ပြန်ချင်တဲ့ ကွန်မင့်များ

"ဒါနဲ့ အချို့ကဆိုကြတယ်. မတရားမှုတစ်ခုမှာ ကြားနေရင် ဖိနှိပ်သူဘက်က လိုက်တာတဲ့.. ဟုတ်လားဟင် ??"

မသန်းလဲ့ ရေ..
ကြားနေတာက ကြားနေတာပဲထင်ပါတယ်။ ဘယ်ဘက်ကိုမှ မလိုက်ပါဘူး။ ကြားနေတယ်ဆိုရာမှာ..
၁။ ကိုယ်နဲ့မဆိုင်၊ ကိုယ့်ကိစ္စမဟုတ်လို့ ဘာသိဘာသာနေတာနဲ့
၂။ ကိုယ်နဲ့ဆိုင်ပေမဲ့ ကိုယ်ထောက်ခံ၊ ပါဝင်ပတ်သက်တဲ့ လူ (သို့) အဖွဲ့ အစည်းက လုပ်နေတာတွေဟာ မဟုတ်တော့ဘူးလို့ ယုံကြည်မိရင်လည်း (ဟိုဘက်ကိုလည်း မထောက်ခံနိုင်) စိတ်ပျက်ပျက်နဲ့ ကြားနေတတ်ကြပါ တယ်။

ဒီအထိတော့ ဘယ်ဘက်ကိုမှ မလိုက်သေးဘူးထင်ပါတယ်။ အလွန်အမင်း မတရားဘူးလို့ ယုံကြည်လာရင်တော့ ဆန့်ကျင်ဖက်ကို ရောက်ချင် လည်း ရောက်သွားနိုင်တာပေါ့ လေ။
အခု ထင်မြင်မိတာက နိုင်ငံရေး ကြားနေဝါဒနဲ့ မဆိုင်ပါဘူး။ နိုင်ငံရေး ကြားနေဝါဒကတော့ နိုင်ငံကြီး၊ စူပါ ပါဝါကြီး နှစ်နိုင်ငံကြားမှာ လှုပ်မရလို့ ကုတ်နေလိုက်နေရတာမျိုးတွေ ရှိမှာပေါ့။ အများကြီးပါ။

အဲ..တချို့ အမြင်က "ငါ့ကို (ငါတို့ကို) မထောက်ခံရင် မင်းက ဟိုဘက်ကလူ" ဆိုတာမျိုးပါ။ သဘာဝမကျတဲ့ တစ်ယူသန် စွပ်စွဲမှုလို့ ယူဆမယ်ဆို ယူဆလို့ ရတဲ့ အမြင်ပေါ့ ဗျာ။ ဒါက ပုဂ္ဂလိက အမြင်ပါ။
လေးစားစွာဖြင့်

ဒါလေးလောက်နဲ့ သေဒဏ်လား (မောနင်း ပို့စ်)

အကျင့်ပျက် တရုတ်မီးရထားဝန်ကြီးအကြောင်းပါ။
၂၀၀၃ ခုကနေ ၂၀၁၁ ခုအထိ မီးရထားဝန်ကြီး။
လူ ဆယ့်တစ်ဦးကို မတန်မရာ ရာထူးတိုးပေးခြင်း၊ အကျိုးအမြတ် များများရ တဲ့ ကန်ထရိုက်များ ထုတ်ပေးခြင်း။
သူ့လက်ထက်မှာ လာဘ်စားခဲ့တဲ့ငွေပမာဏ ၆၄ ၆ မီလီယံ။
အိမ်ယာပိုင်ဆိုင်မှုပေါင်း ၃၇၄။
ကား ၁၆ စီး၊ အပျော်မယား ၁၈ ယောက် (ရုပ်ရှင်မင်းသမီး၊ လေယာဉ်မယ်တွေ အပါအဝင်) တဲ့။
အခု သူ့ကို ရုံးတင် စစ်ဆေးနေတယ်။ မြန်မာတစ်ယောက် အနေနဲ့ကတော့ ဒါလေးလောက်နဲ့ သေဒဏ်လား ပေါ့။
တို့ နိုင်ငံလာကြည့်လှည့်။

တရုတ်ဗိုလ်ချုပ်ကြီးသား မုဒိမ်းကျင့်မှု

ဒါလည်း စိတ်ဝင်စားစရာပဲ။ ၁၇ နှစ်သား ဗိုလ်ချုပ်ကြီးသားနဲ့ သူ့ မိုက်ဖော် မိုက်ဖက် လေးယောက်ကို ရုံးတင်စစ်ဆေးနေတဲ့အကြောင်း ပါလာပြန်တယ်။
သူ့အဖေရဲ့ အဏာကို အလွဲသုံးစားလုပ်နေတာ ဒါ ပထမဆုံးအကြိမ် မဟုတ်ဘူး၊ မီးပွိုင်းမှာ ရန်ဖြစ်မှု၊ အပြစ်မဲ့သူတွေကို အနိုင်ကျင့်မှု စတာတွေေ ကြာင့် သူ့အဖေက သူ မဆုံးမလို့ ဒီလို ဖြစ်ရတဲ့အကြောင်း တောင်းပန်ခဲ့ရပြီး ပြီ တဲ့။
ဒါဆို လူရမ်းကား ဖိုးလပြည့်၊ သူ့မိုက်ဖော်မိုက်ဖက်တွေနဲ့ သူ့ အဖိုးတို့ အလှည့် ဘယ်အချိန် ရောက်လာမလဲ။

