့ဆရာတော်ရဲ့ ဝါသနာ


သီဟိုဠ်က မပြန်ခင်တစ်ရက်ရောက်မှပဲ ဂင်္ဂါရာမာယကျောင်း (Gangaramaya) ကို ရောက်ဖြစ်ခဲ့ပါတယ်။ အထူးသဖြင့် ဆရာတော်က ကားဟောင်းတွေ စုစောင်းတာ ဝါသနာပါတယ်လို့ သီဟိုဠ်ကိုယ်တော် က ပြောလို့ စိတ်ဝင်တစားနဲ့ ရောက်ဖြစ်ခဲ့ရတာပါ။ တံဆိပ်ခေါင်းစုတဲ့ ဝါသနာ ထက် ဒီဝါသနာက ငွေကုန်ကြေးကျ ပိုများတယ်မဟုတ်လား။ ကံကောင်းတော့ လိုက်ပို့တဲ့ အတူနေကိုယ်တော်က ဟိုက တာဝန်ရှိ ကိုယ်တော်နဲ့ သူငယ်ချင်းတွေ ဖြစ်နေလို့ သာမန်ဧည့်သည် ကြည့်ခွင့်မရ တဲ့ နေရာတွေအထိ ဓာတ်မီးနဲ့လိုက်ပြလို့ ကားပြတိုက်ကြီးတစ်ခုလုံး ကို မြင် ခွင့်ရခဲ့တယ်။
ကားဟောင်း၊ ကားသစ် အစုံရှိတယ်။ ဂျပန်ကားတွေအသားထား ဖို့ဒ်တို့၊ BMW တို့ကအစ အဟောင်းဆုံးကနေ နောက်ဆုံးပေါ်မော်ဒယ်အထိ ရှိတယ်။ အဲဒီအထဲမှာ အနာဂါရိက ဓမ္မပါလ စီးခဲ့တဲ့ကားတောင် ရှိတယ် (ဆရာတော်က ဓာတ်မီးနဲ့ ထိုးပြနေတဲ့ ကားအနက်ပါ)။

ဆရာတော်က ကားဟောင်းတွေစုစောင်းတာ ဝါသနာပါတယ်လို့ လို့ တွေးခဲ့ မိသမျှ ကျောင်းရောက်မှ မှားမှန်းသိရပါတယ်။ ကားရယ်မဟုတ်ပါဘူး။ သူ့ကျောင်းမှာ ပြတိုက်အရှုံးပေးရမယ့် ဘာသာရေး၊ ယဉ်ကျေးမှု၊ လူမှုရေး၊ စစ်ပွဲဆိုင်ရာ ရှေးဟောင်းပစ္စည်းအစုံရှိပါတယ်။
သိရသလောက်ကတော့ အဲဒီဆရာတော် ပိုင်ဆိုင်မှု ဘယ်လောက်ရှိသလဲ ဆိုတာ ဘယ်သူမမသိဘူးတဲ့။
နောက်ဆုံးပုံကတော့ ဆရာတော်နဲ့ သူ့ အချစ်တော် မကြာခင်ကသေသွား တဲ့ ရာဇ ဆိုတဲ့ဆင်ကြီးပါ။






You can...


You can lead a horse to a river, but you can't make it drink.
(Saying)

You can lead a man to Congress, but you can't make him think.
(Milton Berle)

ဖေ့စ်ဘုတ်နဲ့ နွားနို့အကြောင်း


အမေရိကမှာ ဖေ့စ်ဘုတ်သုံးတဲ့ လူကြီးတွေ အရေအတွက်တိုးလာပေမဲ့ လူ ငယ်တွေကတော့ ၂၀၁၃ မှာ လျော့သွားတယ်လို့ သိရပါတယ်။ အကြောင်း ကတော့ (လူကြီးများအတွက်) သူတို့ သား၊ သမီးတွေ၊ မြေးတွေ ဘာတွေ လုပ်နေကြသလဲဆိုတာ ခြေရာခံကြည့်ချင်ရင် ရနိုင်လို့ပါတဲ့။ ဒါကို သိသွားတဲ့ လူငယ်တွေကျပြန်တော့ မိဘ၊ အဖိုး၊ အဘွားတွေက သူတို့အကြောင်း အ ကုန် သိနေနိုင်တော့ လွတ်လပ်ခွင့် ဘယ်ရှိတော့မလဲဆိုပြီး မသုံးကြတာလို့ ဆိုပါတယ်။
ဒါက အမေရိကမှာပါ။ အာရှမှာတော့ ဖေ့စ်ဘုတ်က ပန်းပန်ဆဲပါ။

