ကမျးလကျ | “ကန်ရေကလဲ့လွန်းတော့ လရောင်ကို ငုံ့နမ်းမိကြပေါ့ ...”

Home » All posts

သတင်းမဟုတ်တာ သတင်းလုပ်နေရတဲ့...တို့နိုင်ငံ

in ပြုံးစိစိ, ဦးကိုမောင် - on 4/04/2012 - No comments

ဒါတွေမပြောခင် မဆိုင်တာလေးတစ်ခုလောက်ပြောချင်ပါသေးရဲ့။

စင်ကာပူမှာလည်း ဒါမျိုးလေးတွေရှိတတ်တယ်ဆိုတာလေး လက်တို့ချင်လို့ပါ။
စင်ကာပူက မြို့နယ်တစ်ခုက လူတွေလည်း ရွေးကောက်ပွဲ မဲထည့်ရတဲ့အရသာကို မသိကြဘူး တဲ့။
နှစ်တိုင်း အတိုက်အခံ မဲပုံးထောင်မဲ့သူ(ထောင်ရဲသူ)မရှိလေတော့ မဲထည့်ရတယ်လို့ကိုမရှိပါဘူး တဲ့။
ပြီးခဲ့တဲ့ရွေးကောက်ပွဲကမှ လူစွမ်းကောင်း(လူမိုက်)ပေါ်လာတယ်ဆိုပဲ။
သူပြောတာက ရှင်းရှင်းလေး၊နိုင်ချင်လို့ မဟုတ်၊လူထုကို မဲပေးခွင့်လေးရစေချင်လို့ တဲ့။
ဒါပေမယ့် သူခမျာ လျောလျောလျူလျူတော့ ရခဲ့ပုံ မရပါဘူး၊ ထားပါတော့၊ ဒါက ကိုယ့်ကိစ္စမဟုတ်ဘူး။

၁။   စင်ကာပူကိုရောက်တော့ ပထမဆုံးလမ်းတွေကောင်းတာကို သတိထားမိတယ်။
ပြီးတော့မှ အိမ်နီးချင်းနိုင်ငံတွေကို ရောက်ဖူးတာ၊ ရောက်လို့ကြည့်မိပြန်တော့ လမ်းတွေက နိုင်ငံတိုင်းမှာကောင်းနေတာတွေ့ရတယ်။ အော် လမ်းကောင်းတာက သတင်းမှ မဟုတ်တော့ဘဲ၊
လမ်းဆိုးတာကမှ သတင်းကိုးလို့ သိခဲ့ရတယ်။ ခက်တာက တို့နိုင်ငံမှာတော့ လမ်းကောင်းတာက သတင်းဖြစ်နေတုန်း။

၂။   နောက် လျပ်စစ်မီးကိစ္စ။ မီး၊ ရေ၊ လေ တွေ လာနေ၊ ရှိနေတာက သတင်းမှ မဟုတ်တာ။
လေရှိတဲ့ပတ်ဝန်းကျင်မှာ(သူများနိုင်ငံတွေမှာပြောပါတယ်)လျပ်စစ်မီးလည်းရှိနေတာပဲ။
တို့နိုင်ငံမှာသာ လျပ်စစ်မီးလာတာကို သတင်းလုပ်နေကြရတာ။

၃။   ရွေးကောက်ပွဲမှာ လွတ်လွတ်လပ်လပ် မဲပေးရတာက သတင်းမှ မဟုတ်တာဘဲ၊
ကိုယ်ကြိုက်တဲ့ ပါတီကို ကိုယ်မဲပေးလို့ရအောင် စီမံထားတဲ့ အစီအစဉ် မဟုတ်လား။
တို့လူမျိုးတွေကတော့ မဲပေးခွင့်လေရတာကိုပဲ သတင်းလုပ်ပြီး ပျော်မဆုံး၊ မော်မဆုံးပဲလေ။

၎။   ရွေးကောက်ပွဲမှာ မဲရေတဲ့စက် ချွတ်ယွင်းချက်မဖြစ်ရင် အမှန်အတိုင်းအဖြေထွက်ရမှာပေါ့။ တို့နိုင်ငံရွေးကောက်ပွဲကတော့ အမှန်အတိုင်း အဖြေထွက်လို့ဆိုပြီး တစ်ကမ္ဘာလုံးက ဝိုင်းပြီးချီးကျူးတာ ခံနေရတယ်။
သတင်း မဟုတ်တာသတင်းလုပ်လို့။

၅။   နိုင်ငံခေါင်းဆောင်ပဲ၊ စကားလေးဘာလေးတော့ ပြောတတ်မှဖြစ်မှာပေါ့၊ ပြောလည်းပြောမှပေါ့။
အခုဖြစ်နေပုံက မြန်မာနိုင်ငံ သမ္မတကြီး ဦးသိန်းစိန် သတင်းထောက်တွေစကားပြောတာကို အထူးအဆန်းလုပ်ပြီး
သတင်းစာထဲ ထည့်ရေးနေကြသေးတယ်။ သမ္မတကြီးပြောတာက "The election is held successfully." ရွေးကောက်ပွဲ အောင်အောင်မြင်မြင်ကြီး ပြီးဆုံးသွားပြီ တဲ့။ ဖြစ်ရပုံများ - သမ္မတကြီးစကားပြောတာတာ သတင်းဖြစ်နေရတယ်လို့။

အေးလေ...သူရှေ့ကဆရာကြီးတွေက ရေငုံနှုတ်ပ်ိတ်၊ Noble Silence နည်းနဲ့ ဘုရားအလိုတော်ကျ အုပ်ချုပ်(အုပ်ပြီးချုပ်)သွားလေတော့ သူစကားစပြောတော့ ထူးဆန်းသွားကြလို့နေမှာပေါ့။

ဦးကိုမောင် တို့ကတော့ ပထမဆုံးစကားစပြောတဲ့ သမ္မတကြီးသက်တော်ရာကျော်ရှည်စေဖို့ အမြဲဆုတောင်းနေမယ်။ ဦးစောမောင်ကြီး စစ်တန်းလျားကို ပြန်မယ်ဆိုတဲ့စကားက နောက်ဆုံးကြားလိုက်ရတဲ့ နိုင်ငံခေါင်းဆောင်ရဲ့အသံ။

ကြာလှ၊ လွမ်းလှပေါ့၊ နိုင်ငံခေါင်းဆောင်ရဲ့စကားပြောတဲ့အသံ။
ဆင်းရဲတာက ချမ်းသာအောင်လုပ်လို့ရတယ်။
စကားမပြောတာက ဘာမှန်းလည်းမသိ၊ဘာမှလည်း လုပ်မရ။

