ဒကာမလည်း သနပ်ခါး မလူးရ၊ ရဟန်းတွေလည်း ဝါဆိုသင်္ကန်း မရ

ဖြစ်ပုံက ဤသို့တည်း။

လွန်ခဲ့သည့် တနင်္ဂနွေနေ့က မျက်နှာသိ ဒကာတစ်ယောက် ဝါဆိုသင်္ကန်း လာကပ်၏။ မိမိက ကော်မတီအစည်းအဝေးရှိနေသဖြင့် မတွေ့လိုက်၊ သူတွေ့သော ရဟန်းကို ကပ်လှူထားခဲ့၏။
ထို သင်္ကန်းက လေးလံလွန်းသည်။ ရှစ် ကီလိုဂရမ်မျှရှိ၏။ အဘယ်သို့သော ဝါဆိုသင်္ကန်းပေနည်း။ အဆမတန် လေးပဲလေးလံလွန်းချေသည်။
ထို သင်္ကန်းကိုလက်ခံရရှိလိုက်သော ရဟန်းက သံသယဖြင့် သင်္ကန်းဗူးကို ဖွင့်ကြည့်လိုက်မိလေတော့သည်။
ဝေယျာဝစ္စများပြီး၍ ည ကိုးနာရီခန့်အချိန် ကျောင်းပေါ်ပြန်ရောက်တော့မှ ထူးဆန်းလေးလံလှသည့် သင်္ကန်းကိုလက်ခံရရှိလိုက်သော ရဟန်းက ၎င်းသင်္ကန်းကို ယူလာကာ မိမိကိုပြသည်။ မှန်၏။ ဝိသာခါတို့ဝတ်ဆင်သည့် မဟလ္လက ဝတ်စုံအလား လေးလံလွန်းချေ၏။

သို့ဖြင့် ဖွင့်ကြည်ရာ တိပ်ကပ်ထားသော ထို သင်္ကန်းဗူးထဲမှာ
၁။ ဘာသင်္ကန်းမှ မပါ။
၂။ သနပ်ခါးသွေးသည့် ကျောက်ပြင် အငယ်စား တစ်ခု (စက္ကူဖြင့် ပတ်ထား ၏)
၃။ သနပ်ခါးတုံး လေးတုံး (စက္ကူဖြင့် ပတ်ထား၏)
၎။ မြန်မာပြည်ထွက် မိတ်ကပ် နှစ်ဗူး
၅။ ပိတ်မထားသော စာတစ်စောင် ပါဝင်လေသည်။( လိပ်စာ၊ ဘာညာ ဆက် သွယ်ရန် မပါ)
သင်္ကန်းဆိုင်၏ အမှားလား၊ထို ဒကာ၏ အမှားလား မသိ။ ယင်းဒကာကို သိ၏ သို့သော် သူ့ ဖုန်းနံပတ်ကို မသိသဖြင့် ဆက်သွယ်လို့ မရဖြစ်နေရ၏။




ယခု သတင်းထုတ်ပြန်ချိန်အထိ ထို ဝါဆိုသင်္ကန်းသည် ရှစ် ကီလိုဂရမ် မျှလေးလံလျက်ရှိသေးကြောင်း၊ အလေးချိန် မလျော့သေးကြောင်း တွေ့ ရသည်။

(24/07/2013 17:01)

ဒီမိုကရေစီ ခေတ်ဦး ?


အချိန်လေးရခိုက် မန္တလေးသတင်းလေးများ သိရမလားဆိုပြီး ဝင်ကြည့်မိပါတယ်။
ကိုယ့်လာမှန်မှာကြောက်လို့ နောက်ဆုတ်လိုက်ရတယ်။ ဖြစ်ရလေ။
ကိုယ့်ပေ့ဂ်ျလေးပေါ်ပြန်ရောက်တော့ ခြောက်ကပ်ကပ်လေးပေမဲ့ လူသန့်နေတယ်၊ စကားသန့်နေတယ်။
အပြန်အလှန် လေးစားနားလည်မှုရှိနေတယ်။ တော်ပြီပေါ့။
လူတချို့ဟာ စိတ်ကုန်လောက်အောင် အောက်တန်းကျနေတယ်။
အစစ ချွတ်ခြုံကျခဲ့ပြီးတဲ့နောက် ဒီမိုကရေစီ ခေတ်ဦးမှာ ယဉ်ကျေးမှုပါ ကျရှုံးလာနေတယ်။
ဝမ်းနည်းပါတယ် မန္တလေးရယ်
ဘာပြောရမှန်း မသိတော့ပါဘူး။

