မြန်မာတွေ ချယ်လ်ဆီး သောက်ကြတယ်

ကိုလိုနီခေတ်တုန်းက ဗြိတိသျှတွေကို
အမြတ်ကြီးစားတွေလို့ ပြောကြတယ်
တံခါးဖွင့် စီးပွားရေး ခေတ်မှာ ဆင်းရဲသားတွေက
ကိုယ့်ဘာသာ ငွေစုပြီး လန်ဒန်က ဘောလုံးအသင်းကို ထောက်ပံ့တယ်။

မြန်မာတွေ ထိုင်းတွေက ထေရဝါဒလို့ အော်ကြတယ်
ကြုံတိုင်းလည်း ငါးပါးသီလတွေ နှုတ်တက် ရွတ်ဆိုကြတယ်
ဒါပေမယ့်
ဘီလျံနာ အေဘရာ မိုဘစ်ကို အခွန်ပေးနိုင်တာက
မြန်မာ နဲ့ ထိုင်း က ဘီယာ နဲ့ ဝီစကီ ကုမ္ပဏီ တွေ။

ဘာပဲ ဖြစ်ဖြစ်
မြန်မာတွေ ချယ်လ်ဆီး သောက် နိုင်ကြပြီ်။ ။


 ဇင်ဝေသော်

ပရီးမီးယား လိဂ် အစား သတင်းသုံးပုဒ်

၁ ။ အိုင်တီ သတင်း

ဝါရှင်တန် ပို့စ်က နောက်တောက်တောက် ဆောင်းပါးတစ်ပုဒ် ပါလာပါတယ်။
ဒိုင်နိုဆော၊ မျိုးတုန်း ပျောက်ကွယ်။ The Dinosaur. Extinct
မမ်မို့သ်၊ မျိုးတုန်း ပျောက်ကွယ်။ The Mammoth.Extinct
ဒိုဒို ၊ မျိုးတုန်း ပျောက်ကွယ်။ The Dodo. Extinct
မောက်စ်။ မျိုးတုန်း ပျောက်ကွယ်ရန် အကြီး အကျယ် အန္တရာယ် ရှိ။ The mouse. Endangered.
အိုင်ပက် ယဉ်ကျေးမှု ပညာရေးလောကမှာ ထွန်းကားလာတဲ့နောက် ၁၂ အောက် အမေရိက ကလေးတွေဟာ မောက်စ်ကို မသုံးကြရုံသာမက ဒါက ဘာလဲ လို့တောင် မေးကြပါသတဲ့။

၂ ။ အခွန်ရှောင်တဲ့ သူဌေးပေါက်စ

အမေရိကမှာ ဒီအပတ် ပြောစမှတ်ဖြစ်နေတာက ဘီလျံနာ သူဌေးလေး Eduardo Saverin က အခွန် မပေးချင်လို့ အမေရိကန် နိုင်ငံသား အဖြစ်ကို စွန့်လွှတ်ပြီး စင်္ကာပူ နိုင်ငံသား အဖြစ် ခံယူလိုက်ခြင်းပါ။ သူဟာ နှယ်နှယ် ရရ သူဌေး မဟုတ်ပါဘူး၊ Facebook စီအီးအို Mark Zuckerberg အလုပ် စတင်နိုင်အောင် ငွေ အရင်းအနှီး ထုတ်ပေးခဲ့သူလေးပါ။ သူ စင်္ကာပူ နိုင်ငံသား အဖြစ် ခံယူလိုက်ခြင်းက အခွန်နဲ့ မဆိုင်ပါဘူး လို့ သူက ဆိုပေမယ့် ဘယ်သူကမှတော့ မယုံကြည် ကြပါဘူး တဲ့။

၃ ။ သမ္မတကြီး ပေးလိုက်ရင် ပြီးရော


ငြိမ်းချမ်းရေး နိုဘယ်ဆု ပြောပါတယ်။ အီးယူကို ပေးလိုက်တော့ အငြင်းပွားစရာတွေ ဖြစ်ကုန်ရော။
ဆုယူတော့ရော ဘယ်သူတက်ယူမှာတုန်း။အီးယူ ဥက္ကဋ္ဌ Herman Van Rompuy လား ယူရိုပီယံ ကော်မရှင် ဥက္ကဋ္ဌ Jose Manuel Barroso လား။ ငြိမ်းချမ်းရေး နိုဘယ်ဆု တက်ယူဖို့ ( မြန်မာ တချို့လို ) ရန်ဖြစ်နေကြမှ ဒုက္ခ။
ဘာကြောင့် ငြိမ်းချမ်းရေး နိုဘယ်ဆု ပေးရတာလည်းဆိုတော့ ၁၉၅၀ ခု တွေကစလို့ ပြင်သစ် နဲ့ ဂျာမနီ၊ ပြီးတော့ ဥရောပ သမဂ္ဂကို ညီညွတ်အောင် ပေါင်းစည်းပေးနိုင်ခဲ့ လို့ တဲ့။

လှတယ်။ အမေရိကန် သမ္မတ အိုဘားမားသာ နိုဘယ်ဆု ရစဉ်က ဘာမှ မပြောခဲ့ဘူးဆိုရင်။

လွန်ခဲ့တဲ့ သုံးနှစ် သူ နိုဘယ်ဆု ရစဉ် သူပြောခဲ့တာက သူ တကယ် မလုပ်ရသေးတာတွေ အတွက် ရတဲ့ ဆု တဲ့။
ဒီတစ်ခါ ပြောင်းသွားပြီ။ လုပ်ခဲ့ဖူးတာတွေ အတွက် ပေးတဲ့ နိုဘယ်ဆု ဖြစ်သွားပြီ။ အနာဂတ်၊ အတိတ် အတွက် ပေးတဲ့ နိုဘယ်ဆုတွေ။ ပစ္စုပ္ပန်မပါဘူးလို့ ပြောစရာ ဖြစ်နေတာပါ။

ဒါကြောင့် ကျနော်တို့ သမ္မတကြီးကို ပေးလိုက်ရင် ဘာမှ ဝေဖန်စရာ မရှိတော့ဘူး။ ၂၀၁၅ ရွေးကောက်ပွဲ ရောက်ရင်လည်း " ဝိတ် " ညီသွားမယ်။ ဟိုဖက်ကလည်း နိုဘယ် ဆုကြီးနဲ့ ဒီဖက်ကလည်း နိုဘယ် ဆုကြီးနဲ့။
အဲသလို ရွေးကောက်ပွဲမျိုး ဘယ်နိုင်ငံမှ မရှိလောက်သေးဘူး။ နာတာမှ တကယ် နာ။


ဇင်ဝေသော်

စီးပွားရေး ပဉ္စလက် ( ၁း ၂ )

မေး ။     ။ ဖော်ကျွန်းမဂ္ဂဇင်းရဲ့ ထိပ်တန်းကုမ္ပဏီ (၅၀၀) စာရင်းမှာ ဥရောပနိုင်ငံ သေးသေးလေးတွေက ကုမ္ပဏီတွေ တော်တော်များများ ပါနေတာ တွေ့ရတယ်။ ဖင်လန်က နှစ်၊ ဆွီဒင်က ခြောက်၊ ဆွစ်ဇာလန်က ဆယ့်လေး ကုမ္ပဏီတောင် ပါနေတယ်။ စင်္ကာပူက လုံးဝ မပါဘူး။

ဖြေ ။    ။ အရင်ဆုံး သူတုိ့ရဲ့အားသာချက်ကို ပြောပြမယ်။ သူတို့မှာ ဥရောပတစ်တိုက်လုံး ဈေးကွက်ရှိတယ်။ ဒီတော့ သူတို့က နယ်ပယ်ကျယ်တယ်။ အခြေ ပိုခိုင်တယ်။ ဥရောပနိုင်ငံသားတွေ အားလုံးဟာ ပက်စ်ပို့ဒ် မပါဘဲ ဥရောပနိုင်ငံတိုင်းကို သွားလို့ရတယ်။ မင်းက ဆွီဒင်လို့ ပြောတယ်။ တကယ် စီးပွားရေးလုပ်နေသူတွေက ဆွီဒင်လူမျိုးတွေချည်း မဟုတ်ဘူး။ အနောက်ဥရောပသားတိုင်း စီးပွားရေး ဝင်လုပ်လို့ ရတယ်။ သူတို့ နောဒစ်နိုင်ငံသားတွေ အားလုံးက အပြန်အလှန် ပြောင်းလဲခွင့် ရှိကြတယ်။ ဒိန်းတွေ၊ ဆွီဒီတွေ၊ နော်ဝေးဂျီးယန်းတွေက လူမျိုးစု တစ်စုတည်းရယ်။ အိုင်ယာလန်ဆိုရင်လည်း အဲ့ဒီနိုင်ငံတွေက အခြေချနေထိုင်သူတွေနဲ့ စင်္ကာပူထက်တောင် လူမျိုးစုံသေးတယ်။ ပြီးတော့ ဂျူးလူမျိုး အိုင်းရစ်တွေက အများကြီး။ သူတို့က အရည်အချင်းကို အဲ့သလို လူတွေဆီက ရွေးယူတာ။ အဲ့ဒါ အဓိက အားသာချက်ပဲ။ ငါတို့ စင်္ကာပူက အင်ဒိုနီးရှားက ပိတ်လိုက်၊ မလေးရှား၊ ထိုင်း၊ ဖိလစ်ပိုင်က ပိတ်ဆို့လိုက်နဲ့ ဘယ်မှာလဲ ဈေးကွက်။


စင်္ကာပူမှာ ဒီလိုပြဿနာတွေနဲ့ ရင်ဆိုင်နေရတော့ ဒီကိစ္စတွေအကြောင်းပြောရင် အစကို ပြန်သွားပြီး ပြောဖို့လိုတယ်။ စီးပွားရေးပညာရှင်တွေ၊ လေ့လာသုံးသပ်သူတွေ ရောက်လာပြီး တစ်ခြားကို ပြန်သွားကြတယ်။ သူတို့က ပြောတယ်။ ငါတို့က စီးပွားရေးသမားကြီးတွေ မွေးထုတ်မပေးနိုင်ဘူးတဲ့။ စီးပွားရေးနဲ့ အမီလိုက်ဖို့ လုံလောက်တဲ့ စီးပွားရေးသမားတွေ ဘယ်လိုလုပ် မွေးထုတ်ပေးနိုင်မှာလဲ။ ဟောင်ကောင်တို့၊ ထိုင်ဝမ်တို့လည်း မတတ်နိုင်ဘူး။ အခြေခံ အရင်းအမြစ်တွေ မရှိဘဲ R & D စီးပွားရေးတွေမှာ သူများနဲ့ ယှဉ်ပြီး ဘယ်အလုပ်လုပ်နိုင်မှာလဲ။

တို့သာ ဂျူးတွေဆိုရင်တော့ စွမ်းကောင်းစွမ်းနိုင်လိမ့်မယ်။ ဂျူးတွေက ကမ္ဘာပေါ်မှာ ဦးနှောက်စွမ်းရည် အကောင်းဆုံး လူမျိုးတွေ။ "The Economic" ဖတ်တုန်းက တွေ့လိုက်ရတယ်။ ရုရှားကဂျူးတွေ အစ္စရေးကို ပြန်သွားကြတော့ လူတွေက သူတို့ကို လိုက်ရှာကြည့်ကြတယ်တဲ့။ လူတစ်ယောက် လက်ဆွဲအိပ်ကြီးကြီးကို သယ်ယူလာတယ်ဆိုရင် သူ့မှာ ဘေ့(စ်)ဂစ်တာကြီး ရှိတယ်တဲ့။ သေးတဲ့အိပ်နဲ့ လူဆိုရင် သူ့မှာ တယောပါတယ်။ ဒီထက် အိပ်ကသေးမယ်ဆိုရင် ထရမ်းပက် ပါလာသူတဲ့။ လူတစ်ယောက်က အိပ်ကို ပါမလာဘူးဆိုရင်တော့ သူက စန္ဒရားဆရာလား၊ သိပ္ပံပညာရှင်လားပဲတဲ့။ သူတို့ဆီမှာ မှတ်တမ်းနုတ်တွေပဲ ပါတယ်။ တကယ် အရည်အချင်းရှိတဲ့လူတွေ။ ရုရှားက ရူးလို့ သူတို့ကို မောင်းထုတ်တာ။ အဲ့ဒီ ဂျူးတွေက ရုရှားကို ကောင်းကောင်း အလုပ်အကျွေး ပြုထားနိုင်တယ်။

ကံကောင်းလို့ ငါတို့စနစ်က မှန်သွားတယ်။ တံခါးဖွင့်ရအောင်၊ အဲ့ဒီအထဲက အကောင်းဆုံးတွေကို ရွေးယူရအောင်လို့ ပြောခဲ့ကြတယ်။ အခု တရုတ်ပြည်ဆိုရင် စက်မှုစီးပွားရေးမှာ ဂျပန်တွေ၊ ကိုရီးယားတွေလို လုပ်ယူလို့ ရတယ်။ တရုတ်တွေက မရူးဘူး။ သူတို့မှာ ဦးနှောက်အရည်အသွေး ရှိတယ်ဆိုတာ သိကြတယ်။ သူတို့ဆီက အတော်ဆုံးလူတွေကို ထိပ်တန်းကျောင်းတွေ၊ တက္ကသိုလ်တွေ၊ သုတေသနဌာနတွေမှာ ကောင်းကောင်း လေ့ကျင့်ပေးနေကြတာ။

သူတို့ ဘာလုပ်ကြမလဲ။
သူတို့ဘာသာသူတို့ ချန်ပီယံဆိုတဲ့ကားတွေ ထုတ်ကြမလား။ မဟုတ်ဘူး။ သူတို့က MNC တွေကို ဝင်လာဖို့ ဖိတ်ခေါ်တာ။