ဦးကိုမောင်

အလှူငွေသုံးသောင်း သာဓုသုံးကြိမ်

in 3D ဘာသာရေး, သီဟနာဒ - on 4/04/2012 - No comments

အဖြစ်အပျက်တို့အားလုံး ဦးမောင်မောင်သိန်းဆိုသည့် ခရစ်ယန် ဓမ္မတက္ကသိုလ်ဆင်း သိက္ခာရ ဆရာကြီး ဗုဒ္ဓဘာသာကူးပြောင်းရာကနေ စတင်ခဲ့ကြသည်။ ထိုသတင်းက လေရှီး၊ လဟယ် နာဂတောင်တန်းတစ်ခုလုံးကို (အထူးသဖြင့်တော့ လေရှီးပေါ့) ရိုက်ခတ်လွင့်ပျံ့စေခဲ့သည်။ သူတို့ပြောစကားများအရ လေရှီးမြို့နယ်၌ ဘာသာရေးအရ လက်ထပ်ထိမ်းမြားပေးနိုင်စသည့် (ဆော်လမ်နိုက်ဇေးရှင်း) နှစ်ယောက်ထဲက တစ်ယောက်ဖြစ်နေသည်။

ကံကောင်းသည်ဟုဆိုရမလား ၊ ကံဆိုးသည်ဟု ဆိုရမလား မသိပေ။ ထိုဦးမောင်မောင်သိန်း အပါအ၀င် လူသာသနာပြူ ပုဂ္ဂိုလ်လေးဦးတို့နှင့်အတူ အဓိကကျသော ထမံသီနာဂရွာသစ်သို့ သွားရောက်သာသနာပြုရန် ကူကီးရွာမှတစ်ဆင့် ပြောင်းရွှေ့ပေးခဲ့ကြသည်။ လမ်းပမ်းဆက်သွယ်ရေး ပိုအဆင်ပြေသောနေရာ ဖြစ်သဖြင့် ကောင်းသည်ဟုဆိုရသော်လည်း ပိူ၍ခက်ခဲသော တာဝန်တစ်ခုဟုတော့ ခံယူမိသည်။

ဘာသာရေးအယူအဆခြင်း မတူသော်လည်း ပြဿနာအသွင်တော့ မဆောင်စေချင်၊ ထို့ကြောင့်ဦးမောင်မောင်သိန်း အကူအညီဖြင့် ဒေသခံဘုရားရှိခိုးကျောင်းများသို့လည်ပတ်ခြင်း၊ ရပ်မိ ရပ်ဖများနှင့်တွေ့ဆုံခြင်း၊ တရားဟောသင်းအုပ်ဆရာများနှင့်တွေ့ဆုံခြင်း စသည်တို့ပြုလုပ်ခဲ့သည်။ အဆင်ပြေချောမွေ့ခဲ့သည်။ မည်သို့ဖြစ်စေ မကြိုက်သူ၊ ကြည့်မရသူများလည်း ရှိနေဆဲပင် ဖြစ်ပေလိမ့်မည်။

ခြောက်လခန့်ကြာသော အခါ တစ်ချိ်န်က တောင်တွင်းကြီး ဘ/က သင်တန်းကျောင်းကို တက်ဖူးသော်လည်း ထိုအခါက သင်းအုပ်ဆရာ ဖြစ်နေသော လူတစ်ယောက်ကို တွေ့ခဲ့ရသည်။ သူနှင့် စကားပြောသည့်အခါ ဗုဒ္ဓဘာသာ ဘုန်းကြီးကျောင်းမရှိခြင်းနှင့် ဘုန်းကြီးမရှိခြင်းကြောင့် သင်းအုပ်ဆရာလုပ်နေရသည်ဟုဆိုသည်။ ထို့ကြောင့် အခုကျောင်းလည်းရှိ၊ ဘုန်းကြီးလည်းရှိပြီပဲ ၊ ဗုဒ္ဓဘာသာပြန်လုပ်ပေါ့ဟုဆိုရာ သူကလည်း လုပ်မည်၊ သို့သော် သင်းအုပ်ဆရာလုပ်လျှင် လစားလည်းရစသည်၊ ဆန်ဝေစုလည်းရသည်။ ဗုဒ္ဓဘာသာလုပ်လိုက်လျှင် သူ့မိသားစု စားဝတ်နေရေးအတွက် ပူပန်ရသည်ဟု သူ့အခက်အခဲကို တင်ပြလာသည်။

မှန်ပေသည်။ သူ့အခက်အခဲများကို မျက်ကွယ်ပြု၍ မရ။ သူ့သင်းအုပ်လစာပေးပြီး ဗုဒ္ဓဘာသာ အလုပ်ခိုင်းရမလို ရှိနေသည်။

ထို့ကြောင့်ဖြေရှင်းချက်ကိုရှာတော့ ကျောင်းအိပ်ကျောင်းစား ကပ္ပိယလုပ်ရန်၊ ကပ္ပိယလုပ်နေစဉ် မိသားစုအတွက် အထိုက်အလျောက် အထောက်အပံ့ရစေရန် လစာသဘောမျိုးပေးမည် ဟုဆိုရာ သူကသဘောတူသည်။ ငွေကြေးမည်မျှမှန်း မမှတ်မိသော်လည်း ရှမ်းဗုဒ္ဓဘာသာတစ်ချို့အကူအညီ၊ လူသာသနာပြုတစ်ချို့ အကူအညီ၊ တစ်ချို့အိပ်ထဲကစိုက်ကာ သင်းအုပ်တစ်ယောက်ကို ကပ္ပိယအလုပ်ခိုင်းလိုက်သည်။ ဤကား အဖြစ်အပျက်များ၏ ဒုတိယ အကြောင်းတရားဖြစ်တော့သည်။

ထို့နောက်နာဂလေးနှစ်ယောက်၊ မြန်မာတစ်ယောက် ၊ရှမ်းလေးနှစ်ယောက်ကို ကိုရင်ဝတ်ပေးလိုက်သည်။ တစ်နှစ်အတွင်း အတန်ငယ် မြိုင်မြိုင်ဆိုင်ဆိုင်တော့ရှိလာသည်။ သို့သော် ကျောင်းက၀ါးကျောင်းမျှသာ ဖြစ်သဖြင့် တိုင်များ ၀ါးကပ်များကိုလည်း " ခြ " များကစတင်ကိုက်စားနေကြပြီဖြစ်သည်။ စဉ်းစားရပြန်၏။ ကိုယ့်ငွေနှင့်ကိုယ် ရပ်တည်နိုင်သော ကျောင်းတစ်ကျောင်းဖြစ်ရန် ဖြစ်သည်။

