ဒီနေ့တော့ ဦးသိန်းစိန်အစိုးရပေါ်လစီတွေနဲ့ပတ်သက်လို့ ဒုတိယ မေးခွန်းမေး ကြည့်မိပါတယ်။
Psy ရဲ့ ဂန်းနန်းစတိုင်ဟာ အကြောင်းမဲ့ ကမ္ဘာကျော်သွားခဲ့တာလား။
ကျနော်တို့သာမန် လူတွေက ကံ လို့ထင်တတ်ကြပေမဲ့ နိုင်ငံရေးသိပ္ပံက ဒီလို မပြောဘူး။
အမာစွမ်းအင်နောက် အပျော့စွမ်းအင်လိုက်လာတယ်။ နိုင်ငံတော်အလံနောက် ယဉ်ကျေးမှု လိုက်လာတယ်။
လူတိုင်းလိုလိုသိတဲ့ စကားကို အားနာနာနဲ့ ထပ်ပြောရရင် အမာစွမ်းအင်ဆို တာ နိုင်ငံရေး၊ စီးပွားရေးနဲ့ စစ်အင်အား တဲ့။
အပျော့စွမ်းအင်ဆိုတာတွေကတော့ ယဉ်ကျးမှု၊ အနုပညာ၊ ကိုးကွယ်မှု စသည် စသည် တဲ့။


ကိုရီးယားရဲ့ အမာစွမ်းအင်ဖြစ်တဲ့ စီးပွားရေးအင်အားမကောင်းခင် ဘယ်သူက ကိုရီးယား ဇာတ်ကားတွေ အချိန်ကုန်ခံ ထိုင်ကြည့်နေကြလို့လဲ။
ဂျပန်ဇာတ်လမ်းတွဲ အိုရှင်း တစ်ကမ္ဘာလုံးပေါက်သွားချိန်ဟာ ဂျပန်စီးပွားရေးက ဂျာမဏီကို ကျော်တက်ချိန်၊ အမေရိကန်ကိုတောင် လှမ်းပြီးစိန်ခေါ်ချိန်နဲ့ မရှေး မနှောင်း ဖြစ်နေတယ်။ ဒါဟာ တိုက်ဆိုင်မှု မဟုတ်ဘူး၊ သိပ္ပံပါ။
မြန်မာကျော် မောင်သိန်းဇော်တို့ စင်္ကာပူလာတယ်။ ဘယ်နိုင်ငံခြားသားက အားအားလျားလျား လာကြည့်နေမှာလဲ။ တကယ်ဆို မောင်သိန်းဇော်ဟာ မြန်မာ့ယဉ်ကျေးမှုကို အဖော်ပြနိုင်ဆုံး၊ အထိမ်းသိမ်းဆုံးတွေထဲမှာ ပါတယ်။ ဒါပေမဲ့ သူ့နိုင်ငံရဲ့ အမာစွမ်းအင်က မရှိတော့ အနုပညာသက်သက်နဲ့ကတော့ ဖင်ဗူးတောင်း ထောင်အောင်က ဘယ်သူမှ လာမကြည့်ဘူး။

ဒါတွေနဲ့ ဦးသိန်းစိန်နဲ့ ဘာဆိုင်လို့လဲ??
နိုင်ငံရေး သိပ္ပံအရဆိုင်ပါတယ်။ ဦးသိန်းစိန်အစိုးရရဲ့ နိုင်ငံရေး၊ စီးပွားရေးနဲ့ စစ်အင်အား(စစ်တပ်ရဲ့ ဆောင်ရွက်ချက်)ပေါ်လစီတွေနဲ့ ဆိုင်တယ်။
မိဘပြည်သူများ ခင်ဗျား ပေါ်လစီ၊ ပြားရည်နဲ့ ဝမ်းချ ပေါ်လစီတွေနဲ့ ဆိုင်တယ်။ မောင့်ကျက်သရေကြီးတွေနဲ့ ဆိုင်တယ်။
အထက်ပါ အမာစွမ်းအင်တွေ မပြောင်းလဲရင် မောင့်ကျက်သရေကြီးတွေဟာ မျက်စိရှုပ်တာပဲရှိမယ်၊ အနှစ်သာရ ရှိလာမယ် မဟုတ်ဘူး။ (ဒါကို ကန့်ကွက်နေ တာမဟုတ်ကြောင်း နားလည်ပေးပါ)

နယ်ပယ်က ကျယ်လွန်းသွားတော့ တစ်စချင်း ဆွဲထုတ်မှ ရတော့မယ်။
နိုင်ငံရေးနဲ့ စီးပွားရေးက တွဲနေတော့ စစ်အင်အား(စစ်တပ်ရဲ့ ဆောင်ရွက်ချက်)ကို အရင်ကြည့်ရအေင်။
စစ်တပ်ရဲ့ တာဝန်က ဘာလဲ?
၁။ နိုင်ငံတော်ကို ကာကွယ်ဖို့
၂။ ပို အားကောင်းရင် ဒေသတွင်း ဩဇာလွှမ်းဖို့(ဥပမာ တရုတ်)
၃။ ဒီထက် ပို အားကောင်းရင် ကမ္ဘာကို ဩဇာလွှမ်းဖို့(ဥပမာ အမေရိကန်)

ဒီ သုံးခုမှာ မြန်စစ်တပ်ရဲ့ အနေအထားက တစ် ထက်မပိုဘူး။ နားလည်ပါတယ်။
ဟုတ်ပြီ။ ဒီစစ်တပ်က ဘယ်လိုကာကွယ်ရေး တာဝန်တွေယူခဲ့ရသလဲ။
မှန်တယ်။ အချို့ ရှိခဲ့တယ်။ ရှိလာတဲ့အခါ လက်ရှိစစ်တပ်ရဲ့ ဘယ်နှရာခိုင်နှုန်း သုံးခဲ့ရသလဲ။ (ဥပမာ အီရတ်ပင်လယ်ကွေ့မှာ အမေရိကန် စစ်အင်အား ၄၀ ရာခိုင်နှုန်းလောက် သုံးလိုက်ရတယ် ဆိုတာမျိူးး)။
ထားပါ။
ဒီထက်ပိုအရေးကြီးတာက တာဝန်များများ မရှိ၊ အဆမတန် အရေအတွက် များလွန်းတဲ့ စစ်ဗိုလ်ချုပ်အရေအတွက်က စစ်တပ်တွင်းမှာ နေရာ မလုံလောက်တော့ပဲ ပြင်ပကိုထွက်လာပြီး မဆိုင်တဲ့နေရာတွေ ဝင်ယူ၊ ဆရာဝင်လုပ်နေကြတဲ့ကိစ္စပါ။ မြန်မာစစ်တပ်က ဘာနဲ့တူမလဲဆိုရင် မွတ်စလင် လူဦးရေနဲ့ တူတယ်။
ခွက်ခွက်လဲရှုံးခဲ့တဲ့ ဗိုလ်ချုပ်ကြီးများအသင်းဟာ ပြသနာဖြစ်လာရင် မရှင်းတတ် ဘူးဆိုတာလည်း တစ်နှစ်ကျော်ကျော်အတွင်းမှာ သိခွင့်ရခဲ့ကြပြီ။ ကိုယ့်ဂိုးကို ရှူးဖို့ ခြေထောက်၊ ခေါင်းပဲ ပါတယ်။ နောက်ဆုံး သာဓကက မဟာသန္တိသုခ။

နေရာတကာ စစ်မှုထမ်းဟောင်းက ချုပ်ထားတော့။ ဒီ ခွက်ခွက်လံကြီးတွေကိုပဲ ဦးသိန်းစိန်က ပွဲ ထုတ်ထုတ်လာတော့
အစိုးရ အရည်အသွေးက ကျဆင်းရင်း ကျလာတယ်။
အစိုးရအရည်အသွေးက ကျဆင်းလာတော့ နိုင်ငံရေး သိက္ခာမရှိတောဘူး။
ဗိုလ်ချုပ်က မျက်နှာချိုသွေးရတာလောက်ပဲ ပြောခဲ့တယ်။ မျက်နှာချိုတောင် မသွေးတတ်တော့ ကြားခံ ခရိုနီနဲ့ သွေးရတယ်။

စီးပွားရေးသိက္ခာ မရှိဘဲ စစ်အင်အား(မလိုအပ်ဘဲ) များနေရုံနဲ့ နိုင်ငံရေသိက္ခာ တက်မလာဘူး။ မွဲတာပဲ ရှိမယ်။
နိုင်ငံရေးသိက္ခာ မရှိတော့ အပျော့ စွမ်းအင် ယဉ်ကျေးမှုလည်း သိက္ခာ မရှိတော့ဘူး။ ထမိန်ချွတ်လိုက်ရတယ်။
ဗိုလ်ချုပ်ရေ ကျနော်တို့ နိုင်ငံဟာ ဟုတ်မလိုလိုနဲ့ အဝှာ နိုင်ငံဆီ လှည့်နေပြန်ပြီ။ ဒါတောင် မဟာသန္တိသုခ ထည့်မပေါင်းရသေးဘူး။
(အများကြီး ချုံ့နေရလို့ စာဖတ်သူတွေဘက်က ကြိုးစားနားလည်ပေးကြပါရန်)