ကောင်းပြီ။ ခင်ဗျားတို့ကား မော်ဒယ်အဟောင်းတွေကို ယူခဲ့။ ဒီက အင်ဂျင်နီယာတွေ၊ ဒီဇိုင်နာတွေ၊ အလုပ်သမားတွေကိုသာ ငှါးပြီး အလုပ်လုပ်လို့ ပြောတယ်။ တရုတ်တွေက သူတို့ဘာသာ သူတို့ဆိုရင် Hyundai တို့ Toyota တို့ကို မယှဉ်နိုင်ဘူး။ နိုင်ငံပေါင်းစုံက စက်ရုံတွေမှာ အလုပ်လုပ်နေတဲ့ ထိပ်တန်းဦးနှောက်တွေနဲ့ဆိုရင် မကြာခင် သူတို့ Lexus တို့၊ မာစီးဒီးတို့ ထုတ်လုပ်လာလိမ့်မယ်။ တဖြည်းဖြည်းနဲ့ Jumbo လေယာဉ်ကြီးတွေတောင် ထုတ်လုပ်လာကြဦးမှာ။

မေး ။     ။ ဒီလိုဆိုရင် စင်္ကာပူက ကုန်ပစ္စည်းထုတ်လုပ်မှုအတွက် အမြဲတမ်း နိုင်ငံခြားကုမ္ပဏီကြီးတွေကို မှီခိုနေရမှာပေါ့။
ဖြေ ။    ။ အတိအကျပဲ။

မေး ။     ။ ဒါဆိုရင် ကျွန်တော်တို့က MNC (Multi National Company) အပြည်အပြည်ဆိုင်ရာ ကုမ္ပဏီကြီးတွေရဲ့ လက်အောက်ခံ စီးပွားရေးအနေနဲ့ပဲ ရှိနေတော့မှာပေါ့။

ဖြေ ။    ။ ငါက မင်းတို့အိမ်နီးချင်းနိုင်ငံတွေကို ကြည့်မိဖို့ လက်ညှိုးထိုးပြတာ။ ကောက်ချက်ကတော့ မင်းတို့ဘာသာမင်းတို့ ဆွဲယူကြပေါ့။ တို့က ဥရောပထဲမှာလား၊ ပစိဖိတ်သမုဒ္ဒရာ ရပ်ဝန်းထဲမှာလား။ ပစိဖိတ်ထဲမှာဆိုရင်တော့ အသေကောင်ပဲ။ တို့က ဖီဂျီဆိုပါစို့။ ဖီဂျီကို ခု ဘယ်သူ လေယာဉ်နဲ့ သွားသေးသလဲ။ ဟိုတုန်းကတော့ ဩစတေးလျသွားဖို့ ဖီဂျီကနေတဆင့် သွားကြရတယ်။ အခု ဖီဂျီကိုသွားတယ်ဆိုတာကတော့ ဈေးပေါပေါနဲ့ ရက်ရှည်ရှည် ဟောလီးဒေးထွက်ဖို့လောက်ပဲ ရှိတော့တယ်။ ဒီတော့ အခု ဖီဂျီဆိုတာက အမေရိကန်တွေ ဟောလီးဒေးသွားတဲ့ နေရာအဆင့်မှာပဲ ကျန်တယ်။ သဲသောင် ဖွေးဖွေးတွေ၊ ဆက်ဆံရလွယ်ကူတဲ့လူတွေ၊ အုန်းပင်အုန်းသီးတွေ၊ တိုးရစ်တွေကို ကောင်းကောင်း ဆားဗစ်ပေးတဲ့ အမေရိကန်ပိုင်တဲ့ ဟိုတယ်တွေ ... ဒါတွေပဲ ရှိတယ်။

တို့က စင်္ကာပူ၊ လူနှစ်သန်းလောက် ဈေးကွက်ရှိတယ်။ ပထမမျိုးဆက်ရဲ့ သက်တမ်းအတွင်းမှာပဲ လှေကားထောင် တက်ခဲ့ကြတယ်။ တို့ ဘယ်လို ကြိုးစားခဲ့ကြရသလဲ။ ပြင်ပကမ္ဘာကို သေသေချာချာ အကဲခတ်ပြီး ကြည့်။ ဒါ တို့ သွားရမယ့်လမ်း။ စွမ်းအားအမြင့်ဆုံးကို ရအောင်ညှစ်ထုတ်ယူပြီး ရောက်အောင် သွားကြရမယ်လို့ ကြုံးဝါးခဲ့ကြတယ်။ ဒီအဆင့်ထက်မြင့်အောင် ဘာဆက်လုပ်ကြရမလဲ။

တရုတ်နဲ့ အိန္ဒိယတို့ အကြီးအကျယ် မလုပ်လောက်တဲ့ စီးပွားရေးနယ်ပယ်တွေမှာ အာရုံစူးစိုက်ပြီး အလုပ်လုပ်ကြမယ်။ အဲ့သလို ဘောင်ကျဉ်းကျဉ်းလေးထဲမှာ အောင်မြင်ခဲ့ကြတယ်။ အဲ့ဒီအရည်အချင်းတွေမှာ တရုတ်တို့၊ အိန္ဒိယတို့က တို့ကို မယှဉ်နိုင်ဘူး။ ဥပမာ... ယုံကြည်စိတ်ချရမှု၊ သိပ္ပံဆိုင်ရာအသိပညာတွေ လုံခြုံစွာ သိမ်းဆည်းပေးနိုင်မှု၊ သန့်ရှင်းမှု၊ တရားဥပဒေစိုးမိုးမှုတွေပဲ။ ဒီအရည်အချင်းတွေကို မီဖို့ တရုတ်နဲ့ အိန္ဒိယအဖို့ အချိန် တော်တော် လိုနေလိမ့်ဦးမယ်။

တကယ်လို့ ဂျိုဟိုးမှာသာ Shenzhen ( ဟောင်ကောင် တစ်ဖက်ကမ်းက အထူးစီးပွားရေးဇုန် ရှန်ဇန်း (သို့) ရှင်ကျန့် ) ရှိရင် "ကောင်းပြီ၊ ထိုင်ပြီး ဆွေးနွေးကြရအောင်၊ တို့ သူတို့နဲ့ ဝင်ပေါင်းကြမလား" လို့ ပြောမိမှာပဲ။ ငါ ရီစရာ ပြောနေတာ မဟုတ်ဘူး။ Shenzhen ကိုသွားလို့ အားလုံး အကောင်းချည်းလို့တော့ ပြောမရဘူး။ ကောင်းတာတွေ တော်တော်များများ ရှိမယ်။ Shenzhen က မင်ဒရင်းစကား ပြောတာ၊ ကင်တိုနီး မပြောဘူး။ ၁၉၈၀ - ခုနှစ်မှာ တိန့်ရှောင်ဖိန်လည်း တံခါးဖွင့် ပေးလိုက်ရော အထူးစီးပွားရေးဇုန်အနေနဲ့ ချက်ချင်းတိုးတက်လာခဲ့တယ်။ ရွာသေးသေးလေး တစ်ရွာကနေ လူဦးရေ (၇) သန်းရှိတဲ့ စီးပွားရေးမြို့တော်ကြီးဖြစ်ဖို့ နှစ်နှစ်ဆယ်ကျော်လေးပဲ ကြာလိုက်တယ်။ ဟောင်ကောင်က လူတွေ အဲ့ဒီကို သွားပြီး ဆံပင်ညှပ်ကြ၊ လက်သည်းညှပ်ကြ၊ ရိုးရာဝတ်စုံတွေ ချုပ်ကြ လုပ်ကြတယ်။ ဟောင်ကောင်က စက်ချုပ်သမားတွေက သူတို့ကို မယှဉ်နိုင်ဘူး။

မေး ။     ။ စင်္ကာပူမှာ ပြည်တွင်းဖြစ် ကုန်ထုတ်လုပ်မှု အားနည်းတာနဲ့ ပတ်သက်လို့ လူထုမြင်နေတာက စင်္ကာပူအစိုးရက အပြည်အပြည်ဆိုင်ရာကုမ္ပဏီကြီးတွေကို အားပေးသလို ပြည်တွင်းစက်မှုလုပ်ငန်းရှင်တွေကို အားမပေးလို့ လို့ ဖြစ်နေတယ်။

ဖြေ ။    ။ မဟုတ်ပါဘူး။ လုံးဝ မမှန်ဘူး။ အမေရိကန်တွေရဲ့ အသေးစားနဲ့ အလတ်စား စီးပွားရေးသမားတွေက အစိုးရရဲ့ ထောက်ပံ့မှုကို တောင်းခံမနေကြဘူး။ Silicom Valley မှာဆိုရင်လည်း သူတို့ ကားသိုလှောင်ရုံတွေ၊ တင့်ကားတွေ တည်ဆောက်ပြီး သူတို့စီးပွားရေး သူတို့ ရှာကြတာပဲ။ အစိုးရရဲ့ အထောက်အပံ့ကို လိုချင်တာနဲ့ တပြိုင်နက် သူတို့ကို စီမံကွပ်ကဲမှု သင်တန်းတွေ ပေးရတော့မယ်။ ချေးငွေတွေ ထုတ်ချေးရတော့မယ်။ သူတို့က ဒီကိစ္စတွေမှာ မတော်ဘူး။ ဒီတော့ သူတို့ဘာသာ သူတို့ပဲ လုပ်ကြတယ်။

ငါ အခုပြောတာကိုလည်း မမေ့နဲ့။ ထိပ်တန်းကို ရောက်နေတဲ့လူတွေဟာ စီးပွားရေးမှာသာ လာဘ်မြင်တာ မဟုတ်ဘူး။ သူတို့ စိတ်ဓာတ်ခွန်အားတွေက သိပ်ကောင်းတယ်။ Bill Gates ၊ Michael Dell ၊ John Chambers တို့ကိုကြည့်။ ငါ သူတို့နဲ့ တွေ့ဖူးတယ်။ တော်တော် စွမ်းနိုင်တဲ့လူတွေ။

အဲ့သလို စွမ်းနိုင်တဲ့လူတွေ တို့မှာ ဘယ်ရှိလို့လဲ။ ဘယ်မှာ သွားရှာမလဲ။ အသေးစားနဲ့ အလတ်စား စီးပွားရေးလောကထဲမှာ ရှာမှာလား။ မရဘူး။ အဲ့ဒီလောကထဲမှာ ဒုတိယတန်းစားနဲ့ တတိယတန်းစားတွေပဲ ရှိတယ်။ ပထမတန်းစားတွေက သူတို့ဆီမှာ (ငါတို့ဆီမှာ) အလုပ် မလုပ်ဘူး။ ဒါက ငါတို့ ကံကြမ္မာပဲ။ ဟုတ်တယ် မဟုတ်လား။

မလေးရှားရော ဘယ်လို လုပ်ခဲ့သလဲ။ သွင်းကုန်တွေအားလုံး ပိတ်။ မင်းတို့လာပြီး Petronas (ရေနံနဲ့ဓာတ်ငွေ့ကုမ္ပဏီ) မှာ လာလုပ်၊ ပြီုးရင် Proton (ကားကုမ္ပဏီ) ကို လာလုပ်လို့ ပြောကြတယ်။ သူတို့ ပရိုတွန်ကားတွေ စလုပ်တော့ jurgen Schrempp (မာစီးဒီးကားကုမ္ပဏီဥက္ကဋ္ဌ) က ငါ့ကို ပြောဖူးတယ် "ပျက်စီးပြီ" တဲ့။ အမှန်ပေါ့။ လုံးဝ ပျက်စီးသွားတာပဲ။ စီးပွားရေးအတူလုပ်ဖို့ တံခါးလည်း ဖွင့်ပေးထားသေး၊ ကိုယ့်ဟာကိုလည်း အသေးစားထုတ်ကုန်တွေ ခွဲပြီး ထုတ်ချင်သေး။ ဒါမျိုးလုပ်လို့ ရမလား။

ထိုင်းကိုလည်း ကြည့်။ ထိုင်းနိုင်ငံဟာ အရှေ့တောင်အာရှရဲ့ Detroit ဖြစ်နေတယ်။ စပယ်ယာပတ်ပစ္စည်းလေးတွေ သူတို့ဆီမှာလုပ်၊ ကားတွေကို သူတို့ဆီမှာဆင်။ ဒါမျိုးလောက်နဲ့ သွားယှဉ်လို့ ဘယ်ရမှာလဲ။ သူတို့ ပရိုတွန်ကို အကာအကွယ်ပေးဖို့ဆိုပြီး မလေးရှားတွေက သွင်းကုန်တွေအားလုံး ပိတ်ဆို့၊ လွတ်လပ်စွာ ကူးသန်းရောင်းဝယ်ရေးစာချုပ်ကို ဆိုင်းငံ့ထား ... တဲ့။ အဲ့ဒါ သူတို့ လူမျိုးရေးသိက္ခာကိစ္စ။ သူတို့ ပရိုတွန်ကို ကာကွယ်နိုင်ရဲ့လား။ Volkswagen က ဝယ်ယူဖို့ ပြောတယ်။ သူတို့က ငြင်းတယ်။ မလေးလူမျိူးပဲ ဦးစီးရမယ်တဲ့။ အဲ့ဒီ စီးပွားရေးက အခုထိ အရှုံး မရပ်သေးဘူး။ ငါဆိုရင် "ဒီကုမ္ပဏီကို ဖြုတ်လိုက်တော့။ ဒီကုမ္ပဏီက အောက်ခြေကနေ ဘယ်တော့မှ တက်လာမှာ မဟုတ်ဘူး။ အရှုံးနဲ့ လုံးခြာလိုက်နေမယ့်စက်ရုံပဲ" လို့ ပြောမိမှာပဲ။



ဇင်ဝေသော်
Zin Wai Thaw

ကွန်စစ်စတင့် ဖြစ်သူများ

မေး ။      ။ တော်လှန်ရေးသမား စစ်စစ်တွေဟာ ဘယ်လိုလူတွေပါလဲ။

ဖြေ ။     ။ ရုရှား စာရေးဆရာကြီး တစ်ယောက် ပြောဖူးပါတယ်။  တော်လှန်ရေးသမား စစ်စစ်တွေဟာ ပထမ နိုင်ငံခြားသားတွေကို  တော်လှန်ပါတယ်။ တော်လှန်ဖို့  နိုင်ငံခြားသားတွေ မရှိတော့ဘူးဆိုရင် အချင်းချင်း အုပ်စုခွဲပြီး ဆက်လက် တော်လှန်ကြပါတယ် တဲ့ ။ ကွန်စစ်စတင့် ဖြစ်လို့ ချီးကျူး စရာပါ။

မေး ။     ။ အနောက်က အမျိုးသားတွေ နဲ့ အာရှ အမျိုးသမီးတွေ အိမ်ထောင်ကျတာ များပြီး အနောက်က အမျိုးသမီးတွေ နဲ့  အာရှ အမျိုးသားတွေ အိမ်ထောင်ကျတာ တော်တော်နည်းပါတယ်။ ဘာကြောင့်လဲ လို့ မေးတဲ့ အခါမှာ အာရှ အမျိုးသမီးတွေက ရင့်ကျက်တယ် ( Girl ) ဂါးလ် ကနေ (Lady ) လေဒီ ဖြစ်လာကြတယ်၊ အာရှ အမျိုးသားတွေကတော့ အသက်ကြီးလာပေမယ့် ( Man )မဲန်း ဖြစ်မလာဘဲ ( Big boys ) ဘစ် ဘွိုင်းပဲ ဖြစ်နေကြလို့ လို့ ဆိုပါတယ်။ ဒါနဲ့ ပတ်သက်လို့ ဘာပြောချင်ပါသလဲ။

ဖြေ ။     ။ ဘာမှ မပြောချင်ပါဘူး။ အာရှ အမျိုးသားတွေက အာရှ အမျိုးသမီးတွေထက် ပိုပြီး ကွန်စစ်စတင့် ဖြစ်တယ်ဆိုတာ ကမ္ဘာကတောင် သိနေမှပဲ။


ဇင်ဝေသော်

အမေရိကန်သံအမတ်ကြီး ဗုဒ္ဓဘာသာအဖြစ် ခံယူမည် ...