ရေတိုစီမံကိန်းအရ ငှက်ပျောပင်များစိုက်မည်။ ရောင်းချ ရန်ပုံငွေရှာမည်။ မြေက သိပ်မကောင်းသည့်အတွက် ငှက်ပျောက သိပ်မဖြစ်။ နောက်ဆုံး သူတို့နှင့်တိုင်ပင်ကာ ရေရှည်ဖြစ်သည့် ဒညင်းပင်စိုက်ရန်သာ ဆုံးဖြတ်ရတော့သည်။ ဒညင်းကား နှစ်ရှည်ပင် ဖြစ်သည့်အတွက် မြေသိပ်မကောင်းလျှင်ပင် အလုပ်ဖြစ်သည်။ အသီးသီးရန်ကား အစောဆုံး (၅) နှစ်မှ (၇)နှစ်အထိစောင့်ရမည်။

ဒညင်းပင် မစိုက်မီ ကျောင်းဝင်းကို မြေညှိရဦးမည်။ မြေထိုးစက်ကြီးများကိုကိုင်သော ရွှေဘိုသား ကိုခင်ဇော်ကို အကူအညီတောင်းတော့ ကူညီမည်ဟုဆိုသည်။ မြေထိုးပြီးလျှင် ကိုယ်စိုက်လိုရာ စိုက်ပျိုးနိုင်ပြီဖြစ်သည်။ မြေထိုးစက်ကို သူက ကူညီသော်လည်း လိုအပ်သော ဓါတ်ဆီ စသည်ကိုတော့ ကိုယ်က စိုက်မှကောင်းမည်။ သို့နှင့် ရင်းနှီးရာလူတစ်ချို့ကို အကူအညီတောင်း ၊ ကိုယ့်ရှိတာလေးနှင့်ပေါင်းတော့ ၀တ္ထုငွေ နှစ်သောင်းခန့်တော့ရသွားသည်။ မဆိုးလှ၊ လောက်သလောက် ရှိသွားပေပြီ ။

ပြဿနာကား ဤငွေနှစ်သောင်းမှစသည်။

လသာသောညတစ်ညဖြစ်သည်။ ကိုရင်လေးများကို ပုံပြော ၊ ကပြင်မှာ အိပ်ကြရန်ပြောပြီး အခန်းထဲ
အိပ်ရန်ပြင်သည်။ ဘာ့ကြောင့်မှန်းမသိ၊ ထိုညက အိပ်မရဖြစ်နေသည်။

အတန်ကြာသောအခါ မီးတင်းကုပ်ထဲမှ အသံတစ်ခုခု ကြားလိုက်ရသည်။ ဘာအသံလည်း ပြောလို့မရ၊ သို့ဖြင့် ကိုရင်လေးများကို ကြည်တော့ အားလုံးအိပ်နေကြပြီဖြစ်သည်။ အသံလိုလို ၊ ဘာလိုက ရှိနေဆဲ၊ အနည်းဆုံး စိတ်ထဲမှာတော့ တစ်ခုခု ခံစားနေရတာတော့ အမှန်ပင်။ ထို့ကြောင့် မီးတင်းကုပ်ထဲသို့ဝင်လိုက်ရာ နောက်ကျသွားပြီဖြစ်ကြောင်း သိလိုက်သည်။

လူနှစ်ယောက်က မိမိလက်နှင့် ပခုံးကို ချူပ်ကိုင်ထားလိုက်ကြသည်။

ဘာအတွက် ဒီလိုလုပ်တာလဲ - ဟုမေးရာ ရှိနေတဲ့ ငွေနှစ်သောင်း သူတို့ကိုပေးပါ။ ပြီးရင်အောက်မြန်မာပြည်ကို ပြန်သွားပါဟု စကားသံဝဲ၀ဲဖြင့် ပြောသည်။

ကိစ္စမရှိပါ။ ပေးပါမည်ဟုဆိုကာ ထိုငွေနှစ်သောင်းကိုပေးလိုက်သည်။ နာရီလေးတစ်လုံးလည်း ဘေးမှာရှိနေသည်။ နာရီကိုလည်း ယူချင်ယူသွားလေဟု ဆိုသောအခါ နာရီကို မလိုချင် ၊ ရဲတိုင်တာ စစ်တပ်တိုင်တာတွေ မလုပ်ဖို့ သတိပေး (ခြောက်လှန့်) စကားပြောပြီး ထိုလူနှစ်ယောက် ထွက်သွားကြလေတော့သည်။ ငွေနှစ်သောင်းတော့ ပါသွားပေပြီ ၊ လူကိုဘာမှ မလုပ်ခဲ့တာပင် ကံကောင်း ဟု ဆိုရပေတော့မည်။

ဘာ့ကြောင့်ဒီကိစ္စဖြစ်ရသနည်း ဟူသော အတွေးက ရပ်တန့်မရ။ ရွာသစ်ဘုန်းကြီးနှင့် ဦးမောင်မောင်သိန်းကို နာဂသူပုန်တစ်ချို့က ကြည့်မရ၊ ဤကိစ္စကို သိနေတာတော့ကြာပြီဖြစ်သည်။ ထို့ပြင် သင်းအုပ်ဆရာလေးကပ္ပိယဖြစ်သွားပြန်သောအခါ သူတို့မခံမရပ်နိုင် ဖြစ်သွားသည် ထင်၏ - ဟုသာစဉ်းစားစရာ ရှိလေသည်။

ထိုကိစ္စကို အရေးအကြီးဆုံးနှင့် အယုံကြည်ရဆုံး ဒကာကြီး (ရှမ်း) ဦးအဲကျင်နှင့်တိုင်ပင်ရတော့သည်။ ဦးအဲကျင်က စိတ်ပြတ် ၊ မဟုတ်မခံ ရှမ်းလူမျိုးကြီးဖြစ်သည်။ သူ့သဘောက ဒီကိစ္စ ငြိမ်နေ၍မရ ၊ ငြိမ်နေလျင် ပိုစိုးလာမည်ဟု ဖြစ်သည်။ ဆရာတော်က ရဲကိုအကြောင်းမကြားရအောင် ကြောက်နေလို့လားဟုပင်မေးသေးသည်။ ကြောက်မည်ဆိုက ကြောက်စရာတော့ အေ့ကြာင်းအလုံအလောက်ရှိသည်။ ကျောင်းကပင် လေဟာပြင်ကျောင်းဖြစ်သည်။ တံခါးမရှိ၊ တံခါးပိတ်မရ ၊ အန္တရာယ်ပြုလိုက အချိန်မရွေးလာပြုနိုင်သည်။ ကြောက်စိတ်တော့ မရှိပါ။

ထို့ကြောင့် ထမံသီရွာသို့ဆင်းကာ ရဲစခန်းမှူး ၊ ထမံသီအခြေစိုက် စစ်တပ်သို့ သတင်းပို့လိုက်ကြသည်။ ရှိပါစေတော့ဟုထားသောသတင်းက ခုတော့ အားလုံးပြန့်သွားတော့၏။ ခန္တီးအခြေစိုက် ဗျူဟာမှူးဆီသို့ရောက်ကာ တရားခံမတွေ့တွေ့အောင်ရှာဟု အမိန့်ချလေတော့သည်။