အဘိဓမ္မာသင်တန်းသူ သင်တန်းသားများ၏ စုပေါင်းဝါဆိုသင်္ကန်းဆက်ကပ်လှူဒါန်းပွဲဖိတ်ကြားလွှာ


နမော တဿ ဘဂ၀တော အရဟတော သမ္မာသမ္ဗုဒ္ဓဿ
ဓမ္မမိတ်ဆွေအပေါင်း သူတော်ကောင်းတို့
စင်္ကာပူနိုင်ငံအတွင်း အဘိဓမ္မာတရားတော်များကို သင်ကြားပို့ချပေးလျက်ရှိသော ဆရာသခင်သံဃာတော်အရှင်သူမြတ်တို့အား အဘိဓမ္မာသင်တန်းသူ သင်တန်းသားများနှင့် ဗုဒ္ဓဘာသာဝင်သူတော်စင်များ အားလုံးစုပေါင်း၍ ၀ါဆိုသင်္ကန်း ဆက်ကပ်လှူဒါန်းပွဲ အခမ်းအနားကို ကျင်းပပြုလုပ်မည် ဖြစ်ပါသောကြောင့် ကျွန်တော် ကျွန်မတို့နှင့် အတူ ပါဝင်ကုသိုလ်ယူ ဆက်ကပ်လှူဒါန်းနိုင်ကြစေရန် အလို့ငှာ နိဗ္ဗာန် အကျိုးမျှော်၍ တိုက်တွန်းနှိုးဆော်အပ်ပါသည်...
အခမ်းအနားအစီအစဉ်
နေ့ရက် ။ ။ ၂၀၁၄ ခု ဇူလိုင်လ (၆) ရက် တနင်္ဂနွေနေ့။
အချိန် ။ ။ ညနေ  ၃း၃၀ မှ ၅း၃၀ နာရီအထိ။
နေရာ ။ ။ မင်္ဂလ၀ိဟာရဘုန်းတော်ကြီးကျောင်း ၊ (30 JalanEunos, Singapore 419495)
နတ်လမ်းညွှန်။ ။ အနီးဆုံး MRT - Eunos MRT (Bus: 21, 60, 63, 93, 854)

Join event on Facebook
waso 2104 event-rd

လှူဖွယ်ဝတ္ထုများကို အောက်ဖော်ပြပါ အကျိုးတော်ဆောင်များထံတွင် ကြိုတင်စာရင်းပေးသွင်း လှူဒါန်းခြင်းဖြင့် သော်လည်း ကောင်း ၊ အခမ်းအနားတွင် ကိုယ်တိုင်ကိုယ်ကျ လာရောက်ဆက်ကပ်လှူဒါန်းခြင်းဖြင့်သော်လည်းကောင်း ကုသိုလ်ယူ ပူဇော်နိုင် ကြပါသည်။
၁။ ပရိက္ခရာရှစ်ပါးတစ်စုံလျှင် ဒေါ်လာ ၅၀ (S$ 50) ။
၂။ သင်္ကန်းတစ်စုံလျှင် ဒေါ်လာ ၃၀ (S$ 30) ။
၃။ ထီး၊ ဖိနပ်၊ ယပ်၊ နီသီဒိုင်(တစ်မျိုးလျှင်) ဒေါ်လာ ၁၀ (S$ 10) ။
ဆက်သွယ်ရန်အကျိုးတော်ဆောင်များ
အဘိဓမ္မာအသင်းကြီး(စင်္ကာပူ) - ကိုဇော်မျိုးမင်း: 90479374 ၊ မသန်းလဲ့ခိုင်: 92770249
ပညာပါရမီအသင်း(စင်္ကာပူ) - မမြမြမွန် : 83223535 ၊ မမြင့်မြတ်ဆွေ : 90069742
ထားဝယ်မိသားစု ပရဟိတအသင်း(စင်္ကာပူ) - ကိုထိန်လင်းဦး : 91955332 ၊ ကိုကျော်ကျော်ထွေး : 91250701