ဆက်ရန်

နှိုင်းယှဉ်လိုက်မိတဲ့အတွက် နှစ်ဖက်စလုံးကိုတောင်းပန်ချင်ပါတယ်။ ဒါပေမဲ့ တူညီမှုကရှိနေတယ်။
၁။ ဂျင်မီကာတာဟာ သာမန်အရည်အချင်းလောက်နဲ့ (သမ္မတမဖြစ်ခင်အထိ သိပ် တော်၊ သိပ် ပေါ်ပြူလာဖြစ်သူမဟုတ်ဘူးလို့ ဆိုလိုပါတယ်) တူတူတန်တန်သမ္မတဖြစ်လာခဲ့တယ်။
၂။ ဂျင်မီကာတာဟာဟာ ပညာရှင်စကားကို နားထောင်တယ်၊ အစိုးရ အဖွဲ့အစည်းကို တောင့်တင်းအောင်ဖွဲ့စည်းနိုင်တယ်။ (ဂျင်မီကာတာအစိုးရကို ကစ်ဆင်းဂျားလို၊ ဟန်တင်တန်လို ပုဂ္ဂိုလ်တွေနဲ့ ကျားကန်ပေးထားတယ်။ ဒါဆို ရပြီပေါ့)

တစ်ကို မဆွေးနွေးတော့ပါဘူး။ မရှင်းရင် ကွင်းစကွင်းပိတ်ကို တစ်ခေါက် ထပ်ဖတ်ပေးဖို့ အကြံပုပါရစေ။ ကျနော်ဟာ သမ္မတဦးသိန်းစိန် (သို့) ငါတို့ရဲ့ဂျင်မီ ကာတာလိုတောင်စိတ်ကူးရိုင်းရိုင်း ယဉ်ကြည့်ခဲ့မိဖူးသူ တစ်ယောက်ပါ။
ဒီလို ယှဉ်ရာမှာလည်း အကြောင်းရှိပါတယ်။ သမ္မတရာထူးကို အရယူပြီး (ရွေးချယ်ခြင်းခံခဲ့ရပြီးလို့ သုံးစွဲရင်လည်း အတိုင်းအတာတစ်ခုအထိမှန်ကောင်း မှန်နိုင်ပါတယ်) ဦးသိန်းစိန်ဟာ ပညာရှင်တွေကို အကြံပေးအနေနဲ့ ခေါ်သွင်း ခဲ့ပါတယ်။
အရေအတွက်အားဖြင့်ကြည့်ရင် သူ့ အကြံပေးအဖွဲ့ဟာ ဂျင်မီ ကာတာနဲ့ ယှဉ်နိုင်လိမ့်မယ်လို့ ထင်ပါတယ်။ တော်တော်များများရဲ့နောက်မှာ သမ္မတ အကြံပေးဆိုတာတွေ ပါနေတတ်လို့ပါ။ ဒါပေမဲ့ ဒီအထဲမှာ ကစ်ဆင်းဂျားလို၊ ဟန်တင်တန်လိုပုဂ္ဂိုလ်တွေ ပါ၊ မပါ။ ပါခဲ့ရင် သူတို့ရဲ့ ပြောရေးဆိုခွင့် အတိုင်း အတာ ဘယ်လောက်ရှိသလဲ။ ပြောရေးဆိုခွင့်ရှိတယ်၊ သမ္မတကလည်း သဘောတူတယ်။ ဒါဆို အလုပ်စလို့ရပြီလား(ရှင်းရှင်းပြောရရင် သမ္မတမှာ အာဏာဘယ်လောက်ရှိသလဲ စတာတွေကို ကျနော်တို့ မသိနိုင်ပါဘူး။ ဒါပေမဲ့ ဒါတွေဟာ သမ္မတဦးသိန်းစိန်နဲ့ ဂျင်မီကာတာတို့ရဲ့ အထင်ကရ ခြားနားချက် ကြီး ဖြစ်နေနိုင်ပါတယ်။

အကြံပေးအချို့ကို မစခင်(ဥပမာ နာမည်ကြီး မဟာသန္တိသုခ (သမ္မတ ကြီး လေသံနဲ့ဆို) ယဉ်ကျေးမှုပွတ်တိုက်ခြင်း။) အစိုးရ အဖွဲ့ကို အရင်ကြည့် မိပါတယ်။ အစိုးရ အဖွဲ့ကိုကြည့်တယ်ဆိုရာမှာလည်း လက်လှမ်းမမီ လှတဲ့ ပြည်တွင်းအဖွဲ့ကိုအသာထားပြီး( အသာထားဆိုပေမဲ့ လူထုဆက် ဆံရေး(ပီအာ)မစွံလှဘူးဆိုတာက ဟိုးလေးတကြော်ကြော် တက်တက်လာ တတ်ပါတယ်) နီးစပ်တဲ့ ပြည်ပအဖွဲ့ကို ကြည့်မိတယ်။ ဒီအထဲမှာ ရွှေတိဂုံ ကိတ်မုန့်ဖြစ်ရတဲ့ ကိစ္စလည်း ပါတာပေါ့။

ထားပါ။ ပြည်တွင်းမှာ လူထုဆက်ဆံရေး အရေးကြီးပြီး ပြည်ပမှာက လူထုဆက်ဆံရေးရော နိုင်ငံတကာဆက်ဆံရေး(အိုင်အာ)ပါ အရေးကြီးလာတယ်။
နိုင်ငံတကာဆက်ဆံရေးအတွက် အနည်းဆုံး ဘာသာစကား ကောင်းနေရမယ်။ ဒီနောက်မှ အရည်အချင်း။
ဦးသိန်းစိန်အစိုးရထဲမှာ ဘယ်သူတော့ ဘယ်ရာထူးရသွားတယ်ဆိုတဲ့ အသံတွေကြာရတိုင်း ကျနော်တော့ သက်ပြင်းချမိတယ်။ သူတို့အတွက် ဝမ်းသာပေမဲ့ နိုင်ငံတော်အတွက် ဝမ်းနည်းတယ်။
ဦးသိန်းစိန်ရဲ့ သံအမတ်အများစုဟာ အင်္ဂလိပ်စကား လေလုံးမကွဲကြဘူး။ ဒါဖြင့် မြန်မာလိုရော။ မေးစရာ။ သိပ်မကွဲကြပြန်ဘူး။ အင်္ဂလိပ် တစ်လုံးမှ မတတ်တဲ့ဆရာတော်ကြီးတွေနဲ့ စကားပြောရင် အိုးနင်းခွက်နင်း အင်္ဂလိပ်ဝေါဟာရတွေ ပါပါလာပြီး အင်္ဂလိပ်ပြောရမယ့် နိုင်ငံခြားသားနဲ့ ကျတော့ မြန်မာစကားတချို့ (ဟို၊ အင်း စတာလောက်ပါ၊ ကျနော်တို့ သမ္မတကြီးကဆိုတဲ့အထိ မရောက်ပါဘူး)ပါလာပြန်ရော။

အဓိက ဘာသာစကားအားနည်းသူဟာ စကားပြောဖို့ တွန့်နေတတ်ပါတယ်(ငါလို သံအမတ်ကြီးရဲ့ စကားကို အဖြစ်မရှိ သတင်းထောက်တွေက နားမှလည်ပါ့မလား မသိ၊ သူတို့ရဲ့ လျှာမထိအာမထိ လူပျင်းအင်္ဂလိပ်နဲ့ ပြန်မေးလာရင် ငါလို သံအမတ်ကြီး နားလည်ပါ့မလား မသိ)။ ဒီတော့ စကားဝင်ပြောဖို ယုံကြည်မှု မရှိတတ်ကြဘူး။ ကြာတော့ မပြောလည်းရတာပဲလေဆိုပြီး ဘာမှကို မပြောကြတာ။ ရေငုံနှုတ်ပိတ်ပဲ။ နေရဲ၊ နေရက်တွေ။
ဒီလိုနဲ့ မနေ့ကလိုကိစ္စမျိုးတွေမှာတောင် အစိုးရချင်း တောင်းဆိုမှု၊ ကာယကံရှင်မိန်းကလေးကို အားပေးမှု ကိစ္စတွေမလုပ်ကြဘူး။ ပေတေတေနဲ့ကို မဆိုင်သလိုနေကြတာ။ (အရင်ကလို ဆိုလိုတာပါ၊ မနေ့ကကိစ္စ မသိရသေး)
အစိုးရအဖွဲ့ (ပြည်တွင်း၊ ပြည်ပ)၊ အကြံပေးအဖွဲ့ကြောင့် ဂျင်မီကာတာဖြစ်လာခဲ့တယ်။

ဦးသိန်စိန်နဲ့ပတ်သက်တဲ့ ဂျင်မီကာတာအိပ်မက်ဟာ တဖြည်းဖြည်း ပါးလာတယ်။ သူ့မှာ အဖွဲ့သာရှိပြီး ပွဲဖျက်သူ၊ ပတ်မဖောက်သူတွေ များနေတယ်။ ဒါတောင် အထင်ကရ ယဉ်ကျေးမှုပွတ်တိုက်စေခြင်းကြီး ထည့်မပေါင်းရသေးဘူး။

ဆက်ရန်

ငွေမရှိ၊ အာဏာမရှိ "ဟုမ်း"ကို အားမကိုးပါနဲ့။ ကျနော်ပြောနေတာ အိမ်ဖော် မမိုးမိုးသန်းကိစ္စပါ။
ခင်ဗျားတို့ပြောတဲ့ အမျိုးဂုဏ်၊ အမျိုးသားရေးလက္ခဏာတွေ
ထမိန်အချွတ်ခိုင်း ခံနေရပြီ။
ကိုယ့်အံဖတ်ကို ပြန်စားနေရပြီ။
ကြိမ်နဲ့ အရိုက်ခံနေရပြီ။
ကြိမ်နဲ့၊ အင်္ကျီချိတ်နဲ့၊ ခေါက်ဆွဲစား တူနဲ့ ခြောက်ကြိမ် အရိုက်ခံခဲ့ရပြီးပြီ။
ပါး အရိုက်ခံခဲ့ရပြီးပြီ။
တစ်ခုခုဝင်ပြောပေးပါ မစ္စတာအမ်ဘာဇဒါ။