စိတ်မကောင်းပါ။ ထိုငွေနှစ်သောင်းလာတောင်းသွားသူကို စိတ်ထဲမှာ သိနေသလိုလိုရှိသည်။ ထိုပုဂ္ဂိုလ်ကလည်း သူ့ကိုသိသည် ဆိုတာကို ရိပ်မိပုံရပါသည်။ နှစ်ဦးနှစ်ဖက် နားလည်ကြသည်။ သူ့ကိုခွင့်လွှတ်သည့် အမူအရာလည်းပြထားတော့ ထိုထိုပုဂ္ဂိုလ်နှင့် ဆက်ဆံရေးက အရင်အတိုင်း ကောင်းကောင်းမွန်မွန်သာ ရှိနေခဲ့ပါသည်။

ထိုသတင်း ခန္တီးမှတစ်ဆင့် ရန်ကုန် ကမ္ဘာအေးသို့ပင် ရောက်ရှိသွားတော့သည်။ မိမိကို သနားသူ တော်တော်များများရှိခဲ့သည်။ (သနားတာမကြိုက် ၊ သနားတာ သိပ်မခံရဖူးသော ဘ၀မို့ အနည်းငယ်တော့ ကိသိကအောက်နိုင်သည်။ )

တောင်တန်းသာသနာပြု နှစ်နှစ်ကာလ ကုန်ဆုံးသွား၏ ။ ကိုယ်လုပ်ချင်သော အလုပ်များက မပြီးသေး ။ ကျောင်းဆောက်ခွင့်ကျအောင် လုပ်ရမည်။ ကျောင်းဆောက်ဖို့ ရန်ပုံငွေရအောင် ရှာရမည်။ ရေရှည်အတွက် ဒညင်းပင် (၅၀) မှ တစ်ရာအထိ စိုက်ထားခဲ့ချင်သည်။ ဒညင်းတစ်ပင်၏ ၀င်ငွေသည် ထိုအချိန်ကပင် သုံးသောင်းနှင့် ငါးသောင်းကြားမှာရှိသည်။ ရန်ပုံငွေ သိပ်မပူရတော့ပေ။ တွက်ရေးကတော့ စက်သူဌေးဖြစ်သည်။

နှစ်နှစ်ပြည့်၍ ရန်ကုန်ပြန်လာခဲ့၏။

သာသနာရေးဌာန အရာရှိကို သွားတွေ့၏။ ဘွဲ့ကိုပြောသောအခါ အရှင်ဘုရားသတင်းတွေ ကြားရပါတယ်ဘုရား ။ တပည့်တော်တို့ သာဓုခေါ်နေကြပါတယ်ဘုရား ၊ နာဂ ရဟန်းတစ်ပါးလည်း ရထားပြီးပြီလို့ကြားရပါတယ်ဘုရား ဟု သူက လျှောက်သည်။

ထိုအခါ ဒီပလိုမက်တစ်ကို စနစ်တကျ မသုံးတတ်သောဤရဟန်းက "ဒကာကြီး - သာဓုလည်းခေါ်ပါ၊ ဦးဇင်းလိုနေတာက အလှူငွေ သုံးသောင်းပါ ၊ အလှူငွေ သုံးသောင်းက သာဓုသုံးကြိမ်ထက် ပိုအရေးကြီးနေလို့ပါ" ဟုပြောသောအခါ -

အရှင်ဘုရားရေ ၊စာနဲ့ဘာနဲ့မှ အထက်က ခွင့်ပြုမှ ပေးလို့ရတာပါဘုရား ၊ အရှင်ဘုရားကိုလည်း စာရေးဖို့ဘာဖို့တွေ လျှောက်မနေတော့ပါဘူး ၊ စာရေးဖို့မလိုတဲ့ တပည့်တော်အိပ်ထဲကပဲ ထုတ်လှူလိုက်ပါတော့မယ် -" ဟုဆိုကာ ၀တ္ထုငွေ သုံးသောင်း လှူလိုက်ရှာလေတော့သည်။

မှန်၏ ။ ထိုအချိန်က သာဓုသုံးကြိမ်ထက် ၀တ္ထုငွေသုံးသောင်းက ပိုအရေးကြီးနေခဲ့သည်။ စကားတစ်ခွန်းတည်းနှင့် အလှူငွေ သုံးသောင်းရလိုက်သဖြင့် မဆိုးလှဟု ဆိုရမည်ဖြစ်သည်။

အမှန်ပင် သူ့စေတနာကို သာဓုခေါ်မိ၏ ။ သုံးကြိမ်တိတိ ၊ မပို ၊ မလို။
(သီဟနာဒ)

(အမှာ - သာသနာရေးဌာန အရာရှိအမည်ကို မဖော်ပြတာကလွဲ၍ နာမည်များအားလုံးသည် အမည်မှန်များ ဖြစ်ကြပါသည်။ နာမည်လွှဲထားခြင်းမရှိပါကြောင်း ပြောခဲ့ချင်ပါသည်.။
"အနိစ္စ အိုးကွဲ " ဆောင်းပါး ဆက်ကို ဆက်ရေးပါမည်။

သီဟနာဒ

ရီယယ်လတီ ချက် (Reality check)

in ကဗျာ, ဇင်ဝေသော် - on 4/03/2012 - No comments

သတိရတာခြင်းတူရင်
အရင်ဖုန်းဆက်တဲ့သူက
ပိုချွဲလို့ကောင်းတာပေါ့။

ဗိုက်ဆာတာခြင်းတူရင်
အငိုသန်တဲ့ ကလေးက
နို့ပိုစို့လို့ရတာပေါ့။

မအားတာခြင်းတူရင်
ဝင်ငွေပိုကောင်းသူက
အလုပ်ပိုရှုပ်လို့ရတာပေါ့။

နစ်နာတာခြင်းတူရင်
လောဘကြီးသူက
ပို အရှုံးများတတ်တာပေါ့။

သဘောမတူတာခြင်းတူရင်
အမြင်ကျဉ်းသူက
ရန်ထောင်တာပိုကျယ်တာပေါ့။

လွမ်းတာခြင်းတူရင်
အိပ်ရေးပျက်သူက
ပိုအိပ်လို့ကောင်းတာပေါ့။

ဇင်ဝေသော်

လက်ဝဲ လက်ယာ အမာနဲ့အပျော့

in 3D ဘာသာရေး, သီဟနာဒ - on 4/02/2012 - No comments

အရှင်မြတ်ကြီးတွေက ဘဝါဘဝက မိတ်ဆွေတွေ။
တူတာတွေရှိ၊ မတူတာတွေရှိ၊ မယုံရင် ကြည့်။
အရှင်သာရိပုတ္တ က ကဖြူဖြူ ညက်ညက် အရှင်မဟာမောဂ္ဂလာန်က ညိုညိုမောင်းမောင်း။

