ဗြိတိသျှ ဗုဒ္ဓဘာသာ တစ်ယောက်ရဲ့ စစ်တပ်တွင်း အတွေ့အကြုံများ ( ၄ )

" ရုံးထဲမှာရှိတဲ့ လူတွေတော်တော်များများက သတ်မှတ်ထားတဲ့ အချိန် အ တွင်း ယင်ကောင်တွေ များနိုင်သမျှများအောင် သတ်နိုင်ဖို့ကြိုးစား ယှဉ်ပြိုင်နေချိန်မှာ၊ ကျနော်ကတော့ ယင်ကောင်လေးတစ်ကောင်ကို ကယ်ဖို့ မိနစ် ၂၀ လောက်အချိန်ပေးလိုက်ရတယ်။ ဘယ်သူကပိုပြီး အူကြောင်ေ ကြာင်ဖြစ်မှန်းတောင် မသိတော့ပါဘူး "
(Mark Vickers)

Born in 1960 in Lytham St Annes, England , Lieutenant Colonel Mark Vickers has been a Buddhist since 1991 and was serving in Afghanistan at the time he wrote this article. In early 2012 he retired from his career and emigrated to Taiwan with wife Estella.  His Own Studio : www.marktheartist.org

            အခု ကျနော်တာဝန်ကျနေတဲ့ နေရာမှာဆိုရင် ယင်ကောင်တွေ တော်ေ တ်ာပေါပါတယ်။ စားပွဲတိုင်းမှာလည်း ယင်ကောင်းသတ်တဲ့ မြင်းမွှေးတွေ ရှိနေတယ်၊ တော်တော် စိတ်မကောင်းဖြစ်မိတယ်။ ပြီးတော့ ကန့်သတ်ထား တဲ့ အချိန်အတွင်းမှာ ဘယ်သူက ယင်ကောင်ပိုများအောင် သတ်နိုင်သလဲ ဆိုတာကိုပဲ ပြိုင်ပွဲကြီးလုပ်ပြီး သတ်ပြနေကြတာတွေ တွေ့နေရတယ်။
ကျနော့် စားပွဲမှာရှိတဲ့ ယင်တစ်ကောင်ကို သတ်ဖို့ စစ်သားတစ်ယောက်က ကြိုးစားတယ်၊ ဒါနဲ့ သူ့ကို မသတ်နဲ့လို့ ငါ့စားပွဲမှာ ရှိနေတဲ့ ယင်ကောင်တွေ ကို ဘယ်သူမှမသတ်ရဘူးလို့ ခပ်ရှင်းရှင်းပြောလိုက်တယ်။ ဟုတ်တယ်လေ၊ ဒီသတ္တ၀ါလေးတွေအတွက် အသက်ချမ်းသာရာရနေတဲ့ စားပွဲလေးတစ် လုံးတော့ ရှိနေရမှပေါ့။

            ဒီကိစ္စနဲ့ ပတ်သတ်လို့လည်း ကျနော် ဘာမှထပ်မပြောခဲ့ပါဘူး။
            ရက်ပတ်တော်တော်ကြာတော့ ရဲဘော်တစ်ယောက်ကပဲ သူဘယ်လောက် များများ သတ်နိုင်ခဲ့တယ်ဆိုတာကို ဂုဏ်ယူမဆုံး လာ ပြောနေလို့ ကျနော် လည်း နှုတ်မထိန်းနိုင်ဖြစ်ပြီး
“ဘာဖြစ်လို့ယင်ကာင်တွေကို သတ်သင့်တယ်လို့ ထင်သလဲ” လို့မေးလိုက်မိတယ်။ သူ့အဖြေက ယင်ကောင်က ရောဂါပိုးကို သယ်ဆောင် လာလို့ ဆိုတဲ့ အဖြေပဲဖြစ်ပါတယ်။ လိုက်သတ်လိုက်လို့ ယင်သေတွေ ပြန့် ကျဲနေတာနဲ့ အသက်ရှင် ပျံသန်းနေကြတာကို နှိုင်းယှဉ်ကြည့်ရင် ပတ်ဝန်း ကျင်အတွက်တော့ သိပ်မထူးခြားလှပါဘူးလို့ ပြောပြီး တကယ်သတ်ရတဲ့ အကြောင်းက ရောဂါပိုးကြောင့်လား၊ စိတ်ထဲမှာ မခံချိမခံသာဖြစ်လို့လား လို့ လည်း ဆက်မေးမိတယ်။

            ဒီတော့မှ သူတို့က လက်ခံတယ်၊ ဒုတိယ အကြောင်းကြောင့်တဲ့။
ယင်ကောင်တွေကိုကြည့်ပြီး ဗိုလ်မှူးရောစိတ်ထဲမှာ ကသိကအောက် မဖြစ် ဘူးလားလို့ သူ့က မေးလို့ မဖြစ်ပါဘူး၊ ငါ့မျက်စိထဲမှာ ငါ့စားပွဲက ယင်ကောင်တွေဟာ ဟော့ဟော့ရမ်းရမ်း မရှိကြပါဘူးလို့ ဖြေလိုက်တယ်။ ဟုတ်တယ် ကျနော့် စားပွဲဟာ ယင်ကောင်တွေအတွက် အန္တရယ်ကင်းတဲ့ ဇုန်တစ်ဇုန်ပဲ။

