(New version for dog lovers)

"နောက်ဆုံး "အချစ်ဆုံးသတ္တဝါ ခွေး" လို့ လူသိရှင်ကြား စတေးတပ် တင်ကြ တဲ့ကောင်မလေးတွေနဲ့ပတ်သက်ပြီး သူတို့စတေးတပ် တကယ်မှန်၊ မမှန် စုံစမ်းထောက်လှမ်းဖို့ "Watch dog" တွေကို တာဝန်ပေးထားပါသလား၊ စတေးတပ်နဲ့ မညီညွတ်ခဲ့သော် သူတို့အပေါ် အရေးယူဒဏ်ခတ်မှုက ဘယ်လို မျိုးပါလဲ။ မမှန်ခဲ့ဘူးဆိုရင်တောင်...သူ့တို့အမေတွေက မုန့်ဖိုးလျှော့ပေးရုံ..."

ကျနော်က ခွေးတစ်ကောင်ပါ။ မရှင်းမလင်းတာလေးတွေ မေးချင်လို့ ခွင့်ပြုပါ။ ဒီမိုကရက်တစ်ကျကျ ဖြေဆိုပေးလိမ့်မယ်လို့ ယုံကြည်ပါတယ်။




၁။ ထာဝရဘုရားရှင်ရဲ့ လက်ရှိရာထူးက ပါတီစုံစနစ်နဲ့ ရွေးကောက်တင်မြှောက် ထားတဲ့ရာထူး မှန်ပါသလား။ Please don't mind နော်ဖျာ့။

၂။ မကြည့်ချင် မမြင်ချင်လို့ မျက်စိမှိတ်ပြီး လူရဲ့ ခြေသလုံးကိုဆွဲလိုက်မိတာ ဟာ ခွေးအခွင့်အရေး ချိုးဖောက်ရာ ရောက်ပါသလား။

၃။ ဘာရယ်မဟုတ် မည်းမည်းမြင်ရာ ဟောင်လိုက်မိတာကို နောက် က ခွေးတွေ ကလည်း (ဘာရယ်မဟုတ်) တအုံကြီးလိုက်ဟောင်ကြတယ်။ ဒါဆို သူတို့က ကျနော့်ကို "Like" လုပ်တာလား "Share" လုပ်တာလား။

၎။ အဲသလို ဖြစ်လာရင် ကျနော်ဟာ စည်းရုံးရေးကောင်းသူ ဖြစ်ပါပြီလား။ နိုင် ငံရေး လုပ်လို့ရပြီလား။

၅။ နိုင်ငံရေးပါတီတွေထဲမှာ ခွေးသားမစားတဲ့ ပါတီမရှိသေးပါ။ ခွေးသား မ စားတဲ့ ပါတီကိုပဲ မဲပေးလိုခြင်းဟာ အမြင်ကျဉ်းမြောင်းခြင်း ဟုတ်ပါသလား။ ဒါမှမဟုတ် ဒီမိုကရေစီကို နားမလည်ခြင်းလား။

၆။ "လူမှာအဝတ်၊ တောင်းမှာအကွတ်" တဲ့။ ဖြစ်သင့်တာက "ခွေးမှာအဝတ်၊ တောင်းမှာအကွပ်" ပါ။ လူတွေကအဝတ်အစား ပြောင်းဝတ်ပြီး ထင်ရာတွေလုပ်နေနိုင်တယ်။ တကယ်က "လူမှာကျင့်ဝတ်၊ တောင်းမှာအကွပ်" မဟုတ်ဘူးလား ဖျာ့။

၇။ စစ်ဗိုလ်ချုပ်လူထွက်တွေအချင်းချင်း ဦးသူကထောင်ချနေတာကို ဘာလို့ "Dog eats dog" လို့ ခေါ်ကြပါသလဲ။ "General eats general" ဖြစ်သင့်တယ် မဟုတ် ဘူးလား။