အရှင်သာရိပုတ္တ က ဥပမာ၊ဥပမေယျတွေနဲ့ တရားရှည်ရှည်တွေဟောတတ်တယ်။
အရှင်မဟာမောဂ္ဂလာန်ကတော့ တိုတိုပြတ်ပြတ်ပဲ။
နားချစရာရှိရင် အရှင်သာရိပုတ္တ ကရှေ့ထွက်လာတတ်တယ်။
ဒါပေမယ့် နန္ဒောပနန္ဒလိုအရေးအခင်းမျိုးဆို အသားညိုညို အရှင်မြတ်ကြီးဝင်ရှင်းမှကိစ္စပြတ်တယ်။

တစ်ပါးက ပရိတ်သတ်လေး ပါးထဲအနေများ၊ စကားပြော၊ တရားဟော ဝါသနာထုံ၊ စူးစမ်းလေ့လာမှုမှာပိုမွေ့လျော်တယ်။
ဒီလိုနဲ့ ပညာအရာမှာ တော်ချက်က ဘုရားကလွဲ ယှဉ်စရာမရှိ။
နောက်တစ်ပါးက ဂိဇ္ဈဂုတ်လို ရီမုတ်ပလေ့စ်တွေမှာအနေများ၊ တစ်ပါးတည်းကိန်းအောင်း၊ သမာဓိတွေ တစ်ထောင်းထောင်းထ၊သမာဓိကပေးတဲ့ အဘိဉာဉ်တန်ခိုးတွေ။
ဒီလိုနဲ့ ဣဒ္ဓိပါဒ်မှာ ဘုရားကလွဲ ယှဉ်စရာမရှိ။

သုတ္တန် အဘိဓမ္မာတွေမွှေနှောက် လူတစ်ယောက်ခေါင်းငြိတ်အောင် ဖြူဖြူညက်ညက်အရှင်က ဟောနိုင်တယ်။
ဒါပေမယ့် ဒုဿီလရဟန်းကို လက်မောင်းက ဆွဲထုတ်လိုက်တာက အသားညိုညိုအရှင်မြတ်ကြီး။
လက်ယာရံ အရှင်က (မယ်တော်ရဲ့) အရှင်မွေးဖွားရာ မီးနေခန်းမှာ အေးဆေးစွာ ပရိနိဗ္ဗာန် စံဝင်နိုင်ခဲ့တယ်။
ဒါပေမယ့် လက်ဝဲရံ တို့ အရှင်မြတ်ကြီးမှာတော့..................................။

တစ်ခုရှိသေးရဲ့ တရားဟောကောင်းတဲ့ ဘုရားရှင်နဲ့ အရှင်သာရိပုတ္တတို့ကို စကားနဲ့သာဌေယျများသူတွေလို့ ဒိဋ္ဌိတို့ဆိုကြတယ်။
ဒါပေမယ့် စကားနည်းတဲ့ လက်ဝဲအရှင်ကို ဒီလိုစွပ်စွဲဖို့ အခွင့်မသာပြန်ဘူး။

ရဟန်းတော်တွေက ပထမအရှင်ကို လေးမြတ်ကော်ရော်ကြတယ်။
ဒါပေမယ့် ဒုတိယအရှင်ကို နည်းနည်းလေးမှ ချစ်၊ ကြောက်၊ ရိုသေ မလျော့ဘူး။

တရားရှည်ရှည်ဟောတဲ့အရှင်သာရိပုတ္တမှာ သာဌေယျ မပါသလို
ဟောဟောဒိုင်းဒိုင်းလက်ဝဲအရှင်မှာလည်း ဒေါသမရှိပါဘူး။
ရိုးရိုးနဲ့ရဲရဲကြည့်၊ ပိဋကတ်ကိုပဲထောက်။
ဘယ်နည်းနဲ့ ဘုရားရှင် သာသနာပြုခရီးဖောက်ခဲ့သလဲ။

လက်ယာရံနဲ့ လက်ဝဲရံအရှင်တွေကိုကြည့်၊ ကိလေသာကွာတာကလွဲရင် ဒီ အရှင်နှစ်ပါးဟာ တကယ့်ကို အပျော့နဲ့အမာ။
ဒီကြားထဲ အာနန္ဒာအရှင်ရဲ့ P.R (Relationship) နဲ့ ဖွဲ့စပ်လိုက်တော့.....................။

သီဟနာဒ

မြန်မာ့ရေစီးနှင့််အတူ စီးမျောလိုက်

in Politics, ဇင်ဝေသော်, ဘာသာပြန် - on 4/01/2012 - No comments

အရှေ့တောင်အာရှ သတင်းခေါင်းကြီးတွေမှာ အာဆီယံခေါင်းဆောင်တွေက ၂၀၁၄- ခုမှာ မြန်မာပြည်ရုံးထိုင်ဖို့ ဆုံးဖြတ်ပြီးတဲ့နောက် မြန်မာကနေရာယူသွားတယ်။ ဒီနောက် အမေရိကန်နိုင်ငံ ခြားရေးဝန်ကြီး ဟယ်လာရီကလင်တန် မြန်မာပြည်ကို သွားခဲ့တယ်။ အဲဒီနောက်မှာတော့ စီးပွါးရေးသမားတွေ စုပြုံပြီး ခြေဦးလှည့်နေကြတော့ လေယာဉ်လက်မှတ်ရဖို့တောင် အတော်ခက်သွားပါတော့တယ်။

ဒီလိုအပြောင်းအလဲတစ်ချို့တွေ့နေရပေမယ့် ဒီထက်ခိုင်မာတဲ့ ပြောင်းလဲမှုမလုပ်ရင် စီးပွါးရေးပိတ်ဆို့မှု တွေလည်း ရှိနေဦးမှာပဲလို့ သံသယရှိသူတွေ ရှိနေသလို မြန်မာပြည်သူလူထုနဲ့ အစိုးရကလည်း ပြောင်းဆိုလို့ ပြောင်းနေပြီ၊ ဘာဖြစ်လို့ အရေးယူပိတ်ဆို့မှုတွေ ဆက်လုပ်နေတာလည်းဆိုတဲ့ မေးခွန်းတွေ မေးနေကြပါပြီ။

အာဆီယံသံတမန်အဖွဲ့နဲ့အတူ မြန်မာပြည်ကိုသွားဖို့ ကျွန်တော့်ကို တာဝန်ပေးခဲ့ကြပါတယ်။ တစ်ခုစဉ်းစားလို့မရတာက မြန်မာနိုင်ငံဟာ ကျွန်တော်မရောက်ဖူးတဲ့ အာဆီယံနှစ်နိုင်ငံထဲက တစ်နိုင်ငံ ဖြစ်နေခြင်းပါ။ နောက်တစ်နိုင်ငံကတော့ လာအိုပါ။