ဟူသော သတင်းနှင့် စပ်လျဉ်း၍ ...

၁။ သာဓုခေါ်မိပါသည်။
ဗုဒ္ဓဘာသာအတွက်လည်းကောင်း၊ သံအမတ်ကြီးတို့ ဇနီးမောင်နှံအတွက် လည်းကောင်း၊ ထိုသတင်းကို ဖတ်ရ၊ ကြားရပြီး ဝမ်းမြောက်ဝမ်းသာ ဖြစ်ကြရသော ဗုဒ္ဓဘာသာဝင်များ အတွက်လည်းကောင်း သာဓုသုံးကြိမ် ခေါ်ပါ၏။

(ဓါတ်ပုံကို forward mail မှရရှိပါသည်။)

၂။ ထိုသတင်းနှင့် ဆက်စပ်ပြီး လူ့အဖွဲ့အစည်းနှစ်ခုအကြောင်းကလည်း ထူးထူးခြားခြား စဉ်းစားစရာမလိုဘဲ ခေါင်းထဲရောက်လာသည်။
အမေရိကန်သံအမတ်ကြီး ဗုဒ္ဓဘာသာအဖြစ် ပြောင်းလဲလိုက်ခြင်းနှင့် ပတ်သက်၍ …

(က) အမေရိကန်အစိုးရက မည်သို့ တုန့်ပြန်လာမည်နည်း။
(ခ) သူ၏ မူလဘာသာရေး ခေါင်းဆောင်တို့က မည်သို့ တုန့်ပြန်လာမည်နည်း။
(ဂ) အမေရိကန်လူထုကရော မည်သို့ တုန့်ပြန်လာမည်နည်း။

အမေရိကန်တို့သည် အမေရိကန်တို့ ဖြစ်သည်အားလျော်စွာ ဘာမှ ထူးထူးခြားခြား တုန့်ပြန်နေကြမည် မဟုတ်ပါ။ ယုံကြည်ကိုးကွယ်မှုဟူသည် လူတိုင်းရွေးချယ်ခွင့်ရှိသည့် လူ့အခွင့်အရေး မဟုတ်ပါလား။

၃။ ဥပမာအားဖြင့် ဆိုပါမည်။
အမေရိကန်သို့ သံအမတ်အဖြစ် စေလွှတ်ခြင်းခံရသော မြန်မာဗုဒ္ဓဘာသာ သံအမတ်ကြီးသည် ပရိုတက်စတင့် ခရစ်ယန်ဘာသာသို့ ကူးပြောင်းသွားသည် ဆိုပါစို့။

(က) မြန်မာအစိုးရက မည်သို့ တုန့်ပြန်လေမည်နည်း။
(ခ) ဗုဒ္ဓဘာသာရဟန်းတော်တို့၏ တုန့်ပြန်မှုက မည်သို့ ဖြစ်လေမည်နည်း။
(ဂ) မြန်မာပြည်သူလူထုကရော မည်သို့ တုန့်ပြန်လာလေမည်နည်း။

ဆိုးဆိုးရွားရွားကြီးတော့ မဖြစ်လောက်၊ “သာသနာဖျက်ကောင်” ဘာညာစသည် မသုံးစွဲကြလောက်ဟု ထင်ပါသည်။ သို့ဆိုလျှင် ကျွန်ုပ်တို့ လူ့အဖွဲ့အစည်းသည်လည်း လူ့အခွင့်အရေးကို လေးစားသော၊ ယဉ်ကျေး၊ ရင့်ကျက်သော လူ့အဖွဲ့အစည်းဟု ဆိုနိုင်ပါပြီ။

၎။ အမေရိကန်တို့ မခေကြ ။
မန္တလေးမှာနေစဉ်က အမေရိကန်၊ ဂျာမန် နှစ်ယောက်နှင့် မင်းကွန်းဖက်သို့ လိုက်သွားခဲ့ဖူးသည်။ အမေရိကန်တွေနှင့် အင်္ဂလိပ်စကား ပြောရခြင်းသည် အလွန်ပညာရသောကြောင့် ဖြစ်သည်။

မင်းကွန်းသို့ရောက်၊ လည်ပတ်ပြီး အအေးဆိုင်၌ အအေးသောက်ရန် ထိုင်သောအခါ ဆိုင်က လူရှုပ်နေသဖြင့် စားပွဲထိုးလေးက လက်မအား၊ ကိုယ်တိုင်သွားယူမှ ရမည့်သဘော ရှိနေသည်။ ထို့ကြောင့် လူလည် အမေရိကန်က ဂျာမန်ကို သွားယူပေးရန် ခိုင်းသည်။ ဂျာမန်ကလည်း သူ လူလည်လုပ်သည်ဟု ထင်သဖြင့် သွားတော့ ယူမည်။ သို့သော် ရဟန်းအတွက်နှင့် သူ့အတွက်သာ ယူမည်။ အမေရိကန်အတွက် ယူမပေးနိုင်ဟု ဆိုသည်။

ထိုအခါ အမေရိကန်က အပြုံးမပျက်၊ နှစ်ယောက်သွားရန် မလို၊ တစ်ယောက်ဆို ရပြီ၊ သူသွားမည်၊ သုံးယောက်စလုံး (ရဟန်းတစ်ပါးနှင့် လူနှစ်ယောက်) အတွက် သူ ယူခဲ့ပါမည်ဟုဆိုကာ ထွက်သွားသည်။

အမေရိကန် လူလည်ကျသွားပုံကို ထိုရောက်မှ မျက်ဝါးထင်ထင် တွေ့လိုက်ရသည်။ သူ့အပြုအမူအရ ဂျာမန်ကပင် ကလေးကလား ဆန်သွားတော့သည်။ သူက လူကြီးလူကောင်းဆန်သည်။ “မင်းက ငါ့အတွက် လုပ်မပေးနိုင်ဘူးဆိုရင် ငါကလည်း မင်းအတွက် လုပ်မပေး” ဟူသော ကလေးဆန်မှု သူ့မှာ မရှိ။ လူ့ယဉ်ကျေးမှုအရ ဂျာမန် လုံးဝ ရှုံးသွားသည်။

ထို့ကြောင့် ဆိုခြင်းဖြစ်၏။ အမေရိကန်တို့က မခေကြ၊ ရင့်ကျက်၊ ယဉ်ကျေးကြ၏။
ဤအဖြစ်အပျက်ဖြင့် သံအမတ်၏ ဗုဒ္ဓဘာသာခံယူမှုသည် ဘာသာရေးစစ်စစ် မဟုတ်နိုင်ဟု ကျွန်ုပ် ပြောနေခြင်း၊ စွပ်စွဲနေခြင်း မဟုတ်။ ဗုဒ္ဓဘာသာကို ထဲထဲဝင်ဝင် လေ့လာမိသော ပညာတတ်တို့သည် ဗုဒ္ဓဘာသာစစ်စစ်ကြီးများ ဖြစ်သွားတတ်ကြသည်။

ကျွန်ုပ်ဆိုလိုသည်က အခြားနိုင်ငံများက “အမေရိကန်တွေ ရွှေ့လိုက်တဲ့ အဓိကကျားကွက်တိုင်းဟာ အမှန်တွေချည်းပဲ။ သူများထက် အမြဲတမ်း လက်ဦးနေတာပဲ” ဟု ဆိုလာသော် ကျွန်ုပ်တို့ ပြန်ပြောရန် စကားတော့ ရှိမည်မဟုတ်။

အောက်တိုဘာ (၃၀) ရက်ကျော်ပါက ထိုအမေရိကန် သံအမတ်ကြီးသည် မြန်မာနိုင်ငံ၏ ပေါ်ပြူလာ အဖြစ်ဆုံး ပုဂ္ဂိုလ် (၅) ယောက်တွင် တစ်ယောက် အပါအဝင် ဖြစ်သွားနိုင်ပေလိမ့်မည်။ ယခုပင် သူက ပြည်သူ့နှလုံးသားထဲ ရောက်နေပေပြီ။ သေချာသည်က အမေရိကန်၊ မြန်မာ ဆက်ဆံရေး ပို၍ အားကောင်းလာပေတော့မည်။ သူများကို မဆိုလို၊ သီဟနာဒ မျက်စေ့ထဲမှာပဲ ထိုသံအမတ် ဇနီးမောင်နှံက အရင်က မြင်ဖူးတာထက် ပို၍ ကျက်သရေ ရှိနေ၏။ အမေရိကန်တို့ မခေကြ။ ယဉ်ကျေး၊ ရင့်ကျက်ကြ၏။ တနည်းဆိုရသော် အမေရိကန်တို့သည် political science ၊ Social science တို့၌ကျမ်းကျေ၏။


သီဟနာဒ

ဝတ္ထုတို နှစ်ပုဒ်

ကြည်ညိုဖွယ် မင်းကွန်းဆရာတော်ကြီး
မန္တလေးမှာ ဒကာတစ်ယောက်က ဆွမ်းလောင်းနေရင်း ကိုရင်လေးကို အားပေးစကားများ လျှောက်ထားနေသည်။
" ကိုရင်လေး ကြီးလာရင် မင်းကွန်းဆရာတော်ကြီးလို ဖြစ်အောင် အခုကတည်း စာတွေ ကြိုးစားပြီး လိုက်ထား ဘုရား၊ မင်းကွန်းဆရာတော်ကြီးက ကြည်ညိုဖို့ သိပ် ကောင်းတာပဲ "

" ဟုတ်တယ် ဒကာကြီး မင်းကွန်းဆရာတော်ကြီးက ကြည်ညိုဖို့ သိပ် ကောင်းတာ "

" ကိုရင်  မင်းကွန်းဆရာတော်ကြီး အတ္ထုပ္ပတ္တိကို သိသလား၊ ဘာဖြစ်လို့ ကြည်ညိုဖို့ သိပ် ကောင်းတာပဲ လို့ ပြောတာလဲ ဘုရား "

"  မင်းကွန်းဆရာတော်ကြီးက ကိုရင်လေးတွေ ဘောလုံးပွဲ ကြည့်ချင်ရင် ကြည့်ပါစေ။ ဘုန်းကြီးတို့ အရွယ်ရောက်ရင် သူတို့ မကြည့်တော့ပါဘူး တဲ့။ ဆရာတော်ကြီး ကြောင့် ကိုရင်တိူ့ အခု ဘောလုံးပွဲ ကြည့်နေရတာပါ "
လို့ မိန့်ရင်း သပိတ်ကိုပိုက် ကြွသွားလေတော့သည်။

ယင်း ဒကာကား အော် ကိုရင်လေး မင်းကွန်းဆရာတော်ကြီးကို ကြည်ညိုတာက သူ့ အကြောင်း နဲ့ သူပေကိုး ဟုသာ မှတ်ချက်ချလိုက်ရလေတော့သည်။

( သီဟနာဒ )


ကိုရွှေဘ ချထားဗျ
ရွာသားတွေ ရွှေဘရဲ့ ရုပ်ရှင်ကား ကြည့်နေကြတယ်၊ ရွှေဘလည်း လူဆိုးတွေနဲ့ ဖိုက်တဲ့အခန်းရောက်ရော ရှေ့က ရွာသားက အားပါးတရ အားပေးနေတယ်
" ရွှေဘတဲ့ကွ၊ ချထား၊ လူဆိုးနှစ်ယောက်ပဲ ကျန်တော့တယ်။ ဟေး ဒါမှ  ရွှေဘကွ "

  နောက်ကလူ သည်းမခံနိုင်တောဘူး၊၊ ဒါနဲ့
" ဟေ့လူ၊ မိုက်ရိုင်းလှပါလား။ မင်း ဘယ်ရွာသားလဲ။ ကိုရွှေဘ လို့ ခေါ်ပါကွ "

ဒီတော့မှ
" ကိုရွှေဘတဲ့ ချထားဗျ "

^ ဇင်ဝေသော်  ^


ကမ်းလက်

စီးပွားရေး ပဉ္စလက် (၁)

