံတတ်သေး၏။
ထူးခြားသည်ကား
ဆိုင်၏နာမည်
သတ်ပုံလွဲမှားနေပါစေ
အမှန်တရား၏အရသာက
ပြောင်းလဲမသွားပါ။
ဇင်ဝေသော်

တတိယလှိုင်း


ရှေ့လဆန်းရင် ထွက်နိုင်ပြီလို့ သိရပါတယ်။ ပထမပတ် (သို့) အလွန်ဆုံး ဒုတိယပတ်ထဲ ဖြစ်ပါလိမ့်မယ်။ ထွက်ရင် ထပ်ပြောမယ်လေ😜😜


😜


ဒေါ်စုက အစိုးရနဲ့တပ်မတော် သွေးမခွဲပါ။




၁) ဒေါ်စုက အစိုးရနဲ့တပ်မတော် သွေးမခွဲပါ။
လက်ရှိအခြေအနေအားလုံး ခေါင်းခံတယ်၊ တာဝန်ယူတယ်၊ မွတ်စလင်ကမ္ဘာရဲ့ အဆဲအဆို၊ အကြိမ်းအမောင်းကို ခံယူတယ်။ အနောက်ကမ္ဘာရဲ့ ဝေဖန်သံတွေ အားလုံးကို တုန့်ပြန်တယ်။
လက်ရှိ တရုတ်ကြီးရဲ့ထောက်ခံမှု အတိအလင်းရတယ်။ အိန္ဒိယနဲ့ ရုရှားရဲ့ ထောက်ခံမှုလည်း ရနိုင်တယ်လို့ ကြိုတင်မှန်းဆကြည့်နိုင်ပါတယ်။ အနောက်က အတိအလင်း ထောက်ခံလို့ မရဘူး။ 
မွတ်စလင်ကမ္ဘာနဲ့ လူ့အခွင့်အရေး အုပ်စုကတော့ သိကြတဲ့အတိုင်းပဲ နေပါလိမ့်မယ်။
ဒါပေမဲ့ မွတ်စလင်ကမ္ဘာက ခေါင်းဖြတ်ဖို့ ကြုံးဝါးနေသူတွေ၊ လူ့အခွင့်အရေးသမားတွေက ခေါင်းအဖြတ်ခံရရင် ဝမ်းနည်းပါတယ်၊ ဒါကို ရှုံ့ချပါတယ်ဆိုတဲ့ ရုံးစာမျိုး ထုတ်ပြန်ပေးမယ့်သူတွေ။
အဆိုးထဲက အကောင်း။ အယ်လ်ခိုက်ဒါရဲ့ ခြိမ်းခြောက်သံကြောင့် အမေရိကန်နဲ့ အနောက်ကမ္ဘာရဲ့ နောက်ကွယ်က ထောက်ခံမှုတွေတောင် ရလာနိုင်ခြေ ပိုများလာပါတယ်။
သူမရဲ့ ၁၉ ရက်နေ့မိန့်ခွန်းဟာ မြန်မာပြည်သူတွေကို ပြောတယ်ဆိုတာထက် ကမ္ဘာကိုပြောပြနေတဲ့ မိန့်ခွန်းမျိုး ပိုဖြစ်နိုင်ပါလိမ့်မယ်။ မလွတ်တမ်း နားထောင်၊ လိုက်နာသင့်တဲ့ မိန့်ခွန်းဖြစ်နေပါလိမ့်မယ်။
သွေးကြောင်တာလည်း မကောင်းပါဘူး
သွေးအေးလွန်းရင်လည်း မကောင်းဘူး
အလားတူပဲ သွေးဆူလွန်ရင်လည်း မကောင်းပါဘူး။
၂) စင်္ကာပူရဲ့ နိုင်ငံရေးနောက်ခံ၊ လက်ရှိအခြေအနေကို မသိဘဲ အမျိုးသမီး မလေးလူမျိုးသမ္မတနဲ့ ပတ်သက်တဲ့ မှတ်ချက်တွေဟာ လမ်းဘေးစကားမျှသာပါ။
သမ္မတဖြစ်ပြီးတဲ့နောက် သမ္မတအိမ်ကို ပြောင်းမနေဘဲ သူမရဲ့ မူလ တန်ဖိုးနည်းအိမ်လေးမှာပဲ ဆက်နေမယ်ဆိုတဲ့ ဆုံးဖြတ်ချက်ဟာ (အထူးသဖြင့်) အမျိုးသမီးထုရဲ့ နှလုံးသားတွေကို ညွတ်နူးစေပါလိမ့်မယ်။ Politically corrected အရွှေ့လေးပါပဲ။ တစ်ချိန်ထဲမှာ မိခင်စိတ်ကိုလည်း လှစ်ပြလိုက်သလိုပဲ။ လူမျိုးတွေ၊ ဘာသာရေးတွေကို ဖယ်ကြည့်လိုက်ရင် သိပ်လှတယ်၊ လေးစားစရာလည်း ကောင်းတယ်။
ဇင်ဝေသော်