            အဲဒီညနေမှာပဲ ကျနော့်ရုံးခန်းထဲ ယင်ကောင်တစ်ကောင်ဝင်နေ တယ်။ ပြူ တင်းပေါက်တွေအားလုံးက ပိတ်ထားတော့ သူထွက်လို့မရဘူး ဖြစ်နေတယ်၊ ကျနော့်အခန်းထဲမှာက ဘာမှစားစရာလည်းမရှိဘူး။ အဲဒီယင်ကောင်လေးက လည်း အခန်းအပြင်ထွက်ဖို့ ကြိုးစားနေတယ်။ ဒါနဲ့ အပေါက်ကျဉ်းကျဉ်း ဟပေးထားပြီး သူ့ကို မောင်းထုတ်ပေးတယ်။ ဒါပေမယ့် မရဘူး။ နောက်ဆုံး ကျနော်လည်း လက်လျှော့လိုက်ပြီး၊ ဘီစကစ်လေးတွေရှာ၊ ရေ ခွက်လေး တည်ပေးထားပြီး အိပ်ယာဝင်လိုက်မိတော့တယ်။ သူ့ကိုကယ်ဖို့ မိနစ်နှစ် ဆယ်လောက် အချိန်ကုန်သွားတယ်။

            အိပ်ယာထဲရောက်မှ ကိုယ့်အဖြစ်ကို တွေးမိပြီး ပြုံးမိသေးတယ်။ ရုံးထဲမှာရှိတဲ့ လူတွေတော်တော်များများက သတ်မှတ်ထားတဲ့ အချိန်အတွင်း ယင်ကောင်ေ တွ များနိုင်သမျှများအောင် သတ်နိုင်ဖို့ကြိုးစားနေချိန်မှာ ကျနော်ကတော့ ယင်ကောင်လေးတစ်ကောင်ကို ကယ်ဖို့ မိနစ် ၂၀ လောက် အချိန်ပေးလိုက် ရတယ်။ ဘယ်သူကပိုပြီး အူကြောင်ကြောင်ဖြစ်မှန်းတောင် မသိတော့ပါဘူး။

            လူပဲဖြစ်ဖြစ် တိရစ္ဆန်ပဲဖြစ်ဖြစ် ကျနော်ကတော့ အတတ်နိုင်ဆုံး မိတ်ဆွေ တစ်ယောက်လို ကြိုးစားပြီး ဆက်ဆံတာပဲ။ ကျနော်တို့ တာဝန်ကျတဲ့နေရာ မှာ အင်္ဂလိပ်လူမျိုးမဟုတ်တဲ့ အိမ်သာသန့်ရှင်းရေးသမားတွေ ရှိတယ်။ သူတို့ကို ဘယ်သူကမှ အရေးလုပ်စကားမပြောကြသလို သူတို့ကလည်း လုပ် စရာရှိတာကို လုပ်ပြီး ပြန်သွားတော့တာပဲ။ ဒါနဲ့ ကျနော်ကပဲ စပြီး နာ မည်တွေမေး၊ ပြုံးပြ၊ လက်ဆွဲ နှုတ်ဆက်၊ ချိုချဉ်လေး ဘာလေးပေး လုပ် လိုက်တယ်။ နောက်ပိုင်းကျတော့ ကျနော်တို့အားလုံး မိတ်ဆွေရင်းတွေ လိုဖြစ်သွားကြတယ်။ ကျနော်တင်မကဘူး တပ်ထဲကလူတွေပါ သူတို့နဲ့ ရင်းနှီးသွားပြီး သူတို့လုပ်အားကိုလည်း အသိအမှတ်ပြုလာကြတယ်။

            ဗုဒ္ဓဘာသာတစ်ယောက်အနေနဲ့ ကျနော့် ၀န်းကျင်ကလူတွေ ချစ်ချစ်ခင်ခင် ရှိကြတယ်ဆိုရင် ကျနော်လည်း စိတ်ချမ်းသာတာပဲ။နီပေါမှာဆိုရင် အက်စတယ်လာ(ကျနော့်ဇနီး)က အလှူငွေကောက်ခံပြီး မိဘမဲ့ကလေးတွေကို စောင့်ရှောက်ပေးတယ်။ ကလေးဂေဟာကို သွား သူတို့နဲ့ အချိန်ယူ မုန့်ကျွေးကြ၊ ကစားကြ လုပ်ကြတယ်။ သူတို့ ဂေဟာက ငှားထားတာဆိုတော့ လတိုင်း ငှားခပေးနေရတာ၊ ဒါနဲ့ အပိုင်ဝယ်နိုင်ဖို့ ကြိုး စားကြည့်ကြတယ်။ ဗြိတိသျှ စစ်သားအများစုက ကလေးတွေနဲ့နေတတ်ကြ ပါတယ်။ သူတို့နဲ့ဘောကန်သူက ကန်၊ တခါတရံ မိဘမဲ့ကလေးတွေကို ထမ်းပြေးပြီး ရံပုံငွေရအောင်လည်း ရှာတတ်ကြတယ်။

            နီပေါမတိုင်ခင်က အယ်ဘေးနီးယားမှာ သုံးနှစ်တာဝန်ထမ်းဆောင် ခဲ့ရသေး တယ်။ အဲဒီမှာ အလွန်ဆင်းရဲပြီး ဘယ်သူကမှ အဆက်အဆံမလုပ်တဲ့ ရိုးမား လူမျိုးစုလေး ရှိတယ်။ ဗြိတိသျှစစ်သားတွေက သူတို့ဆီသွား၊ ဆွံ့၊ အ၊ နားမ ကြား ကျောင်းတွေသွားပြီး အချင်းချင်း အလှူခံ ကလေးတွေကို မုန့်ပေးကြ၊ လူကြီးတွေကို အနွေးထည်တွေ ဝေငှကြ လုပ်ကြတယ်။