လီကွမ်းယုရဲ့ Hard Truths (to keep Singapore going) ထဲက သင့်တော်မယ့် အပိုင်းတွေကို ရွေးပြီးဘာသာပြန်ထားတာပါ။ သူ့အတွေးအခေါ်၊ သူ့လုပ်ဆောင်ချက်တွေ အရင့်အရင် စာအုပ်တွေမှာ တချို့ပါခဲ့ပေမယ့် ဒီစာအုပ်ကတော့ လူငယ်ဂျာနယ်လစ်တွေနဲ့ တွေ့ဆုံမေးမြန်းထားတဲ့ အင်တာဗျူးဖြစ်ပြီး အမေးအဖြေပုံစံဆိုတော့ ပိုပြီးသွက်နေတယ်လို့ ခံစားရလို့ပါ။ တစ်စုံတစ်ရာ ရနိုင်ကောင်းပါရဲ့လို့ မျှော်လင့်မိပါတယ်။
ဇင်ဝေသော်


မေး ။     ။ ကုန်ထုတ်လုပ်မှုမှာ စင်္ကာပူဟာ ကမ္ဘာ့ထိပ်တန်းအဆင့် ဝင်နိုင်ပါသလား။

ဖြေ ။    ။ ဒါက တစ်ကမ္ဘာလုံးနဲ့ဆိုင်တဲ့ကိစ္စ။ ထိပ်မှာ ရပ်တည်ဖို့ လူတော်တွေ အလုံအလောက် မရှိဘူးဆိုရင် အမြဲတမ်း ဒုတိယနေရာကပဲ ရှိနေမှာပဲ။ ၁၉၉၂ - ခုနှစ်က ဂျာမန်ကားကုမ္ပဏီ Daimler Bens ဘုတ်အဖွဲ့ထဲ ဝင်ခဲ့တယ်။ အဲ့ဒီမှာ ဥက္ကဋ္ဌ၊ စီအီးအိုလည်းဖြစ်တဲ့ Jurgen Schrempp (မာစီးဒီးကားကုမ္ပဏီဥက္ကဋ္ဌ) က ပြောတယ်။ ကားကုမ္ပဏီတံဆိပ်တွေ ကမ္ဘာတစ်ဝှမ်းလုံးမှာ လျော့ကျသွားလိမ့်မယ်။ ကားကုမ္ပဏီ (၁၀) ခု (၁၂) ခုလောက်ပဲ အားကောင်းမောင်းသန်နဲ့ ကျန်ခဲ့လိမ့်မယ်တဲ့။ ဒါ့ကြောင့် သူ ကုမ္ပဏီအတွက် ကမ္ဘာကို ထွက်ကြည့်ခဲ့တာ။ ပထမ အမေရိကန် ကားထုတ်လုပ်တဲ့ ကုမ္ပဏီ Chrysler ကို ရဖို့ ကြိုးစားတယ်။ ယဉ်ကျေးမှုမတူတော့ မရခဲ့ဘူး။ အဲ့ဒီနောက် ဂျပန်နဲ့ ကိုရီးယားကို သွားတယ်။ မအောင်မြင်ပြန်ဘူး။

ဒါကို ကြည့်ပေါ့။ ကုန်ထုတ်လုပ်မှု နယ်ပယ်တစ်ခုခုမှာ ကိုယ်က ထိပ်တန်းအဆင့် မရှိဘူးဆိုရင် လက်ရှိ ရှိနေတဲ့ ချန်ပီယံတွေကပဲ ထိပ်တန်းမှာ နေနေကြမှာပဲ။ ဥပမာ ... ထိုင်ဝမ်ကိုကြည့်။ သူတို့မှာ လူဦးရေ သန်း (၂၀) ကျော် ရှိမယ်။ သွင်းကုန်တွေ ပိတ်ပြီး ပို့ကုန်တွေ ပိုအားကောင်းအောင် ကြိုးစားကြည့်ကြတယ်။ အစပိုင်းတော့ သူတို့ အောင်မြင်တယ်။ လက်(ပ်)တော့တွေ၊ ဆီမီးကွန်ဒတ်တာတွေ ကွန်ပျူတာချစ်(ပ်)တွေ ပို့ကြတယ်။

အခု Wall Street Journal ဆောင်းပါးကို ဖတ်ကြည့်တော့ သူတို့ လွင့်သွားပြီ။ ဂျပန်နဲ့ ကိုရီးယားကို သူတို့ မယှဉ်နိုင်ဘူး။ ဂျပန်နဲ့ ကိုရီးယားက လူဦးရေ ပိုများသလို လူတော်တွေလည်း သူတို့ထက် ပိုများတယ်။ ဒါ့ကြောင့် ထိုင်ဝမ်သမ္မတက သူ့နိုင်ငံက ကုမ္ပဏီကြီးတွေ ဆက်ပြီး အလုပ်လုပ်နိုင်အောင် ငွေတွေ ထုတ်ချေးပေးတယ်။ ဒါက ရေတိုပဲ ရမှာပေါ့။ တကယ့်ပြဿနာက သူတို့နဲ့ အမီလိုက်နိုင်ဖို့ R and D ရှိသလား ဆိုတာပဲ။ (Research and Development - သုတေသနနှင့် ဖွံ့ဖြိုးတိုးတက်မှု)

ဟောင်ကောင်မှာလည်း လူဦးရေက (၇) သန်းပဲ ရှိတယ်။ မယှဉ်နိုင်ဘူး။ ဟောင်ကောင်မှာ ဘယ်လိုလူတွေ ရှိသလဲ။ ဆောက်လုပ်ရေးကုမ္ပဏီကြီးတွေနဲ့ ဈေးကွက်ကစားသူတွေပဲ ရှိတယ်။ Li Ka Shing က ကမ္ဘာကို ရောင်းဖို့ ပစ္စည်းတွေ ထုတ်လုပ်နိုင်သလား။ မထုတ်လုပ်နိုင်ဘူး။ သူ လုပ်လို့ရတာက အိမ်အရောင်းအဝယ်၊ ဆိပ်ကမ်းစီးပွားရေး၊ လက်လီအရောင်းဆိုင်နဲ့ တယ်လီဖုန်းကုမ္ပဏီပဲ။ ဟောင်ကောင်မှာ အအောင်မြင်ဆုံး ကုမ္ပဏီက ဘာလဲ။ Li and Fung ကုမ္ပဏီပဲ။ တော်တော်တော်တဲ့ ညီအကိုနှစ်ယောက်။ သူတို့ဟာ ဟောင်ကောင်ကုမ္ပဏီတိုင်းရဲ့ လောဂျစ်စတစ်ကြိုးတစ်ချောင်းပဲ။ သူတို့လည်း ကုန် မထုတ်လုပ်ကြဘူး။ ဘာ့ကြောင့်လဲ။ သူများတွေနဲ့ မယှဉ်နိုင်လို့။ တရုတ်က ကုန်ထုတ်မှုလုပ်တယ်။ ထိုင်ဝမ်ကတောင်မှ ပြည်မကြီးထဲက ရယ်ဒီမိတ်တွေနဲ့ စပြီး ထုတ်လုပ်ခဲ့ကြတယ်။ တို့မှာ ဒါမျိုး အခြေအနေ မရှိခဲ့ဘူး။ ငါတို့ စင်္ကာပူက လယ်သမားတွေနဲ့ စခဲ့ရတာ။ အဲ့ဒီအထဲက တချို့တော့ ကုန်သည်ပွဲစား ဖြစ်လာတာပေါ့။ အမှန်တကယ် ပရော်ဖက်ရှင်နယ်ဆန်ဆန် စီးပွားရေးသမားတွေ ဖြစ်လာဖို့ဆိုတာ အချိန်တွေ လိုတယ်။

မေး ။     ။ စင်္ကာပူက ခရီယေးတစ်(ဖ်)လို ကုမ္ပဏီက ကမ္ဘာ့ဈေးကွက်ထဲကို ဝင်တိုးလို့ မရနိုင်ဘူးလား။ ဟိုတစ်ခါက အသံကဒ် (Sound Cards) တွေနဲ့ ပတ်သက်ပြီး ဦးဆောင်ခဲ့ဖူးသေးတာပဲ။

ဖြေ ။    ။ ဟုတ်တယ်။ Creative ဟာ စင်္ကာပူ ဦးဆောင်ကုမ္ပဏီ လက်တစ်ဆုပ်စာထဲက တစ်ခုပဲ။ ဒါပေမယ့် ဒီကိုရောက်အောင် သူတို့ ဘယ်လို ကြိုးစားခဲ့ရသလဲဆိုတဲ့ နောက်ကြောင်းကို ပြန်ကြည့်။ သူများတွေနဲ့ အမီလိုက်နိုင်ဖို့ Silicon Valley က လူတွေနဲ့ လုပ်နေရတာ။ စင်္ကာပူမှာ အဲ့သလို လူတော်တွေ များများစားစား မရှိဘူး။ နောက်ဆုံး Creative က MP3 Player, Sound blasters တွေ ထုတ်နိုင်ခဲ့တယ်။ ဒီပြင် ကုမ္ပဏီတွေက အခု သူတို့ကို မီသွားပြီ။

အစားအသောက်နဲ့ အဖျော်ယမကာကုမ္ပဏီ Tea Yih Jia လည်း မဆိုးဘူး။ ဒါပေမယ့် အမေရိကဘက်ကို ဦးတည်လိုက်ပြီဆိုတာနဲ့ ဟိုက ပက်ပစီကိုလာ (Pepci Co) ဆိုတဲ့ အကောင်ကြီးတွေက ဖမ်းစားလိုက်မှာပဲ။

ငါ ဘယ်လို သိတယ် ထင်လဲ။
ပက်(ပ်)စီ အစည်းအဝေးတွေ ငါ တက်ခဲ့ဖူးတယ်။ သူတို့က စားသောက်ကုန်ပစ္စည်းတွေ တစ်ကမ္ဘာလုံးကနေ ရအောင်စု၊ ထုတ်လုပ်ပြီး လက်တင်အမေရိကတစ်တိုက်လုံးကို ဖြန့်ရောင်းတာ။ တစ်ကမ္ဘာလုံးက ရုပ်ရှင်ရုံတိုင်းမှာ သူတို့စားသောက်ဆိုင်တွေ ရှိတယ်။ Tea Yih Jia ကို သူတို့က ဝါးမျိုသွားမှာ။ သူတို့ကို မယှဉ်နိုင်ဘူး။

ဒီတော့ ပုံတူကူးချပြီး စီးပွားရေးလုပ်မယ်ဆိုရင် အထာမကျနိုင်ဘူးလို့ ငါ မြင်တယ်။ ကမ္ဘာ့ရွာထဲမှာ ဈေးကွက်ကြီးတစ်ခုလုံး ပွင့်နေတယ်။ ကြိုက်သည်ဖြစ်စေ၊ မကြိုက်သည်ဖြစ်စေ ဒီအတိုင်းပဲ သွားနေမှာပဲ။

ဒီတော့ တို့အနာဂတ်က ဘာလဲ။
ကြိုးစားပြီး ယှဉ်ပြိုင်၊ ဒီလိုလား။
ဘယ်နယ်ပယ်မှာ ပြိုင်မှာလဲ။ ဘာတွေ ထုတ်လုပ်ကြမှာလဲ။
အသေးစားပစ္စည်းတွေ ထုတ်လုပ်မယ်။ အဲ့ဒီ အသေးစားပစ္စည်းက ဘာလဲ။
ငါတို့ လုပ်တာနဲ့ တရုတ်၊ အိန္ဒိယ၊ ဗီယမ်နမ်တွေကလည်း လိုက်လုပ်ကြမှာပဲ။

မေး ။     ။ဒါပေမယ့် စင်္ကာပူဟာ ကုန်ထုတ်လုပ်မှုစင်တာအနေနဲ့ ဖြစ်အောင် ကြိုးစားနေကြတယ် မဟုတ်လား။ ပြီးတော့ နယ်ပယ်အသစ်ဖြစ်တဲ့ Life Science လို ပညာရပ်တွေမှာ ...

ဖြေ ။    ။ ဟုတ်တယ်။ Life Science လို ပညာရပ်တွေမှာ ပိုပြီး တိုးတက်အောင် ကြိုးစားနေကြတယ်။ ဒါပေမယ့် တို့ဟာ ဒီနယ်ပယ်မှာ ဦးဆောင်နိုင်တဲ့အဆင့်ထိ ရောက်နိုင်မလား။ လုံးဝ မရောက်နိုင်ဘူး။

အဲ့ဒီကုမ္ပဏီတွေကို ငါတို့ ထောက်ပံ့ပေးနိုင်တာက သူတို့ စူးစမ်းရှာဖွေတွေ့ရှိချက်တွေအတွက် လုံခြုံစိတ်ချရမှု ကော်ပီရိုက်ကိစ္စကို တင်းတင်းကြပ်ကြပ် ထားပေးမှု၊ သူတို့ သုတေသနပညာရှင်၊ သိပ္ပံပညာရှင်တွေအတွက် နေချင့်စဖွယ် နေရာပေးထားနိုင်မှု၊ ငါတို့ လူထုကို အခြေခံပြီး သူတို့ စမ်းသပ်ချင်တာတွေ စမ်းသပ်လို့ရအောင် ဖြည့်ဆည်းပေးထားနိုင်မှု ... ဒါလောက်ပဲ။ တို့ဆီမှာ ဆေးရုံတွေက အဆင့်မီတယ်။ လူတွေကလည်း လူမျိုးပေါင်းစုံ။ ဒါ့ကြောင့် သူတို့ကို ဖြည့်ဆည်းပေးထားနိုင်တာ။

ဒါတောင်မှ ငါတို့ လုပ်နေတာတွေကို သူတို့ မသိမမြင်တာ မဟုတ်ဘူး။ တရုတ်ပြည်က ဆေးရုံတွေလည်း တဖြည်းဖြည်း အဆင့်မီလာလိမ့်မယ်။ တရုတ်လူနာကို ဆေးစစ်ဖို့ဆိုရင် ကုမ္ပဏီတွေက တရုတ်ပြည်ကို သွားကြမှာပေါ့။ ဘာ့ကြောင့်လဲ။ ဟိုမှာက တရုတ်လူမျိုးတွေ ပိုများတာကိုး။ ဒါပေမယ့် အသိဉာဏ်ပိုင်းဆိုင်ရာ တွေ့ရှိချက်တွေအတွက် လုံခြုံစိတ်ချရမှု မပေးနိုင်သေးဘူး။ ပြီးတော့ တို့ဆီမှာလို အိန္ဒိယန်းတွေ၊ မလေးတွေ၊ လူဖြူ (ကော့ကေးရှန်း) တွေနဲ့ အခြားလူမျိုးကွဲတွေ မရှိသေးဘူး။ ဒါ့ကြောင့် လာမယ့် အနှစ် (၂၀) နဲ့ (၃၀) အထိတော့ ငါတို့က ပူစရာ မလိုသေးဘူး။ ဒီထက်လည်း ကြာကောင်းကြာနိုင်တယ်။