နိုင်ငံ့ခေါင်းဆောင်တွေရဲ့ လှည့်ကွက်ကို ဖေ့စ်ဘုတ်ဆယ်လီက မလိုက်နိုင်ဘူး


ဒါကတော့ သဘာဝပါပဲ။

၁) လက်ရှိအခြေအနေမှာ အစိုးရက စစ်တပ်အပေါ် ရာနှုန်းပြည့် မထိန်းချုပ်နိုင်ဘူး ဆိုတဲ့အမြင်ဟာ နိုင်ငံတော်အတွက် သိပ်ကောင်းတယ်။ အမှိုက်ရှင်းနေရတဲ့အချိန်မို့။ အဲ့ဒီအမြင်က ဒေါ်စုနဲ့ လက်ရှိအစိုးရအပေါ် ဖိအားတွေ မသိမသာ လျော့ကျစေတယ်။
မယုံရင် အင်္ဂလိပ်မီဒီယာပေါ်က အသံတချို့ကို နားထောင်ကြည်နိုင်ပါတယ်။ 
ဒီကိစ္စလည်း လူတတ်လုပ်ပြီး အကျယ်မရေးသင့်ဘူး။
ဆိုလိုတာက ဒေါ်စုအပေါ်တင်မယ့် အပြစ်တချို့ ကာချုပ်နဲ့ စစ်တပ်ဆီရောက်သွားတယ်။

၂) သမိုင်းမှာ အရှေ့အလယ်ပိုင်း အစွန်းရောက်မွတ်စလင်တွေက အိန္ဒိယအစိုးရကို ဂျီဟပ်လုပ်ဖို့ပြောတော့ အိန္ဒိယမွတ်စလင်တွေက အရေးမစိုက်ဘူး၊ သူတို့နဲ့ အိန္ဒိယလူထု၊ အစိုးရတို့ သဟဇာတဖြစ်ဖို့ပဲ ကြိုးစားနေထိုင်ကြတယ်။ ဒါဟာ ဖြစ်သင့်၊ ဖြစ်ရမယ့် သဘောတရားပါပဲ။ 
အိန္ဒိယရဲ့စစ်အင်အားက တောင့်တင်းလို့လား၊ အိန္ဒိယမွတ်စလင်တွေကိုယ်တိုင်က အလယ်အလတ်ကျလို့လား။ ဘာပဲဖြစ်ဖြစ် ဒါဟာ နှစ်ဖက်အကျိုးရှိတယ်။ 
မြန်မာပြည်တွင်းက မွတ်စလင်တွေ လိုက်ရမယ့်လမ်းကလည်း ဒီလမ်းပဲ ဖြစ်နေသင့်တယ်။