ဆံပင်ကိုဆွဲ၊ ကြမ်းပြင်ပေါ်လှဲ၊ ဝမ်းဗိုက်ပေါ် တက်နင်းတာခံခဲ့ရပြီးပြီ။
ဓာတ်ပုံရိုက်ယူဖို့ ထမိန်အချွတ်ခိုင်း ခံခဲ့ရပြီ။ အမျိုးဂုဏ်က ဒါမဟုတ်ရင် ဘာပါလဲ။
ကျေးဇူးပြုပြီး တစ်ခုခုဝင်ပြောပေးပါ။ ကျေးဇူးပြုပြီး ရေငုံနှုတ်ပိတ် မနေလိုက်ပါနဲ့။
မိဘဆန်ပေးပါ။ အစိုးရဆန်ပေးပါ။ သံတမန်ဆန်ပေးပါ၊ အကာအကွယ်ပေးပါ။

အဆိုးဆုံးက ကတော့ကို ပါးစပ်ထဲထိုးသွင်း၊
သကြားတွေ လောင်းထည့် သတဲ့။
အဲဒီ သကြား မချိုနိုင်လောက်ပါဘူး မစ္စတာအမ်ဘာဇဒါ။
မခံနိုင်လို့ အန်ချတော့ အန်ဖတ်တွေကို အစားခိုင်းပြန်သတဲ့။




News on ST: http://www.straitstimes.com/news/singapore/courts-crime/story/couple-faces-total-32-charges-abusing-two-their-maids-20140612

ကျနော်တို့ ချွေးနဲစာ ဒေါ်လာ၂၀၊ ၂၅ စီစုပြီး ရပ်တည်ဖို့ ကြိုးစားနေရတဲ့ "ဟုမ်း" ကို အားမကိုးပါနဲ့။
ကျေးဇူးပြုပြီး တစ်ခုခုဝင်ပြောပေးပါ။ စင်္ကာပူမှာ ဥပဒေ ရှိပါတယ်။ ခင်းဗျားတို့ ဖိအားများလေလေ ဥပဒေက ထိရောက်လေလေပါ။
လူမဆန်တဲ့ ဒီလင်မယားကို ဒဏ်ငွေလေး ထောင်ဂန်းလောက်နဲ့ မပြီးပါစေနဲ့။ အကြီးလေးဆုံး ပစ်ဒဏ် ခံသွားပါစေ။ ပစ်ဒဏ်ကို မက်က်စီမိုက်ဇ်ဖြစ်အောင် လုပ်ပေးပါ။
ဟုမ်းက အကြောင်းမကြား၊ အပူမကပ်လို့ မသိသေးဘူးဆိုရင် ဒီနေ့ စထရိတ် တိုင်း၊ စာမျက်နှာ သုံး၊ ခေါင်းကြီးကို ဖတ်ပေးပါ။
ကျနော်တို့ အမျိုးတွေ
ထမိန် မချွတ်ရပါစေနဲ့၊
အံဖတ် မစားပါစေနဲ့၊
အသားနည်းနည်းပိုဖြူ ရုံနဲ့ မကြောက်လိုက်ပါနဲ့။ ပလိစ်။
အားကိုးစွာဖြင့်

ဒီသတင်းကတော့ မွတ်စလင်ဆိုရင် ကလေးတွေအများကြီးမွေးတယ်လို့ပဲ
ခံယူထားတဲ့ လူအများစုအတွက် နည်းနည်းထူးခြားနေပါလိမ့်မယ်။
အီရန်အစိုးရဟာ ကလေးမွေးဖွားနှုန်း အဆမတန်လျော့ကျလာတဲ့အတွက် စိုးရိမ်နေရသလို ကလေးယူကြဖို့လည်း ပေါ်လစီတွေချမှတ်ဆောင်ရွက်နေရ တယ်။ လူငယ်တွေ အိမ်ထောင်မပြု၊ ပြုသူတွေကလည်း ကလေးမယူ။
အခြေခံအကြောင်းအနေနဲ့ ကုန်ကျစရိတ်၊ လိုက်ဖ်စတိုင်လို့ဆိုနိုင်ပေမဲ့ ပညာ တတ်လာခြင်း(စဉ်းစားတတ်လာခြင်း)ကလည်း အဓိက ဖြစ်နေနိုင်ပါတယ်။
လူငယ်တစ်ယောက်ကတော့ ကလေးအများကြီးရှိသူတွေဟာ သိပ်ချမ်းသာ သူတွေ (သို့)မိဘတာဝန် ယူရမှန်းမသိသူတွေသာဖြစ်တယ်လို့ ဆိုထားပါတယ်။
အထိုက်အလျောက် ပညာတတ်လာတဲ့ မွတ်စလင်နိုင်ငံတွေမှာ ကလေးမွေး ဖွားနှုန်းနဲ့ ပတ်သက်လို့ ကမ္ဘာက အသက်ရှူချောင်သလိုလိုရှိပေမဲ့ ပညာရေး နိမ့်ပါး လွန်းတဲ့ နိုင်ငံတွေက များလွန်းနေသေးတော့ ဒီပြသနာက ကြီးမားဆဲပါပဲ။

အစိုးရပိုင်းက ကလေးနှစ်ယောက်ပဲယူလို့ မသပ်မှတ်ပေမဲ့(ဒါက လူ့အခွင့်အရေး အရ မသင့်ဘူးလို့ တချို့ကယူဆကြ) ယူထားတဲ့ကလေးအတွက် ယူရမယ့် တာဝန်တွေ သတ်မှတ်ပေးထားတော့ စင်္ကာပူက မွတ်စလင်မိသားစုဟာ ရိုဟိန် ဂျာမိသားစု အရေအတွက်အောက် အနည်းဆုံး ခေါက်ချိုးလျော့မှာ သေချာပါတယ်။ ဒါ့ကြောင့် ကလေးမွေးဖွားနှုန်းငြိမ်သွားဖို့အတွက် အစိုးရရော အကျိုးအကြောင်း ညီညီစဉ်းစားလာနိုင်ခြင်းလည်း ပါဝင်ပါတယ်။

ဂျာမဏီနိုင်ငံ၊ ဘာလင်မြို့မှာ ခရစ်ယန်၊ ဂျူး၊ အစ္စလာမ် ဘာသာသုံးမျိုးစလုံး အသုံးပြုမယ့် ဘာသာရေးအဆောက်အဦ ပန္နက်ချတယ်လို့ သိရပါတယ်။ သုံးဘာသာစလုံး တစ်ထပ်တည်းမှာ ဘာသာရေးဆုတောင်းပွဲတွေ အညီ အမျှ ပြုလုပ်သွားကြမယ်ပေါ့။
သူတို့ပြောတဲ့ ဘာသာပေါင်းစုံကိစ္စ စတင် အကောင်အထည်ပေါ်လာဟန် တူပါတယ်။ လေးစားစရာပါ။
ဒါပေမဲ့ မေးစရာမေးခွန်းနှစ်ခု ရှိနေပါတယ်။
၁။ မွတ်စလင်ကြီးစိုးတဲ့နိုင်ငံတွေမှာ ဒါမျိုး အကောင်အထည်ဖော်လို့ ရ၊ မရ။
၂။ ဂျာမဏီမှာရှိတဲ့ မွတ်စလင်တွေက တူရကီလူမျိုး၊ ပညာတတ်တွေများမယ်။ မူလတန်း၊ အလယ်တန်းပညာရေးသာရှိတဲ့ အစွန်းရောက်မွတ်စလင်တွေ မဟုတ် ဘူး။ ဒီတော့ ဂျာမဏီကလွဲတဲ့ အခြားနိုင်ငံတွေမှာ ဒီမူအတိုင်း ခရီးဆက်လို့ ရ၊ မရ။ မဆီမဆိုင် အတွေးပွားနေမိတယ်။ ရရင်တော့ ကောင်းသပေါ့။
(S.T. Today. France Agency Press. )

လရောင်သည်
ပွက်ပွက်ဆူရေနွေးအိုးထဲ ထိုးကျစဉ်
ငွေဇင်ယော်သည်
ပခုံးကြမ်းကြမ်းကြီးဖြင့်
ညကို ထမ်းပိုးထွက်သွားလေသည်။
 

အိုင်ဒင်တတီကိစ္စက အထူးအဆန်းမဟုတ်သလို အခုမှပေါ်ပေါက်လာတာလည်း မဟုတ်ပါ။
ဓဇဂ္ဂသုတ်ထဲမှာ အိုင်ဒင်တတီကိစ္စ တွေ့ရသည်။ မယုံ မရှိပါနှင့်။
သိကြားမင်းက ရှေ့တန်းထွက် တာဝတိံသာစစ်သားတွေကို (ယံ ဘဝိသတိ ဘယံဝါ ဆမ္ဘိတတ္တံဝါ စသည်)
"ကြောက်စိတ်ဝင်လာရင် ငါ့အလံ(တာဝတိံသာအလံ၊ စစ်သူကြီးတွေရဲ့အလံ) ကို မော့ကြည့်ကြလို"့ မှာလိုက်ရသည်။