အိန္ဒိယက ဆေးရုံတွေ ကမ္ဘာ့အဆင့်မီဖို့၊ ရှာဖွေတွေ့ရှိချက်တွေ စိတ်ချယုံကြည်ရမှု အိန္ဒိယမှာ ရှိဖို့ဆိုတာကလည်း ငါတော့ မမြင်မိသေးဘူး။ ဒါ့ကြောင့် တို့က ပူစရာ မလိုသေးဘူးလို့ ပြောတာ။ ဖရီးမားကတ်ထဲမှာ နည်းပညာပိုင်းဆိုင်ရာ ဂလိုဘယ်ဖြစ်လာတဲ့ကိစ္စဟာ နိုင်ငံတိုင်း ရင်ဆိုင်ရမယ့် စိန်ခေါ်မှုပဲ။ ဒီတော့ ထိုင်ဝမ်တို့၊ ဟောင်ကောင်တို့ ဒါမျိုးတွေ မလုပ်နိုင်ဘူး။ ဒါပေမယ့် Shenzhen (ရှန်ဟိုင်း) ကတော့ စွမ်းနိုင်တယ်။ အဲ့ဒါ လူဦးရေ (၇) မီလီယံကြောင့် မဟုတ်ဘူး။ အဲ့ဒီ (၇) မီလီယံသာရှိတဲ့လူတွေက သန်း (၁၃၀၀) မီလီယံထဲက ရွေးထုတ်ထားတဲ့ လူတွေမို့။

၃.၂ မီလီယံ လူဦးရေထဲက တို့ ဘယ်သူတွေ ရွေးထုတ်ကြမလဲ။
ကျွမ်းကျင်တဲ့ နိုင်ငံခြားသား အလုပ်သမားတွေမရှိဘဲ တို့ဘာမှ လုပ်လို့ မရဘူး။ ရေရှည်မှာ အဲ့သလို လူတော်တွေ ဆက်ပြီး မွေးယူရမယ်။ ပညာကို ငါတို့က တန်ဖိုးထားနေသရွေ့ ငါတို့ လောနေစရာလည်း မလိုသေးဘူးလို့ ထင်တယ်။

မေး ။     ။ မစ္စတာလီ ပြောခဲ့တာက နိုင်ငံကသေးသေး။ လူဦးရေက နည်းနည်း၊ အရင်းအမြစ်ကလည်း အတိုင်းအတာတစ်ခုလောက်သာရှိ၊ ဒီတော့ ကမ္ဘာ့ချန်ပီယံဖြစ်ဖို့ အကြီးစား ထုတ်လုပ်မှုကိစ္စအကြောင်းတွေကို စဉ်းစားတောင် မနေနဲ့လို့ ဆိုလိုတာလား။

ဖြေ ။    ။ ဟုတ်တယ်။ အောင်မြင်လာပြီဆိုတာနဲ့ မင်းကို ဝါးမျိုပစ်လိုက်မှာပဲ။ ကမ္ဘာ့အဆင့် ကုမ္ပဏီကြီးတွေကို ကြည့်။ တစ်ခုကိုတစ်ခု ဝါးမျိုဖို့ ချောင်းနေကြတာ။

မေး ။     ။ ဒါပေမယ့် ဖင်လန်က နိုကီယာ ထုတ်နိုင်တယ်။ ဆွီဒင်မှာလည်း အိုင်ကီးယား (IKea) လို ကုမ္ပဏီ ရှိတယ်။ ဒါတွေကို ကြည့်ရင် နိုင်ငံအကြီးအသေးနဲ့ ကမ္ဘာ့အဆင့်မီ ထုတ်လုပ်နိုင်မှုက သိပ် မသက်ဆိုင်သလိုပဲ။

ဖြေ ။    ။ ဟုတ်ပြီ။ ဆွီဒင်၊ အိုင်ကီးယား။ တို့ သူတို့နဲ့ သွားယှဉ်မလား။ တို့မှာ အိုင်ဒီယာ ကောင်းကောင်းနဲ့ ဒီဇိုင်နား လူတော်တွေ ရှိသလား။ ဆွီဒင်ကလူတွေက ဒီဇိုင်းပညာမှာ သိပ် တော်တယ်မို့လား။

နိုကီယားရဲ့သမိုင်းကို ပြန်ကြည့်။ နိုကီယာကို ထိမ်းထားတဲ့လူတွေက ဆိုဗီယက်နဲ့ မကင်းတဲ့လူတွေ။ ဖင်လန်က လူဦးရေ (၅) သန်း (၆) သန်းလောက် ရှိမယ်။ ရေရှည်မှာ ကိုရီးယားနဲ့ ဂျပန်ကို သူတို့ ယှဉ်နိုင်မယ်လို့ ထင်သလား။ တီထွင်ကြံဆနိုင်တဲ့ ခေါင်းကောင်းကောင်းတွေ သူတို့ ဘယ်လောက် ရနိုင်မှာလဲ။

သူတို့ကို ဂျပန်၊ အမေရိကန်တွေနဲ့ ယှဉ်ကြည့်ဦး။ ဂျပန်တွေက ပစ္စည်းအစုံထုတ်တယ်။ အမြဲတမ်းလည်း ကောင်းအောင် ကြိုးစားနေကြတယ်။ လျှပ်စစ်မုတ်ဆိတ်ရိပ်စက် ငါ သုံးတယ်။ ခြောက်လပြည့်တိုင်း မော်ဒယ်အသစ်တစ်ခု ထပ်ထွက်တယ်။ အရည်အသွေးက အရင်မော်ဒယ်နဲ့ သိပ် မကွာဘူး။ ဒါနဲ့ ငါ ပြောတယ် "သိပ် မထူးပါဘူး။ မဝယ်နဲ့" လို့။ ဒါပေမယ့် သူတို့က ပိုပိုကောင်းအောင် လုပ်လာကြတာ။ မဝယ်လို့ မရအောင် လုပ်လာကြတာ။ ဂျပန်တွေက ကားကနေ ခေါက်ဆွဲစားတဲ့တူအထိ လုပ်နေကြတာ။

အမေရိကန်တွေရဲ့ ယဉ်ကျေးမှုက တစ်မျိုး။ စနစ်တကျ ကောက်ကြောင်းဆွဲမယ်။ ပြီးတော့ မင်းကို အနိုင်ယူမယ်။ ဒါမျိုး။ ဒါ့ကြောင့် အမေရိကန်တွေ စီးပွားရေးအကျပ်အတည်းကနေ ထွက်လာမှာလို့ ငါ ယုံကြည်တယ်။ ကုန်ထုတ်လုပ်မှုမှာ အမေရိကန်တွေ ဂျာမန်နဲ့ ဂျပန်တွေအောက် ရောက်သွားတယ်။ ဘာမှ မကြာလိုက်ဘူး။ အင်တာနက်နဲ့ ဖောက်ထွက်လာခဲ့ကြရော။ မိုက်ကရိုဆော့(ဖ်)၊ ဘီး(လ်)ဂိတ်၊ ဒဲ(လ်) စတာတွေ။ သူတို့က ရုတ်တရက်ကြီး စီးပွားရေးထောင်တက်သွားတယ်။ ဥရောပနိုင်ငံတွေနဲ့ ဂျပန်တွေ မီအောင် လိုက်ကြပေဦး။

အချိန်နဲ့အညီ တီထွင်တဲ့နေရာမှာ ဂျပန်တွေက နံပါတ်တစ်ပဲ။ ဒါပေမယ့် အမေရိကန်တွေက အသစ်အဆန်းတစ်ခုခုကို အမြဲတမ်း အရင်တွေ့နေတတ်တယ်။ ဒီအရည်အချင်းတွေ ရှိဖို့ ဘာတွေ လိုအပ်သလဲ။

လူ့သမိုင်းကလည်း အစိတ်အပိုင်းတစ်ခုပဲ။ အမေရိကန်တွေက ဘာမှမရှိတဲ့မြေပေါ် ရောက်အောင်သွားပြီး တစ်ခုခုဖြစ်အောင် လုပ်လာခဲ့ကြတာ။ အိန္ဒိယန်းလူနီတွေကို သတ်၊ မြေတွေသိမ်း၊ ကျွဲတွေသိမ်း၊ အဲ့ဒါ သူတို့ ဘယ်သူတွေဆိုတာ ပြတာပဲ။ မင်းက ဒီနေရာမှာ မြို့တည်၊ မင်းက မြို့သူကြီးလုပ်၊ ငါက တရားသူကြီး လုပ်မယ်၊ မင်းက ရဲအရာရှိလုပ်၊ ငါက ကုန်သည်လုပ်မယ်၊ စကြစို့။ အဲ့သလိုမျိုး။ အဲ့ဒီ ယဉ်ကျေးမှုက ဒီနေ့အထိ ရှင်သန်နေတုန်း။

"There is the belief that you can make it happen." "ယုံကြည်မှုသာရှိရင် ဖြစ်အောင်လည်း လုပ်လို့ ရတယ်"


ဇင်ဝေသော်
Zin Wai Thaw

ဖွင့်ထားသော လူ့အဖွဲ့အစည်း

ဤခေါင်းစဉ်အောက်၌ မိမိကိုယ်တိုင် ကြုံတွေ့နေရသော ဘာသာရေး၊ လူမှုရေးနှင့်ဆိုင်သော စင်္ကာပူ၏ အားသာချက်တို့ကို ဆွေးနွေးရန် အကြံဖြစ်မိသည်။ အစိုးရပေါ်လစီနှင့်မဆိုင်၊ လူ့အဖွဲ့အစည်းများနှင့်သာ ဆိုင်၏။ ဤ၌ ကဏ္ဍအချို့ ခြုံငုံမိသမျှ ခြုံငုံမိအောင်တော့ ကြိုးစားမည်။ စင်္ကာပူဟူသည် အကြောင်းမဲ့ ရှေ့ရောက်နေသော လူ့အဖွဲ့အစည်းမဟုတ်၊ အကောင်းတကာ့အကောင်းများ ရရှိစေရန် အမှန်ပင် တံခါးဖွင့်ထားသော လူ့အဖွဲ့အစည်း ဖြစ်သည်။

ပထမဆုံး စင်္ကာပူအမျိုးသားတက္ကသိုလ်၊ ဗုဒ္ဓဘာသာအဖွဲ့ချုပ် National University of Singapore Buddhist Society (www.nusbs.org.sg) အကြောင်းကို ဆွေးနွေးပြပါမည်။ လူငယ်လေးများပင် ဖြစ်လင့်ကစား သူတို့က အပိတ်များ မဟုတ်ကြ။ စင်္ကာပူ၌ မဟာယာန ပိုအားကောင်းသည်ဟုဆိုစေ၊ ထေရဝါဒနှင့် အခြားယဉ်ကျေးမှုတို့ကို မျက်ကွယ်မပြုကြ။ သူတို့ ဗုဒ္ဓဘာသာအဖွဲ့ချုပ်ကိုပင် ဗုဒ္ဓဘာသာအဖွဲ့ချုပ်အနေဖြင့်သာ လက်ခံသည်။ ထေရဝါဒ၊ မဟာယာန၊ ဇင်၊ တိဗက်တန်စသည့် သီးသန့်နာမည်များ၊ ယဉ်ကျေးမှုများကို လက်မခံ။ မဟာယာနမှ ကောင်းတာကို ယူသည်။ ထေရဝါဒ၊ ဇင်၊ တိဗက်တန်တို့ထံမှ ကောင်းတာကို ယူသည်။

ထို့ကြောင့် သူတို့အဖွဲ့အစည်းအတွက် ဩဝါဒါစရိယများ တင်မြှောက်ရာ၌ပင် ဤယဉ်ကျေးမှု လေးခုစလုံးမှ ဆရာတော်များပါအောင် အနည်းဆုံး လေးပါး တင်မြှောက်ကြသည်။ ဩဝါဒ ခံယူကြသည်။ သူတို့ အဖွဲ့အစည်းနှင့် ကိုက်ညီသော၊ လက်တွေ့ကျသော ဩဝါဒတို့ကို ကျင့်သုံးကြသည်။ သို့ဖြင့် မဟာယာန၊ ထေရဝါဒ ဘာသာရေးဓလေ့ထုံးစံများနှင့် ကျောင်းသားများက အကျွမ်းတဝင် ရှိနေလေတော့သည်။



သူတို့မှာ ဗုဒ္ဓဘာသာသာ ရှိသည်။ ယဉ်ကျေးမှု အမည်နာမ မရှိ။ ကောင်းသည်ဟု ထင်သည်။ တိဗက်တန်ဗုဒ္ဓဘာသာကလည်း အကြောင်းမဲ့ ပေါ်ပြူလာ ဖြစ်နေသည် မဟုတ်။ ဇင်ဗုဒ္ဓဘာသာကိုလည်း အကြောင်းမဲ့ အမေရိကန်တွေ ကျင့်သုံးနေကြသည် မဟုတ်။ ကောင်းကွက်များ ရှိကိုရှိပါသည်။ ကိုယ့်ဟာကိုယ်ပဲ ကောင်းပြီး သူများဟာကို လေ့လာရမှန်း မသိသော ယဉ်ကျေးမှုသည် အပိတ်ဖြစ်သည်။ အတွေးအခေါ် ပိတ်နေသည်။ အိုင်ဒီယာတို့ ပိတ်နေသည်။