၃) မွတ်စလင်မြင်တိုင်း မုန်းနေတာက သဘာဝမကျသလို လက်ရှိအစိုးရကို ထောက်ခံချင်ရုံနဲ့ မွတ်စလင် အဖွဲ့အစည်းတွေက ပေးလာနိုင်တဲ့အန္တရာယ်ကို မသိချင်ယောင်ဆောင်တာလည်း သဘာဝမကျဘူး။ လူမိုက်စကားနဲ့ဆိုရင် ဓားသွေးတာက အပြစ်မရှိဘူး၊ သံသယနဲ့ ဝင်ခုတ်တာကတော့ အပြစ်ဖြစ်တယ်။ 
မွတ်စလင်အဝတ်အစားနဲ့ဆိုရင် သံသယနဲ့ကြည့်တာ၊ အရာရှိက သူတို့ကို ပိုပြီးစစ်ဆေးတာက အမေရိကနဲ့ ဥရောပ အပါအဝင် တစ်ကမ္ဘာလုံးဆိုင်ရာကိစ္စ။ ဒါကို မွတ်စလင်တွေကလည်း လက်ခံရလိမ့်မယ်။ ဒါက အရှိအမှန်တရားပဲ။

၎) Politically Correct ဆိုတာ အမှန်တရားကို ပါးပါးနပ်နပ် ရှောင်ပြီးစကားလှသုံးတာမျိုးပါ။ ဒီနေ့ကိစ္စဟာ ဘာသာရေး၊ လူမျိုးရေးအခြေခံ ပြသနာဆိုတာ လူတိုင်းသိတယ်။ နိုင်ငံရေးခေါင်းဆောင်မဟုတ်ရင် ဒါကို အတိအလင်း ပြောခွင့်ရှိတယ်။ နိုင်ငံရေးခေါင်းဆောင်က မပြောရပါဘူး။ 
ဒီအတွက် အားမလိုအားမရ ဖြစ်ပြီး ဆဲဆိုကြိမ်းမောင်းနေတာတွေက မှားပါတယ်။ အကင်းမပါးရာ ရောက်ပါတယ်။

၅) မိုးထဲရေထဲ ပါတီကွဲနေသူဟာ နိုင်ငံတော်ကို ချစ်တာလား၊ နှစ်တာလား။
မေးခွန်းများစွာ။ ။
ဇင်ဝေသော်

လိုက်ခ်မှာလည်း သမ္မာအာဇီဝဆိုတာ ရှိတယ်


အရင်အစိုးရခေတ်က ဦးရဲထွဋ်တို့၊ အန်ကယ်ဘူးလက်တို့ကို ခပ်နာနာလေး ဝေဖန်လိုက်ပြီဆိုရင် လိုက်ခ်တွေ တအားရတာ။ ကိုယ်က ဒါကို သမ္မာအာဇီဝလိုက်ခ်လို့ မထင်ဘူး။ သူများကို ဝေဖန်မှ ရတာမို့လို့။ (ပုတ်ခတ်တာမျိုးတော့ ကိုယ်သိသလောက် မလုပ်ဖူးဘူး)



မနက်ကပို့စ်ကတော့ သမ္မာအာဇီဝလို့ ယုံကြည်တယ်။ ဘယ်သူ့မှ မဝေဖန်ဘူး။
သမ္မာအာဇီဝနဲ့ လိုက်ခ်တစ်ထောင်ရအောင်က မနည်း ရေးယူရတာ။ မလွယ်ဘူး။ ရင်ဘတ်ပါကို ပါနေမှ။ 😍😍😍

နယ်ခြား ခြံစည်းရိုးခတ်ဖို့ ကမ့်ပိန်းလုပ်မှာဆိုလည်း လုပ်ကြပါဟ


ရသည်ယောကျားတို့လည်း သမ္မာအာဇီဝလေးထဲကနေ ဆယ်သိန်းလောက်တော့ ထည့်နိုင်ပါတယ်။ အလုပ်စတာနဲ့ ငွေသာလာယူကြ။ ဘယ်သူပဲ ဦးဆောင်လုပ်လုပ်။
ခြံစည်းရိုးကို ထိလိုက်တာနဲ့ လျပ်စီးလိုက်၊ ရှော့တိုက်လိုက်သလို ခြံစည်းရိုးမျိုး။
တစ်နိုင်ငံလုံး မှောင်ချင်မှောင်နေပါစေ။ ခြံစည်းရိုး လုံးဝလျှပ်စီးမပြတ်စေနဲ့။😜😜😜
ဟို..သူဋ္ဌေးကျောင်း ထရန်စဖော်မာကတော့ သူ့ထိုက်နဲ့ သူ့ကံပဲ။ 😂😂😂