စစ်အင်အား၊ စစ်လက်နက်အစွမ်းထက်မှုအရတော့ တာဝတိံသာမဟာမိတ်အဖွဲ့ က အများကြီးသာဟန်ရှိပေသည်။
သို့သော် တစ်ဖက်က မူးရူးပြီး သေရမှာမကြောက်သည့် အသူရာတပ်ဖြစ်နေ သဖြင့် မဟာဗျူဟာအရတော့ အကျပ်ရိုက်ခဲ့ဟန်တူသည်။
တာဝတိံသာ လူချမ်းသာတွေက သေရမှာ ကြောက်သလို အသေအပျောက် နည်းနိုင်သမျှလည်း နည်းစေလိုဟန်ရှိသည်။
အသူရာတို့က သေရမှာမကြောက် ဘယ်နှယောက်အပါခေါ်သွားရမလဲသာ စဉ်းစားဟန်ရှိ၏။
ဘာမှမဟုတ်ပါ။


နတ်မှာလည်း နတ်အိုင်ဒင်တတီရှိသည်ဆိုသည့်အချက်၊
စစ်ဟူသည် တစ်ခါတစ်ခါ ခွေးရူးနဲ့ခွေးကောင်းကိုက်သလိုပါလား ဆိုသည့် အချက်ကို စဉ်းစားရင်း ပြုံးမိသဖြင့် စတေးတပ်လိုက်ရပါသည်။

လူ့ယဉ်ကျေးမှု ပဋိပက္ခနဲ့ ကမ္ဘာသစ်တစ်ခုကို ပုံဖော်ခြင်း
အခန်း ၇၊ ကောက်နှုတ်ချက်


တရုတ်ပြည်ဟာ သမိုင်းအစဉ်အဆက်ကတည်းကကိုပဲ ကိုရီးယား၊ ဗီယက်နမ်၊
လျူချူးကျွန်းစု (Liu Chiu Islands)နဲ့ တခါတရံ ဂျပန်အပါအ၀င် အားလုံးကို ဆိုင်း နစ်ဇုန် (Sinic Zone တရုတ်စီဗီလိုက် ဇေးရှင်းပိုင်နက်) လို့ သတ်မှတ်ပါ တယ်။ “အတွင်းပိုင်း အာရှဇုန် (Inner Asian Zone)” အနေနဲ့ ကတော့ တရုတ်လူမျိုး မဟုတ်တဲ့ မန်ချူး၊ မွန်ဂို၊ ၀ီဂါ (Uighurs) တူရကီနဲ့ တိဗက်တွေ ပါဝင်တယ်။ လုံခြုံရေးအတွက် သူတို့ဟာ တရုတ်ထိန်းချုပ်မှုအောက်မှာ ရှိနေရမယ်လို့ ခံယူ ထားကြတယ်။ အပြင်ပိုင်းဇုန်(Outer Zone)ကတော့ တရုတ်ယဉ်ကျေးမှုမရှိတဲ့ လူတွေ “တရုတ်ရဲ့ ကြီးကျယ် မြင့်မြတ်မှုကိုအထင်တကြီး လေးစားမှုပေးရုံက လွဲလို့ ဘာမှအဖြစ်မရှိတဲ့ လူမျိုးစုတွေလို့ ခံယူထားကြ ပါတယ်။ Note-13 *


လက်ရှိ ဆိုင်းနစ်(Sinic=တရုတ်)စီဗီလိုက်ဇေးရှင်းကလည်း အလားတူ ဖက်ရှင် အတိုင်း ပုံဖော် လာနေတယ်။ ဟန်တရုတ်လူမျိုးက ပင်မဌာနချုပ်၊ ဒီဌာနချုပ်ကို ၀န်းရံထားတာက တရုတ်ပြည်တွင်းထဲ ရှိပြည်နယ်တွေ၊ အများအားဖြင့် ကိုယ်ပိုင် အုပ်ချုပ်ခွင့်ရှိ၊ တရုတ်ပြည်ထဲမှာ တရားဝင်ပါဝင်နေပေမဲ့ အခြားစီဗီလိုက်ဇေးရှင်း ထဲကလာတဲ့ တရုတ်လူမျိုးမဟုတ်သူတွေ အများအပြားရှိနေတဲ့ ပြည်နယ် တွေပါ။ (ဥပမာတိဗက်နဲ့ ရှင်ကျန်း- Xinjiang) အခြေအနေအပေါ် မူတည်ပြီး တရုတ်ပြည် မထဲကို ပူးပေါင်းလာနေကြ၊ လာနိုင်မယ့်အလားအလာရှိတဲ့ တရုတ်လူ့အဖွဲ့ အစည်းတွေ (ဟောင်ကောင်၊ ထိုင်ဝမ်)၊ ဘေဂျင်းနဲ့ အဆက်အဆံ သိသိသာသာ တိုးတက်ကောင်းမွန်လာနေတဲ့ တရုတ်လူမျိုး အများစုတစ်နိုင်ငံ(စင်္ကာပူ)တရုတ် လူမျိုးတွေရဲ့လွှမ်းမိုးမှု အကြီးအကျယ်ရှိနေတဲ့ ထိုင်လန်၊ ဗီယက်နမ်၊ မလေးရှား၊ အင်ဒိုနီးရှားနဲ့ ဖီလစ်ပိုင်နိုင်ငံ။ တရုတ်လူမျိုး မဟုတ်ကြတဲ့ (တောင်၊ မြောက်ကိုရီး ယားနဲ့ ဗီယက်နမ်တို့ကတော့ တရုတ်လူမျိုးမဟုတ်ပေမဲ့) ကွန်ဖျူးရှပ် ယဉ်ကျေးမှု ရှိသူတွေ နဲ့ ၀ိုင်းရံထားတယ်။

၁၉၅၀ ခုနှစ်တွေအတွင်း တရုတ်ပြည်ဟာ သူ့ကိုယ်သူ ဆိုဗီယက် မဟာမိတ်လို့ ခံယူခဲ့တယ်။ ဒီနောက် တရုတ် ဆိုဗီယက် (Sino-Soviet) သဘောတူညီမှု ချုပ်ငြိမ်းသွားပြီး စူပါ ပါဝါကြီး နှစ်နိုင်ငံရဲ့ အတိုက်အခံ နိုင်ငံငယ်လေးတွေ ရဲ့ ခေါင်းဆောင်အနေနဲ့ ခံယူလာပြန်တယ်။ အကုန်အကျများလှပြီး အကျိုးကျေးဇူး သိပ်မရှိလှတဲ့လှုပ်ရှားမှုပါ။ နက်(က်)ဆင်ရဲ့ အစိုးရ လက်ထက် အမေရိကန် ပေါ် လစီထဲကို ပြောင်းဝင်လာခဲ့ပြီး ၁၉၇၀ ခုနှစ်တွေမှာ အမေရိကန် အားနည်း လာ ဟန်ရှိနေတော့ စူပါ ပါဝါကြီး နှစ်ခုကို ဟန်ချက်ညှိပေးတဲ့ သဘောမျိုးနဲ့ တရုတ်က အမေရိကန်နဲ့ ပေါင်းလာတယ်။ ၁၉၈၀ ခုနှစ်တွေ ရောက်တော့ အမေရိကန် စစ် တပ်အင်အားက ပြန်ကောင်းလာပြီး အာဖဂန်နစ္စတန် စစ်ပွဲကြောင့် ဆိုဗီ ယက်ရဲ့ စွားပွားရေးကျဆင်းသွားတော့ နှစ်ဖက်စလုံးနဲ့ ခပ်ကွာကွာနေလာခဲ့ပြန်ပါတယ်။ စူပါပါဝါ အားပြိုင်ပွဲကြီး ပြီးဆုံးသွားတော့ တရုတ်ကိုင်ထားတဲ့ “ဝှက်ဖဲ” က အသုံး မကျ ဖြစ်သွားပြီး သူ့ရဲ့ အခန်းကဏ္ဍကို ကမ္ဘာ့နိုင်ငံအရေး အခင်းတွေကြားမှာ ပြ သလာပြန်တယ်။ သူတို့မှာ ရည်ရွယ်ချက် ပန်းတိုင် နှစ်ခုရှိခဲ့တယ်။
(က) တရုတ်ပြည်ဟာ တရုတ်ယဉ်ကျေးမှုရဲ့ ချန်ပီယံ၊ တခြားနိုင်ငံတွေထဲမှာ ရှိနေကြတဲ့ တရုတ်လူမျိုးအားလုံးအတွက် စီဗီလိုက်ဇေးရှင်း ဗဟိုဌာနဖြစ်ဖို့နဲ့
(ခ) (၁၉)ရာစုထဲမှာ ဆုံးရှုံးခဲ့ရတဲ့ အရှေ့အာရှရဲ့တစ်ခုတည်းသောပါဝါဆိုတဲ့ သမိုင်းဝင်နေရာကို ပြန်ယူနိုင်ဖို့တို့ ဖြစ်ပါ တယ်။

တရုတ်ပါဝင်လာတဲ့ အခန်းကဏ္ဍတွေကို အောက်ပါ အချက်တွေ ထဲမှာ တွေ့မြင်နိုင်ပါတယ်။
တစ်၊ ကမ္ဘာ့နိုင်ငံရေးကိစ္စတွေထဲမှာ သူ့ရဲ့နေရာ ဘယ်နေရာဆိုတာ တရုတ်ကိုယ် တိုင် ဖော်ပြလာ မှုတွေ
၊နှစ်၊ ပြည်ပရောက်တရုတ်လူမျိုးတွေက တရုတ်ပြည်မကြီးနဲ့ စီးပွားရေး ဆက်စပ်မှု ပိုများလာတာတွေနဲ့၊
သုံး၊ အခြားတရုတ်လူမျိုး အများစုရှိတဲ့ သုံးနိုင်ငံ (ဟောင်ကောင်၊ ထိုင်ဝမ်နဲ့ စင်္ကာ ပူ) စီးပွားရေး၊ နိုင်ငံရေးနဲ့ သံတမန်ရေးတွေမှာ ပိုပြီးရင်းရင်းနှီးနှီး ဆက်ဆံလာ တာတွေရယ် တရုတ် နိုင်ငံရေးလွှမ်းမိုးမှု ရှိတဲ့ အရှေ့တောင်အာရှ နိုင်ငံတွေ အပေါ် ဆက်ဆံရေးတိုးမြှင့်လာတာတွေ ဖြစ်ပါတယ်။