အိန္ဒိယက အမျိုးသမီးတစ်ယောက်ဟာ ကလေးနှစ်ယောက်ကို နို့တိုက် ဖို့ နွားမကြီးတစ်ကောင် မွေးထားခဲ့တယ်။ တစ်ညမှာတော့ အဲဒီနွားမကြီးကို ကျားတစ်ကောင်က ဝင်ဆွဲတယ်။ ခါတိုင်းဆိုရင်တော့ ရွာသားတွေက တုတ် ဆွဲ၊ ဓားဆွဲနဲ့ ကျားကြီးကို ဝိုင်းသမကြမှာပေါ့။ အခုတော့ ဖေ့စ်ဘုတ်နဲ့ စမတ် ဖုန်းတွေလက်ချက်ကြောင့် တုတ်ဆွဲ၊ ဓားဆွဲရမယ့်အစား စမတ်ဖုန်းပဲဆွဲပြီး ဓာတ်ပုံရိုက်၊ သူ့ထက်ငါ အရင်ဦးအောင် ဖေ့စ်ဘုတ်ပေါ်တင်ဖို့ပဲ လုပ်နေ ကြတော့ (လိုက်ခ် ရဖို့က အရေးကြီးတယ် မဟုတ်လား) ကျားကြီးက လွတ် သွားပြီး နွားမကြီးကတော့ သေသွားရှာရော။ ဖေ့စ်ဘုတ်မပေါ်ခင်ကဆိုရင် ကျားသေပြီး နွားချမ်းသာမယ့် အနေအထားပေါ့။
ဖေ့စ်ဘုတ်က အားလုံးပြောင်းလဲပေးလိုက်တယ်။ ဒါတင်မကဘူး။ ဖေ့စ်ဘုတ် ကနေ အဲဒီ လိုက်ဗ်ရှိုး ယူကျုကနေတင်ပြီး အလှူခံလိုက်တော့ နွားမ တစ်ေ ကာင်ဖိုး ချက်ချင်းပြည့်သွားရောတဲ့။

ဒါနဲ့ စကားမစပ်။ ဒါကတော့ မဆီမဆိုင် အိန္ဒိယနဲ့ နွားနို့ ဇာတ်လမ်းပါ။
အိန္ဒိယမှာ ဓနသဟာယ အားကစားပွဲတော်ကျင်းပတော့ အားကစား သမားတွေက အားကစားကျေးရွာထဲ နွားမတွေကိုဆွဲလာကြတယ် တဲ့။
"နွားမတွေက ဘာကိစ္စပါလာရတာလဲ" အရာရှိကမေးတော့
"အားကစားပွဲတော်အတွင်း နွားနို့သောက်ရဦးမယ်၊ နွားနို့က နွားမဆီမှာရှိနေတယ်"
"မရဘူး၊ နွားမတွေကို အပြင်မှာပဲ ထားခဲ့ရမယ်၊ နွားနို့သောက်ချင်ရင် ဗူးနဲ့အသင့်ထည့်ထားတာပဲ သောက်ရမယ်" လို့ အရာရှိက အမိန့်ထုတ်လို့ အားလုံး ဒုက္ခရောက်ကြရတယ်။

ခေတ်သစ်နွားကျောင်းသား ?


ကလေးဘဝက လူကြီးတွေပြောပြောနေတာကြားခဲ့ရဖူးတယ်။ နွားကျောင်း သားဆိုတာ ဘုရားပွဲနေ့တောင် နားရက်မရှိသူ တဲ့။ ဘာနေ့ပဲဖြစ်ဖြစ် နွားတွေ ကို အငတ်ထားလို့မရတော့ နွားကြောင်းထွက်နေရတာပဲ။

ဒီနေ့ ခေတ်ကတစ်ပတ်လည်လာတယ်။ မီလျံနာ ပရီမီးယားလဂ် ဘောလုံး သမားတွေ တစ်ကမ္ဘာလုံးနားနေတဲ့ နှစ်ဆန်းတစ်ရက်နေ့တောင် အနား မရ ကြဘူး။
သူတို့ရဲ့ မော်ဒယ်ရည်းစားတွေနဲ့ သူတို့မောင်းနေတဲ့ ပြိုင်ကားတွေတော့ ပြော စရာရှိမှာပေါ့လေ။
ဒါပေမဲ့ နွားကျောင်းသားမှာ ကွမ်းတောင်ကိုင်ရည်းစားလေးရှိပြီး နွားပြာ ကြီးကျောပေါ်မှာစီး ပုလွေသံနဲ့ တေးကြူခွင့်ရမယ်ဆိုရင် ခံစားမှုဝါဒအရ ထူးခြားမှု မရှိနိုင်ဘူး။
အထူးသဖြင့် အံဆွဲထဲက ငွေ စိတ်မချရသလို ဘဏ်ထဲကငွေလည်း (အကြီးမတို့လို)အခိုးခံရနိုင်တဲ့ ခေတ်ကြီးမှာလေ။

ဒါနဲ့ စကားမစပ် ဆွမ်ဆီး ၁၊ မန်စီးတီး ၁။ ပထမပိုင်းပြီးပြီ။
၁၅ မိနစ်အတွင်း ဆွမ်ဆီး လုံးဝမရှုံးနိုင်တော့ဘူး။

တနင်္ဂနွေ ဓမ္မကျောင်း


တနင်္ဂနွေ ဓမ္မကျောင်းက ကျောင်းသားလေးတွေရဲ့ လက်ရာနဲ့ ပြက္ခဒိန်ပါ။
လမ်းကြုံရင် ယူလို့ရတယ်။
ကတညုတ ကတဝေဒီကို ဦးစားပေးထားတော့ သူတို့ဆွဲတဲ့ပုံ၊ ပြောတဲ့  စကားတွေကလည်း ကျေးဇူးတရားနဲ့ ဆက်စပ်နေပါတယ်။
ကြားဖူးတဲ့စကားကတော့.....
သူများဆီက ပိုက်ဆံချေးပြီး တစ်ခါတောင်းရုံနဲ့ ပြန်ပေးလိုက်မိရင် ဟိုလူ က ကျေးဇူးတင်ရမှန်းမသိတော့ဘူး တဲ့။