မြန်မာပြည်က ဘယ်လိုသတင်းမျိုး ရယူနိုင်ခဲ့မလဲ။ အပြောင်းအလဲတစ်ချို့ရှိခဲ့ပေမယ့် သံသယ ရှိနေသူတွေလည်း ဒုနဲ့ဒေး၊ ဒီကြားထဲ ဘာတွေများလေ့လာတွေ့ရှိနိုင်မလဲ။

ရန်ကုန်လေဆိပ်ကို ရောက်တယ်ဆိုရင်ပဲ တစ်စွန်းတစ်စတော့ နားလည်ခွင့် ရခဲ့ရပါတော့တယ်။ ကျွန်တော်တို့ ဟန်းဖုန်းတွေထဲက SIM ကဒ်တွေကို GSM တွေနဲ့ လဲတပ်ခဲ့ရတယ်။ ပြည်ပကိုခေါ်လို့ရပေမယ့် မက်ဆေ့ခ်ျပို့လို့မရဘူး။ နေပြည်တော်ကို ဆက်လက်ပျံသန်းကြတဲ့အခါမှာတော့ တစ်ချို့က အဆက်အသွယ် မပြတ်အောင် CDMA ကဒ်တွေကို လဲထည့်ခဲ့ကြပြန်တယ်။

ဒါပေမယ့် ဒီအခက်အခဲတွေဟာ နည်းပညာမဖွံ့ဖြိုးလို့သာဖြစ်ပြီး တားဆီးပိတ်ပင်မှုကြောင့်တော့ မဟုတ်ပါဘူး။ နေပြည်တော်ကိုသွားရင် မိုဘိုင်းဖုန်းတွေ သုံးခွင့်မရှိဘူးလို့ အရင်ကကြားခဲ့ဖူးပါတယ်။ မဟုတ်ပါဘူး။

အာဆီယံအဖွဲ့အတွင်းရေးမှူးချုပ် ဒေါက်တာစူရင်နဲ့ မြန်မာနိုင်ငံသမ္မတ ဦးသိန်းစိန်၊ သူ့ဝန်ကြီးများအဖွဲ့နဲ့ တွေ့ဆုံရတဲ့အခါမှာတော့ အားလုံးအကောင်းဖက်ကို ဦးတည်လာခဲ့ပါတော့တယ်။

၂၀၁၄- ခု အာဆီယံအိမ်ရှင်အဖြစ် လက်ခံတဲ့အခါမှာ တစ်ဦးကိုတစ်ဦး အပြန်အလှန် ကူညီပံ့ပိုးဖို့ ပြောကြတဲ့အခါမှာတော့ နှစ်ဦးနှစ်ဘက်စလုံးဟာ ပွင့်ပွင့်လင်းလင်းရှိလှပါတယ်။ မြန်မာဟာ အိမ်နီးချင်းနိုင်ငံတွေရဲ့ အကူအညီလိုတယ်ဆိုတာ နှစ်ဘက်လုံးသဘောတူကြတယ်။ အထောက်အကူပစ္စည်းတွေ ဒီထက်ကောင်းမွန် ခေတ်မီဖို့၊ ဆက်သွယ်ရေး ဒီထက်မြန်ဆန်ကောင်းမွန်ဖို့ စတာတွေရောပေါ့။

“လူကြီးမင်းများကိုယ်တိုင် ဘာလီနဲ့ အခြားနေရာတွေမှာ ကိုယ်တိုင်ကြုံတွေ့ခဲ့ရသလို ၂၀၁၄- ခုနှစ်ရောက်ရင် ထောင်ပေါင်းများစွာ မြန်မာပြည်ထဲကို ဝင်လာကြပါလိမ့်မယ်။ အာဆီယံအဖွဲ့ဝင်တွေပါမယ်။ အာဆီယံရဲ့ ပါတနာတွေပါမယ်။ ကမ္ဘာတစ်ဝှမ်းလုံးကလူတွေ ပါလာကြပါလိမ့်မယ် ” လို့ ဒေါက်တာ စုရင်က နိုင်ငံခြားရေးဝန်ကြီး ဦးဝဏ္ဏမောင်လွင်နဲ့ တွေ့ဆုံပွဲမှာ ပြောခဲ့ပါတယ်။

“၂၀၁၄- မှာ ကျလာမယ့် မြန်မာရဲ့ အာဆီယံအိမ်ရှင်အဖြစ် လက်ခံကျင်းပရေးဟာ ထူးခြားမှုရှိပါတယ်။ ၂၀၁၄- ခုဟာ နောက်ဆုံးအသုတ်ဖြစ်ပြီး ပြီးတာနဲ့နောက်တစ်လှည့်အတွက် မလေးရှားကို လက်လွှဲပေးရတော့မှာပါ။ ဒီအတွက် ကြိုတင်ပြင်ဆင်မှုတွေနဲ့ မြန်မာနိုင်ငံက အလုပ်ရှုပ်နေသလို၊ အာဆီယံနိုင်ငံတွေကလည်း ဒီလှုပ်ရှားမှုနဲ့အတူ လိုက်ပါနိုင်ဖို့ အဆင်သင့်ဖြစ်နေပါလိမ့်မယ်။”

အဲဒါ နိုင်ငံခြားရေးဝန်ကြီးနဲ့ ပထမဆုံးတွေ့ဆုံမှုပါ။ အဲဒီနောက် မျက်နှာချင်းဆိုင်ဆွေးနွေးပွဲတစ်ခု ထပ်လုပ်ခဲ့ကြပြန်ပါတယ်။ ဒီတစ်ခါမှာတော့ စီးပွါးရေးဝန်ကြီး ဦးတင်နိုင်သိန်း၊ သတင်းပြန်ကြားရေးနှင့် ယဉ်ကျေးမှုဝန်ကြီး ဦးကျော်ဆန်း၊ သမ္မတကြီး ဦးသိန်းစိန်ပါ ပါဝင်ပါတယ်။

သူတို့ရဲ့ စီးပွါးရေး ပိတ်ဆို့မှုရုပ်သိမ်းပေးဖို့ တောင်းဆိုချက်တွေဟာ အရင်လို စိတ်ပျက်ငြီးငြူတဲ့ လေသံမပေါက်ပဲ တကယ် ကျိုးကြောင်းညီညွတ်တယ်လို့ ထင်ပါတယ်။ မြန်မာတွေရဲ့ လူနေမှုအဆင့်အတန်း မြှင့်တင်ဖို့ ကြိုးစားနေချိန်မှာ စီးပွါးရေးပိတ်ဆို့ထားမှုဟာ တကယ်ကြီးကျယ်တဲ့ အဟန့်အတားတစ်ခုပါ။