ရခိုင်ပြည်နယ် အကြမ်းဖက်မှုနဲ့ပတ်သက်ပြီး လက်တွေ့သိပ်မကျတဲ့ ပညာတတ် အယူအဆတစ်ခုရှိတယ်


ဒါတွေဟာ အဓိကအားဖြင်း
၁) ဆင်းရဲမွဲတေမှု
၂) ပညာမတတ်မှုကြောင့် ဖြစ်ရတာ ဆိုတာပါပဲ။ 

ဒါပေမဲ့ ဒီအယူအဆက အောက်မှာမေးမယ့် မေးခွန်းကို မဖြေနိုင်ဘူး။
ဟုတ်ပါပြီ။ ဒါကို အကြောင်းတစ်ရပ်အနေနဲ့ လက်ခံပါတယ်။ ဒါပေမဲ့
ဆင်းရဲမွဲတွေတာ၊ ပညာမတတ်တာနဲ့ပဲ တာဝန်ကျ စခန်းမှူးကို ခေါင်းဖြတ်သတ်ရတော့မှာလား။ ?????
သူက ဆက်ပြောလာစရာရှိပြန်တယ်။
လူတန်းစားခွဲခြားဆက်ဆံမှု။
ဒါဆိုရင်
ဟောဗျာ အခြား မြန်မာ့ တိုင်းရင်းသားတွေထဲမှာလည်း မြန်မာက သူတို့ကို နှိမ်တယ်၊ မြန်မာက လူမျိုးကြီးဝါဒလို့ ယုံကြည်သူတွေ ရှိတယ်။ ဒါပေမဲ့ တာဝန်ကျ စခန်းမှူးကို ခေါင်းမဖြတ်ကြပါဘူး။
မြန်မာ့ကျေးလက်က ရွာတွေမှာလည်း ထင်သလောက် ပညာမတတ်ကြ၊ ထင်သလောက် မချမ်းသာကြဘူး။
နောက်ပြီး အကြမ်းဖက်မွတ်စလင်တွေထဲမှာ ပညာတတ်တွေပါတယ်။ ဒါဆို ဘယ်လို ရှင်းပြကြမလဲ။
အထက်က အကြောင်းပြချက်နှစ်ခုဟာ ဟုတ်မလိုလိုနဲ့ ဘာအဖြေမှ မပေးနိုင်တဲ့ အယူအဆသာဖြစ်ပါတယ်။
ကျနော်ကတော့ ဒီကိစ္စမှာ ပညာတတ်၊ လူမိုက်ကြီး ဟားဗတ်ပါမောက္ခ ဟန်တင်တန်ကိုပဲ ယုံကြည်တယ်။
The Clash of Civilisations.
လူ့ယဉ်ကျေးမှု ပဋိပက္ခ။
ဇင်ဝေသော်

မနေနိုင်လို့ ပြောပါရစေ


ဒေါ်စုနဲ့ ကာချုပ် တရားဝင်/မဝင် နားလည်မှုတွေ ရှိနေပြီးသားဖြစ်မယ်လို့ ယုံကြည်ပါတယ်။ မနေနိုင်လို့ ပြောချင်ပါတယ်။ လူတတ်လုပ်ခြင်း မဟုတ်ရပါ။ မနေနိုင်လို့သာပါ။

၁) မြန်မာ့တပ်မတော်
ကျေးဇူးပြုပြီး ...
သူမနဲ့ အတူရပ်ပေးပါ
သူမနဲ့ အတူ တက်ပေးပါ
သူမနဲ့အတူ ဆုတ်ပေးပါ။
လက်ရှိအခြေအနေဟာ "စစ်ဦး ဘီလူး" ဗျူဟာပဲလို့ ယူဆပါတယ်။ အဆုတ်တွေ၊ အတက်တွေ၊ မဟာဗျူဟာအရွှေ့တွေ သေချာပေါက် ရှိနေအုံးမှာပါ။