            ဒါတွေ ပြောပြနေတဲ့အကြောင်းက ကျနော်တို့ စစ်သားဘ၀ဟာ နေရာစုံ ကိုရောက်ရပြီး လူမျိုးစုံနဲ့ထိတွေ့နေရတော့ ကိုယ့်စိတ်ကူးထဲမှာတောင်မရှိတဲ့ လူတွေရဲ့ဘ၀ကို နားလည်ခွင့်ရတယ် ဆိုတာပါ။ ဒါတွေက ကျနော်တို့ကို အတွေ့အကြုံသစ်တွေဖြစ်စေပြီး၊ နေရာတိုင်း အချိန်တိုင်းမှာ ဓမ္မကိုပိုပြီး သတိတရဖြစ်စေပါတယ်။

            ဒါနဲ့ ရှေ့ကစကားကိုပြန်ဆက်ရရင် အပတ်တိုင်း ဆောက်လုပ်ရေး နယ်မြေတွေကို စစ်ဆေးဖို့ အဖွဲ့တစ်ဖွဲ့အမြဲတန်း ခေါ်သွားတယ်။ အလုပ်သမားတွေ အန္တရာယ် ကင်းစေချင်လို့ပါ။ အန္တရာယ်မရှိရေး အစီ အမံတွေ လည်း တတ်နိုင်သမျှ ဗြိတိသျှ " စံ " ၀င်အောင် ကြိုးစားပေး ပါ တယ်။

            တစ်နေ့မှာတော့ ဦးခေါင်းကို အခြားတိရစ္ဆာန် တစ်ကောင်ကောင်က ကိုက် ထားလို့ သေဆုံးနေတဲ့ ပင်ဂွင်းငှက်တစ်ကောင်ကို တွေ့ရတယ်။ စိတ်မကောင်းလည်း တော်တော်ဖြစ်မိတယ်။ ဒါနဲ့ ( သူတို့ မမြင်စေချင်တာနဲ့ ) ကျနော့်အဖွဲ့ကွယ်သွားတဲ့အထိ ခဏစောင့်ပြီး လက်နက်မပါတော့ ကိုယ့် လက်နဲ့ကိုပဲ ကျဉ်းလေးတူးပြီး သူ့အလောင်းကို မြေမြှုပ်ပေးလိုက်တယ်။ သုဂတိဘ၀မှာ မွေးဖွးနိုင်ပါစေလို့လည်း ဆုတောင်းပေးနေမိတယ်။
အဲဒီအချိန်မှာ ကျနော်သတိမထားလိုက်မိတာက ကျနော့်အဖွဲ့က ကျနော်မပါ လို့ နောက်ပြန်လှည့်လာတော့ ကျနော့်ကို တွေ့သွားတယ်။ အထူးအဆန်း သဖွယ်လည်း ကျနော့်ကို ကြည့်နေကြတယ်။

            ဒီမှာ အရိုးစွဲနေကြတဲ့ အယူအဆတစ်ခုက စစ်မှုထမ်းပြီး ဗုဒ္ဓဘာသာ ဖြစ်နေ သူတွေဟာ အသိဥာဏ်ခေါင်းပါးလို့၊ ဒါမှမဟုတ် စိတ်ဓာတ်မခိုင်မာလို့ ဆို တာဖြစ်ပါတယ်။ ကျနော့်သဘောကတော့ သူတို့ထင်တာနဲ့ လုံးဝဆန့်ကျင် ဘက်ပါ။ သူတို့ပျော့ညံ့တယ်ထင်တဲ့ အချက်ကို ကျနော်က အားသာချက်လို့ ထင်တယ်။ ကျနော့်ဘ၀မှာ သေခြင်းတရားနဲ့ အများကြီး လက်ပွန်းတတီး ရှိ တယ်။ ကျဆုံးသွားတဲ့ ရဲဘော်တွေ မီးသဂြိုလ်ပြီဆိုရင် သူတို့ ခန္ဓာကိုယ်တွေ တဖြည်းဖြည်း ပြာကျသွားသည်အထိ စောင့်ကြည့်တယ်။ ယူကေမှာရှိတဲ့ သားသတ်ရုံတွေကိုလည်း သွားသွားကြည့်တယ်။ ဒါတွေမြင်ပါများတော့ ကျနော့် မှာ အသားစားချင်စိတ်ကို မရှိတော့ဘူး။ အဲဒီနောက် ကျနော့် သတ် သတ်လွတ်စား ၀ါဒက ပိုပြီး ခိုင်မာလာခဲ့တယ်။

            ကျနော်ဟာ ဗုဒ္ဓဘာသာသာဝင် စစ်တပ်အရာရှိတယောက်ဖြစ်တယ် ဆိုတာ ကြားလိုက်ရုံနဲတင် လူတွေက ကျနော်ကဘယ်လိုပုံစံဖြစ်နေလိမ့်မယ်ဆိုတာ ကြိုတင်တွက်ထားတက်ကြတာ။ကျနော်က ဗုဒ္ဓဘာသာဖြစ်တယ်။ ဗုဒ္ဓဘာ သာဝင်ဖြစ်တဲ့ ထိုင်ဝမ်သူကို လက်ထပ်ထားတယ်။ သတ်သတ်လွတ် စား တယ်၊ စစ်တပ်က အနားယူပြီးတဲ့နောက် ဘုရားအဆုံးအမတွေကို သင်ယူ ရင်းနဲ့ ပဲ အချိန်ကုန်ချင်တယ်။ ပြီးရင် စာရေးမယ်၊ ပန်းချီဆွဲမယ်ဆိုတဲ့ ကျနော့် အိပ်မက်တွေကို ပြောပြတော့မှ အားလုံး အံ့သြကုန်ကြတာ။