အော် အင်း ဘယ်လိုပြောရမလဲ

မြန်မာဗုဒ္ဓဘာသာတွေက ဘာ ဥပဒေ ညာ ဥပဒေ တွေလုပ်တော့ မလေး မွတ်စလင်တွေကလည်း ဘာ ဥပဒေ ညာ ဥပဒေ တွေထလုပ်နေပြန်ပြီ။
မိဘနှစ်ဦးအနက် တစ်ဦးကသဘောတူရင် ကလေးကို အစ္စလာမ်ဘာသာထဲ သွတ်သွင်းနိုင်ဖို့တဲ့။ မလေးရှားဟာ တရားဝင် အစ္စလာမ်နိုင်ငံဖြစ်တဲ့အတွက် ဒီနိုင်ငံထဲမှာနေတဲ့လူတိုင်း ဒါကို နားလည် လက်ခံနိုင်ရမယ်တဲ့။

အများစု ဗိုလ်ကျတဲ့ စနစ်ပေါ့။ မတရာဘူးထင်ရင် အနည်းစုက ဗုံးနဲ့ပြန်ဆော် မှာပေါ့။ ဒါပါပဲ။

အပြင်လူကကြည့်ရင်တော့ အစွန်းရောက်သလိုလိုပါ။ ဒါပေမဲ့ သူတို့အမြင်နဲ့ သူ တို့တော့ မှန်နေတာပါပဲ။
စဉ်းစားကြသင့်တာက မြင့်မြတ်တဲ့ ဘာသာရေးအဆုံးအမတွေကို လက်ကိုင် တုတ်လုပ်ပြီး လူ့အဖွဲ့အစည်းကြီးတစ်ခုလုံး ကမောက်ကမဖြစ်အောင် ဘာလို့ များ ဖန်တီးကြတာလဲ ဆိုတာပါ။
ကမ္ဘာ့ဗုဒ္ဓဘာသာတွေအမြင်မှာတော့ မြန်မာဗုဒ္ဓဘာသာလည်း သွေးစွန်း
သွားပြီ။
သူ့ အမြင်နဲသူပဲ မှန်နေကြတယ်။ စိတ်မကောင်းစရာပဲ။ အမေရိကန်တွေသာ ခရစ္စယန်အစွန်းရောက်တွေသာဆို ကမ္ဘာပျက်ပြီးနေလောက်ပြီ။
ဝမ်းနည်းပါတယ် တဇောက်ကန်းလူတွေနဲ့ ကမောက်ကမ ကမ္ဘာရယ်။

ဦးနှောက်ပဲ

ဦးနှောက်အထူးကုဆရာဝန်ရဲ့ အဖြေက ဒီလို
"Your brain has two parts, one left and one right.
The left part has nothing right in it, and the right part has nothing left in it.

ကမ္ဘာကျော်တွေ အင်တာဗျူးတဲ့ ဗုဒ္ဓ

၁။ နယူတန် နဲ့ ဗုဒ္ဓ
နယူတန်။ ။ဂေါတမဗုဒ္ဓ ရေ ၊ကျုပ်တော့ ကမ္ဘာမြေရဲ့ ဆွဲငင်အား အကြောင်းကို တွေ့ခဲ့ပြီ ဗျ။
ဗုဒ္ဓ ။ ။ ကောင်းလိုက်တာ ဒကာကြီးရာ။ ဗုဒ္ဓလည်း အပါယ်လေးပါးရဲ့ ဆွဲငင်အား အကြောင်းကို တွေ့ခဲ့ပါတယ်ဗျ။ သတ္တဝါတွေသေရင် အပါယ်ရောက်ကြတာ များသဗျ။

၂။ ဝန်းကျင်ထိမ်းသိမ်ရေး သမားနဲ့ ဗုဒ္ဓ
ဝန်းကျင်ထိမ်းသိမ်ရေး သမား။ ။ဂေါတမဗုဒ္ဓ ရေ ၊ကျုပ်တို့ ကမ္ဘာကြီးက ပူနွေးသထက် ပူနွေးလာနေတယ် ဗျာ။
ဗုဒ္ဓ ။ ။ ဒကာကြီးတို့က ခုမှ ပူနွေးနေ၊ ကျုပ်ကဖြင့် အာဒိတ္တပရိတ္တ ပရိယာယ သုတ်ထဲမှာ "The whole world is burning" လို့ သတိပေးခဲ့တာ ကြာပေါ့။ ရဟန်းတွေကို သစ်ပင် ခုတ်ခွင့်ကို မပြုခဲ့ဘူး ဗျ။

၃။ ဘီးလ်ဂိတ် နဲ့ ဗုဒ္ဓ
ဘီးလ်ဂိတ်။ ။ ဗုဒ္ဓ ရေ ကျုပ်တော့ အပျော့စွမ်းအင်ကို တွေ့မိတယ်ဗျ၊ ဒါကို မိုက်ကရို ဆော့ဖ် လို့ အမည်ပေးမလို့ ဗျာ။
ဗုဒ္ဓ ။ ။ ဒကာကြီးက ဒါကို မိုက်ကရို ဆော့ဖ် လို့ ခေါ်သလား။ ကျုပ်ကတော့ ဒါကို အာရှဘာသာနဲ့ အဘိဓမ္မာထဲမှာ သုခုမ ရုပ် လို့ ခေါ်ထားတယ် ဗျ။