“တန်းတူအခွင့်အရေးသာပေးပါ၊ တရားနည်းလမ်းကျကျ ကျွန်တော်တို့ ယှဉ်ပြိုင်နိုင်ပါတယ်” ဆိုတာ ဝန်ကြီးတွေဆီက ထွက်လာတဲ့အသံတွေပါ။

သမ္မတကြီးကတော့-

“ ပြည်တွင်းမှာ အလုပ်တွေ ဖန်တည်းရမယ်။ ဒီအလုပ်တွေဟာ ပြည်တွင်းမှာရှိတဲ့ မြန်မာတွေအတွက် သာမက အိမ်နီးချင်းနိုင်ငံတွေမှာ အလုပ်လုပ်နေကြတဲ့ သန်းချီတဲ့မြန်မာတွေ အတွက်ပါ။ သူတို့ ပခုံးပေါ်ကဝန်ထုပ်တွေ လျော့ချပေးရပါမယ်။” ပြည်ပမှာအလုပ်လုပ်နေရတဲ့ သူ့လူမျိုးတွေကိုပါ ဦးတည်ထားတဲ့ရည်ရွယ်ချက်ဟာ ရဲဝံ့ပြီး အမြော်အမြင်ကြီးမှုလည်း ပါဝင်နေပါတယ်။

နာဂစ်မုန်တိုင်းဒဏ်ခံခဲ့ရတဲ့ ဧရာဝတီမြစ်ဝကျွန်းပေါ်ဒေသကို သွားရောက်လေ့လာဖို့ တောင်းဆိုတဲ့ ဒေါက်တာစုရင်ရဲ့တောင်းဆိုချက်ကိုလည်း သူလက်ခံခဲ့တယ်။ ယခု သန်းပေါင်းခြောက်ဆယ်၊ လာမယ့် နှစ်နှစ်ဆယ်အတွင်း တိုးပွါးလာမယ့် လူသန်းပေါင်းတစ်ရာအတွက် စားနပ်ရိက္ခာတွေ ဒီဒေသကနေ ဖြည့်ဆည်းပေးနိုင်ရေး အစီအစဉ်တွေအတွက် အာဆီယံနဲ့ ကမ္ဘာက ကူညီပံ့ပိုးပေးဖို့ ပြောဆိုခဲ့ကြပါတယ်။

ပြုပြင်ပြောင်းလဲမှုတွေလုပ်ဖို့ လိုအပ်နေတာနဲ့အညီ မစ္စတာသိန်းစိန်က လာမယ့်ရွေးကောက်ပွဲမှာ အာဆီယံနိုင်ငံတွေက လေ့လာသူတွေနဲ့ သတင်းမီဒီယာအဖွဲ့တွေကို လာရောက်ခွင့်ပြုဖို့ အလေးအနက်ထား စဉ်းစားနေကြောင်းလည်း ထပ်လောင်းပြောဆိုခဲ့ပါတယ်။

စီးပွါးရေးပိတ်ဆို့မှုဖွင့်ပေးဖို့ တောင်းဆိုတဲ့အထဲမှာ အစိုးရပိုင်းကသာမက စီးပွါးရေးရပ်ဝန်းကလူတွေ ပါဝင်နေတယ်ဆိုတာလည်း တွေ့ရပါတယ်။

“၉၅-ရာခိုင်နှုံးကျော်သော မြန်မာစီးပွါးရေးလုပ်ငန်းများဟာ အသေးစားနဲ့ အလတ်စား စီးပွါးရေးလုပ်ငန်းတွေ(SMES- Small and Medium-sized Enterprises) သာဖြစ်ပြီး အဲဒီစီးပွါးရေးလုပ်ငန်းတွေအတွက် နည်းပညာအကူအညီနဲ့ ငွေကြေးစီးဆင်းမှုအကူအညီ အများကြီး လိုအပ်ပါတယ်” လို့ မစ္စတာ ဝင်းအောင်က ပြောခဲ့ပါတယ်။

စက်မှုလုပ်ငန်းရှင်များအဖွဲ့ခေါင်းဆောင် မခိုင်ခိုင်နွယ်ကလည်း စီးပွါးရေးပိတ်ဆို့မှုဟာ တိုးတက်မှု အတွက် အဟန့်အတားကြီးတစ်ခုဖြစ်ရကြောင်း၊ အခြေခံလူတန်းစားတွေရဲ့ စားဝတ်နေရေးအတွက် လွန်စွာစိတ်ပျက်စရာကောင်းကြောင်း မှတ်ချက်ပေးခဲ့ပြန်ပါတယ်။

“မြန်မာဟာ လေဆိပ်ကခွာခဲ့ပြီးတဲ့ လေယာဉ်ပေါ်က လေယာဉ်အဖွဲ့တွေနဲ့ တူပါတယ်၊ ဘာတွေပဲဖြစ်နေဖြစ်နေ ရှေ့ကိုပဲဆက်တိုးကြမှာပါ။ နောက်ဆုတ်လို့ မရတော့ပါဘူး” လို့ UMFCCI ဒုတိယ ဥက္ကဋ္ဌ ဦးမောင်မောင်လေးက ဆိုပြန်ပါတယ်( Union of Myanmar Federation of Chambers of Commerce and Industry)။

ဒါဆို The Lady ကရော။

နိုဘယ်ဆုရှင် ဒေါ်စုမပါပဲ မြန်မာနိုင်ငံရဲ့သတင်းက မပြည့်စုံပါဘူး။ တရားမျှတမှုမရှိတဲ့ ရွေးကောက်ပွဲအကြောင်းနဲ့ သူမက စတင်ပါတယ်။ ဒါကလည်း ဒီမိုကရေစီထွန်းကားတဲ့နိုင်ငံတွေက သတင်းထောက်တွေအတွက် သိပ်မထူးခြားလှတဲ့ သတင်းတစ်ခုပါ။

ဒီထက်ပိုပြီး အံ့သြစရာကောင်းတာက ဒေါ်စုက ဒေါက်တာစူရင်နဲ့တွဲပြီး သတင်းစာရှင်းလင်းပွဲ လုပ်ခဲ့ပါတယ်။ အဲဒါ သူမအိမ်ဘေးမှာပါ။ စစ်တပ်အကြီးအကဲတွေကို လက်စားချေမှုဆိုတာနဲ့ပတ်သက်လို့ သူမက ငြင်းဆိုခဲ့ပါတယ်။

“ကျွန်မက တောင်အမေရိကရဲ့ Desmond Tutu ကို အကြီးအကျယ်အားကျသူပါ၊ လက်စားချေပြီးရယူတဲ့ တရားမျှတမှုဆိုတာကို လုံးဝအယုံအကြည် မရှိပါဘူး” Live and Let Live ဆိုတဲ့ ဗုဒ္ဓဘာသာရဲ့ ကရုဏာတရားကို နိုင်ငံတော်တည်ဆောက်ချိန်တစ်လျှောက်လုံး လက်ကိုင်ထားသွားမယ်လို့ သူမက ဆိုပါတယ်။