            ကျနော် ကြုံတွေ့ရတဲ့ ဝေဖန်မှု၊ ရှုံ့ချမှု စတာတွေဟာ လူ့ အဖွဲ့အစည်း တစ်ခု လုံးရဲ့ ရောင်ပြန်ဟပ်မှုတစ်ခုသာပါ။ စစ်တပ်ထဲမှာရယ်လို့တော့ မဟုတ်ပါဘူး။
ဘာပဲဖြစ်ဖြစ် ကျနော်ဟာ ဗုဒ္ဓဘာသာ စစ်တပ်အရာရှိတစ်ယောက်ပါ။

ပြီးပါပြီ။    ။




 သီဟနာဒ

ဗြိတိသျှ ဗုဒ္ဓဘာသာ တစ်ယောက်ရဲ့ စစ်တပ်တွင်း အတွေ့အကြုံများ ( ၃ )

" အခုနှစ်တွေမှာဆိုရင် ဗုဒ္ဓဘာသာတစ်ယောက် စစ်ဗိုလ်တစ်ယောက် အနေ နဲ့ ရှေ့ခရီးဆက်လို့ ရနိုင်ပါ့မလားဆိုတဲ့ အခြေခံကျကျမေးခွန်းတွေ မကြာမကြာ မေးနေမိတယ်။ တရားဓမ္မကို သိနားလည်လာလေလေ၊ မေး ခွန်းတွေ ပိုများလာလေလေ၊ ဖြေဆိုရတာလည်း ပိုခက်လေလေ ဖြစ်နေ တတ်ပါတယ် "
(Mark Vickers)

“ပုရွက်ဆိတ်ကိုတောင် မသတ်ရဲတဲ့လူက ဘယ်လိုလုပ် စစ်တပ်ထဲ ရောက် လာရတာလဲ” တဲ့
ဒါနဲ့ သူတို့ဆီ ချက်ချင်းသွားပြီး အရာရှိလေသံနဲ့ပဲ ပြောလိုက်တယ်
“ငါးမိနစ်အတွင်း မင်းတို့နှစ်ယောက် ငါ့ရုံးကိုလာခဲ့”လို့။

သူတို့ရောက်လာတယ်ဆိုရင်ပဲ ငါနဲ့ပတ်သတ်လို့ တစ်ခုခု ပြောစရာရှိရင် ငါ့ကို တိုက်ရိုက်ပြော၊ ငါ့ကွယ်ရာမှာမပြောနဲ့ ဆိုပြီး ကျနော် ကြားခဲ့ရတဲ့ စကားတွေ ကို ပြန်ပြောပြလိုက်တယ်။ တကယ်ဆို လူတစ်ယောက်ရဲ့ ယုံကြည်မှုနဲ့ ပတ် သတ်ပြီး ကျေကျေလည်လည် ဆွေးနွေးချင်ပါတယ်။
ဒါနဲ့ သူတို့ကို ပညတ်ချက်တော်(၁၀)ပါးအကြောင်းကို မေးတယ်။ သတ္တ၀ါတွေကို မသတ်နဲ့ သတ်ရင် စစ်ပွဲမှာ ဒီအကျိုးဆက်က ပြန်လာတတ် တယ်ဆိုတဲ့အပိုဒ်ပါ။ ပြီးတော့ ကျနော်က ဆက်ပြောတယ်၊ မသတ်ရဘူး စစ်ပွဲမှာ ပြန်လာမယ်ဆိုတဲ့ စကားဟာ ကျဉ်းမြောင်းကြောင်း၊ ဘယ်နေရာမှ၊ ဘယ်ခြေအနေမှ မသတ်သင့်ကြောင်း ပြောလိုက်မိတယ်။ မင်းတို့ ယုံကြည် တာက God။ ငါယုံကြည်တာက ဗုဒ္ဓနဲ့ ဗုဒ္ဓရဲ့ကမ္မ၊ မတူကြဘူးလို့။

သူတို့ထွက်သွားပြီး ခဏနေတော့ တစ်ယောက်ကလာပြီး တောင်းပန်ပါ တယ်။ ကျနော်ပြောတာကို နားထောင်ပြီး သူ့အတွက် စဉ်းစားစရာ တစ် ခု ဖြစ်သွားတယ်ဆိုတာပါ ဖွင့်ပြောသွားတယ်။
“ဗုဒ္ဓဘာသာတစ်ယောက်ဖြစ်ပြီး စစ်တပ်ထဲ ဘယ်လိုလုပ် ရပ်တည်နေနိုင် တာလဲ”ဆိုတဲ့ မေးခွန်းမျိုး အကြိမ်ပေါင်း ထောင်သောင်း အမေးခံခဲ့ရဖူးတယ်။
မေးလာတိုင်းလည်း အထက်က ပြောခဲ့တဲ့အတိုင်းပဲ ဖြေခဲ့တာပါပဲ၊ တကယ် လို့ မေးလာသူက ခရစ္စယာန် အစွဲကြီးသူဆိုတာ သေချာရင်တော့ ငါယုံကြည် တာက ထာဝရ ဘုရားရှင်မဟုတ်ဘူး၊ ကံ ကံ၏ အကျိုးသာဖြစ်တယ်လို့ ဖြေ လိုက်ပါတယ်။ နောက်ပြီး ငါထမ်းဆောင်နေတဲ့ အစိုးရဟာ ဒီမိုကရက်တစ် ကျ ကျ ရွေးချယ်တင်မြှေက်ထားတဲ့အစိုးရဖြစ်တယ်၊ ဒီအစိုးရကလည်း စစ် အင်အားသုံးဖို့ လိုအပ်တယ်။ စစ်အင်အား သုံးရာမှာလည်း အများစုကောင်း ကျိုး ချမ်းသာအတွက်ဆိုတာ ယုံကြည်တယ်ဆိုရင် အခြားစစ်သား တစ်ယောက် လုပ်နိုင်တာမှန်သမျှ ငါလည်း လုပ်နိုင်တယ်။