တရုတ်အစိုးရက တရုတ်ပြည်မကြီးကို တရုတ်စီဗီလိုက်ဇေးရှင်းရဲ့ ပဓာနနိုင်ငံ အဖြစ် ရှုမြင်ပြီး အခြားနိုင်ငံတွေရှိ တရုတ်လူမျိုးတွေအနေနဲ့ တရုတ်ပြည်ထဲ လာရောက်ပေါင်းသင်း ရမယ်လို့ ယူဆ ထားကြတယ်။ ဒေသတွင်းရှိကွန်မြူနစ် ပါတီတွေကတဆင့် တစ်ကမ္ဘာလုံးကို ကွန်မြူနစ်ဝါဒ ဖြန့်ချီဖို့ ကြိုးစားမှုကို လက်လျှော့ခဲ့ရပြီးတဲ့နောက် အချိန်တော်တော်ကြာတဲ့ အခါမှာတော့ တရုတ်ဟာ “တစ်ကမ္ဘာလုံးရှိတရုတ်လူမျိုးတွေအားလုံးရဲ့ ကိုယ်စားလှယ်အနေနဲ့ နေရာပြန် ယူလာခဲ့ပါတော့တယ်။” Note-14 * တရုတ်အစိုးရအလိုအရ အခြားနိုင်ငံသား အဖြစ် ခံယူထားရင်တောင် တရုတ်မျိုးနွယ် တွေဆိုရင် သူတုိ့အဖွဲ့ဝင်တွေအနေနဲ့ ပါဝင်တယ်။ ဒါ့ကြောင့် တရုတ်ပြည်မအစိုးရရဲ့ သြဇာသက် ရောက်မှုရှိနေရ မယ်ဖြစ်ပါတယ်။ တရုတ်ရဲ့ အိုင်ဒင်တတီကလည်း တရုတ် လူမျိုးအပေါ်မှာ အခြေ ခံပြီး သတ်မှတ်တယ်"လူမျိုး၊ သွေးသားတော်စပ်မှု၊ ယဉ်ကျေးမှုတူညီမှု” တူညီရင် တရုတ်လူမျိုး ဖြစ်တယ်လို့ တရုတ်အစိုးရပညာရှင်တစ်ယောက်ကဆိုပါတယ်။ ၁၉၉၀ ခုနှစ်တွေ ထဲမှာ အစိုးရပိုင်းဆီကရော တရုတ်လူမျိုးတွေဆီကပါ ဒီ အ သံတွေကို တော်တော်ကြားခဲ့ရတယ်။ (ဘယ်နိုင်ငံသားမဆို တရုတ် မျိုးနွယ်ဆိုရင် PRC) (Peoples’ Republic of China) တရုတ်ပြည်တွင်းရှိ တရုတ်တွေနဲ့ အခြား နိုင်ငံတွေမှာနေထိုင်နေကြတဲ့ တရုတ်နွယ်ဖွားတွေအတွက် သူတို့ ဘယ် သူတွေဖြစ်တယ်ဆိုတာ သိဖို့ “ ကြေမုံ စစ်တန်း (Mirror test)” ဆိုတာ ပေါ်ပေါက် ခဲ့ဖူးတယ်။ တခြားနိုင်ငံတွေမှာ နေထိုင်ပြီး အခြားယဉ်ကျေးမှုကျင့်သုံးနေတဲ့ တရုတ်နွယ်တွေကို ဘေဂျင်းအခြေစိုက် တရုတ်လူမျိုးတွေရဲ့ သတိ ပေးစကားက
“ကိုယ့်မျက်နှာကို မှန်ထဲပြန်ကြည့်ဦး” ဆိုတာ ဖြစ်ပါတယ်။ ဒေသအတွင်းမှာ ပျံ့နှံ့နေတဲ့ တရုတ်လူမျိုးတွေကလည်း အရေအတွက် အများအပြားရှိနေတယ်။

တရုတ်ပြည်တွင်းရှိ မူလတရုတ် လူမျိုးတွေနဲ့ တရုတ်ပြည်ထဲရှိအခြားလူမျိုးတွေ ကလည်း အဆင့်အတန်းမတူကြဘူး။ “တရုတ် ယဉ်ကျေးမှု” နဲ့ ပတ်သက်တဲ့ သဘောထားကိုလည်း “တူညီတဲ့ စိတ်ဓာတ်” ဆိုပြီး ပီပီပြင်ပြင် ပြောဆိုလာနေကြ တယ်။ (၂၀)ရာစုအတွင်းမှာ အနောက်တိုင်းရဲ့ လွှမ်းမိုးမှုကြောင့် တရုတ် အိုင်ဒင် တတီဟာ အကြီးအကျယ် ထိခိုက်ခဲ့ရပြီး အခုအချိန်မှာတော့ တရုတ်ယဉ်ကျေးမှုကို အခြေခံပြီး တရုတ်အိုင်ဒင်တတီကို အားနဲ့မာန်နဲ့ ပြန်လည် ပုံဖော်လာနေကြ ပါတော့တယ်။ Note-15 *
ဒီ အိုင်ဒင်တတီက တရုတ်ပြည်ဗဟိုအစိုးရနဲ့ အခြားပြည်နယ်အစိုးရတွေရဲ့ ပုံစံ အမျိုးမျုိူးသော ဆက်ဆံရေးမှာ သဟဇာတလည်းဖြစ်ပါတယ်။ ယဉ်ကျေးမှုသင်္ကတ ဆိုတဲ့ စိတ်က ပြည်နယ် အသီးသီး ရှိ တရုတ်လူမျိုးတွေနဲ့ စီးပွားရေးဆက်ဆံရာမှာ ပိုမိုအားကောင်းစေသလို တရုတ်ပြည်မထဲနဲ့ အခြားနေရာတွေမှာ တရုတ်ပိုင် စီးပွားရေးတွေ ရုတ်တရက် ဖွဲ့ဖြိုးလာခြင်းအပေါ်မှာလည်း ကျေးဇူးပြု နိုင်တယ်။ အလားတူပါပဲ စီးပွားရေးကတဆင့် ရုပ်ပိုင်းဆိုင်ရာ၊ စိတ်ဓာတ်ပိုင်းဆိုင်ရာ တိုး တက်လာ မှုတွေက တရုတ်ယဉ်ကျေးမှုအိုင်ဒင်တတီကို အားသစ်လောင်းေ ပးနိုင်ပါတယ်။

“Greater China” ဆိုတာဟာ နောက်ကြောင်းပြန်ယုံကြည်မှု တစ်ခုသက်သက် တင် မက တော့ပါဘူး။ ယဉ်ကျေးမှုနဲ့စီးပွားရေးက တကယ်ပဲ မြန်မြန်ဆန်ဆန် တိုးတက်လာနေပြီး ဒီကနေ နိုင်ငံရေးပုံသဏ္ဍန်ပါ ပါဝင်လာနေပါတယ်။ ၁၉၈၀ နဲ့ ၁၉၉၀ ခုနှစ်တွေအကြား တရုတ်ပြည်ရဲ့ စီးပွားရေး ရုတ်တရက် တိုးတက်လာခြင်း ဟာ တရုတ်လူမျိုးတိုင်းနဲ့ ဆက်စပ်နေပါတယ်။ တရုတ်ပြည်မထဲက တရုတ် လူမျိုးတွေ၊ အာရှကျားသုံး ကောင်ထဲက တရုတ်တွေ ( အာရှကျးလေးကောင်မှာ သုံးကောင်က တရုတ်လူမျိုးတွေပါ)ရယ်၊ အရှေ့တောင်အာရှထဲက တရုတ်လူ မျိုးတွေအားလုံး ပါဝင်ပါတယ်။ အရှေ့ အာရှရဲ့ စီးပွားရေးဟာတရုတ်ဗဟိုပြု၊ တရုတ် လွှမ်းမိုးတဲ့ စီးပွားရေး ဖြစ်လာနေတယ်။ ၁၉၉၀ ခုတွေမှာ တက်လာတဲ့ တရုတ်ပြည် စီးပွားရေးအတွက် ဟောင်ကောင်၊ ထိုင်ဝမ်နဲ့ စင်္ကာပူရှိ တရုတ်လူ မျိုးတွေ ရဲ့ ငွေကြေးရင်းနှီးမြှုပ်နှံမှုတွေက အများကြီးအထောက်အကူဖြစ်ခဲ့ပါ တယ်။ အရှေ့တောင်အာရှ နိုင်ငံတွေ ထဲမှာရှိတဲ့ တရုတ်လူမျိုးတွေကလည်း သူတို့နေထိုင်နေတဲ့ နိုင်ငံတွေရဲ့ စီးပွားရေးကို လွှမ်းမိုးထား နိုင်တယ်။