၈။ ကျနော်နဲ့ ဟိုဘက်အိမ်က ခွေးမလေး (ကိုးကွယ်မှု မတူပါ) ရပြီး ခွေးလေး ငါးကောင်မွေးလာပါတယ်။ သူတို့ဟာ ဗုဒ္ဓဘာသာဖြစ်သင့်သလား၊ မွတ်စ လင်ဖြစ်သင့်သလား၊ ခရစ္စယန်ဖြစ်သင့်သလား။ မျက်နှာမလိုက်ကြေးနော် ဖျာ့။

၉။ ကောင်းကင်ဘုံမှာဆိုရင် ကျနော်တို့နေရာဟာ ဆိုဖာလား၊ တံခါးပေါက် လား၊ အမှိုက်ပုံလား။

၁၀။ ကောင်းကင်ဘုံရောက်ဖို့ တွေ့တဲ့လူတိုင်းကို "အဘ" ခေါ်စရာ လိုသလား။

၁၁။ "ခွေးတောင် ကျွေးတဲ့လက်ကို မကိုက်ဘူး" ဆိုတဲ့ စကားပုံဟာ ကျနော် တို့ကို နှိမ့်ချဆက်ဆံရာ (ဒစ်စ်ခရိုင်မီနေးရှင်း) မရောက်ဘူးလား။

၁၂။ ကျနော်တို့ ကစားနေကျ၊ အီးအီးပါနေကျ အဆောက်အဦကြီးဟာ အ ခု ဟော်တယ်ဖြစ်တော့မယ်လို့ ကြားရပါတယ်။ ဒါကိုပဲ ပြုပြင်ပြောင်းလဲခြင်း (Reform) လို့ ခေါ်ပါသလား။

၁၃။ ဟော်တယ်ဖြစ်သွားရင် ကစားလို့၊ အီးအီးပါလို့ မရတော့ပါ။ ဒီ အတွက် ကျနော်တို့က နစ်နာကြေးတောင်းဆိုရင် ရနိုင်ပါသလား။ တည်ဆဲ၊ တည် ဖို့ကြိုးစားဆဲ ဥပဒေတွေနဲ့ ညီညွတ်ပါသလား။

၁၄။ မျက်စိနောက်လောက်အောင် ဝတ်စားထားတဲ့လူတွေကို ဟောင် မိတဲ့ အတွက် တောင်ပန်စကားပြောဖို့ (အပေါ်လောဂျိုက်ဇ်) လိုအပ်ပါသလား။ ဒါမှမဟုတ် ဒါဟာ ကိုယ်ပိုင် လွတ်လပ်ခွင့်လား။

၁၅။ နောက်ဆုံး "အချစ်ဆုံးသတ္တဝါ ခွေး" လို့ လူသိရှင်ကြား စတေးတပ် တင်ကြတဲ့ကောင်မလေးတွေနဲ့ပတ်သက်ပြီး သူတို့စတေးတပ် တကယ်မှန် မမှန် စုံစမ်းထောက်လှမ်းဖို့ Watch dog တွေကို တာဝန်ပေးထားပါသလား၊ စတေးတပ်နဲ့ မညီညွတ်ခဲ့သော် သူတို့အပေါ် အရေးယူဒဏ်ခတ်မှုက ဘယ်လိုမျိုးပါလဲ။ မမှန်ခဲ့ဘူးဆိုရင်တောင် အများကြီးတော့ အရေးမယူစေချင်ပါ။ သူ့တို့အမေတွေက မုန့်ဖိုးလျှော့ပေးရုံ၊ ဟန်းဖုန်းကို ဆိုင်းလင့်လုပ်၊ လက်ကိုင်အိပ်ထဲထည့်ထားပြီး ပျောက်လို့ဆို ဒေါင်ချာစိုင်းအောင် လိုက်ရှာနေတာလောက်တော့ လုပ်သင့်တယ်ဖျာ့။ ဒါမှ မှတ်သွားကြမှာ။

ကျေးဇူးပြုပြီး ဒီမိုကရက်တစ်ကျကျ ဖြေဆိုပေးပါ။ ဒါဟာ လူတွေလို ကွန်ပ လိန်းတက်နေခြင်း၊ အခွင့်အရေးတွေ တောင်းဆိုနေခြင်းမဟုတ်ဘဲ အင်တယ် လက်ကျူယယ်မေးခွန်းသက်သက်တွေမို့ ဖြေဆိုပေးမယ်လို့လည်း ယုံကြည် ထားပါတယ်။