ဒုတိယ ဆွေးနွေးလိုသော အဖွဲ့အစည်းက မိမိ နေထိုင်သီတင်းသုံးရာ ကျောင်းပင် ဖြစ်သည်။ ဤကျောင်းသည် ၂၀၁၀- ခုနှစ်က နှစ် (၅၀) ပြည့်ခဲ့ပြီး သက်တမ်းနုနု စင်္ကာပူ၌ ဒုတိယ ရှေးအကျဆုံး ထေရဝါဒ ကျောင်းတစ်ကျောင်း ဖြစ်သည်။ တည်ထောင်ခဲ့သော ဆရာတော်က သီရိလင်္ကာဆရာတော်။ ထိုဆရာတော်ကြီး ပျံလွန်တော်မူပြီး သီရိလင်္ကာဆရာတော်နှစ်ပါး ဆက်လက် ကျောင်းထိုင်သည်။ သီဟနာဒကား ၂၀၀၃ - ခုမှ ဤကျောင်းကို ရောက်သည်။

ကျောင်းဒကာ၊ ဒကာမတို့ကလည်း အဖွင့်များ ဖြစ်သည်။ အပိတ် မဟုတ်ကြ။ သီရိလင်္ကာရဟန်း၊ မြန်မာ ရဟန်းဟု မစွဲ။ အတူတူပင် ဖြစ်သည်။ သူတို့နှင့် အံဝင်ခွင်ကျရှိသော သီရိလင်္ကာယဉ်ကျေးမှုကို ကျင့်သုံးသည်။ မြန်မာယဉ်ကျေးမှုတို့ကို ကျင့်သုံးသည်။ သီရိလင်္ကာဆရာတော်ကြီး၏ တပည့်များပင် ဖြစ်သော်လည်း လက်တွေ့ကျသော မြန်မာယဉ်ကျေးမှုကို ကျင့်သုံးရန် လက်မနှေးကြ။ ထို့ကြောင့် သီရိလင်္ကာနှင့် မြန်မာယဉ်ကျေးမှုတို့မှ အားသာချက်တိုင်းကို ရယူကြသည်။ ကောင်းသည်ဟု ထင်၏။ ဘုရားအဆုံးအမက တစ်ခုတည်း၊ ယဉ်ကျေးမှုကသာ ကွဲနေ၏။

ထို့ထက် ထင်ရှားသော တံခါးဖွင့်ဝါဒမှာ ကျောင်းထိုင်ဘုန်းကြီး တင်မြှောက်ရေးပင် ဖြစ်၏။ ဤကျောင်းကား သီရိလင်္ကာယဉ်ကျေးမှု အမြစ်ခိုင်နေသော ကျောင်းဖြစ်ပြီး ကျောင်းထိုင်ဘုန်းကြီးတိုင်းလည်း သီရိလင်္ကာရဟန်းတော် ဖြစ်နေရမည် ဖြစ်သည်။ ဤဥပဒေကို “စလုံး” ဗုဒ္ဓဘာသာတို့က ဂရုမစိုက်။ အလုပ်ဖြစ်သော ရဟန်းကို ကျောင်းထိုင်တင်မည်။ သီရိလင်္ကာသော၊ မြန်မာသော၊ ထိုင်းသော၊ ဘာသောညာသော မရှိကြ။ သို့ဖြစ်ပင် မြန်မာရဟန်း ကျောင်းထိုင် ဖြစ်လာခဲ့၏။ မြန်မာလူ့အဖွဲ့အစည်း၊ သီရိလင်္ကာ လူ့အဖွဲ့အစည်းတို့၌ ဤမျှရဲတင်းသော ဆုံးဖြတ်ချက် ချနိုင်လိမ့်မည် မဟုတ်။

စလုံး ဗုဒ္ဓဘာသာတွေအမြင်က ရှင်းသည်။ ရဟန်းဟူသည် ဘုရားသားတော် ဖြစ်သည်။ ဤမျှ ဖြစ်သည်။ လူမျိုးမကြည့်၊ သင်္ကန်းရောင် မကြည့်၊ အသားအရေအရောင်ကို မကြည့်။ ပွင့်၏။ မပိတ်။
ဤ၌ ညံ့နေရစ်သည်က မြန်မာနှင့် သီရိလင်္ကာ ဗုဒ္ဓဘာသာများ ဖြစ်ကြ၏။ ထေရဝါဒချင်း တူသည်ဟု ဆိုစေ၊ မြန်မာအခမ်းအနား၌ သီရိလင်္ကာတွေက ယောင်တောင်တောင်၊ သီရိလင်္ကာ အခမ်းအနား၌ မြန်မာတွေက တောင်ကြည့်မြောက်ကြည့်။ စလုံး ဗုဒ္ဓဘာသာတွေက နှစ်ခုစလုံးနှင့် အံဝင်အောင် လုပ်ပြသွားနိုင်သည်။ အားသာချက် မဟုတ်ပါလော။ သူတို့၏ အဓိက အားသာချက်သည် အစွဲနည်းခြင်း ဖြစ်သည်။

အချို့မြန်မာတို့က မေးတတ်ကြသည်။ ဤတရုတ်တွေ ထေရဝါဒစစ်သလားဟု ဖြစ်၏။ ကြည့်ပါလေ၊ ကျောင်းထဲ၌ ကွမ်ယင်မရှိ၊ ဘာမရှိ၊ ဘုရားဆင်းတုသာ ရှိ၏။ တစ်နေ့သုံးကြိမ် ဘုရားရှိခိုး၏။ ဒကာ၊ ဒကာမ အများစုက မင်္ဂလသုတ်၊ ရတနသုတ်၊ မေတ္တသုတ် သုံးသုတ် အလွတ်ရ၏။ တရားထိုင်၏။ သင် ပရိတ်သုံးသုတ် အလွတ်ရပါ၏လောဟု မေးရန်သာ ရှိ၏။

သူတို့ကိုယ်သူတို့ ထေရဝါဒစစ်လှပြီ ထင်သော ထိုထိုမြန်မာတို့က ညနေပိုင်း သစ်သီးကပ်ကြ၏။ ကျောင်းမှ တရုတ်ဒကာ၊ ဒကာမတို့က ဆွမ်းသစ်သီးစသည်တို့သည် (၁၂) နာရီကျော်က မကပ်သင့်ကြောင်း ရှင်းပြတတ်၏။ ထိုအခါ ရွှေမြန်မာတို့က တရုတ်တို့ သူတို့နေရာမို့ ဘာမကပ်ရ၊ ညာမကပ်ရ လူစွာလုပ်သည်ဟု ထင်ကြသည်။ အမှန်မူ ထိုထိုရွှေမြန်မာတို့ “ချာ” ခြင်းသာ ဖြစ်၏။ ပန်းကပ်သော် မည်သူမှ သူတို့ကို မတား။

ကျွန်ုပ်ဆိုလိုချင်သော အချက်သည် ဘာသာရေးမှာလည်း စလုံးတွေ “မချာ” ဟူသော အချက် ဖြစ်သည်။
ထို့နောက် ဆွေးနွေးလိုသော အချက်က သူတို့ ပညာရေးဖြစ်သည်။ ပညာရေးကောင်းသည်။ ပညာရေးသာမက အကျဉ်းအကြပ်ထဲရောက်သော် ဘာလုပ်ရမည်၊ ဘာလုပ်သင့်သည်ဆိုတာမျိုးတွေကိုပင် ကြုံလျှင်ကြုံသလို ငယ်စဉ်ကတည်းက ပညာပေးတတ်ကြ၏။

ဤမှ စလုံး ဒကာ၊ ဒကာမများနှင့် မြန်မာပြည် သွားကြစဉ် ကျိုက်ထီးရိုးမှအပြန် ကားနှစ်စီးအနက် တစ်စီးက ပျက်နေ၏။ အနည်းငယ် စိုးရိမ်မိသည်။ စလုံးများက ကားဒရိုင်ဘာနှင့် ဧည့်လမ်းညွှန်ကို ဆူလား၊ ကြိမ်းလား လုပ်နေလေမည်လားဟူသော အတွေးကြောင့် ဖြစ်သည်။

ထို့ကြောင့် ရှေ့ကားကို ခဏ အနားယူခိုင်းပြီး အခြားကားတစ်စီးကို တားပြီး ထိုကားပျက်ရှိရာ ပြန်လိုက်သွားမိသည်။ ရောက်သောအခါ အံ့ဩဖွယ် တွေ့ခဲ့ရသည်။ သူတို့အားလုံး စိတ်မဆိုး၊ စိတ်မညစ်ကြ။ ကားသမား စက်ပြင်နေချိန် အချိန်ဖြုန်းသည့်သဘောဖြင့် ပရိတ်ရွတ် ပြိုင်နေကြသည်။ တစ်ယောက်တလှည့်စီ ရွတ်ပြီး အမှတ်ပေးနေကြသည်။ မိမိရောက်သွားသောအခါ အခုမှ အမှတ်ပေးဒိုင်ပါ ရောက်လာသည်၊ ဘုရားမသည်ဟု လက်ခုပ်လက်ဝါး တီးကြ၏။ ထပ်ပြိုင်ကြ၏။ ထိုကားပေါ်၌ လူပေါင်း သုံးဆယ်ကျော်ခန့် ပါသည်။ ထို့ကြောင့် လူ (၃၀) မပြည့်မီ စက်လည်း ပြန်ကောင်းသွားတော့၏။ စိတ်ညစ်ချိန်မရ၊ စိတ်ဆိုးချိန်မရ၊ ဆူချိန်ငေါက်ချိန် မရလိုက်ကြတော့။ ဤသို့ နည်းလမ်းရှာဖွေတတ်ခြင်းသည် သူတို့ပညာရေး၏ အစိတ်အပိုင်း ဖြစ်၏။

သီဟနာဒကိုယ်တိုင် မြန်မာတွေနှင့် ခရီးသွားခဲ့ဖူးသည်။ ကားပျက်ပြီဆိုလျှင် ဘာလုပ်လို့ လုပ်ရမည် မသိ။ စက်ပျက်သဖြင့် စိတ်ညစ်နေရှာသော ကားသမားကို ဝိုင်းဆူကြသည်သာ များ၏။ မည်သူ့အတွက်မှ ကောင်းကျိုးမရှိ။

အစပထမပိုင်းက ဤကျောင်း၌ မြန်မာနှင့် ပတ်သက်သော သင်တန်းများ၊ တရားပွဲများ၊ ပဋ္ဌာန်းပွဲများ မရှိ။ သူတို့ စလုံးတို့ အခမ်းအနားများသာ ရှိ၏။ ထို့ကြောင့် သူတို့ကို ဩဝါဒပေးရသည်။ ဤကျောင်းသည် သံဃိကကျောင်းသာ ဖြစ်သည်။ အစိုးရဥပဒေအရ “စလုံး” တို့ ပိုင်သည်။ ဘုရားဥပဒေအရ သံဃာပိုင်သည်။ ထို့ကြောင့် ဗုဒ္ဓဘာသာနှင့် ပတ်သက်သော ဘယ်သင်တန်းမဆို ကျောင်းအားပါက၊ စာသင်ခန်းများ အားပါက လက်ခံသင့်သည်။ သို့မှသာ အစိုးရဥပဒေကိုလည်း မဖောက်၊ ဘုရားဥပဒေကိုလည်း မဖောက်ရာ ရောက်မည်ဟု ဖြစ်သည်။

မှန်၍ လက်တွေ့ကျသော ဩဝါဒမှန်း သူတို့သိသည်။ အားတက်သရော အားပေးကြသည်။ ဓမ္မကို သင်တာမှန်လျှင် တရုတ်လိုပဲ သင်သင်၊ အင်္ဂလိပ်လိုပဲ သင်သင်၊ မြန်မာလိုပဲ သင်သင်၊ သာသနာပြုခြင်းပင် ဖြစ်သည်ဟု ယုံကြည်သွားကြတော့သည်။

ထိုမှနောက် တရုတ်မင်ဒရင်းလို ဓမ္မသင်တန်းများ၊ မြန်မာလို ဓမ္မသင်တန်းများ၊ တတ်စွမ်းသရွေ့ လက်ခံလာခဲ့ကြသည်မှာ သာဓုခေါ်စရာပင် ဖြစ်သည်။ စင်္ကာပူ၌ ဤကျောင်းမျိုး ဒေါ်လာဘီလီယံရှိလည်း ဝယ်၍ မရ၊ အစိုးရက မြေအကျယ်ကြီး မရောင်းတော့။

မနှစ်ကပင် အစိုးရဆိုင်ရာမှ လူကြီးတစ်ယောက်က မေးသည်။ ဒီကျောင်းက အရှင်ဘုရား ပိုင်တာလားတဲ့။ စင်္ကာပူ၏ ဥပဒေကို မသိသော အရာရှိဟုပင် မှတ်ရပေတော့မည်။ မည်သည့် နိုင်ငံခြားသား ရဟန်းမှ မည်သို့သော မြေစိုက်အဆောက်အအုံကို မပိုင်။ အဖွဲ့အစည်းသာ ပိုင်သည်၊ နောက်ဆုံး အစိုးရသာ ပိုင်သည်။

ရဟန်းတစ်ပါးအနေနှင့် အကောင်းဆုံး လုပ်နိုင်သော အချက်မှာ ဤကျောင်းကို ပိုင်သော အဖွဲ့အစည်းကို ကိုယ်က ပိုင်နေအောင် လုပ်ထားဖို့ပဲ ရှိသည်။ ထို့ထက် မပို။

ဤသည်မှာ စင်္ကာပူ၏ ဥပဒေဖြစ်ပြီး ထိုဥပဒေဘောင်အတွင်းမှာ ရှိနေသော ဗုဒ္ဓဘာသာဝင်တို့ကို စည်းရုံးရေးမှလွဲ၍ မြန်မာပြည်လို ကျောင်းပိုင်၊ ပုဂ္ဂလိကပိုင်ဟူ၍ကား ရှိမည် မဟုတ်ပေ။

သူတို့လူမျိုးက စီးပွားရေးကိုသာမက သာသနာရေးကိုလည်း အမြတ်ရနိုင်သရွေ့ ရအောင် လုပ်တတ်သော အကျင့်ရှိသည်။ လူမျိုးမရှိ၊ အသားအရောင်မရှိ၊ သင်္ကန်းရောင်မရှိ။ ကြိုက်သလို ယူဆနိုင်ပါ၏။ သို့သော် လျော့တွက်လျှင်တော့ မှားပေလိမ့်မည်။