၎။ ရေသံသရာ နဲ့ ဗုဒ္ဓ
ရေသံသရာ ။ ။ဗုဒ္ဓ ရေ ၊ ရေဟာ အသွင်ကွဲသွားပေမယ့် အိတ်ခ်ျတူးအို ဓာတ်က မပျက်တော့ အကြောင်း ညီညွတ်တိုင်း ရေဘဲ ပြန်ပြန် ဖြစ်တယ် ဆိုတာ တွေ့ရသဗျာ။
ဗုဒ္ဓ ။ ။ဒကာကြီးကလည်း၊ ရေမှ သံသရာလည်တာ မဟုတ်ပါဘူးဗျာ။ လူလည်း သံသရာလည်တာ ပါဘဲ။ ကျုပ်ပြောထားတဲ့ ပဋိစ္စသမုပ္ပါဒ် အနုလုံက လူသံသရာ ဖော်မြူလာ လေဗျာ။

၅။ ဖလော်ဆော်ဖာ နဲ့ ဗုဒ္ဓ
ဖလော်ဆော်ဖာ။ ။ကြည့်လိုက်စမ်းပါ ဗုဒ္ဓရာ။ တံတားအောက်က ရေတွေ စီးဆင်းသွားနေလိုက်တာ။
ဗုဒ္ဓ ။ ။ရေမှ မဟုတ်ပါဘူး။ ကိုယ့်ကိုယ်ကိုလည်း ပြန်ကြည့်ပါဦး၊ ဒကာကြီးလည်း စီးဆင်း နေတာပဲလေ။

၆။ ရီဆိုက်ကယ်လစ်တ် နဲ့ ဗုဒ္ဓ
ရီဆိုက်ကယ်လစ်တ်။ ။ကမ္ဘာကြီးကို ကာကွယ်ဖို့ စွန့်ပစ် ပစ္စည်း နည်းနိုင်သမျှ နည်းအောင် ကြိုးစားကြရမယ် ဗုဒ္ဓ ရေ။
ဗုဒ္ဓ ။ ။ ဒီ ကိစ္စကိုတော့ အနန္ဒာနဲ့သာ ဆွေးနွေးတော့ ဗျို့။သင်္ကန်းကနေ အိပ်ယာခင်း၊စောင် ။ အိပ်ယာခင်း၊စောင် ကနေ ကြမ်းတိုက် အဝတ်၊ တစ်ချို့ကို လက်သုတ် ခြေသုတ်။နောက်ဆုံး မြေဩဇာ ဖြစ်အောင် သုံးပြလိမ့်မယ်။ အာနန္ဒာကတော့ သုံးတတ်ရင် သုံးမရတာ ဘာမှ မရှိဘူး လို့ ဆိုလေရဲ့။ဥတေန မင်း လက်မြှောက်သွား သတဲ့ ဒကာကြီး ရေ။
(First Posted on 9th July, 2012.)

သီဟနာဒ







Copyright © 2012 ကမ်းလက်. All rights reserved.

နတ်မျက်စိ၊ သတိ၊ သညာနှင့် CCTV

နတ်မျက်စိ

အရှင်သာရိပုတ္တရာကိုယ်တော်မြတ်ကြီးက ပညာအရာ၌သာမက တံမျက် စည်းလှည်းရာ၌လည်း နာမည်ကြီးတော်မူလေ၏။ သို့သော် အခါ တစ်ပါး တောကြီးထဲ၌ သမာပတ်ဝင်စားနေစဉ် ဘယ်သူမှ မရှိပါဘူးလေ ဟူသည့်အမှတ်ဖြင့် ပတ်ဝန်းကျင်ကို တံမျက်စည်းမလှည်းဘဲ နေခဲ့တော် မူသည်ဟုဆို၏။ ၎င်း အချင်းအရာကို ဒိဗ္ဗစက္ခုအဘိညာဉ် (နတ်မျက်စိ ) ဖြင့် မြင်တော်မူသော ဘုရားရှင်ကိုယ်တော်မြတ်ကြီးက အရှင်သာရိပုတ္တရာ သမာပတ် ဝင်စားရာ ကြွတော်မူလာပြီး ပညာပေးတော်မူလိုက်လေသည်။

ဆိုလိုသည်က သင် တံမျက်စည်းမလှည်းတာကို ငါ ဘုရားသိတော်မူသည် ဆိုသည့်သဘောဖြင့် ခြေတော်ရာတစ်စုံ ထင်ကျန်ရစ်အောင် အဓိဋ္ဌာန်ထား ခဲ့ခြင်း ဖြစ်လေသည်။ ထို့ကြောင့် ဗုဒ္ဓဘာသာ၏ စီအီးအိုသဖွယ်ဖြစ်သော အရှင်သာရိပုတ္တရာကိုယ်တော်မြတ်ကြီး ရှက်နိုးခြင်း လွန်စွာဖြစ်လိုက် ရလေသည်။ စီအီးအိုကြီး အငိုက်မိသွားခြင်းပေတည်း။ ထိုမှနောက် အမှိုက်လေးများတွေ့မြင်ပါက သင်္ကန်းရုံလျက်ပင် ခြေထောက်ဖြင့် လမ်းပေါ်မှ ဘေးသို့ ဖယ်ရှားနေတတ်သည်ဟု စာပေကဆိုလေသည်။