(ဝေါင်း ဝေါင်း ဝေါင်း)
လေးစားစွာဖြင့်
ခရစ္စတိုဖာ စတီဗင် အောင်နက်
မြန်မာပြည် 

ကျားသတ္တဝါက ရေဆင်းကူးပေမဲ့ ငါးခမျာမှာတော့ ကုန်းပေါ်မှာ မကျက်စားဝံ့ပါ။
ဝေဟင်ယံမှာ လေယာဉ်ပျံမည်မျှပင် စွမ်းစေဦးတော့ ငှက်ငယ်ကိုမမီနိုင်ကြောင်း ရှက်စဖွယ်ဆိုကြပါလိမ့်မယ်။
သက်နုနုံးမြေက မြေဩဇာကိုဖြစ်စေသလို သက်ရင့်ပံသုက ရွှေကိုဖြစ်စေပါတယ်။
ငှက်ဘဝ ငါးဘဝမှ ဝင်စားခဲ့ဟန်တူသော အနုပညာသည် ကျွန်တော်သည်.....
(ဂီတစာဆို မောင်ကြေးမုံက မေဆွိရဲ့ ပုဇွန်ဆိတ် စီးရီးထဲမှာ ပြောထား တဲ့ စကားတွေပါ။ ကလေးဘဝကရခဲ့တာဖြစ်ပြီး သူ့အသံအတိုင်း အော်အော်ကြည့် မိလို့ မေ့လည်းမမေ့၊ ဘာအဓိပ္ပါယ်မှန်းလည်းမသိခဲ့ဘူး။ ကြိုက်တယ်။ အခုမှ စဉ်းစားတော့ သူ မအိုသေးဘူးလို့ ပြောချင်ဟန်တူတယ်လို့ ရေးတေးတေး သဘောပေါက်မိတယ်၊ မှန်ချင်မှလည်း မှန်မှာ)

ဖရန်စွာနဲ့အဲလက်စ်

ခဏပဲဖြစ်စေ ဖရန်စွာနဲ့အဲလက်စ်ဆိုသည့် ပြင်သစ်လေးနှစ်ယောက်နဲ့ ရင်းနှီး မိတ်ဆွေဖြစ်ခဲ့ဖူးပါသည်။ သူတို့ကလည်း အင်္ဂလိပ်မကောင်း ကျနော့်အင်္ဂလိပ် ကလည်း အိုနင်းခွက်နင်းမို့ စကားပြောရတာလက်ပေါက်ကပ်ပေမဲ့ ပျော် စရာတော့ကောင်းပါသည်။ နာမည်တွေအပြန်အလှန်မေး၊ စကားတွေပြော၊ မန္တလေးတောင်နဲ့ ဆွေမျိုးတော်စပ်တဲ့ကျနော့်အခန်းလေးထဲအထိ သူတို့ လိုက် လာပြီး သူတို့ကိုလည်း ကော်ဖီတစ်ခွက်စီတိုက်လိုက်ပါသည်။ အခုပြောချင်တာက သူတို့ကို အမှတ်တရဖြစ်နေစေသည့်အကြောင်းသာ ဖြစ်သည်။

သူတို့ပြန်ခါနီး နှုတ်ဆက်ကြသည့်အခါ ဂွတ် ဘိုင်၊ ဆီး ယူ"...."ဆိုပြီး သူတို့က နာမည်ခေါ်နှုတ်ဆက်ကြပေမဲ့ သူတို့နာမည်တွေကတော့ ကျနော့်ပါးစပ် ထဲ ရောက်မလာခဲ့ပါ။ ပါးအရိုက်ခံလိုရသလို ခံစားရပါသည်။ သူတို့နာမည်တွေက ကိုယ်နဲ့မှမရင်းနှီးတာလို့ ဆင်ခြေတက်ကြည့်ပေမဲ့ မလုံလောက်ပါ။ ကျနော့်နာမည် ကလည်း သူတို့အတွက် လွယ်ကူလှမည် မဟုတ်ပါ။
ထိုမှနောက် အပျင်းပြေနာမည်မေးခြင်းမျိုး မလုပ်ဖြစ်တော့၊ မေးမိလျင်လည်း ခပ်ဖွဖွတော့ရွတ်ကြည့်နေမိတတ်သည်၊ အတတ်နိုင်ဆုံးတော့ မမေ့အောင် ကြိုးစားမိသည်။ ဤအချက်က ကျနော့်ရဲ့ ပေါင်းသင်းဆက်ဆံရေးအပေါ်မှာပင် အကျိုးသက်ရောက်မှု ရှိကောင်းရှိနေနိုင်ပါသည်။ ကျနော်သည် ပေါင်းသင်းဆက်ဆံရေမှာ အထနှေးတတ်ပါသည်။