ဆိုလိုသည်မှာ စလုံးများ မခေကြ။ တစောက်ကန်းများ မဟုတ်ကြ။
သူတို့မူက အကျိုးအမြတ် ရရှိဖို့အတွက် ဘာမဆို Maximize လုပ်ရေး ဖြစ်၏။


သီဟနာဒ

အွန်လိုင်း ပေါ်မှာ ဘာလို့ ရိုင်းစိုင်းသွားတတ်တာလဲ

Ref : Why we are so rude online by Elizabeth Bernstein,
Wall Street Journal


ဖေ့စ်ဘုတ်ပေါ်တက်၊ ငြင်းကြ ခုန်ကြ စိတ်ဝမ်းကွဲကြတွေ ဟာ မြန်မာတွေမှာ သီးသန့် ဖြစ်တတ်တဲ့ သဘာဝ မဟုတ်ပါဘူး။ ဂလိုဘယ် ပြဿနာပါ။

စိတ်ဝင်စားစရာ ဆောင်းပါးတစ်ပုဒ် ဝေါစထရိတ် မှာ တွေ့ရလို့ အချက် တချို့ကို ထုတ်ကြည့် မိပါတယ်။
ဆောင်းပါးရှင်က " ဖေ့စ်ဘုတ်၊ တွစ်တာ၊ မက်ဆေ့ဂ်ျဘုတ်တွေပေါ်မှာ ဘာလို့ လူတွေ ရိုင်စိုင်းသွားတတ်တာလဲ၊ မျက်နှာချင်းဆိုင်ဆို ဘယ်လိုမှ ပြောမထွက်တဲ့ စကားမျိုးတွေကို ပြောဖြစ်ကြတာလဲ " လို့ မေးခွန်း စထုတ်တယ်။

ကိုယ် ဘယ်သူမှန်း တဖက်လူ မသိခြင်းဟာ အဓိက အကြောင်းလို့ ဆိုပါတယ်။ ဖန်သားပြင်ပေါ်က လူကို တဖက်လူ မြင်တာမှ မဟုတ်ဘဲ။ ဒါပေမယ့် ဖေ့စ်ဘုတ်ပေါ်မှာဆိုရင် ကိုယ့်ရဲ့ ကိုယ်ရေး အချက်အလက်တွေ ပြည့်ပြည့် စုံစုံ၊ မှန်မှန် ကန်ကန် ရှိနေပါလျက် ဒီပြဿနာက ရှိနေဆဲပါ။



Columbia နဲ့ Pittsburgh တက္ကသိုလ်တို့ သုတေသန အရကတော့ ဖေ့စ်ဘုတ် အသုံးများရင် ကိုယ့်ကိုယ်ကိုယ် ထိန်းချုပ်နိုင်မှု အားနည်းသွားတတ်တယ်။ အထူးသဖြင့် ကိုယ့်ရဲ့  ဖေ့စ်ဘုတ်ကွန်ယက်ဟာ ကိုယ်နဲ့ အမြဲတမ်း တွေ့ဆုံ ရင်းနှီးနေသူတွေနဲ့ပဲ ဆက်သွယ်နေမယ်ဆိုရင် တဲ့။ အကြောင်းကတော့ အချင်းချင်း အပြန်အလှန်တွေ လုပ်နေကြတဲ့ " လိုက်ခ် " ဆိုတာတွေကြောင့် လူရဲ့ အဇ္ဈတ္တပုံရိပ် နဲ့ ကိုယ့်ကိုယ်ကိုယ် ယုံကြည်မှုကို ကြီးထွားလာစေပြီး ဒါတွေကသည်ပင် ကိုယ့်ကိုယ်ကိုယ် ထိန်းချုပ်နိုင်မှု အားနည်းသွားအောင် ( မြောက်ကားကားကြီး ဖြစ်သွားအောင် ) လုပ်ပေးသလို ဖြစ်သွားတယ်လို့ ဆိုပါတယ်။

တက္ကသိုလ်ရဲ့ ဒု ပါမောက္ခ Keith Wilcox က  ဒါဆို ကိုယ့်ကိုယ်ကိုယ် ကျေနပ်သွားတယ်၊ ယုံကြည်သွားတယ်။ ဒီက တဆင့် ကိုယ့် အယူအဆတွေ ပြန့်အောင် လုပ်ချင်လာတယ်။ ဒီမှာကိုယ့် အယူအဆနဲ့ မတိုက်ဆိုင်သူတွေ တွေ့လာရင် မကျေ မချမ်းဖြစ်ပြီး မပြောသင့်တာတွေကို ပြောတတ်ကြတော့တာပဲ။ သောက်တတ်တဲ့ အကျင့်လည်းရှိ သောက်လည်းထားမယ်ဆိုရင် အခြေအနေက ပိုဆိုးနိုင်င်ပါတယ် လို့ ဆိုပါတယ်။

သူတို့က အွန်လိုင်းအသုံးများသူတွေ နဲ့ ပတ်သက်ပြီး အဆင့် ဆင့် သုတေသနလုပ်ကြတယ်။ မိတ်ဆွေရင်းတွေနဲ့ အွန်လိုင်းမှာ အချိန် ပိုပြီးကြာကြာရှိနေမယ်ဆို သူတို့ ပြောတတ်တာတွေက အစားအစာအကြောင်းနဲ့ အဆုံးသတ်တတ်ပြီး နောက်ဆုံး ကိုယ်အလေးချိန်တွေ တက်လာတတ်ကြပါ သတဲ့။

ဖေ့စ်ဘုတ် အသုံးများသူတွေဟာ ခက်ခဲတဲ့ ပြဿနာတွေ ကြုံလာရင် ပိုပြီး စိတ်ပျက် လက်လျှော့လွယ်ကြတယ်လို့ဆိုပါတယ်။ ဒီအဆိုနဲ့ ပတ်သက်လို့ ဖေ့စ်ဘုတ် ရဲ့ ပြောရေးဆိုခွင့်ရှိသူက ဘာကွန်မင့်မှ မပေးခဲ့ပါဘူး။

အွန်လိုင်း ပေါ်မှာ ဘာလို့ ရိုင်းစိုင်းသွားတတ်တာလဲဆိုတာရဲ့ အဖြေကို မန်ဆာချူးဆက် စိတ်ပညာရှင် ရှယ်ရီ တာကယ်လ် က ကိုယ်ပြောလိုက်တာကို အခြေခံပြီး တစ်ဖက်သား ဘယ်လိုအထိဖြစ်သွားတယ်ဆိုတာကို မမြင်ရလို့ ပါ လို့ ဆိုပါတယ်။ ပြီးတော့ အွန်လိုင်းပေါ်က စကားလေး တစ်ခွန်းဟာ ချက်ချင်း လူပေါင်းများစွာဆီ ပြန့်သွားတယ် ဆိုတဲ့ လွယ်ကူတဲ့ကိစ္စကို လူတွေ အရေးမမူကြခြင်းပဲ။ ချက်ချင်း တုန့်ပြန်တတ်ကြတာနဲ့ ပတ်သက်လို့ " တစ်ဖက်သားက ဒီလိုပြောလာလိမ့်မယ်လို့ ကြိုတင်သိမထား၊ ပြင်ဆင်မထားရတဲ့ အတွက် မမျှော်လင့်တဲ့ တုန့်ပြန်မှုရတာနဲ့ ရှူးရှူးဒိုင်းဒိုင်း ပြန်လည် တုန့်ပြန်တတ်ကြတာ " လို့ဆိုပါတယ်။

ဖေ့စ်ဘုတ်ပေါ်မှာ အသိတွေ ရတတ်သလို ဖေ့စ်ဘုတ်ပေါ်မှာပဲ မိတ်ဆွေဟောင်းတွေ ဆုံးရတတ်ပြန်ပါတယ်။ ဒါကြောင့် ဖေ့စ်ဘုတ်ပေါ်မှာ မြန်မာတွေ ရန်ပဲ ဖြစ်နေကြတယ် ဆိုရင်တော့ အဆိုး မြင်လွန်းရာ ရောက်ပါတယ်။ ဒီ ရန်ပွဲက ဂလိုဘယ်လ်ပါ။

ဒီဆောင်းပါးထဲမှာ ဖေ့စ်ဘုတ်အပေါ်က မဖြစ်စလောက်ပို့စ်လေးကြောင့် မိတ်ဆွေတွေ ကွဲကြ ဆဲကြ သာဓကတွေ ထုတ်ပြထားပေမယ့် မြန်မာတွေကြားမှာ " ဒါမျိုးကတော့ ရိုးနေပေါ့ " မို့ ဖော်ပြမနေတော့ပါဘူး။


ဇင်ဝေသော်

လီကွမ်းယု နဲ့ ခရစ်ယန်ဘာသာတရား ( ၆း ၅ )

အာရှ နိုင်ငံ ခေါင်းဆောင်များတွင် လီကွမ်းယုသည် ကျွန်ုပ် ချစ်ခင်ရသော မိတ်ဆွေတစ်ယောက် ဖြစ်သလို ကျွန်ုပ် အလေးစားရဆုံးသော ခေါင်းဆောင်တစ်ယောက်လည်း ဖြစ်ပေသည်။ ဂျပန် ဝန်ကြီးချုပ်တစ်ယောက် အနေဖြင့် G7စည်းဝေးပွဲ မတိုင်မီ မစ္စတာ လီနှင့် တွေ့ဆုံပြီး အာရှတိုက် ရင်ဆိုင်နေရသည့် ပြဿနာများနှင့် ပတ်သက်သော သူ့အမြင် သူ့အယူအဆတို့ကို အစည်းအဝေး မှတ်တမ်းများ အဖြစ် ကျွန်ုပ် သိမ်းဆည်းယူခဲ့သည်။ သူ၏ ကျနသော လေ့လာ သုံးသပ်မှု၊ ရိုးရှင်းသော ခွဲခြမ်း စိပ်ဖြာမှုတို့သည် အာရှ နိုင်ငံရေးလောက အတွက် အဓိပ္ပါယ် ရှိလှပြီး တန်ဖိုးလည်း ကြီးလှပေသည်။
Yasuhiro Nakasone,
Japanese Prime Minister,
1982-1987

မေး ။     ။ ခရစ်ယန်ဖြစ်တဲ့ ဝန်ကြီးတွေက ...

ဖြေ ။    ။ သူတို့က ဒီလောက် တစ်ယူသန်ကြီးတွေ မဟုတ်ပါဘူး။ သူတို့က "How to live and let live" ကို သဘောပေါက်ကြပါတယ်။ မင်းက ကျမ်းသစ္စာ ကျန်ဆိုချင်သလား။ ရတယ်။ ကျမ်းစာ အသစ်ပဲဖြစ်ဖြစ်၊ အဟောင်းပဲဖြစ်ဖြစ် (ဓမ္မဟောင်းကျမ်းပဲဖြစ်ဖြစ်၊ ဓမ္မသစ်ကျမ်းပဲဖြစ်ဖြစ်)။ သူတို့ ယုံကြည်တဲ့ ဘာသာတရားအတိုင်း (အသင်းတော်မူအတိုင်း) သစ္စာတိုင်တည်ပေးလိုက်တာပဲ။ ကက်ဘိနိတ်တစ်ခုလုံး ခရစ်ယန်တွေနဲ့ ပြည့်နေရင်တော့ သည်းခံစိတ်မရှိတဲ့ ကက်ဘိနိတ် ဖြစ်သွားလိမ့်မယ်။ ဒါတော့ အဖြစ်မခံနိုင်ဘူး။

မေး ။     ။ အခြားဘာသာတွေကလည်း တုန့်ပြန်လာကြလိမ့်မယ်လို့ လူတွေ စိုးရိမ်နေကြတယ်။
ဖြေ ။    ။ ဗုဒ္ဓဘာသာက တုန့်ပြန်ခဲ့ပြီးပြီလေ။ တုန့်လည်း တုန့်ပြန်ရမှာပဲ။ ဘာသာကွယ်ပျောက်သွားတာ ထိုင်ကြည့်နေလို့ ဘယ်ရမလဲ။ ဒီပြဿနာက အခု အေးသွားပါပြီ။

ကိုရီးယားနဲ့ ဂျပန်တို့မှာလည်း ငါတို့ လေ့လာခဲ့တယ်။ ဘာသာတရားအသစ် အားကောင်းလာပြီဆိုရင် ပူညံပူညံအသံတွေကတော့ ထွက်လာတာပဲ။ ခရစ်ယန်မှရယ်လို့ မဟုတ်ပါဘူး။ ကိုရီးယားမှာ ခရစ်ယန်အားကောင်းပြီး ထိုင်ဝမ်မှာက ဗုဒ္ဓဘာသာက ပိုအားကောင်းတယ်။ ဟောင်ကောင်မှာလည်း ခရစ်ယန်တွေ ရှိတယ်။ စင်္ကာပူနဲ့ မလေးရှားလောက်တော့ မများလှဘူး။

မေး ။     ။ ဘာသာတရားအချင်းချင်း ညီညွှတ်စွာပေါင်းစည်းနေထိုင်မှုဝါဒကို ဆက်လက် ထိန်းသိမ်းထားဖို့ အခက်အခဲ တွေ့လာနိုင်တယ်လို့ မထင်မိဘူးလား။

ဖြေ ။    ။ မထင်မိပါဘူး။ ပါလီမန်အမတ်တွေထဲမှာတော့ ဒါမျိုး ရှိကိုမရှိဘူး။ လူ့ကိုယ်အင်္ဂါ အစားထိုးကုသမှု အက်ဥပဒေ (HOTA - Human Organ Transplant Act) နဲ့ ပတ်သက်လို့ လွတ်လွတ်လပ်လပ် မဲခွဲဆုံးဖြတ်ကြတယ်။ ခရစ္စတိုဖာ ဒီဆော်ဆာက ကန့်ကွက်တယ်။ သူက တော်တော့်ကို မကြိုက်တာ။ မကြိုက်လည်း ထားလိုက်ပေါ့။ သူက ကက်သိုလစ်၊ ဒါပေမဲ့ ဘာသာရေးမဲဆွယ်တာတွေတော့ မတွေ့မိဘူး။ ပုတ်ရဟန်းမင်းကြီးက HOTA ကို သဘောမတူဘူး။ ဒါကြောင့် သူက ကန့်ကွက်တာ။
ငါ့သဘောအရတော့ ဒီကိစ္စမှာ ပုတ်ရဟန်း မှားတယ်လို့ ယုံကြည်တယ်။