မင်္ဂလာမနက်ခင်းပါ ဘောလုံးဝါသနာရှင် မိဘပြည်သူများ ခင်ဗျား


မိဘပြည်သူများသိကြတဲ့အတိုင်း အခုဆိုရင် ကမ္ဘာ့ခွက်လုပွဲကြီးကလည်း ရုပ်လုံးပေါ်လာပြီဖြစ်ပါတယ်။
ပထမဆီမီးဖိုင်နယ်မှာ အိမ်ရှင် ဗလာစည်းအသင်းနဲ့ ကြားမန့်အသင်းတို့ ထိပ်တိုက်တွေ့ဆုံမှာဖြစ်ပြီး ဒုတိယဆီမီးဖိုင်နယ်မှာတော့ နာချင်ပြီလား အသင်းနဲ့ အော်လန်အသင်းတို့ တွေ့ကြမှာဖြစ်ပါတယ်။ အားလုံးက သမ္ဘာရှိ လက်ရဲဇက်ရဲတွေချည်းပဲမို့ ဘယ်သူနိုင်မလဲ၊ ဘယ်သူက ဘယ်လိုဆိုတာ ဘယ်သူမှ၊ ဘာမှ ဝင်မပြောရဲပါဘူး ခင်ဗျား။ ပြောမိရင်လည်း မချောင်လှလို့ ဖြစ်ချင်ရာ ဖြစ်ကြကွာဆိုပြီး သူတို့လေးသင်းကိုပဲ ထိုင်ကြည့်နေကြရုံပဲ ရှိပါတော့တယ်။

ဘောလုံးဝါသနာရှင် မိဘပြည်သူများခင်ဗျား
မိဘပြည်သူများ သိကြတဲ့အတိုင်း အိမ်ရှင် ဗလာစည်းအသင်းကလည်း ဗလာစည်းဆိုတဲ့အတိုင်း ဗလာစည်းပါပဲ ခင်ဗျား၊ ကြိုက်သလို ကစားခွင့်ပြုထားပါတယ်။ ဧည့်သည် ကြားမန့်အသင်းအသင်းကလည်း မခေပါဘူး။ ကြောက်ခမန်းလိလိ ကြားကနေ ဝင်ဝင်မန့်တတ်ပါတယ်။ မန့်ရာမှာလည်း အမေတွေ၊ နှမတွေ၊ သာတီတူး အောဂင်းတွေ(၃၂ ကောဋ္ဌာသ) အစုံပါပဲ။ အလွန်ကြည့်ကောင်းမယ့်ပွဲဖြစ်ပြီး ရင်သပ်ရှုမောဖွယ်တွေ တွေ့မြင်ကြရမှာ ဖြစ်ပါတယ်။

အခုလက်ရိအနေအထားအရ နာချင်ပြီလားအသင်းနဲ့ အော်လန်အသင်းတို့ပွဲကို ပထမပွဲလောက် လူစိတ်မဝင်စားလှသေးဘူးဖြစ်နေပါတယ်။ ဒါပေမဲ့ နာချင်ပြီလားအသင်းကလည်း နာချင်ပြီလားဆိုတဲ့အတိုင်း နာချင်ပြီလားလို့ပဲ မေးနေပါတယ်။ ဒါကို အော်လန်အသင်းကလည်း နည်းနည်းလေးမှ ဂရုစိုက်မယ်မဟုတ်ပါဘူး။ သူကလည်း နာမည်တစ်လုံးနဲ့အသင်းကြီးပါ။

ကမ္ဘာ့ခွက်လုပွဲ တိုက်ရိုက်အစီအစဉ်တွေကို စကိုင်းနက်ကနေ တိုက်ရိုက် ထုတ်လွှင့်မှာ မဟုတ်ဘဲ အခြေအနေအရ အိမ်နီးချင်း မန္တလေးနက်ကနေ ပြောင်းလဲထုတ်လွှင့်မှာဖြစ်တဲ့အကြောင်း ကြိုတင်အစီရင်ခံအပ်ပါတယ် ခင်ဗျား။




ဦးကိုမောင်

စနေဘောလုံး


တော်လောက်ပြီထင်တယ် ရွှေခြံရေ
ကမ္ဘာ့ခွက်ဆီ လှည့်ဦးမယ်။ အာဂျင်တီးနားက သာရိပ်ရှိပေမဲ့ ပေးထားတဲ့ကြေးက ၁၁ လေး ၁၀ လေး တဲ့။
မက်စီသာ မစီလို့ကတော့ အာဂျင်တီးနားကတော့ တစ်နိုင်ငံလုံး ဘောရှုံး ငွေ ရှုံးနေမယ်။
မက်စီအသည်းစွဲတွေဆဲရင်လည်း ခံရမှာပဲ လက်ရှိခြေနဲ့ကတော့ ကုမ္ပဏီကိုကျော် ဖို့ ခက်မယ်။
အချိန်ပိုမပါရင် သရေပဲထင်တယ်။
ဘယ်လိုပဲဖြစ်ဖြစ် ဟာ့ဇာ့တ်က ထက်ပေမဲ့ မက်စီမဟုတ်သေးလို့ ဆီမီးကိုတော့
ဟော်လန်နဲ့တွေ့ဖို့ အာဂျင်တီးနားပဲ တက်လာမယ်လို့ ထင်ပါတယ်။