ပိုင်နက်

သူငယ်ချင်း ကဗျာဆရာနှစ်ယောက်ရှိခဲ့ဖူးပါသည်၊ တစ်ယောက်နဲ့ကတော့ အခု အထိရန်ကုန်ပြန်စဉ် တွေ့ဖြစ်ပါသည်။ တစ်နေ့ သူ့ကို
"မင်းအနေနဲ့ ရဟန်းဘွဲ့ ကိုခေါ်တာ ကြိုက်သလား၊ ကလောင်နာမည်ကိုခေါ်တာ ကြိုက်သလား" လို့ မေးတော့
"ရဟန်းဘွဲ့ဆိုတာကကွာ ဘာမှမလုပ်လည်း ရနေတာပဲ၊ ဒီကလောင်နာမည်လေး ရဖို့ ငါ တအားကြိုးစားခဲ့ရတာ၊ မွေးရာပါအခွင့်အရေးမဟုတ်ဘူးဟ" လို့ သူကဖြေပါသည်။
သဘောတူပါသည်။ ဒါ့ကြောင့် သူ့ကို မောင်စူးရဲလို့ပဲခေါ်မိပါတော့သည်။ သူ့ရဟန်းဘွဲ့ကို ကျနော်မေ့နေပြီဖြစ်ပါသည်။ သူ့ကို ကျနော်ချစ်ဖို့ သူ့အနေနဲ့ နိုင်ငံကျော်ကဗျာဆရာဖြစ်ဖို့မလိုပါ။ သူဖြစ်ဖို့ပဲ လိုပါသည်။

လက် တစ်သစ်

မိဘများက ကျနော့်ကိုမွေးပြီး ကျနော်က ဇင်ဝေသော်ကိုမွေးခဲ့ပါသည်။ ဇင်ဝေသော်အပေါ် ဘာလောင်းရိပ်မှ ရှိမနေစေချင်ပါ၊ (ဇင်ဝေသော်က ဒုတိယ သားဖြစ်ပါသည်၊ ပထမသားက သူ့လောက်သတ္တိမရှိခဲ့ပါ၊ ဒါ့ကြောင့် သူ့ကို စာရေးဖို့ မတိုက်တွန်းဖြစ်တော့ပါ)။ ဘယ်လိုပဲဖြစ်စေ လက်ခံနိုင်သော်လည်း အက်ဂျက်တစ်မပါသောဝေါဟာရများကို ဇင်ဝေသော်က မြတ်နိုးဟန်တူပါသည်၊ သူသည် အက်ဂျက်တစ်မရှိသော လူတစ်ယောက်သာဖြစ်သည်။ အားလုံးကို လက်ခံနိုင်သော်လည်း တခါတခါတွေ့ရတတ်သည့် ကွန်မင့်လေးများအပေါ် ဇင်ဝေသော် ကျေနပ်မိသည်ကိုမူ လက်ခံထားမိပါသည်။

"Mg Chit:ဆရာဟန်တင်တန်ကိုထောက်ခံပေမယ့် မြန်မာပြည်ရဲ့သဘာဝ မှိုင်း အရတော့ မျက်စိစပ်ပြီးခေါင်းမမူးတတ်ရင် သာသနာရေးဝန်ကြီးလို ဖြစ်တတ် တယ်တဲ့ ဆရာဇင်ဝေသော်ရယ်။"