မေး ။     ။ ၁၉၈၀ - ခုနှစ်တွေတုန်းက ချပ်ကျောင်းတွေ နိုင်ငံရေးထဲ ပါလာလို့ အစိုးရက လက်တုန်ပြန်ခဲ့ရသေးတယ်နော်။

ဖြေ ။    ။ ဟုတ်တယ်။ နိုင်ငံရေးထဲ သူတို့ ဝင်ပါလာတယ်။ သူတို့ကို ခွင့်ပြုလိုက်ရင် တခြား ဘာသာတွေကလည်း နိုင်ငံရေးထဲ ဝင်ပါလာကြမှာပေါ့။ ဒါဆိုရင် နိုင်ငံရေးပါတီက ဘာသာရေးကြောင့် အစိတ်အစိတ် အမွှာအမွှာ ဖြစ်သွားတော့မှာ။ ဒါကို ချက်ချင်း ရပ်ပစ်လိုက်ကြတယ်။ လက်တင်အမေရိကမှာ ဖြစ်ခဲ့တဲ့ ခရစ်ယန်လှုပ်ရှားမှုကနေတဆင့် ဒီကို ရိုက်ခက်လာတာ။ ကက်သိုလစ်ချပ်ကျောင်းတွေက ဆင်းရဲသားတွေအတွက် လုပ်သင့်တာတွေ လုပ်မပေးလို့တဲ့။

ငါ ရပ်ပစ်ခဲ့တာ။ ပုတ်ရဟန်းမင်းကြီး ဒီကိုလာတော့ သူ့ကို ငါ ရှင်းပြတယ်။ လက်တင်အမေရိကမှာတော့ ဒီကိစ္စက မှန်ပါတယ်။ စင်္ကာပူက ဘာသာပေါင်းစုံရှိတဲ့နေရာမို့ ကက်သိုလစ်တွေက စလိုက်ရင် အခြားဘာသာတွေကလည်း ပါလာမှာမို့ ဘာသာရေးအချင်းချင်း ပြဿနာဖြစ်လာနိုင်လို့ ခွင့်မပြုနိုင်ကြောင်းပေါ့။

ဘာသာရေးတိုင်း နိုင်ငံရေးနဲ့ ကင်းကင်းနေရမယ်။ ဒါမှ ညီညွှတ်မယ်။
မင်း မလေးရှားကိုကြည့်။ ဒီပြဿနာ ဘယ်တော့မှ အေးမှာ မဟုတ်ဘူး။ တန်ကု အပ်ဘဒူနဲ့ သူ့ကားပေါ် ပါပါသွားဖူးတယ်။ မင်္ဂလာဆောင်တို့၊ အခြားလူမှုရေးပွဲလမ်းတွေပေါ့ကွာ။ နေရာတိုင်းမှာလည်း ဗလီအသစ်တွေ ထပ်ထပ်ဆောက်တာ တွေ့ရတယ်။

ဒါနဲ့ ငါက တန်ကုကို "မင်းကွာ ... ဆေးရုံဆေးခန်းတွေ ဆောက်ပါလား" လို့ ပြောတော့ သူက "ကွမ်းယု၊ ဒါတွေကို မင်း နားမလည်ပါဘူး။ ဒါက မလေးလူထုကွ။ သူတို့က ဆုတောင်းဖို့လိုတယ်။ သူတို့ကို ဆု ကောင်းကောင်း တောင်းခွင့်ရအောင် လုပ်ပေးထား။ သူတို့ဘဝတွေလည်း နည်းနည်းလေး ပိုကောင်းလာအောင် ဆောင်ရွက်ပေးမယ်ဆိုရင် သူတို့က ပျော်နေပြီ။ သူတို့နဲ့ မင်းနဲ့ ကောင်းကောင်း လက်တွဲလို့ ရပြီ" တဲ့။

အစဆို တကယ့်အစပိုင်းတုန်းက သူတို့ မွတ်စလင်လူထုတွေထဲမှာ မွတ်စလင်မဟုတ်တဲ့လူတွေ ထောက်ခံမဲ မရအောင် အစ္စလမ်ကို နိုင်ငံရေးလက်ကိုင်တုတ်အဖြစ် အသုံးပြုခဲ့တဲ့စနစ်ပဲ။ ငါတို့ မလေးရှားထဲ ဝင်ပြိုင်တော့ မလေးတချို့က ငါတို့ ပီအေပီကို ထောက်ခံကြတယ်။ ဒီတော့ သူက ပြောတယ် "မင်း မလေးတွေထဲ ဝင်မလာနဲ့။ ပီအေပီပါတီဟာ တရုတ်လူမျိုးတွေထဲမှာပဲ ရှိနေပါစေ" တဲ့။

"ဒါဆို ငါတို့လူထုက နှစ်ခြမ်းကွဲနေမှာပေါ့" လို့ ငါက ပြောတော့ သူက ယူရေးရှန်းနဲ့ အိန္ဒိယန်းတွေကို စည်းရုံးချင် စည်းရုံး၊ မွတ်စလင်တွေကိုတော့ မင်း လက်ရှောင်ရမယ်တဲ့။ အခု သူတို့ ချွေးပျံနေပြီ။ ငါတို့ ပီအေပီက UMNO ခေါင်းဆောင်တွေနဲ့ ညီညွှတ်ရေးစကား ပြောတော့မှာ။ ဒီအကြောင်း မလေးသတင်းစာတွေမှာ ပါတယ်။ ဖတ်ကြည့်။ ဒါက ဖြစ်ကို ဖြစ်လာမယ့်ကိစ္စပဲ။

မေး ။     ။ အခုလေးတင်ပဲ ပါလီမန်အမတ်တွေအားလုံးဟာ မျှမျှတတရှိတယ်လို့ မစ္စတာလီ ပြောခဲ့တယ်။ သူတို့ ဒီအတိုင်းပဲ နေသွားကြမယ်၊ ဒါမှမဟုတ် ပေါ်လစီရေးဆွဲတဲ့ ထာဝရအတွင်းရေးမှူးလို ပုဂ္ဂိုလ်တွေက တစ်ဖက်ဖက်ကို မယိုင်ပါဘူးလို့ ဘယ်လိုကြောင့် သေချာပေါက် ပြောလို့ရတာလဲ။

ဖြေ ။    ။ အဲသလိုလူဆိုရင် လူထုက မထောက်ခံတော့ဘူး။ တရုတ်တွေရဲ့ (၇) လမြောက် သရဲကြီးပွဲကို မင်း မတက်ဘူးဆိုရင် ထောက်ခံမဲတွေ မင်း လက်လွှတ်သွားမှာပဲ။ အဲ့ဒါက မင်း ဘယ်လောက် ပျော့ပျော့ပြောင်းပြောင်း ရှိတယ်ဆိုတာ သက်သေပဲ။ ဘယ်တော့မှ ပြောင်းလို့မရတဲ့ တရုတ်ယဉ်ကျေးမှု အမွေအနှစ်တွေ ရှိတယ်။ ပညာသိပ်မတတ်တဲ့ တရုတ်တွေဆိုရင် နတ်တွေ၊ နတ်သမီးတွေ၊ ကွမ်ရင်တွေ စတာတွေကို ယုံကြည်နေကြတုန်း။ မင်းက ခရစ်ယန်စစ်စစ်ကြီးလုပ်ပြီး တမ်ပယ်တွေကို မသွား၊ သရဲကြီးပွဲကိုရှောင် ဆိုရင် "ဒီအမတ်က မစွံပါဘူး။ တို့နဲ့ တစ်သားတည်း မရှိဘူး"လို့ ပြောကြမှာ။ မင်းလည်း ထောက်ခံမဲတွေ လက်လွှတ်ရော။

မေး ။     ။ ရွေးကောက်ပွဲက ငါးနှစ်မှ တစ်ကြိမ်ပဲ မဟုတ်ဘူးလား။
ဖြေ ။    ။ ဟုတ်တယ်လေ။

မေး ။     ။ မစ္စတာလီပြောသလို ရွေးကောက်ပွဲမတိုင်မီ ကြားကာလတွေမှာရော တစ်ဖက်ဖက်ကို မယိမ်းနိုင်ဘူးလား။

ဖြေ ။    ။ အဲ့သလိုလုပ်ရင် ရွေးကောက်ပွဲမှာ ရှုံးမှာပေါ့။ အရေးအကြီးဆုံး စမ်းသပ်ချက်က လူထုကို ကိုယ်နဲ့အတူ ပါလာအောင် ခေါ်လာနိုင်သလားဆိုတဲ့အချက်ပဲ။ လူထုကြီးအားလုံးကို ခရစ်ယန်ဖြစ်အောင် စည်းရုံးလိုက်နိုင်ပြီဆိုရင် ငါတို့တော့ အကြီးအကျယ် ပြဿနာတက်မှာပဲ။ ဖြစ်လာမယ့် သဘောတော့ မရှိပါဘူး။

အော်စတင်တန်ရဲ့ မဲဆန္ဒနယ်ကို ငါ ရောက်ခဲ့ဖူးတယ်။ အဲ့ဒီမှာ တန်ခိုးကြီးတယ်ဆိုတဲ့ သစ်ပင်ကြီးမှာ ဖရောင်းတိုင်တွေ၊ ဆုတောင်းစာတွေနဲ့ ပြည့်နေတာပဲ။ ဒါနဲ့ ငါက "ဒါကတော့ ကျောက်ခေတ်ကိုးကွယ်မှု ကျနေတာပဲ" လို့ ပြောလိုက်တယ်။ သူက "မဟုတ်ပါဘူး။ သူတို့ စိတ်ကျေနပ်မှု ရကြတယ်။ ဒီအတိုင်းပဲ လွှတ်ထားရမယ်" လို့ ပြန်ပြောခဲ့တယ်။ သူက ခရစ်ယန်နော်။

ဒီမှာ ဆုတောင်းလို့ ကလေးရခဲ့တယ် ... စတဲ့ သူတို့ ယုံကြည်တဲ့ Temple တွေ၊ သစ်ပင်တွေသာ ဖျက်ဆီးပစ်လို့ကတော့ လူထုကြီးတစ်ခုလုံး မကျေမနပ် ဖြစ်ကြမှာပဲ။

တရုတ်ကွန်မြူနစ်ပါတီက ဘာသာမရှိဘူး။ အကုန်လုံးကို နှိပ်ကွက်တာ။ သူတို့လည်း သွေးအေးသွားရော ဘိုးစဉ်ဘောင်ဆက် ကိုးကွယ်တဲ့ အယူဝါဒလည်း ပြန်ရောက်လာတာပဲ မဟုတ်လား။ Qing Ming မှာဆိုရင် အဘိုးအဘွားတွေရဲ့ အုတ်ဂူတွေဆီသွား၊ မြက်ပင်တွေရှင်းလင်း လုပ်နေကြတာပဲ။ ဒီယဉ်ကျေးမှုက နှစ်ပေါင်းများစွာ အမြစ်တွယ်နေခဲ့တာ။ ခရစ်ယန်တချို့ အိန္ဒိယမှာ ရှိတယ်။ ဖီဂျီမှာရှိတဲ့ စီဗီလိုက်ဇေးရှင်းလည်း အသစ်လိုပဲ။ ခရစ်ယန်တွေက နတ်ကိုးကွယ်သူတွေကို ခရစ်ယန်တွေဖြစ်အောင် စည်းရုံးကြတယ်။ အိန္ဒိယမှာ ခရစ်ယန်ဦးရေ ဘယ်လောက်ရှိသလဲ။ ဟိန္ဒူတွေ အရိုးစွဲ ယုံကြည်တဲ့ နတ်နန်းတွေ၊ ဆင်နတ်တွေ၊ ဘာတွေညာတွေကို ဖယ်ပစ်လို့ မရဘူး။

မေး ။     ။ ကတ်ဘိနိတ်ထဲမှာ ဘာသာရေးကို အခြေခံပြီး ဒါကတော့ ဘာသာရေးနဲ့ ညီညွှတ်တယ်၊ ဒါကတော့ မညီညွှတ်ဘူးစတာတွေ အကျေအလည် ဆွေးနွေးခဲ့ရတာမျိုးတွေ ရှိခဲ့ဖူးသလား။ ဘာသာရေး ကိုယ်ကျင့်တရားနဲ့ ပတ်သက်လို့ပေါ့။ ဥပမာ ... ကက်စီနို၊ လိင်တူဆက်ဆံခြင်း စတာမျိုးတွေ ...

ဖြေ ။    ။ သူတို့က ခေတ်မီမီ စဉ်းစားတတ်ကြပါတယ်။ ဒါက လူထုရဲ့ အစစ်အမှန် ဖြစ်စဉ်ပဲ။ တို့ဆန္ဒရှိတာက ... ဒါ။ ဒါဆို လူထုက ဘယ်လို တုန့်ပြန်လာမလဲဆိုတာ ငါတို့ စဉ်းစားဆုံးဖြတ်ရတယ်။ လိင်တူဆက်ဆံတဲ့ကိစ္စကလည်း နောက်ဆုံးတော့ လက်ခံရမှာပဲ။ တရုတ်ပြည်မှာ ဒါကို တရားဝင် လက်ခံပြီးပြီ။ အနှေးနဲ့အမြန်ပါပဲ။ ဒါကို လက်ခံလာရလိမ့်မယ်။

အောက်ခြေလူတန်းစားတွေ ခရစ်ယန်ထဲ ဇွတ်အသွင်းခံရတာတော့ ငါ မတွေ့ဖူးသေးဘူး။ သူတို့အားလုံးကိုပါ ခရစ်ယန်ဘာသာထဲ အသွင်းခံလိုက်ရပြီဆိုရင်တော့ ဒီကိစ္စက တစ်မျိုးတစ်မည် ဖြစ်သွားနိုင်တာပေါ့။

ဇင်ဝေသော်
Zin Wai Thaw