၁၉၉၀ ခုနှစ်တွေအတွင်း ဖီလစ်ပိုင်မှာရှိတဲ့ တရုတ်လူဦးရေဟာ တစ်နိုင်ငံလုံးရှိ လူဦးရေရဲ့ တစ်ရာခိုင်နှုန်းသာ ရှိပေမဲ့ ပြည်တွင်းအရောင်းအ၀ယ် ဈေးကွက်ရဲ့ (၃၅) ရာခိုင်နှုန်း သူတို့ပိုင်တယ်။ ၁၉၈၀ ခုနှစ်တွေရဲ့ အလယ်ပိုင်းမှာ တရုတ် လူဦးရေ ၂-၃ ရာခိုင်နှုန်းလောက်ပဲ အင်ဒိုနီးရှားမှာရှိခဲ့ပေမဲ့ ပြည်တွင်းစီးပွားရေးရဲ့ (၇၀) ရာခိုင်နှုန်းလောက်ကို သူတို့က ပိုင်ထားတယ်။ အကြီးဆုံးစီးပွားရေး (၂၅) ခုထဲမှာ(၁၇)က တရုတ်လူမျိုးတွေရဲ့ ထိန်းချုပ်မှုအောက်မှာရှိနေခဲ့ပြီး တရုတ်လူမျိုး တစ်စုရဲ့ (အများထဲကတစ်စု) GDP က အင်ဒိုနီးရှား GDP ရဲ့ ငါးရာခိုင်နှုန်းအထိ ရှိနေတယ်။ ၁၉၉၀ ခု စောစောပိုင်းနှစ်တွေအတွင်း ထိုင်းနိုင်ငံမှာ တရုတ်လူဦးရေ (၁၀) ရာခိုင်နှုန်းရှိပြီး အကြီးဆုံးစီးပွားရေး (၁၀)ခုမှာ(၉)ခုက သူတို့ပိုင်ဆိုင်တယ် ။ နောက်ပြီး ထိုင်းနိုင်ငံရဲ့ GDP (၅၀) ရာခိုင်နှုန်းဟာ တရုတ်တွေ ဆီကပဲ ဖြစ် ပါတယ်။ မလေးရှားမှာတော့ တရုတ်လူမျိုး သုံးပုံတစ်ပုံ လောက်ရှိမယ်။ ဒါပေမဲ့ ရှိရှိသမျှ စီးပွားရေးအားလုံးနီးပါးကို တရုတ်တွေက ဦးစီးထားပါတယ်။ Note-16 * ဂျပန်နဲ့ ကိုရီးယား စီးပွားရေး ကလွဲရင် အရှေ့အာရှရဲ့ စီးပွားရေးဟာတရုတ်စီးပွားရေးပါပဲ။

“Greater China” ရဲ့ ဘောဂသဟာယ ပိုင်နက်ကို ခေါက်ဆွဲစား “တူ” မိသားစု ကွန်ယက် (Bamboo Network) ပုဂ္ဂိုလ်ချင်း ဆက်ဆံရေးနဲ့ ယဉ်ကျေးမှုတူညီခြင်း က အများကြီး အထောက်အကူပြုပေးထားတယ်။ တရုတ်ပြည်ထဲမှာ စီးပွားရေး လုပ်ဖို့ဆိုရင် ပြည်ပမှာရှိတဲ့ တရုတ် တွေအဖို့ အနောက်တိုင်းသားတွေ၊ ဂျပန်တွေ ထက် အများကြီး လွယ်ကူချောမွေ့မှုရှိပါတယ်။ တရုတ်ပြည်ထဲမှာ ယုံကြည်မှုနဲ့ လုပ်ဆောင်တယ်ဆိုတာက စာချုပ်နဲ့ မဆိုင်၊ ဥပဒေနဲ့ မဆိုင်၊ ဘယ်လို ဥပဒေရေး ရာ အထောက်အထား(စာရွက်စာတမ်း)နဲ့မှမဆိုင်ဘဲ တစ်ယောက်နဲ့ တစ်ယောက် ရင်းနှီး ကျွမ်းဝင်မှုနဲ့သာဆိုင်တယ်။ ဒီတော့ အနောက်တိုင်းသားတွေအဖို့ စီး ပွားရေးလုပ်ရာမှာ လူနှစ်ယောက် ကြားက ဆက်ဆံရေးအပေါ်မှာပဲမူတည်နေတဲ့ တရုတ်ပြည်ထဲမှာ စီးပွားရေးလုပ်ရတာထက် အိန္ဒိယမှာ စီးပွားရေးလုပ်ရတာက ပိုမိုလွယ်ကူနေပါတယ်။

ဂျပန်ခေါင်းဆောင်ပိုင်းတစ်ယောက်က အားကျဝန်တိုမှုနဲ့အတူ ဒီလို မှတ်ချက်ချခဲ့ တယ်။ “ တရုတ်ပြည်ဟာ ဟောင်ကောင်၊ ထိုင်ဝမ်နဲ့ အရှေ့တောင်အာရှမှာ ရှိနေ တဲ့ နယ်ခြားစည်းမဲ့ ကွန်ယက် ကြီး ဖြစ်နေတဲ့ တရုတ်ကုန်သည်ပွဲစားတွေဆီက အကျိုးအမြတ်တွေ ရရှိနေတာပါ” Note-17

အမေရိကန် စီးပွားရေးသမားတစ်ယောက်ကလည်း ဒီအဆိုကို သဘောတူ တယ်” ပြည်ပရောက် တရုတ်တွေဟာ စီးပွားရေးသဘော ကျွမ်းကျင်တယ်။ ဘာသာစကားတူတယ်။ အချင်း ချင်း ဆက်သွယ်ဖို့ ခေါက်ဆွဲစားတူ ကွန်ယက် လည်းရှိတယ်။ ဒါက တစ်ခုခုဆိုရင် အက္ကရွန် (Akron) (သို့) ဖီလဒယ်ဖီးယား (Philadelphia)က ဘုတ်အဖွဲ့ကို ပြန်လည်တင်ပြနေရတဲ့ လူတစ်ယောက် အပေါ် အများကြီး အသာစီးရနေစေတယ်”

ဆက်ရန်

ကမ္ဘာ့အတော်ဆုံးကလေးများ
အခန်း(၃) ကိုရီးယား

(အဆက်ပြတ်နေတဲ့ "Smartest Kids in the world" ပါ )

အဲရစ်ကတော့ မင်နီဆိုတာ ( Minnesota ) ပြည်နယ် မင်နီတွန်က
(Minetonka) ကျောင်းကနေ တောင်ကိုရီးယားနိုင်ငံ ပူဆန်မြို့ (Busan) ကို အိတ်(စ)ချိန်းကျောင်းသားအနေနဲ့ သွားရောက်ခဲ့သူပါ။ ကင်(မ်) နဲ့ သူ မတူညီတာ ကတော့ သူနေတဲ့ မင်နီဆိုတာပြည်နယ်ဟာ ဆယ်လီဆောမြို့ လိုမဟုတ်ပဲ ပညာရေးမှာ အကောင်းဆုံးစာရင်းဝင်တဲ့ နေရာတစ်နေရာပါ။ ရှေ့ ပိုင်းတွေကို ချန်လှပ်ထားခဲ့ပြီး သူပူဆန်ကိုရောက်တဲ့ နေရာကနေစပြီး ကိုရီးယားရဲ့ ပညာရေး တစ်ပိုင်းတစ်စကို လေ့လာကြည့်ကြရအောင်ပါ။ (မူရင်း စာရေးသူ)

တစ်ယောက်ယောက်ကို သေနတ်နဲ့ ပစ်ဖူးသလား?

သူမထမဆုံး အချိန်ပြည့်ကျောင်းစတက်ရမယ့် မနက်စောစောမှာပဲ နမ်ဆန် ( Nansan ) ကျောင်းရဲ့ ကျောင်းဝတ်စုံ အပြာရင့်ရောင်ဘောင်းဘီနဲ့ အဖြူရောင်ရှပ် အကျီ ကို ၀တ်လိုက်တယ်။ ဒီဝတ်စုံကိုရအောင် Rotary Club ကောင်ဆယ်လာ ကနေ စီစဉ်ပေးထားတာဖြစ်ပါတယ်။ ပြီးတော့အတန်းထဲမှာ သူ့ ထက်နှစ်နှစ်ငယ် တဲ့ ကျောင်းသားတွေနဲ့ အတူတက်ရမယ်။ဒီထက်အသက်ကြီးတဲ့ ကျောင်းသားတွေ ကတော့ သူတို့ တက္ကသိုလ်ဝင်တန်းစာမေးပွဲအတွက် သိပ်အလုပ်ရှုပ်နေကြ တယ်လို့ သူမကပဲဆက်ပြောပါတယ်။
ဒီစာမေးပွဲဟာ သူတို့ ဘ၀တွေအတွက်သိပ်အရေးကြီးပါတယ်။ သူက သူမရှင်းပြ တာက်ို နားလည်တဲ့အကြောင်း ခေါင်းညိတ်ပြတယ်။ ဒီစာမေးပွဲကလည်း မင်နီ တွန်ကာက SAT စာမေးပွဲလိုပဲနေမှာပေါ့ ။

သူ့ရဲ့ ပထမဆုံးကလပ်စ်ဖြစ်တဲ့ စိတ်ပညာအချိန်မှာ သူကိုယ်တိုင်ခန္ဓာကိုယ်ကို ကျုံ့ ကျုံ့ လေးထားပြီး အခြားကျောင်းသားတွေနဲ့ မိတ်ဖွဲ့ နေမိတယ်။ စာသင်ခန်း အပြင်မှာ ရှူးဖိနပ်ချွတ်၊ ဖိနပ်ခုံပေါ်တင်၊ အခြားကျောင်းသားတွေလို စာသင်ခန်း ထဲမှာ ညှပ်ဖိနပ်ပဲစီးထားလိုက်တယ်။ သူ သတိထားမိတာက ကျောင်းသားလေး တိုင်းမှာ အရောင်စုံခြေအိတ်တွေဝတ်ထားတယ်။ သူနားမလည်တဲ့စာတန်းတွေ နဲ့ ကာတွန်းရုပ်တွေ၊ ပင့်ကူလူသားအရုပ်တွေလည်း ခြေအိတ်တွေပေါ်မှာ တွေ့  ရတယ်။ ဒီကျောင်းမှာ မိတ်ကပ်၊ နားကွင်း၊ ဆံပင်ရှည်၊ ဆံပင်ဆေးဆိုး စတာတွေ ကိုခွင့် မပြုပါဘူး။ ဒီတော့သူတို့ စိတ်တိုင်းကျလုပ်ရတာက ခြေအိတ်ပဲကျန်တော့ပုံရပါတယ်။