"Nyein Chan Ar Kar: ဟန်တင်တန် ပြောတာ မှန်တယ်ဗျ။"

တကယ်တော့ ဆရာဆိုသည့် ဝေါဟာရကသည်ပင် မလိုအပ်ပါ။ သူခေါ်မည် ဆိုရင်လည်း မတားပါ၊ တားခွင့်မရှိပါ။
သူတို့သည် ဝေါပေါ်မှာ မိတ်ဖွဲ့မထားသည့် ဇင်ဝေသော်ရဲ့ သူငယ်ချင်းများဖြစ် ကြပါသည်။

အမှာ။ ။ "ပိုင်နက်လက်တစ်သစ်" ဆိုတာ သူငယ်ချင်း မောင်စူးရဲရဲ့ ထင်ရှားတဲ့ ကဗျာခေါင်းစဉ်ဖြစ်ပါသည်။

ကနေဒါနိုင်ငံသား ဗုဒ္ဓဘာသာ မက်သရူးနှင့်မြန်မာနိုင်ငံသား အစ္စလာမ် မင်းမင်းထွန်းတို့ရဲ့ပွဲပါ....ဘယ်ဖက်ကနေ အားပေးကြမလဲဟေ့..."

ဟန်တင်တန်ရဲ့စီဗီလိုက်ဇေးရှင်းလိုင်းအရဆိုရင်တော့
လူမျိုးမတူပေမဲ့ ကိုးကွယ်မှု(စီဗီလိုက်ဇေးရှင်း)တူရင် ပေါင်းစည်းလို့ရတယ်။
လူမျိုးတူပေမဲ့ ကိုးကွယ်မှု(စီဗီလိုက်ဇေးရှင်း)မတူရင် ပေါင်းစည်းဖို့ခက်တယ် တဲ့။

(ယဉ်ကျေးမှုမှ မတူတာ၊ ထမ်းဆိုလည်း ထမ်းလိုက်ပေါ့)

ထိုင်ဝမ်က ပြီးကာစ ဧရာမကျောင်းသစ်ကြီးထဲမှာ (စေ့စေ့စပ်စပ်ကြည့်မယ်ဆို တစ်ပတ်အတွင်း မပြီးဘူးဆိုပဲ၊ ကြီးတာကတော့ တကယ့်ကို ကြီးတာ) ပန်ချီကား တစ်ချပ်တွေ့ရတယ်။
ဘုရားရှင်ရဲ့ မိဘကျေးဇူးဆပ်ခန်းအကြောင်း ရေးထားတာပါ။ မိခင်ရဲ့ ကျေးဇူးကို ဆပ်တဲ့အခန်းမှာ မယ်တော်မိနတ်သားကို အဘိဓမ္မာတရားဟောကြားပုံပါတယ်။ ဒါက ထေရဝါဒနဲ့ မကွဲပြားဘူး။
ဖခင်ရဲ့ ကျေးဇူးကို ဆပ်တဲ့အခန်းမှာတော့ ခမည်းတော် သုဒ္ဓေါဓနမင်းကြီးရဲ့ ရုပ်အလောင်းကိုမီးသင်္ဂြိင်္ုဟ်ဖို့ ဘုရားရှင်ကိုယ်တော်တိုင် ပခုံးနဲ့ထမ်းပြီး သယ်လာ တာတွေ့ရပါတယ်။ အားနဲ့မာန်နဲ့ပဲ။
ကျောင်း ဥက္ကဋ္ဌက (သူကလည်း သီဟိုဠ်၊ ကလနီယတက္ကသိုလ် ဒေါက်တာ ဘွဲ့တော့ရပြီးသား၊ နာမည်ရှေ့ ဒေါက်တာတပ်တာတော့ မတွေ့မိဘူး)
"ဟေ့ လာကြည့်ကြ၊ တို့ ထေရဝါဒမှာ မတွေ့ရဘူး" တဲ့၊ ပြုံးစိစိနဲ့။
"ဘန္တေ၊ ဘယ်လို သဘောရသလဲ" လှည့်မေးနေလို့
"ယဉ်ကျေးမှုမှ မတူတာ၊ ထမ်းဆိုလည်း ထမ်းလိုက်ပေါ့" လို့ပဲ ဖြေလိုက်တယ်။
ဒီတော့ သူအပြုံးက "ဟား ဟား ဟား" ဖြစ်သွားရော။
သူရောကိုယ်ရော ဓာတ်ပုံရိုက်မယ်လုပ်တော့ ဓာတ်ပုံမရိုက်ရ ဆိုတဲ့ သင်္ကေတကို သွားတွေ့ရတယ်။ ဒါနဲ့ မရိုက်ရ၊ ပုံ မတင်ရတော့ဘူး။
အင်း ပုခေယီဆိုတော့လည်း ပုခေယီပေါ့လေ၊ ဟုတ်ဘူးလား။