သတိ၊ သညာမျက်စိ

ရွာမှဆရာတော်က နတ်မျက်စိ (ဒိဗ္ဗစက္ခုအဘိညာဉ်) တော့ ရတော်မမူပါ၊ သို့သော် သတိ၊ သညာမျက်စိ အတော်ကောင်းလှသည်။ ကျေးလက် ဘုန်း ကြီးကျောင်းတို့ အစဉ်အလာအတိုင်း ဆွမ်းဟင်းကျန်တို့ကို ပေါင်ပြီး ဟင်းေ လး (ဟင်းပေါင်း) လုပ်ထားရသည်။ ဟင်းလေးအိုးက နှစ်အိုးဖြစ်သည်၊ တစ်အိုးက ဆရာတော်နှင့် သံဃာတော်များအတွက်ဖြစ်ပြီး နောက်တစ်အိုးက သာမဏေများနှင့် ကျောင်းအိပ်ကျောင်းသားများအတွက် ဖြစ်လေသည်။ သိကြသည့်အတိုင်းပင် ဆရာတော့် ဟင်းလေးအိုးထဲမှာက ဝက်သား၊ ငါး စသည်တို့ပါဝင်သည်။
ထို ဟင်းလေးအိုးများကို ညနေစောင်းတွင် ပြန်လည်နွှေးပြီး ဆွမ်းစားကျော င်းပေါ် ပြန်တင်၊ ပြီးလျင် သော့ခတ်လိုက်ရသည်။ ထိုအခန်းကို ကြက်သရေ ခန်းဟုခေါ်သည်။ ဘာကြောင့် ကြက်သရေခန်းဟုခေါ်သည်ကိုတော့ မသိ။

ထိုနေ့ ကျောင်းသားကြီး စံဦးက ဟင်းလေးနွှေးတာဝန်ကျသည်။ ဟင်းလေးနွှေးအပြီး ဟင်းလေးအိုးများကို ကျောင်းပေါ်သို့တင်ရာတွင် 'မ' ထားရသည့် ဟင်းလေးအိုးအလေးချိန်ကြောင့် သူ့ ခြေသံက အနည်းငယ် ပိုပြင်းနေသည်။ ထိုအချိန် ဆရာတော်က ကျောင်းအောက်ထပ်မှာ အနား ယူနေချိန် ဖြစ်လေသည်။
ကျွန်ုပ်တို့ မသိလိုက်သည့် ဆရာတော့် ထောင်ခြောက်က ဟင်းလေးအိုးနှစ် အိုး ကို အတူမထားဘဲ တစ်ထောင့်စီမှာ ခွဲခြားထားခြင်းဖြစ်သည်။ အခန်း ဘယ်ထောင်ကို သွားနေသလဲဆိုသည့် စံဦး၏ ခြေသံကို နားထောင်လိုက် လျင် စံဦး သယ်သွားသည့် ဟင်းလေးအိုးက ဆရာတော်နှင့် သံဃာတော် များအတွက်ဟင်းလေးအိုးလား၊ သာမဏေများနှင့် ကျောင်းအိပ်ကျောင်း သား များအတွက် ဟင်းလေးအိုးလား ဆိုသည်ကိုလည်း သိနိုင်ပေသည်။

ဆရာတော်က ပြုံး၏။ ဆရာတော်က စံဦး ခြေသံရပ်သွားအပြီး ခဏအကြာ "စံဦး ရေ"
ဟု လှမ်းခေါ်လိုက်သည်။ ကံဆိုးသောစံဦး ဆရာတော်ခေါ်သံကို ချက် ချင်း ပြန် မထူးနိုင်ရှာတော့ပေ၊ အကြောင်းက ဝက်သားပူပူတစ်တုံး ပါးစပ်ထဲ ထည့်ထားလိုက်မိသောကြောင့်ပင်၊ ခဏနေ ထူးတော့ထူး၏၊ သူ့ထူးသံ "ဘုရား"
ဆိုတာကြီးက ပလုပ်ပလောင်းသံကြီးနှင့်ဖြစ်သဖြင့် စံဦး ဝက်သားခိုး မိ သွားလေတော့သည်။
ဆရာတော်က ရိုက်တော့ မရိုက်ပါ၊ သို့သော် ပြုံး၏။ ထိုမှနောက် ဟင်းလေး အိုများ နေရာခွဲထားခြင်းသည် ရွာဘုန်းကြီး၏ စီစီတီဗွီဖြစ်ကြောင်း သိ လိုက်ရလေတော့သည်။