နာဂစ်တိုက်ခတ်ခဲ့တဲ့ ဧရာဝတီခရီးစဉ်ကတော့ ကျွန်တော်တို့တစ်ဖွဲ့လုံး တော်တော်နဲ့မေ့လို့မရမဲ့ ခရီးစဉ်တစ်ခုပါ။ ကျွန်တော်တို့တည်းခိုတဲ့နေရာကနေ ကီလိုမီတာအနည်းငယ် လျှောက်သွားတဲ့အခါမှာတော့ သစ်ခက်သစ်ရွက်တွေနဲ့ ဆောက်ထားတဲ့ လယ်စောင့်တဲတွေကို တွေ့ရပါတယ်။ အိမ်တွေကလည်း ဝါးလုံးအိမ်လေးတွေပါ။

ရွာတွေကိုရောက်တော့ ရှက်နေတဲ့ကလေးတွေက လက်ယမ်းပြကြတယ်။ ကျွန်တော်တို့ပေးတဲ့ တီရှပ်နဲ့ မုန့်တွေကိုရတော့ ပျော်နေကြတယ်။ ဒေါက်တာစူရင်က သူတို့အတွက် မက်ဆေ့ခ်ျရိုးရိုးလေးပေးတယ်- “နောက်ထပ် ဆိုင်ကလုန်း မရှိ (Cyclone, no more)၊ အာဆီယံ ရက်စ်၊ ရက်စ်”။ ၅၀၀-ကျော်ရှိတဲ့ လူကြီး၊ ကလေးတွေ ဝိုင်းပြီးအော်ကြတယ်။ ရွာထဲကို ကားမောင်းဝင်လာတော့မှ ဈေးဆိုင်အသေးစားလေးတွေကို တွေ့ရတယ်။ အိမ်တွေကလည်း ပိုပြီးခိုင်ခိုင်မာမာရှိတာ တွေ့ရပါတယ်။ ကျွန်တော်တို့ တကယ်ဝမ်းသာခဲ့ရပါတယ်။

မိတ်ဆွေတွေဖြစ်ကြတဲ့ ဒါရိုက်တာဝီလျံနဲ့ လက်ထောက်ဒါရိုက်တာ အက်ဒလီနာတို့အတွက်ကတော့ တကယ့်ကို စိတ်လှုပ်ရှားစရာပဲပေါ့။ သူတို့က နာဂစ်မုန်တိုင်းတိုက်ပြီးတဲ့နောက် လုပ်အားပေးရင်း လပေါင်းများစွာ ဒီမှာနေထိုင်ခဲ့တဲ့သူတွေလေ။ သူတို့အဓိကအားစိုက်ပြီး လုပ်အားပေးခဲ့တဲ့ သလိပ်ကြီးရွာကိုရောက်တော့ တော်တော်မိုးချုပ်နေပါပြီ။ ရွာသားတွေက မအိပ်သေးပဲ ကျွန်တော်တို့အဖွဲ့ကို စောင့်နေခဲ့ကြတယ်။ ဒီလောက်နွေးထွေးမှုမျိုး တသက်မှာ မကြုံခဲ့ရဖူးသေးပါဘူး။

ဒေါက်တာ ဝီလျံနဲ့ မစ္စ အက်ဒလင်တို့အတွက်ကတော့ ပျော်မဆုံး၊ မော်မဆုံးပါပဲ။ အိမ်ကိုလွမ်းသူရဲ့ အိမ်အပြန်ခရီးတစ်ခုလိုကို ဖြစ်နေတာပါ။ ရွာသူရွာသားတွေ ကျန်းကျန်းမာမာနဲ့ ပျော်ပျော်ရွှင်ရွှင်ရှိကြပါတယ်။ သူတို့ ကြိုးစားခဲ့သမျှ၊ ကူညီပံ့ပိုးခဲ့သမျှတွေဟာ ရွာသူရွာသားတွေအတွက် အကျိုးတစ်စုံတစ်ရာရှိတယ်ဆိုတာ သိရတော့ ပိုပြီးကျေနပ်စရာပဲပေါ့။ ဒီခရီးလည်းဆုံးရော ကျွန်တော်တို့အားလုံး အားပေးမှုတစ်ခုခုရလိုက်သလို ခံစားရပါတယ်။

ရွာသူရွာသားတွေက လောကဓံကို တင်းတင်းခံထားနိုင်တယ်။ လက်ရှိပါတီနဲ့ အတိုက်အခံပါတီ တို့ကလည်း သူတို့ဘဝတွေ ပိုမိုတိုးတက်လာအောင် ကူညီဖို့ ဆန္ဒရှိကြတယ်။ သံသယရှိသူတွေကတော့ ဒါဟာ နိုင်ငံရေးပါတီနှစ်ခုရဲ့ အားပြိုင်မှုလို့ ဆိုပါလိမ့်မယ်။

ကျွန်တော်ကတော့ လူထုအတွက်အကျိုးရှိမယ်ဆိုရင် အားပြိုင်တော့ရော ဘာဖြစ်သေးလဲလို့ တွေးမိပါတယ်။

မြန်မာတွေအတွက် အချိန်ကသိပ်မရှိဘူး။ အစိုးရကလည်း ဒါကိုသိတယ်။ ၂၀၁၃- မှာ ကျင်းပမယ့် SEA ဂိမ်းဟာ ၂၀၁၄- မှာ ကျင်းပမယ့် အာဆီယံဆွေးနွေးပွဲအတွက် ရီဟာဇယ်တစ်ခုလို ဖြစ်နေလိမ့်မယ်။ အားလုံးအမြန်ပြောင်းလဲဖို့ လိုနေပြီ။

မြန်မာရဲ့ အပြောင်းအလဲကိုမြင်ချင်ရင် တတ်နိုင်တဲ့ဘက်ကနေ ပါဝင်သင့်ပြီ။

The Straits Time, March 6, 2012.

Keeping up with Myanmar’s ကို ဘာသာပြန်ထားတာပါ။

The writer is the director of community affairs development at the Asian Secretariat in Jakata.

By Danny Lee

ဇင်ဝေသော်

သတင်းမဟုတ်တာ သတင်းလုပ်နေရတဲ့...တို့နိုင်ငံ

အလှူငွေသုံးသောင်း သာဓုသုံးကြိမ်

ရီယယ်လတီ ချက် (Reality check)

လက်ဝဲ လက်ယာ အမာနဲ့အပျော့

မြန်မာ့ရေစီးနှင့််အတူ စီးမျောလိုက်

Featured post

ကျွန်တော် မမုန်းဘူး - ဇင်ဝေသော် (မြန်မာပြန်)

နားဝင်မချိုတဲ့ အမှန်တရားများ (ဇင်ဝေသော်)

Most viewed

Labels

Archive

Now Reading

page views