ပုံရိပ်တစ်

ထုံးဖြူဖြူစည်းကြောင်းလေး မကျော်ခင်၊ အနက်ရောင်ဝတ်စုံနဲလူကြီးရဲ့ တံပိုး ခရာသံ မညံခင်အထိ ဇာဘာလက်တာနဲ့ဒီမာရီယား၊ အဂွေးရိုးနဲ့ ရိုဂျို (ရိုဟို)တို့ဟာ ပခုံးတွေဖက်ကြမယ်၊ ခေါင်းတွေပုတ်ကြမယ်။ ဂျာမဏီရဲ့လက်ချက်နဲ့ ဘာသာဗေ ဒတူမျက်ရည်တွေ အတူတူကျခဲ့တာမဟုတ်လား။ အဲ ဒါပေမဲ့ ထုံးဖြူဖြူစည်းကြောင်းလေးကို ကျော်လိုက်တာနဲ့ လက်သီးတွေကျစ်ကျစ်ဆုတ်၊ ခရာမှုတ်လိုက်တာနဲ့ အပြန်အလှန် သတ်ကြပုတ်ကြတော့မယ်။ သူတို့ မုန်းလို့ မဟုတ်ကြဘူး။ မုန်းလည်းမမုန်းမိကြပါစေနဲ့။ အနီရောင်ကောင်းကင်ကို ဒီ မာရီယားကဦးဆောင်လာမှာဖြစ်သလို အပြာရောင်ပင်လယ်မှာ အဂွေးရိုးက ပဲ့ကိုင်ရွက်လွှင့်လာလိမ့်မယ်။ ဒီပွဲမျိုးမှာ ဘာအကြောင်းနဲ့မှ ဒီမာရီယားတစ်ယောက် အရန်ခုံပေါ်ရောက်မနေအပ်ဘူး။

ပုံရိပ်နှစ်

စီနီယာဘုရ်ှကို ကလင်တန်က အလဲထိုးတယ်၊ ကလင်တန်ကိုတော ဂျူနီယာ ဘုရ်ှက လက်စားချေတယ်။ မပြေနိုင်တော့မယ့် ရန်ညိုးတွေနဲ့ ရန်သူတော် ကြီးတွေလိုပဲ။ လူကြီးလူကောင်းဆန်ဆန်(ကလေးကလားတွေ မပါခဲ့ဘူး) ဆော်ကြ၊ ကလော်ကြတွေကလည်း သတင်းစာစောင်ရေတွေ တဟုန်ထိုးတက်သည်အထိ။ နိယာမနဲ့အကျဉ်းချုပ်တော့ ရှူံးလိုက် နိုင်လိုက်။ ဒါပေမဲ့ အမျိုးသားရေးကိစ္စနဲ့ကြုံလာတော့ ကလင်တန်က ဘုရ်ှနှစ်ယောက်နောက်မှာ၊ ဘုရ်ှနှစ်ယောက်က ကလင်တန်နောက်မှာ။ သရော်တော်တော်၊ ခနဲ့တဲ့တဲ့အပြုံးတွေက အေးချမ်းလို့။ အဲ ပြိုင်တူတောင် အမျိုးသားရေးအတွက် အံတွေကြိတ်လို့။
ဦးသိန်းစိန်လား၊ ဦးရွှေမန်းလား၊ ဘယ်သူပဲဖြစ်ဖြစ် ၂၀၁၅ ပွဲမှာ ဒေါ်စုဟာ အရံထိုင်ခုံပေါ် ရှိမနေသင့်ဘူး။ ရှိမနေရဘူး။ စွမ်းရင် ရအောင်တား။