CCTV

ယနေ့ခေတ်က CCTV ခေတ်ဖြစ်သည်။ နတ်မျက်စိ မရ၊ မရှိ၊ သတိ၊ သညာ မျက်စိ မရ၊ မရှိလည်း အထိုက်အလျောက်တော့ အိုကေသည်ဟု ဆိုရန်ရှိ သည်။ သို့သော် လုံးဝထင်မှတ်မထားသည့်ကိစ္စ ဖြစ်သွားခဲ့သည်။ ည ၁၂ နာရီမှာ လူငယ်နှစ်ယောက် အုတ်တံတိုင်းကို ခုန်ဝင်လာကြသည်။ သူတို့လည်း CCTV ကင်မရာများရှိသည်ကို သတိထားမိပုံမရ။ နောက်မှ သိကြပုံရသည်။
သိသည်နှင့် တပြိုင်နက် ကင်မရာများကို ရှောင်ရင်း ရှောင်ရင်း မသိမသာ ချဉ်းကပ်ကြသည်။ ထို့ကြောင့် သူတို့ မျက်နှာစသည်ကို ထင်ထင် ရှားရှား မမြင်ရ၊ သူတို့အရိပ်တွေကိုသာ မြင်ရတော့သည်။ ကျောင်းအဆောက်အဦ ထဲ ဝင်မရသောအခါ ညောင်ပင်အောက်မှာရှိသည့် အလှူခံပုံးဆီကို ဦးလှည့် သွားကြသည်။ ထို အလှူခံပုံးမှာလည်း ကင်မရာက ရှိနေပြန်၏။
သူတို့ ဘာလုပ်သည် ထင်ပါသနည်း။ တုတ်ရှည်ရှည်တစ်ချောင်းဖြင့် ယင်း ကင်မရာကို မိုးပေါ်ထောင်နေအောင် လှည့်ပေးလိုက်သည်။ ကင်မရာ၏ ဖော့ကပ်သည် ကောင်းကင်ကြီး ဖြစ်သွားလေတော့သည်။ သူတို့ ကံမကောင်းပါ။ ထို အလှူခံပုံးကလည်း ဖောက်ခွဲသည့် အဆင့်မရောက်ဘဲ ဘာမှ ခိုးယူလို့ မရ။ အကြံကုန် ဂဠုန်ဆားချက်သည်ထင်၏။ ဘာမှမရသည့်နောက်ဆုံး သရက်ပင်မှ အလုံးသေးသေး၊ အစေ့ကြီးကြီး ပထမတန်းစား အချဉ်မျိုး သရက်သီးတိုကို ဆွတ်ခူးကာ ထွက်သွားကြေ လတော့သည်။

ဘုရားရှင်၏ ဒိဗ္ဗစက္ခုအဘိညာဉ်၊ ရွာမှဆရာတော်၏ သတိ၊ သညာ မျက်စိ တို့ကို သတိရရင်း CCTV အောက်မှ သရက်သီးပျောက်ရပုံကို စဉ်းစား ရင်းပြုံးမိ၏။
CCTV ရှိပါလျက် လူငယ်နှစ်ယောက်ကို ပညာ မပေးလိုက်နိုင်ခဲ့။

နှလုံးသား v ဥပဒေ

၁။ နှလုံးသား v ဥပဒေ

နှစ်ကာလအတော်ကြာ အတည်မပြုနိုင်ခဲ့တဲ့ တရုတ်ပြည်ရဲ့ ဥပဒေမူကြမ်း အတည်ဖြစ်သွားခဲ့တယ်။ သား (သို့) သမီးက သက်ကြီးရွယ်အို မိခင်၊ ဖခင်တွေကို အနည်းဆုံး နှစ်လတစ်ကြိမ်သွားရောက် လည်ပတ်ရမယ်ဆိုတဲ့ ဥပဒေပါ။ အူကြောင်ကြောင်နိုင်သလို အငြင်းပွားစရာတွေလည်း အများကြီး ပဲ။ နယ်ခြားမှာ အလုပ်လုပ်နေသူတွေအတွက် နှစ်လပြည့်တိုင်း ပြန်ဖို့က မ လွယ်ဘူးဆိုတာမျိုးတွေရှိသလို အိမ်ထောင်ပြုပြီးသားတွေဆို နှစ်ဖက် မိ ဘတွေရှိနေပြီဆိုတော့ ဘယ်မိဘတွေဆီ အရင်သွားမလဲ၊ ဒါတွေအတွက် ဘယ်သူက ခွင့်ပေးမှာလဲဆိုသူတွေလည်း ရှိနေပြန်တယ်။
တကယ်လို့ သား (သို့) သမီးတွေက မလိုက်နာရင် မိဘတွေက တရားစွဲ ဆိုနိုင်တယ် ( တရားစွဲလို့ မိဘကနိုင်သွားခဲ့ပါတယ်)။
အဲသလို အမှုအခင်းတွေဖြစ်ပြီးမှ ဥပဒေကြောင့် မဖြစ်မနေ သွားတွေ့ရတဲ့ သား (သို့) သမီးတွေမှာ နှလုံးသားရော ပါသွားကြပါတော့မလား။ အွန်လိုင်းပေါ်မှာတော့ ဒီ ဥပဒေကို ရယ်နေကြလေရဲ့။