ကိုယ်လုပ်မိတဲ့ အလုပ်က အကုသိုလ်ဖြစ်နေရင် ဒီ အကုသိုလ်ပြေဖို့ တခြား ကုသိုလ်ကို ပိုများအောင်လုပ်ဖို့ပဲ ရှိတယ်၊ ကံရဲ့သဘောတရားဟာ ဒီအတိုင်း ပဲ ရှိနေမယ်လို့ ထပ်ဖြည့်ပြီးရှင်းပြတတ်ပါတယ်။
ဗုဒ္ဓဘာသာရဲ့အဆုံးအမတွေ သူတို့ကို ပြောလို့ အကျိုးရှိမရှိဆိုတဲ့ ကိစ္စကို လည်း မပြောခင် အလေးအနက်ထား စဉ်းစားပါတယ်။

တစ်ခါက ဗုဒ္ဓဘာသာစစ်ဝန်ထမ်းတွေကို ဘာသာရေးဆိုင်ရာ သင်ခန်းစာတွေ ပို့ချဆွေးနွေးတဲ့အကြောင်းကို အမှတ်ရမိတယ် အဲဒီအထဲမှာ အထက်ကပေး လာတဲ့ အမိန့်ကိုပင် တစ်ချို့အမိန့်တွေကို သေသေချာချာ စဉ်းစားပြီးမှ လိုက်နာရမယ်ဆိုတဲ့ အကြောင်းအရာလည်း ပါ ပါတယ်။
ကျနော့် သဘောအရကတော့ အရေးကြီးရှေ့တန်း စစ်မျက်နှာလိုနေရာမျိုးမှာ အမိန့်ပေးရမယ့် စစ်ဗိုလ်က တွေဝေနေမယ်ဆိုရင် ဘယ်လိုမှ အကျိုးမရှိနိုင် ပါဘူး။ အမိန့်ဟာ တရားဥပဒေနဲ့ အညီ ဖြစ်နေရမယ်၊ ဒါကတော့ မှန်တာပေါ့။ ဥပဒေနဲ့ မညီတဲ့အမိန့်ဆိုရင် လိုက်နာစရာမလိုဘူးလို့ စစ်တပ်ဥပဒေမှာ အထင်အရှားရှိတာပဲ။

ကိုယ်က ဗုဒ္ဓဘာသာတစ်ယောက်ဖြစ်ပြီး ပေးလာတဲ့ အမိန့်တွေကို ကိုယ့်ယုံ ကြည်မှုနဲ့ ဆန့်ကျင်နေတာတွေ ပါလာမယ်ဆိုရင် `ငါ စစ်မှုကို ဆက်ထမ်းလို့ ဖြစ်ကော ဖြစ်နိုင်ပါတော့မလား´ဆိုတဲ့ မေးခွန်းမျိုးကို ကိုယ် တိုင်လည်း မေးကြည့်သင့်တယ်လို့ ထင်ပါတယ်။ ဒါပေမယ့် ဒီလိုစဉ်းစားခြင်း က ဗုဒ္ဓဘာသာမှရယ်လို့ မဟုတ်ပါဘူး၊ အခြားဘာသာဝင်တွေလည်း စဉ်းစားရမှာပါပဲ။

အခုနှစ်တွေမှာဆိုရင် ဗုဒ္ဓဘာသာတစ်ယောက် စစ်ဗိုလ်တစ်ယောက် အနေ နဲ့ ရှေ့ခရီးဆက်လို့ ရနိုင်ပါ့မလားဆိုတဲ့ အခြေခံကျကျမေးခွန်းတွေ မကြာမကြာ မေးနေမိတယ်။ တရားဓမ္မကို သိနားလည်လာလေလေ၊ မေး ခွန်းတွေ ပိုများလာလေလေ၊ ဖြေဆိုရတာလည်း ပိုခက်လေလေ ဖြစ်နေ တတ်ပါတယ်။
အခုအထိ ကျနော် ရှင်းရှင်းလင်းလင်း သဘောပေါက်ထားတာကတော့ ဒီမေး ခွန်း ဒီအဖြေတွေကို ကြိုတင်စဉ်းစား ကြိုတင်အဖြေထုတ်ထား ဖို့ပါ။ ရှေ့ တန်းမှာ ကိုယ့်ရဲဘော်တွေရဲ့ သက်စွန့်ဆံဖျားအချိန်ရောက်မှ စဉ်းစားတွေေ ၀နေလို့ မရပါဘူး။ ဆုံးဖြတ်စရာရှိတာကို ဆုံးဖြတ်၊ လုပ်ဆောင်စရာရှိတာကို လုပ်ဆောင်ရမှာပါ။
တလောလေးကပဲ တပ်ဖက်ကမိတ်ဆွေ တစ်ယောက်နဲ့ ကျနော့် ယုံကြည်မှု ကျနော့်တာဝန်နဲ့ ပတ်သတ်ပြီး ဆွေးနွေးမိကြသေး တယ်။ ဆွေးနွေးပြီး တဲ့နောက်မှာတော့ အခြေအနေတွေအတွက် အားလုံး ကြိုတင်စဉ်းစားပြီး သားမို့ လုပ်ဆောင်စရာရှိရင် တွန့်ဆုပ်နေမှာမဟုတ်ဘဲ သူများထက် ပင် ပြတ်ပြတ်သားသား ဆောင်ရွက်သွားမယ့် စစ်ဗိုလ်တစ်ယောက်ဖြစ်ကြောင်း သူယုံကြည်သွားခဲ့တယ်လို့ ထင်မိပါတယ်။ တချို့က ပြဿနာကို ကြိုတွေးမထားလို့ ပြသနာနဲ့ တကယ်ရင်ဆိုင်ရတဲ့အခါ မှာ တွေဝေသွားကြတာပါ။