စာသင်ခန်းရှေ့ပိုင်းခုံတွေမှာ ကျောင်းသားမရှိသလောက်နည်းပါးနေတယ်။ စောသေးလို့ ဖြစ်မှာဆိုပြီး သင်တန်းစချိန်ကိုစောင့်နေလိုက်တယ်။ စာသင်ခန်းကို မျက်စိဝေ့ပြီးလေ့လာမိတော့ ဒီစာသင်ခန်းဟာ မင်နီဆိုတာမှာ လွန်ခဲ့တဲ့နှစ်ပေါင်း ၃၀ လောက်ကရှိခဲ့ တဲ့  စာသင်ခန်းနဲ့ ခပ်ဆင်ဆင်တူနေတယ်။ သစ်သားစားပွဲနဲ့ ထိုင်ခုံတွေက အတန်းလိုက်တွဲထားတယ်။ ရှေ့မှာရှိနေတဲ့ ဘလက်ဘုတ်ကလည်း အရောင်တွေပြယ်ပြီး မွဲခြောက်ခြောက်ဖြစ်နေတယ်။ မင်နီ တွန်ကာ( Minnetonka) က အခုစာသင်ခန်းတွေမှာဆိုရင် ဒေါ်လာ နှစ်ထောင် ၀န်းကျင်တန် အပြန်အလှန်ဆက်သွယ်ထားတဲ့  အီလက်ထရောနစ် ၀ှိုက် ဘုတ်တွေရှိတယ်။ ဆရာတွေဆီမှာလည်း ကျောင်းသားတွေရဲ့ ဟုတ်တယ် မဟုတ်ဘူး အဖြေကိုသိရဖို့ အတွက် ၀ိုင်ယာလက်ကလစ်ကာတွေ( Klicker ) ရှိတယ်။ ဒါပေမယ့် ဒီစာသင်ခန်းထဲမှာ ဘာမှမရှိဘူး။ ကိုရီးယားရဲ့ ဒစ်ဂျစ်တယ် ယဉ်ကျေးမှုဟာ စာသင်ခန်းထဲကိုဝင်လာခွင့်မရဘူးထင်ပါရဲ့ ။ ကျောင်းသား အားလုံးစုံလို့ စာသင်ခန်းကိုလှည့်ကြည့်မိတော့ ကျောင်းသားပေါင်း ၃၀ကျော် ကို တွေ့ ရတယ်။ အဲရစ်ရဲ့ အမြင်မှာတော့ စာသင်ခန်းတစ်ခန်းကျောင်းသား ၃၀ ကျော်ဆိုတာတော်တော်ကြီးတဲ့ ကလပ်စ်ပေါ့ ။ ဒါပေမယ့်ကိုရီးယားမှာတော့ ဒါကပုံမှန်ပမာဏပါပဲ။
“ မင်းမြင်းစီးဖူးသလား။”
“ဘရက်ပစ်နဲ့ တွေ့ ဖူးသလား။”
“မင်းမှာလယ်မြေ ကိုယ်ပိုင်ရှိသလား။”
“တစ်ယောက်ယောက်ကို သေနတ်နဲ့ ပစ်ဖူးသလား။”

ကိုရီးယားတွေဟာ အာရှတိုက်ရဲ့ အီတလီတွေလို ဖြစ်ပြီး ဂျပန်တွေ၊ တရုတ်တွေ ထက်ခံစားလွယ်တယ်၊ စကားလည်းပိုများတယ်ဆိုတာ သူကြားဖူးတယ်။ အခု ကလေးတွေအားလုံးဟာ ဖော်ဖောရွေရွေနဲ့ လျှောက်မေးနေတာကို သူကိုယ်တိုင် ကြုံတွေ့ နေရပြီ။ သူကိုယ်တိုင်ကလည်း ဒီလိုစကားပြောရတာကို သဘောကျပါ တယ်။
“အေး မြင်းတော့စီးဖူးပါတယ်။ နိုင်ငံကျော် ရုပ်ရှင်မင်းသား၊ မင်းသမီး အများကြီးနဲ့ တော့ မတွေ့ ဖူးဘူး။ ငါ့မှာ ကိုယ်ပိုင်လယ်မြေ မရှိပါဘူး။ ဘယ်သူ့ ကိုမှ သေနတ်နဲ့ မပစ်ဘူးပါဘူး။” ကသူ့ အဖြေတွေပါ။

အဲဒီအချိန်မှာ ဆရာမ၀င်လာပြီး အတန်းရှေ့ မှာရပ်လိုက်တယ်။ မျက်မှန်နဲ့ သူမက ကိုရီးယားလူမျိုးထဲမှာတော့ အရပ်ရှည်တဲ့အထဲမှာပါတယ်။ လက်တစ်ဖက်က မိုက်ကရိုဖုန်းကိုကိုင်ထားပြီး အခြားတစ်ဖက်က ထိပ်မှာဖားရုပ်လေးပါတဲ့ ဒုတ် တစ်ချောင်းကိုကိုင်ထားတယ်။ အဲဒီဒုတ်ချောင်းကလေးက ဈေးဆိုင်တွေမှာရောင်းတတ်တဲ့  ကျောယားရင် ကုတ်လို့ ရတဲ့ ဒုတ်ချောင်းမျိုးလေးပါ။ အဲရစ်က စကားပြောတာကို ရပ်၊ ခါးကို မတ်မတ်ပြင်ပြီး ပြန်ထိုင်လိုက်တယ်။ အဲဒီဒုတ်ကလေးနဲ့  ဘာလုပ်မှာပါလိမ့် ဆိုတာကိုလည်း သူစိတ်ဝင်စားနေတယ်။
ထူးဆန်းတာက ဆရာမ၀င်လာတာကို ဘယ်သူမှ အရေးမစိုက်သလိုပဲ။ ဆရာမ အတန်းရှေ့ မှာ ရပ်နေတာတောင် ကျောင်းသားတွေက စကားပြော မရပ်ကြဘူး။ ဆရာမက စောင့်နေသေးတယ်။ ဒါမျိုးတွေ မြင်ရတာ အဲရစ် စိတ်မကောင်းဖြစ်မိ တယ်။ နောက်ဆုံးတော့ ဆရာမက ဖားဒုတ်ကလေးနဲ့ ခုံကိုရိုက်လိုက်တယ်။ ဒီတော့မှ ကျောင်းသားတွေက အာရုံစိုက်လာပြီး ကိုယ့်ခုံကိုယ် စနစ်တကျ လာ ထိုင်ကြတော့တယ်။
သူမစာသင်နေစဉ်မှာကိုပဲ အတန်းရဲ့ နောက်ပိုင်းမှာရှိတဲ့ ကျောင်းသားတွေက တစ်ယောက်နဲ့ တစ်ယောက်စကားပြောနေကြဆဲပဲ။ အဲရစ်တော်တော်အံ့သြသွား မိတယ်။အမေရိကားမှာ ဒီထက်ဆိုးတဲ့ ကျောင်းသားတွေ သူတွေ့ ခဲ့ဖူးပေမယ့် ကိုရီးယားက ကျောင်းသားတွေထက်တော့ သေသေ၀ပ်ဝပ်ရှိမှာပဲလို့  သူတွေး မိတယ်။

မိနစ်အနည်းငယ်ကြာတော့ အတန်းနောက်ပိုင်းဆီကို မျက်လုံးဝေ့ပြီး သူကြည့် လိုက်မိပြန်တယ်။ မယုံနိုင်အောင်ဖြစ်နေလို့  နောက်တစ်ခါထပ်ပြီး ကြည့်ယူရ တယ်။ အတန်းရဲ့ သုံးပုံတစ်ပုံက အိပ်ပျော်နေကြတယ်။ ငိုက်နေတာမျိုး မဟုတ် ဘူး။ တကယ်ကို လက်ပေါ်ခေါင်းတင်ပြီး ကျကျနနအိပ်နေကြတာပါ။ ကောင် မလေးတစ်ယောက်ဆိုရင် အသင့်ယူလာတဲ့ ခေါင်းအုံးပေါ် ခေါင်းချပြီးတော့ကို အိပ်နေတာ။ ဒါဆိုရင်တော့ ကြိုတင်ကြံစည်ပြီးတော့ကို အိပ်နေတာပဲ။