၂။ အစိုးရတွေက အစိုးရအလုပ် လုပ်ကြတယ်

တစ်ဦးချင်းသတင်းမှာတော့ Snowden က ဟော့တ်အဖြစ်ဆုံးပဲ။ သူ့ကို ထောက်ခံသူတွေ ရှိသလို အူကြောင်ကြောင်လို့ ပြောသူတွေလည်း ရှိတယ်။ အများအားဖြင့် သူ့ကို ထောက်ခံသူတွေက အရပ်သားတွေပါ၊ အစိုးရတွေမပါဘူး။ ဒါနဲ့ပဲ သူလည်း နိုင်ငံရေးခုံလှုံခွင့်တောင်းတာ ဘယ်နိုင်ငံ ကမှ မပေးကြသေးဘူး။
ရှားရှားပါးပါး ဘိုလီဗီးယားကတော့ စိတ်ဝင်စားသတဲ့။ မြောက်ကိုရီးယား ကတော့ လျှောက်ရင်ပေးလောက်တယ်။ မပေးကြဘူးဆိုရာမှာ အမေရိကန် က ပေးလာမယ့် ဖိအားကိုကြောက်လို့ချည်းပဲ မဖြစ်နိုင်ဘူး၊ အစိုးရတွေက အစိုးရရဲ့ လုံခြုံရေးတာဝန်တွေကို (အထူးသဖြင့် အကြမ်းဖက်မှုတွေနဲ့ ပတ် သက်လို့ပေါ့) သဘောပေါက်ပြီး အမေရိကန်အစိုးရကို နားလည်ပေးနိုင်ကြလို့ လည်း ဖြစ်နိုင်ပါတယ်။ ပြည်သူအသိခံလို့ မရတဲ့ အစိုးရတွေရဲ့ အစီအစဉ်ေ တွထဲမှာ ဒါတစ်ခုတည်းမဖြစ်နိုင်ဘူးမဟုတ်လား။
ဘာပဲဆိုဆို Snowden တော့ ရုရှားလေယာဉ်ကွင်းမှာ ဒုတိယနိုင်ငံရဲ့ "Yes" အသံကို စောင့်နေရဆဲထင်ပါရဲ့။

၃။ မြန်မာသမ္မတ "ရဲ" လာပြီ

တိုင်းမဂ္ဂဇင်းကို ကန့်ကွက်တယ်။ ဘာဖြစ်ဖြစ် ပြောလိုက်တော့ ပြီးသွားတာေ ပါ့။အမှားအမှန်ကတော့ ပြောနေကြမှာပဲ။ ပြောစရာတွေကလည်း ရှာနေရင် သူ့အကြောင်းပြချက်နဲ့သူ ရှိနေမှာပဲ။ ရေငုံနှုတ်ပိတ်သန်းရွှေထက် အများကြီး သာပေပြီ။
တစ်ခုရှိတာက သမ္မတက တရားဝင် ကမ္ဘာသိကြေငြာပြီးရင်တော့ ဘယ်သူမှ ဘယ်လမ်းပေါ် ဘယ်ဘုရားပေါ်မှ ဆန္ဒမပြသင့်တောဘူး။ ဘာမှ မဟုတ်ဘဲ နဲ့ နိုင်ငံနာတယ်။

ယနေ့ မှတ်ဖွယ် (မှတ်စုဟောင်းများမှ)

သုဘရာဇာကား တစ်သက်လုံးမောင်းလာသူကို တက္ကစီဒရိုင်ဘာလိုင်စင် ထုတ်မပေးသင့်။
နောက်ကနေ သူ့ပခုံးကိုပုတ်ပြီး စကားပြောမိတိုင်း ကားတိုက်မှု ဖြစ်သည်။

ဇွန်း ခရင်းနဲ့စားသော မိခင်တို့က သူတို့ကလေးပေါက်စနလေးတွေကို ဇွန်း ခရင်း သေးသေးလေးများဖြင့် ကျွေးကြသည်။
သို့ဆိုလျင် တူဖြင့်စားသည့် တရုတ်မိခင်တို့က သွားကြားထိုးတန်ဖြင့် ကျွေး ကြရမည်။

၂၁ ကို တွမ်တီ ဝမ်း၊ ၃၁ ကို သာတီဝမ်း ဟုဆိုက
၁၁ သည် ဝမ်းတီဝမ်းသာ ဖြစ်နေရမည်။

လက်ခံရအခက် ငြင်းရအခက်

(၁)
"တိုင်းပြည်ကြီး ပျက်တော့မည်။
တွေးရင်းနှင့် ကြည်နူးမိသည်" တဲ့။ သက်ဦးမောင်က။
ဒီနေ့ သတင်းစာကို ကောက်လှန်တော့
"Hate speech testing Myanmar democracy" တဲ့။
လက်ခံရအခက် ငြင်းရအခက်။

(၂ )
လတ်တလော နိုင်ငံအလိုက်သတင်းတွေ တစ်ပြေးနေတာကတော့ ဆီးရီး ယားနဲ့ မြန်မာပါပဲ။ ပြဿနာပေါင်း သောင်းခြောက်ထောင် ကိုယ်စီနဲ့။
အမေရိကန်သံအမတ်စကားက သက်ဦးမောင်ကို ထောက်ခံနေပြန်တယ်။
"This country, for too long, has been at war with itself. For decades, the talk has been one of 'enemies within'. This attitude has been major caused this country's underdevelopment."
"In many ways.....the sense of fear and insecurity here is fundamental to what is to be Myanmar...... based as they are on concerns about geography, demographic, or ethnic and cultural differences."
"It leads nowhere good,it is in fact dangerous."
အချင်းချင်း သတ်ပုတ်နေတဲ့နိုင်ငံ၊ အချင်းချင်း စွပ်စွဲနေတဲ့ နိုင်ငံ၊ ဒီ့နိုင်ငံမွဲနေရတဲ့အကြောင်းတွေထဲမှာ အဲဒါက အဓိကအကြောင်း တဲ့။
လက်ခံရအခက် ငြင်းရအခက်။