ဟုတ်တယ် ရွှေခြံရေ.....
လူမုန်းများကာမှများရော ဒီနေ့ မြင်ချင်တာက ဒီမာရီယားရဲ့ လက်ညှိုးလက်မ ကွင်းပြတဲ့ ဝိုင်းဝိုင်းလေး၊ လာမယ့်နှစ်မှာတော့ လေဒီရဲ့ အပြုံးသန့်သန့် လက်မြှောက်ပြမှုလေးပဲ။
သူတို့ယှဉ်ပြိုင်ခွင့်ရပြီး မျှမျှတတရှူံးသွားမယ်ဆိုရင် နိုင်သူကို ဂုဏ်ပြုဖို့၊ ရှူံးသူကို စာနာဖို့ သွေးကြောင်နေမိမယ် မဟုတ်ပါဘူး။ ဘာလို့လဲဆိုရင် လေဒီကြောင့် တစ်နိုင်ငံလုးံ အစ္စလာမ်မိုက်ဇ်သွားမယ်ဆိုတဲ့ လူပြောများရောင်းကုန်တစ်ခုကို မဝယ်လိုက်မိလို့ပါ။

ကထိန်အာနိသင်နဲ့လူ့ယဉ်ကျေးမှုပဋိပက္ခကို ဘယ်လိုရအောင်ဆက်သွယ် သလဲတော့မသိဘူးပေါ့။
ညီတော်ရဟန်းတစ်ပါးက ဒီလိုဆိုလေရဲ့....
".......လူ့ယဉ်ကျေးမှုက ကထိန်တရားတွေမှာ အတော်လေးအသုံးဝင်နေတယ်၊ သုံးပွဲဟောပြီးပြီ"
သင့်သလိုသာသုံးတော့ ငါရှင်...
ဒါနဲ့စကားမစပ် နယူးကာဆယ်နဲ့ လီဗာပူးလ်က ပထမပိုင်းမှာ ဂိုးမရှိသရေပဲ မြို့ဦးဆရာတော်။

1) If it went right, share with the entire Nation.
2) If it went wrong, take full responsibility, say sorry to the Nation, seek one more chance from the Nation to give him or her.
3) If the mistake what he or she made is too big, leave the position for another who can lead.

Only those who have self-respect can follow these rules.
How many do we have such leader?

အင်္ဂလိပ်စာနဲ့ အလှမ်းကွာတဲ့ စာဖတ်ပရိသတ်အတွက်ဘာသာပြန်ပေးလိုက်ပါ တယ်။
ဆုံးဖြတ်ချက် ချရဲတဲ့ ခေါင်းဆောင်ကို ကျနော်တို့လိုတယ်။ အဲဒီခေါင်းဆောင်ဟာ
၁။ သူ့ရဲ့ဆုံးဖြတ်ချက်မှန်သွားရင် အဲဒီ ဆုံးဖြတ်ချက်ရဲ့အကျိုးရလဒ်ကို တစ်မျိုး သားလုံးနဲ့ မျှဝေနိုင်ရမယ်။
၂။ သူ့ရဲ့ဆုံးဖြတ်ချက်မှားသွားရင်တာဝန်အပြည့်အဝယူရမယ်၊ ပြည်သူ ကို တောင်းပန်နိုင်ရမယ်၊ နောက်မမှားအောင်ကြိုးစားပါမယ်ဆိုတဲ့ကတိနဲ့အတူ ဆက်လက်ကြိုးစားခွင့်ပြုဖို့ တစ်မျိုးသားလုံးဆီက တောင်းခံရမယ်။
၃။ ခွင့်လွှတ်လို့မရလောက်အောင် ကြီးမားတဲ့အမှားမျိုး ပြုလုပ်မိရင် နှုတ်ထွက်၊ စွမ်းနိုင်သူကို ခေါင်းဆောင်ခွင့် လွှဲပြောင်းပေးရဲရမယ်။