ကျနော်တို့ကို (ဗုဒ္ဓဘာသာ စစ်မှုထမ်းတွေကို) ဝေဖန်နေကြတဲ့ ပုဂ္ဂိုလ်တွေ ကိုယ်တိုင်လည်း သူတို့ကိုသူတို့ ပြန်စီစစ်ကြည့်သင့်ပါတယ်။ ကျနော်တို့ နိုင် ငံတော်အတွက် ပေးဆပ်သလောက် သူတို့ရောပေးဆပ်နေကြသလား၊ ကျနော်တို့ အပြုသဘောဆောင်သလောက် သူတို့ကိုယ်တိုင်ကရော အပြု သဘောဆောင်သလား--- စတာတွေပါ။

စစ်သားတွေအနေနဲ့ ကျနော်တို့ထမ်းဆောင်နေရတာက နိုင်ငံတော် အစိုးရ ရဲ့အမိန့်ပါ၊ ဒီ အစိုးရဆိုတာက ဒီမိုကရေစီကျကျ ရွေးချယ်တင်မြှောက်ထား တဲ့ အစိုးရပါ၊ ဒါကို မေ့လို့မရပါဘူး။ ဒီတော့ စကားကြီး စကား ကျယ်တွေ ပြောမနေကြဘဲ အရေးကြီးရင် ကျနော်တို့ကိုယ်တိုင် လွတ်လပ် ခွင့်သာမက အသက်ကိုပါ နိုင်ငံတော်အတွက် ပေးဆပ်ဖို့ အသင့်ဖြစ်နေကြ ရပါမယ်။

အများအားဖြင့်တော့ ဆိတ်ဆိတ်နေလိုက်တာက နားအေးပါတယ်။


 သီဟနာဒ

ဗြိတိသျှ ဗုဒ္ဓဘာသာ တစ်ယောက်ရဲ့ စစ်တပ်တွင်း အတွေ့အကြုံများ ( ၂ )

" ဒီပွဲကို ကျနော်တက်ရောက်ခဲ့တာမှန်တယ်လို့ သိလိုက်ရပါတယ်။ တိုက် ဆိုင်မှုလည်းဖြစ်ကောင်းဖြစ်မယ်၊ မသေချာလှဘူး။ နောက်နှစ် ရောက်တော့ ယဇ်ပူဇော်ဖို့ တိရစ္ဆာန်အရေအတွက်တွေ တဖြည်းဖြည်း လျှော့ချလာခဲ့ ကြတယ်တဲ့"
( လက်ဖတင်နယ်ကာနယ် မာ့(စ်) ဗစ်ကာ (Mark Vickers)

ကျနော်တို့ စစ်တပ်ထဲကို ပုံမှန်လာနေတတ်တဲ့ ခရစ်ယာန် ချပ်ပလင် တစ်ယောက်လည်း ရှိတယ်။ သူ့ကို ဒီအကြောင်း ပြောပြတော့ ဒီလိုပွဲ မျိုးတွေကို သူ့အနေနဲ့ ဘယ်နည်းနဲ့မှ မတတ်နိုင်ကြောင်း ပြောပါတယ်။ သူပြောတာတွေက ကျနော် စဉ်းစားမိတာတွေနဲ့ ဆန့်ကျင်နေပြန်ရော။ တကယ်တော့ ဟိန္ဒူ စစ်သားတွေဖိတ်လို့ ကျနော်တတ်ခဲ့ရတဲ့ အခန်းအ နားတွေထဲမှာ အခုချိန်က ပထမ ဆုံး အကြိမ်မဟုတ်တော့ဘူး။ သူတို့ကိုလေးစားတဲ့အနေနဲ့ ကျနော်တတ်ခဲ့ တာပါ။ ကျနော် စဉ်းစားမိတာက ဒီပွဲကို ငါမတတ်လည်း ဒီ ဆိတ်တွေ ကျွဲတွေကတော့ အသတ်ခံရမှာပဲ ဆို တာကိုပါ။ တကယ်လို့ ကျနော်တက်ခဲ့ရင် တစ်ခုခု ကောင်းကျိုးလေးများ ရလာနိုင်မလားဆိုတဲ့ အတွေးပဲ ရှိပါတယ်။ ဒါနဲ့ ကျနော် ဆုံးဖြတ်ချက် ချ လိုက်နိုင်တယ်။