(၃)
တရုတ်ပြည်ကို နို့စားနွားမနှစ်ကောင် ပေးလိုက်ရင် ဘာလုပ်ကြမယ် ထင် သလဲ။
တစ်နိုင်ငံလုံး ဝိုင်းပြီး နွားမတွေသေသည်အထိ နို့ ညှစ်မယ်။ ဒီသတင်းကိုရေး ရင် ရေးသူကို ဖမ်းမယ်။
ပြင်သစ်ကို နို့စားနွားမနှစ်ကောင် ပေးလိုက်ရင် ဘာလုပ်ကြမယ်ထင်သလဲ။
သုံးကောင်မဟုတ်လို့ လမ်းပေါ်တက် ဆန္ဒပြမယ်။
လက်ခံရအခက် ငြင်းရအခက်။

ဆိုဆိုက်တီး သတ္တဝါ (Society animal)

...........အဖွဲ့
...........အဖွဲ့
............အဖွဲ့

ဘယ်အဖွဲ့အထဲမှ မပါချင်တဲ့လူတွေလည်း
သူတို့ချင်း ပေါင်းမိတော့
"ဘယ်အဖွဲ့အထဲမှ မပါတဲ့" အဖွဲ့လေး ဖြစ်သွားတာပဲ။
လူဆိုတာ ဆိုဆိုက်တီး သတ္တဝါ။

ခေတ်နှင့် ဘာသာရေး

ဘာသာမတူသူ အချင်းချင် ထိမ်းမြားလက်ထပ်ခြင်းနှင့် စက်စပ်ပြီး ဗုဒ္ဓဘာ သာက ဘာပြောသလဲဆိုသည့်ကိစ္စနှင့် ပတ်သက်ပြီး အကျယ်တဝင့် ရေး လာ ပြောလာကြသည်ကို တွေ့ရသည်။ သမသဒ္ဓါ၊ သမသီလာ (ယုံကြည်မှု တူ၊ ကိုယ်ကျင့်သီလတူ) စသည်ကို ထောက်ဆပြီး ဘာသာတူသူအချင်းချင်း လက်ထပ်ပေါင်းရမည်ဟု ဆိုသူရှိသလို ဘုရားလက်ထက်တော်ကတည်းက ဘာသာမတူ ထိမ်းမြားလက်ထပ်ခြင်းများ ရှိနေသည်ဟု နာမည်ကြီး ဝိသာခါ စသည်တို့ကို ထောက်ရှုပြီး ပြောသူတွေလည်းရှိသည်။
ဘယ်လိုပင်ပြောပြော ထိုခေတ်က အစ္စလာမ်ဘာသာ မပေါ်ပေါက်သေး သဖြင့် ယင်းအကိုးအကားတို့လည်း ထိရောက်လှသည်ဟုတော့ မယူဆမိ။ ဆိုလိုသည်မှာ ဝိသာခါသည် ဘာသာခြားကို လက်ထပ်လိုက်သော်လည်း သူမ၏ လက်ရှိယုံကြည်ကိုးကွယ်မှုကို စွန့်လွှတ်ရန် မလိုပေ။ အကယ်၍ လက်မထပ်ခင်ကတည်းက လက်ထပ်ပြီးလျင် လက်ရှိယုံကြည်ကိုးကွယ်မှုကို စွန့်လွှတ်ရမည်ဟုဆိုလျင် ဝိသာခါလို ၇ နှစ်နှင့် သောတာပန်တည်ပြီးသူက ထိုအမျိုးသားကို လက်ထပ်ပါဦးမည်လား။
အစ္စလာမ်ဘာသာက ထိုသို့ ခွင့်မပြု။ သို့သော် အစ္စလာမ်ဘာသာရေး အဆုံး အမက ပြင်လို့မရတော့၊ ထိုအခါ ဆိုင်ရာဆိုင်ရာ အစိုးရတို့က လူ့အဖွဲ့ အစည်းနှင့် သဟဇာတဖြစ်မည့် ဥပဒေကို ရေးဆွဲကြရတော့သည်။

နိုင်ငံရေးက ဘာသာမတူသူ အချင်းချင် ထိမ်းမြားလက်ထပ်ခြင်းကို အားပေး သည်။ ဘာသာရေး (အချို့ဘာသာများ) က မကန့်ကွက်ဟုဆိုသော်လည်း အားပေးသည်ဟု ဆိုရန်တော့ ခက်ပါသည်။ တစ်ခုရှိသည်က အခြား ယုံ ကြည်မှုရှိသူကို လက်ထပ်လိုက်ပြီး မိမိယုံကြည်မှုဖက်ရောက်အောင် ဆွဲေ ဆာင်နိုင်လျှင်တော့ အားပေးကြလိမ့်မည်ထင်သည်။ သူ့သဘောနဲ့သူ ဖြစ်လာလျင်တော့ ကောင်းပါသည်၊ ထိုအတွက် အကြမ်း၊ အနုနည်းများသုံးလာလျင်တော့ မကောင်းတော့ပါ။ ဤသည်က လတ်တလော ပြဿနာဖြစ်သည်။