ကိုယ့်သိက္ခာကို လေးစားတဲ့ ခေါင်းဆောင်တွေသာ ဒီကျင့်ဝတ်တွေကို လိုက် နာနိုင်တယ်။
အဲသလို ခေါင်းဆောင်မျိုး ဘယ်နှယောက်လောက် ကျနော်တို့နိုင်ငံထဲမှာ ရှိပါသလဲ။
(ရှိသူတိုင်းကို ကြိုဆိုပါတယ်)

The whole world know who she is. But no one has not known how good in politics she is yet.
Why don't we give her the chance that she truly deserves? Let her go, let she build her own team. Then let she run the country.

၁၉၅၀ ခုနှစ်တွေအထိ လုံးဝလက်မခံခဲ့တဲ့ သိပ္ပံပညာရဲ့ မဟာပေါက်ကွဲမှု သီအိုရီ ကို အခု လက်ခံရစပြုလာရပါပြီ။ ပုတ်ရဟန်းမင်းကြီးဖရန်စစ်က မဟာပေါက်ကွဲမှု သီအိုရီဟာ ထာဝရဘုရားရှင်ရဲ့ အခန်းကဏ္ဍကို လုံးဝငြင်းပယ်တာမဟုတ်တဲ့ အ တွက် သမ္မာကျမ်းစာနဲ့ မဆန့်ကျင်ပါဘူးလို့ ပြောကြားသွားပါသတဲ့။
ဒါဆိုရင် မဟာပေါက်ကွဲမှုသီအိုရီနဲ့ပူးတွဲပါလာမယ့် အီဗိုလူးရှင်းသီအိုရီကိုတော့ လက်မခံဘူး(သို့)လက်မခံသေးဘူးလို့ဆိုလိုရာလည်း ရောက်နေပါတယ်။ ဒီလိုပြောလို့ ခရစ်ယန်ဘာသာဝင်တွင်အနေနဲ့ စိတ်မရှိစေချင်ပါ။ မဟာပေါက်ကွဲမှု သီအိုရီကိုလည်း ၁၉၅၀ ခုနှစ်တွေမတိုင်မီ ဒီလိုပဲ ငြင်းပယ်ခဲ့တာပါ။






မဟာပေါက်ကွဲမှုသီအိုရီနဲ့အီဗိုလူးရှင်းသီအိုရီကိုပေါင်းစပ်လိုက်ရင်တော့ ထာဝရ ဘုရားရှင်ရဲ့ဖန်ဆင်းမှုအခန်းကဏ္ဍက၊ အစကတည်းက လူစင်စစ် စတဲ့အခန်း ကဏ္ဍက တော်တော်ကျဉ်းသွားပြီး နေရာ လုံးဝမရှိတော့တာလည်း ဖြစ်သွားနိုင်ပါ တယ်။ ဒီကိစ္စမျိုးရေးမိတဲ့အတွက် အာရှတိုက်ရှိ ဆင့်ပွားခရစ်ယန်တွေကို (လိုအပ်ရင်) တောင်းပန်ပါတယ်။
မူလခရစ်ယန်တွေဖြစ်ကြတဲ့ ဥရောပတိုက်သားတွေအထဲမှတော့ သူတို့ချင်း ခွက်ခက်လန်အောင် ဒီကိစ္စကို ဒီဘေ့(တ်)လုပ်ခဲ့ကြ၊ လုပ်နေကြပါပြီ။ ဒီအထဲမှာ ပါမောက္ခ Richard Dawkins ရဲ့ "The God Delusion" က သိပ္ပံအဆန်ဆုံး၊ အသံအကျယ်ဆုံးလို့ ယူဆရပါတယ်။ ဘက်ဆဲလားတစ်အုပ်လည်း ဖြစ်ပါတယ်။ ဘယ်လိုပဲဆိုဆို လူကောင်းက လူကောင်းပါ။ ခရူးဆေ့စစ်ပွဲတွေပြီးသွားကတည်းက ဥရောပဟာ အငြိမ်းချမ်းဆုံး၊ အချင်းချင်း ပဋိပက္ခအနည်းဆုံး နယ်မြေပါ။