ငါ မတတ်ဘူးဆိုရင် ငါ့ခံစားမှုတစ်ခုကိုပဲကြည့်တဲ့ တစ်ကိုယ်ကောင်းဆန် သူဖြစ်မယ်။ ဒါကြောင့် ပွဲကျင့်ပရေး ခေါင်းဆောင်တွေကို ဘာပဲဖြစ်ဖြစ် ကျနော်တက်မယ်ဆိုတဲ့အကြောင်း အသိပေးလိုက်ပါတယ်။ ဒါပေမယ့် တိရစ္ဆာန်လေးတွေကို ကျွမ်းကျွမ်းကျင်ကျင် သတ်နိုင်လို့ ဆိုပြီး သားသတ် သမားကိုတော့ လက်ခုပ်သြဘာမပေးနိုင်သလို ဆုငွေတွေလည်း (ယဉ်ကျေး မှုအရ) မချနိုင်ပါဘူးလို့ ခပ်ပြတ်ပြတ်ပဲ ပြောလိုက်ပါတယ်။ ပြီးတော့ သတ်တာတော့ သတ်တာပေါ့ သူတို့ကို လူလို သဘောထားပြီးညင်ညင်သာသာနဲ့ အသက်ထွက်အောင် သတ်ပေးဖို့ မေတ္တာရပ်ခံခဲ့ပါတယ်။

အဲဒီပွဲတော်နေ့မှာ သူများထက်စောရောက်အောင်သွားခဲ့ပြီး တိရစ္ဆာန်လေးတွေ နား သွား မေတ္တာပို့ပေးခဲ့တယ်။ တတ်သလောက် မှတ်သလောက်လည်း ရွတ်ဖက်ပေးတာပေါ့။ ပြီးတော့ မင်းတို့ကို ဒီလိုသတ်ဖြတ်ကြလို့ သူတို့ကို အမျက်မထား၊ ရန်ငြိုးမဖွဲ့ကြပါနဲ့လို့လည်း တိုးတိုးလေး ကပ်ပြီး ပြောပေး တယ်။ တစ်ခုကျေနပ်စရာက ကျနော် ကောင်းကောင်း မေတ္တာရပ်ခံထားတဲ့ အတွက် မကြာခင်အသတ်ခံရမှာပေမယ့် တိရစ္ဆာန်လေးတွေဟာ အစားကောင်းကောင်းစားရသလို အေးအေးချမ်းချမ်းရှိနေတာကိုလည်း တွေ့ရတယ်။ ပွဲလည်းစရော ကျနော်ကတော့ စိတ်ထဲကနေပဲ တိရစ္ဆာန်လေးတွေ အတွက် မေတ္တာစာတွေ ရွတ်ဖက်ပေးနေလိုက်တယ်။

ပွဲပြီးသွားတော့ ဒီပွဲ တာဝန်ခံက ကျနော့် ဆီလာပြီး စကားပြောတယ်။ သူ ကျနော့်ကို ကြည့်နေမိတယ်တဲ့။ သူနဲ့ ကျနော်က ရာထူး အဆင့် အတန်းချင်း တော်တော်ကွာနေတော့ သူ့စိတ်ထဲ ရှိနေတာတွေ ပွင့်ပွင့်လင်းလင်းကြီး ဖွင့်ပြောရဲမှာမဟုတ်ဘူးလို့ တွေးနေမိတယ်။ မှားပါတယ် သူကျနော့်ကို ဆက်ပြောလာတာက ကျနော့်မျက်လုံးထဲမှာ ထိခိုက်ကြေကွဲ ရိပ်တွေ သူတွေ့နေရတယ်တဲ့။
ခဏကြာတော့ သူ ကျနော့်ဆီပြန်လာပြီး ကျနော်တက်ရောက်ခဲ့တဲ့အတွက် သူတို့ ဘယ်လောက်ဂုဏ်ယူကြောင်း၊ ဘယ်လောက်အလေးအနက် ထားကြောင်း ပြောတယ်။ ဟုတ်တာပေါ့ အပြစ်မဲ့ တိရစ္ဆာန်တွေကို သတ်ဖြတ် မှုဆိုတာ ကျနော့် ယုံကြည်မှုနဲ့က တိုက်ရိုက်ဆန့်ကျင်နေတာပဲ။ ဒီလို အပြုအမူကို ဘယ် ဗုဒ္ဓဘာသာကမှ ကောင်းချီးပေးနေမှာ မဟုတ်ပါဘူး။

နောက် သူဆက်ပြောတာက ကျနော့် မေတ္တာရပ်ခံချက်ကြောင့် တိရစ္ဆာန်တွေ အပေါ် အတတ်နိုင်ဆုံး ညင်ညင်သာသာဖြစ်အောင် ဆောင် ရွက်ခဲ့ကြတယ် ဆိုတာပါ။

သူ့စကားဆုံးတော့ ဒီပွဲကို ကျနော်တက်ရောက်ခဲ့တာမှန်တယ်လို့ သိလိုက်ရ ပါတယ်။ တိုက်ဆိုင်မှုလည်းဖြစ်ကောင်းဖြစ်မယ်၊ မသေချာလှပါဘူး။ နောက်နှစ် ရောက်တော့ ယဇ်ပူဇော်ဖို့ တိရစ္ဆာန်အရေ အတွက်တွေ တဖြည်းဖြည်း လျှော့ချလာခဲ့ကြတယ်တဲ့။
အင်္ဂလန်မှာ အသတ်ခံနေရတဲ့ တိရစ္ဆာန်တွေကိုလည်း ကျနော် တွေ့ဖူးနေတာ ပဲ၊ အဲဒီ တိရစ္ဆာန်တွေနဲ့စာရင် အခု ကျနော် တွေ့မြင်လိုက်ရတဲ့ တိရစ္ဆာန်တွေက အများကြီးညင်ညင်သာသာ ရှိလှပါတယ်။ ဗုဒ္ဓဘာသာတစ်ယောက်အနေနဲ့ ရှင်းရှင်း ပြောရရင်တော့ ဘာအကြောင်းနဲ့ မှ ဘယ်လို တိရစ္ဆာန်မဆို အသတ်မခံရစေလိုပါဘူး။