"ခေတ်နှင့် ဘာသာရေး" နှင့်ပတ်သက်ပြီး စင်္ကာပူက ရှေးဦးစွာ လေ့လာခွင့် ရလိုက်ပြီး ထိုပြဿနာကို လီကွမ်းယုက ကောင်းကောင်း ကိုင်တွယ်နိုင်ခဲ့ သည်။ လက်ထပ်မှုသာမက အစားအသောက်မှ စပြီး အစ္စလာမ်က သီးသန့် ဆန်သည်။ ထို့ကြောင့် အတူတကွ ပူးပေါင်းရေးအတွက် သူ စိုးရိမ်မှုအဖြစ် ဆုံးက ၁၇ ရာစုဟန်နဲ့ အစ္စလာမ်ယုံကြည်မှုလို့ အမုန်းခံ ပြောကြားခဲ့သည်။ ထို့ကြောင့် ခြိမ်းခြောက်မှုတွေလည်း ခံခဲ့ရသည်။ သို့သော် နိုင်ငံခေါင်းဆောင် ဟူသည် လုပ်သင့်သည်ကို ရဲရဲလုပ်ရသည်။ ကြောက်နေလို့မရ။

အချို့က စင်္ကာပူမှာ မလေးလူဦးရေတိုးပွားလာမှုကို ဟန်ချက်ထိန်းထားနိုင် ရန် အခြားနိုင်ငံခြားသားများကို လက်ခံထားရသည်ဟု ဆိုကြသည်။ တကယ် စာရင်း အရကတော့ မလေးလူဦးရေက ထင်သလောက်တိုးမလားသလို မလေးရှားမှ မလေးလူမျိုးတို့ကလည်း စင်္ကာပူကို အလုံးအရင်းနဲ့ ဝင်မလာ ကြပါ။
အကြောင်းက မွတ်စလင်နိုင်ငံမှာ ရသည့်အထူးအခွင့်အရေးမျိုး စင်္ကာပူမှာ မရသောကြောင့် ဖြစ်သည်။ သင့် ယုကြည်မှုအတိုင်း ဘုရားရှိခိုးနိုင်သည်၊ ပတ်ဝန်းကျင် ဆူညံမှုမဖြစ်အောင် အသံချဲ့စက်နဲ့တော့ မရွတ်ဆိုရ။ ဒါမျိုးတွေဖြစ်သည်။ ထို ဥပဒေက အားလုံးလိုက်နာကြရသောအခါ သူတို့ လည်း ပြောခွင့်၊ ဝေဖန်ခွင်း မရှိတော့။
ယခုအချိန်အထိတော့ စင်္ကာပူက ဥပဒေနဲ့ ကောင်းကောင်း ထိန်းထားနိုင် ဆဲဖြစ်သည်။ အမှန်မူ ဤတာဝန်သည် အစိုးရ၏တာဝန်သာဖြစ်သည်။ လီ ကွမ်းယုကို အစွန်းရောက်အစ္စလာမ်ဝါဒီတို့က ခြိမ်းခြောက်သည်၊ သမာ သမတ် ကျသော (ခေတ်ကို၊ တာဝန်ကို နားလည်သော) အစ္စလာမ်တို့က ပူးပေါင်း အလုပ်လုပ်သည်။

ကျောင်း၏ ဝေယျာဝစ္စများကို အားတက်သရော ပါဝင်ကြသည့် တရုတ် မိ သားစု ထဲက မိန်းကလေး တစ်ယောက်ကလည်း ရှေးနည်းအတူ ဘာသာ မတူ ထိမ်းမြားလက်ထပ်ခြင်းနှင့် စက်စပ်ပြီး ဗုဒ္ဓဘာသာက ဘာပြောသလဲ ဟု မေးဖူးသည်။ သူမ၏ ရီးစားက အစ္စလာမ်ဘာသာဝင်ဖြစ်သည်။ ။ သူမလည်း ဝိသာခါအကြောင်းလောက်တော့ ကောင်းကောင်းသိပါသည်။
ဝိသာခါဘာသာခြားကို လက်ထပ်စဉ်က လက်ထပ်ပြီးလျင် လက်ရှိယုံကြည် မှုကို စွန့်ရမည်ဟု မဆို။ ထို့ကြောင့် ဤ ကိစ္စ၌ ဝိသာခါ အကြုံးမဝင် ဟုသာ ဖြေလိုက်သည်။
ထို့နောက် သူတို့ချင်း အဆက်ပြတ်သွားသည်ထင်သည်။ ဘာသံမှ မကြား ရတော့။ အမှန်မူ အစ္စလာမ်နှင့် ဘာသာခြား လက်ထပ်ခြင်းက အတော်ရှားပါ သည်။ ဥပဒေကြောင့်ဖြစ်နိုင်သလို တင်းကြပ်လွန်းသည့် သူတို့ ဘာသာရေး အစွဲကို လက်ရှောင်ကြခြင်းလည်း ဖြစ်နိုင်သည်။ မည်သို့ဆိုစေ လက်ရှိ အစိုး မှာ ဤတာဝန်ရှိနေသည်။ အစ္စလာမ်ကို ကိုင်တွယ်ရာမှာ လီကွမ်းယုလောက် ပါးနပ်ပြီး လီကွမ်းယုလိုလည်း မိုက်မှရမည်။ ထိုဥပဒေက ခေတ်နှင့် ညီညွတ် ပြီး ဘယ်ဘာသာကိုမှလည်း မသာစေ၊ မနာစေသင့်။
သို့ မဟုတ်လျင် ကမ္ဘာပိုင် ဗုဒ္ဓဘာသာ နာသည်။