၂) မြန့်မာ တပ်မတော် စစ်ထောက်လှမ်းရေး
ကျေးဇူးပြုပြီး...
သတင်းအတိအကျတွေ မပို၊ မလို သူမဆီ အကုန် ပို့ပေးကြပါ။
သူမဟာ ကမ္ဘာကိုပြောနိုင်တဲ့ နိုင်ငံတော်ကြီး တစ်ခုလုံးရဲ့ ပါးစပ်ပေါက် ဖြစ်နေပါတယ်။
-သတင်းတွေက ချဲ့ကားနေရင် သူမ သိက္ခာကျတယ်၊ နိုင်ငံတော် သိက္ခာကျတယ်။
-သတင်းတွေလိုနေရင် နိုင်ငံတော်အတွက် နစ်နာတယ်။

ဇင်ဝေသော်

သူမနဲ့ အတူပဲ ရှိနေမယ်


ဦးသိန်းစိန်လက်ထက်က ဦးသိန်းစိန်ဟာ အဘအဆက်ဆက်သုံးခဲ့တဲ့ အိမ်သာခွက်ကို ဝင်ဆေးနေရသူလို့ ထင်ခဲ့မိတယ်။ မှန်လည်း မှန်တယ်ထင်တယ်။ ဒါပေမဲ့
ခေတ်အဆက်ဆက်ရဲ့ အိမ်သာခွက်ကို အဆဲခံ၊ အဆိုခံ၊ အကြိမ်းမောင်း ခံ (ရင်နာစရာပဲ ပြည်တွင်းကတောင် ပါနေသေး) ပြီး ဆေးနေရသူက လက်မောင်းပိန်ပိန်၊ ခေါင်းမာမာ၊ ဉာဏ်ပညာနဲ့သတ္တိကြီးကြီး အမျိုးသမီးကြီး ဖြစ်နေတယ်။



ပြုပြင်ပြောင်းလဲရေး အစိုးရမို့လား
မဟာဗျူဟာ အလှည့်မကျသေးလို့လား
ရွေးကောက်ပွဲမှာ သေချာပေါက် အနိုင်တွက်ခဲ့လို့လား
ဒီကိစ္စကို ဦးသိန်းစိန် မကိုင်တွယ်ခဲ့ဘူး။
အခုရှိနေတဲ့ အမျိုးသားရေးလှိုင်းက အဲ့ဒီကတည်းက ရှိနေ၊ တောင်းဆိုနေပြီးသား။
ဘာနေနေ ရှိစေတော့။
အခု ကမ္ဘာနဲ့ ကျနော်တို့ အဖွားအိုကြီး။

အာရပ်ကမ္ဘာအသံ
ကမ္ဘာတစ်ခြမ်းအသံ
ကုလသမဂ္ဂအသံ
ဘာသံကိုမှ သူမ နားမထောင်းဘူး။
ရော့ အင့် ပြန်ယူလေ နိုဘယ်ဆု
"မင်း မရှိလည်း နေတတ်ပါတယ်"


မွတ်စလင် နိုင်ငံကြီးနဲ့ ကျောချင်းကပ်နေတဲ့ နိုင်ငံတိုင်း ရင်ဆိုင်နေရတဲ့ ပြဿနာကြီး။

ကျနော်ဟာ ရီဂျင်နယ်လစ်ဇင်ပါ
လူ့ပြည်နဲ့ နတ်ပြည် တိုက်ပွဲဖြစ်ရင်
လူ့ပြည်ကနေမှာပါ။
အရှေ့နဲ့အနောက် တိုက်ပွဲဖြစ်ရင်
အရှေ့ဘက်က ဝင်တိုက်မှာပါ။
ကမ္ဘာ့နဲ့မြန်မာ ရန်ဖြစ်ရရင်
မြန်မာဘက်က ဝင်ဖြစ်မှာပါပဲ။


ဘာနေနေ မြန်မာပြည်က အဖွားအိုကြီးနဲ့အတူ အဝေးကနေ ကျနော် အတူရှိနေပါတယ်။

ဇင်ဝေသော်