ဘယ်လိုဖြစ်ရတာလဲ???
သင်္ချာ ၊ စာဖတ်နဲ့ သိပ္ပံဘာသာရပ်တွေမှာ အမေရိကန်တွေကို နောက်ကောက် ချထားခဲတဲ့  ကိုရီးယားကျောင်းသားတွေရဲ့ စာကြိုးစားပုံအကြောင်းတွေ သူတော်တော်များများ ဖတ်ခဲ့ ရပါတယ်။ အရှက်မရှိ အခုလို စာသင်ခန်းထဲမှာ အိပ်နေကြတာကို မဖတ်ခဲ့ ရပါဘူး။ ဆရာမကို အားနာတာနဲ့  အားလုံးရဲ့ ကိုယ်စား သူ့ ခါးကိုတမင်မက်မက်ထားပြီး ထိုင်နေရင်း နောက်ထပ်ဘာတွေများ ဖြစ်လာေ လဦးမလဲလို့  စောင့်ကြည့်နေမိတော့တယ်။
ဆရာမကလည်း ဘာမှမဖြစ်သလိုပဲ စာသင်နေတယ်။ စာသင်ချိန်လည်း ပြီးရော ကျောင်းသားတွေအိပ်နေရာက နိုးလာကြတယ်။ ပြီးတော့ ဆယ်မိနစ် အနားပေးတယ်။ ကျောင်းသူတစ်ချို့ ကစာသင်ခုံတွေပေါ်တက်ထိုင်၊ တစ်ချို့ က စကားပြော၊ တစ်ချို့ ကဖုန်းမက်ဆေ့တွေပို့ လို့ပါပဲ။ တစ်ချို့ ကောင်လေးတွေ ကျပြန်တော့ သူတို့ ဘောပင်နဲ့ ခုံကိုတီးနေကြပြန်တယ်။ ထူးထူးဆန်းဆန်းပါပဲ။ စာသင်ခန်းဟာ သူတို့ အိပ်ခန်းထဲမှာလိုကို အားလုံးက လွတ်လွတ်လပ် လပ်နေနေကြတာပါ။

ပြီးတော့ သိပ္ပံဘာသာရပ်။ အရင်အတိုင်းပဲ၊ နောက်ပိုင်းက ကျောင်းသား သုံးပုံ တစ်ပုံက အိပ်မောကျလို့ ။ စာသင်ခန်းထဲမှာ ဒီလောက်အိပ်နေကြတဲ့  ကိုရီး ယားကျောင်းသားတွေက နိုင်ငံတကာစာမေးပွဲရလဒ်မှာ ဘာလို့ အမှတ်တွေ အများကြီးရနေရတာလဲ။
သိပ်မကြာခင်မှာပဲ ဆရာမကိုင်ထားတဲ့ကျောကုတ်ဖားဒုတ်တန်လေးရဲ့  အသုံး ကျပုံကို သူတွေ့ လိုက်ပါတော့တယ်။ အဲဒီဒုတ်ကလေးက ကျောင်းသားတွေကို နှိုးတဲ့ ဒုတ်ကလေးပါ။ တစ်ချို့ ဆရာတွေက စာသင်ခန်းထဲမှာ အိပ်ပျော်နေတဲ့  ဒါမှမဟုတ် စကားပြောနေတဲ့  ကျောင်းသားတွေရဲ့ ခေါင်းကို မနာအောင်ခေါက်ပြီး နှိုးတယ်။ ကျောင်းသားတွေက အဲဒီဒုတ်ကလေးကို “love stick” လို့ ခေါ်ကြတယ်။
နေ့ လည်စာစားချိန်ရောက်တော့ အဲရစ်လည်း အခြားကျောင်းသားတွေနောက် ကလိုက်ပြီး သူတို့ လုပ်သလိုအကုန်လိုက်လုပ်နေလိုက်တယ်။

ထမင်းပန်းကန်ပြားထဲကို မပါမဖြစ် ကင်မ်ချီ ၊ အမဲသား၊ အရွက်တွေနဲ့ ခေါက်ဆွဲပါ ထည့်လိုက်တယ်။ အဲဒီအချိန်မှာ ကနေဒါက ကျောင်းသူလေးကို တွေ့ လိုက်ရလို့  စိတ်သက်သာရာရပြီး သူမဘေးမှာ သွားစားနေလိုက်တော့တယ်။ ကျွေးတဲ့  အစားအစာတွေကတော့ မင်နီတွန်ကာမှာ ကျွေးတဲ့ အစားအစာတွေလို ပြန်နွေးထားတာတွေ မဟုတ်ပဲ လောလောလတ်လတ်ချက်ထားတဲ့ ပူပူနွေးနွေး အရသာရှိတဲ့ အစားအစာတွေ ဖြစ်နေတာကိုတွေ့ ရတယ်။
နွေးနွေးထွေးထွေးရှိတဲ့ ကော်ဖီဆိုင်ထဲမှာထိုင် ခေါက်ဆွဲကိုတူနဲ့ မွှေနေရင်း ကိုရီးယားကို လာဖို့ သူဆုံးဖြတ်ခဲ့တာဟာ မှန်ကန်တဲ့ ဆုံးဖြတ်ချက်ဖြစ်တယ် ဆို တာ တွေးနေမိတယ်။ သူနဲ့ အတူကျောင်းတက်နေခဲ့ရတဲ့ ကျောင်းသားတွေဟာ ကောလိပ်ကို ရောက်ကြရတော့မယ်။ အိပ်ယာခင်းရှည်ကြီးတွေ အပါအ၀င် အသုံးအဆောင်ပစ္စည်းတွေ အားလုံးသယ်ယူလာခဲ့ကြပြီး သူတို့ နဲ့ အတူနေရမယ့် အခန်းဖော်တွေနဲ့ တွေ့  ဆုံနေကြတယ်။ အဲဒီက ပြီးရင် မောင်မယ်သစ်လွင်ပွဲကို သူတို့ သွားကြမယ်။ အဲရစ်ကတော့ သူတို့ ကြားကနေ မသိမသာအပြင်ထွက်လာခဲ့တယ်။
အထက်တန်းပြီးလို့ ရှီကာဂိုမှာရှိတဲ့  Depaul တက္ကသိုလ်က သူ့ ကို လက်ခံ လိုက်ပြီးတဲ့ နောက် သူသွားနိုင်တဲ့ နိုင်ငံတွေကို စစ်ဆေးကြည့်မိတယ် ။ သူအာရှတိုက်ကို သွားချင်တယ်။ အာရှတိုက်အကြောင်း သူဘာမှမသိသလို သူ့ အတွက်လုံးဝ အသစ်အဆန်းတွေဖြစ်နေမယ်ဆိုတာ (ကာလအတန်ကြာ သည်အထိ) သူသိထားတယ်။ အာရှတိုက်ကနေ ပြန်ရောက်လာပြီးတော့မှ အမေရိကန်တက္ကသိုလ်ကို ပြန်လာပြီး ဘ၀အသစ်ပြန်စလိုက်တော့မယ်လို့  သူဆုံးဖြတ်ခဲ့တာပါ။

ကိုရီးယားကျောင်းသားတွေဟာ အစားအသောက်ကိုရေးကြီးသုတ်ပျာစားပြီး ကျန်နေတဲ့ မိနစ်အနည်းငယ်အချိန်လေးမှာ လွတ်လွတ်လပ်လပ်နေကြဖို့  စားသောက်ဆိုင်ထဲကနေထွက်ပြေးသွားကြတော့တယ်။ ကျောင်းသားအချို့ က ဖုံတွေထဲမှာဘောလုံးကန်နေကြသလို ကျောင်းသူတစ်ချို့ ကလည်း လှေကားထစ်တွေပေါ်မှာထိုင်ရင်း သူတို့ စမတ်ဖုန်းလေးတွေနဲ့ Cy World ထဲကို ၀င်သွားကြ တယ်။ Cy World ဆိုတာက ဖေ့စ်ဘုတ်လိုမျိုးဖြစ်ပြီး ကိုယ့်ရဲ့ ကိုယ်ရေးကိုယ်တာ ကို ပိုပြီးထိန်းချုပ်ထားတဲ့ စနစ်နဲ့ ပါ။ အဲရစ်ကိုယ်တိုင်ကတော့ နောက်ဆုံးမှ စား လို့ သောက်လို့ ပြီးတဲ့ ကျောင်းသားဖြစ်သလို စားသောက်ဆိုင်ထဲက ထွက်လာရာ မှာလည်း သူနောက်ဆုံးပါပဲ။
နောက်ထပ်စာသင်ချိန် မစမီလေးမှာပဲ သူအမြဲတမ်းကြားနေရတဲ့ စာမေးပွဲ အကြောင်း ကျောင်းသားတစ်ယောက်ကို မေးကြည့်မိတော့
“ဒီစာမေးပွဲက မင်းတို့ အမေရိကားက SAT စာမေးပွဲလိုပါပဲ။ ထူးခြားတာက ဒီစာမေးပွဲ အဖြေက မင်းဘ၀တစ်ခုလုံးကို အဆုံးအဖြတ်ပေးတယ်ဆိုတာပါပဲ။
ကိုရီးယားမှာတော့ မင်းရဲ့ပညာရေးဆိုတာ မင်းစာမေးပွဲမှာရတဲ့ ရမှတ်ပဲ။ ရမှတ်ေ ကာင်းရင် အနာဂတ်လည်း အလားအလာရှိတယ်။” လို့ စီနီယာကျောင်းသားက သူ့ ကိုရှင်းပြတယ်။

အမှတ်အမြင့်ဆုံးရသူတွေဟာ ကိုရီးယားရဲ့ ထိပ်သီးတက္ကသိုလ်ကြီးသုံးခုကို တက်ရောက်ခွင့် ရမယ်။ အဲဒီတက္ကသိုလ် ကြီးတွေကိုရောက်သွားရင် အလုပ်ကောင်းကောင်း၊ အိမ်ကောင်းကောင်း သက်တောင့်သက်တာဘ၀ကို လည်းရနိုင်မယ်။ လူတိုင်းကမင်းကို တစ်လေးတစ်စားရှိမယ်လို့ ဆက်ရှင်းပြတယ်။
နောက်ထပ်ကျောင်းသားတစ်ယောက်က
“ဒါဆိုရင် မင်းဟာ ဘုရားသခင်ရဲ့ ချစ်ခြင်းခံရသူဖြစ်သွားပြီ။” လို့ ရယ်စရာလိုလိုနဲ့ ဝင်ပြီးဖြည့်စွက်လိုက်တယ်။

ဆက်ရန်