တစ်ခါတစ်ခါကျတော့လည်း ကျွန်တော်ကိုယ်တိုင် သတိလက် လွတ်ဖြစ်ရ တတ်တာလည်း ရှိပါတယ်။ တခါမှာတော့ ကျနော်တို့အားလုံး ၀ရန်တာမှာ ထိုင်ပြီး အဖွဲ့လိုက်လက္ဘက်ရည်သောက်နေကြတယ်။ အဲဒီနေရာကနေ ဟ်ိ မ၀န္တာတောင်တန်းကြီးကိုပင် လှမ်းပြီး မြင်နေရတယ်။ ကျနော်က အရာရှိ ဆိုတော့ ရဲဘော်တွေ ခုနှစ်ယောက်ရှစ်ယောက်က ကျနော့်ဘေးမှာ ၀ိုင်းပြီး ရပ်နေကြတယ်။ ကျနော့်ဘေးကပ်ရက်မှာ ရပ်နေတာက ချပ်ပလင် တစ်ယောက်။ ကျနော်ငုံ့ကြည့်လိုက်တော့ ပုရွက်ဆိတ်လေးတွေ အတန်း လိုက် သူ့ဆီကို သွားနေကြတာတွေ့ရတယ်၊ တဖြည်းဖြည်းနဲ့ သူ့ခြေဖမိုးပေါ် အထိ ပုရွက်ဆိတ်လေးတွေက တက်နေတာမြင်ရတယ်။

ကျနော့်စိတ်ထဲမှာတော့ “ပုရွက်ဆိတ်ကလေးတို့ရေ၊ ဒီဖက်ကိုလာခဲ့ကြပါ၊ ငါ့အနားကိုလာခဲ့ကြပါ မင်းတို့အတွက် ဘေးကင်းရန်ကင်း နေရာလေးတစ်ခု ငါပေးထားပါ့မယ်” လို့။ ဆုတောင်း မပြည့်ခဲ့ပါဘူး။ ချပ်ပလင်က ပုရွက်ဆိတ်ေ လးတွေပေါ် စိတ်ရှိလက်ရှိ တက်နင်းတော့တာပါပဲ။ တကယ်တော့ ဘာမှ မပြောဘဲ နေခဲ့သင့်တာပါ၊

မနေနိုင်ခဲ့တာနဲ့
“ချပ်ပလင်- ခင်ဗျား ဘာကြောင့်ဒီလိုလုပ်ရတာလဲ”
“ဘာလုပ်လို့လဲ ၊ ဘာမှမလုပ်မိပါဘူး”
လို့ သူကဖြေတယ်။
“လုပ်တယ်၊ အကြောင်းပြချက်ခိုင်ခိုင်လုံလုံ မရှိဘဲနဲ့ ပုရွက်ဆိတ်ကလေးတွေ ကို မြင်ရက်သားနဲ့ တက်နင်းတယ်”
ပြောမိတော့ သူလည်း ရှက်သွားပြီးမျက်နှာကို နီရဲသွားတာပဲ။
ဒါနဲ့ ကျနော်လည်း ချက်ချင်း စကားလမ်းကြောင်းပြောင်းပြီး ခဏနေ လှည့် ထွက် ခဲ့တော့တယ်။ ကျနော်လည်း ထွက်ခဲ့ရော ကျန်ရစ်ခဲ့တဲ့ ချပ်ကျောင်း ပုံမှန်တက်တတ်တဲ့ ရဲဘော်နှစ်ယောက်(တစ်ယောက်က အမျိုးသမီး၊ တစ်ယောက်က အမျိုးသား) ပြောလိုက်တဲ့ စကားကို ကျနော်က ကြား မိအောင် ကြားလိုက်သေးတယ်။
“ပုရွက်ဆိတ်ကိုတောင် မသတ်ရဲတဲ့လူက ဘယ်လိုလုပ် စစ်တပ်ထဲ ရောက်ပြီး ဗိုလ်ဖြစ်လာရတာလဲ ” တဲ့။
ဒါနဲ့ သူတို့ဆီ ချက်ချင်းသွားပြီး အရာရှိလေသံနဲ့ပဲ ပြောလိုက်တယ်
“ မင်းတို့နှစ်ယောက် ငါးမိနစ်အတွင်း ငါ့ရုံးကိုလာခဲ့” လို့။

ဆက်ရန် -


သီဟနာဒ

ဗြိတိသျှ ဗုဒ္ဓဘာသာ တစ်ယောက်ရဲ့ စစ်တပ်တွင်း အတွေ့အကြုံများ ( ၁ )

 ( လက်ဖတင် ကာနယ် မာ့(စ်) ဗစ်ကာ (Mark Vickers) ဟာ ၁၉၉၁-ခုနှစ် ကစပြီး ဗုဒ္ဓဘာသာအဖြစ် ခံယူကျင့်သုံးခဲ့ပါတယ်။ ဒီ ဆောင်းပါးဟာ သူ အာဖဂန်နစ်စတန်မှာ တာဝန်ထမ်းဆောင်ရင်း ရေးခဲ့တဲ့ ဆောင်းပါးပါ။)

" ဒီလို စိန်ခေါ်ပြီး ပြောလိုက်လို့ တစ်ယောက်စ နှစ်ယောက်စကများ ကျနော် တို့ လူနည်းစု ဗုဒ္ဓဘာသာ စစ်သားတွေရဲ့ ခံစားချက်နဲ့ ရပ်တည် ချက်ကို သဘောပေါက်သွားရင် ကြိုးစားရကျိုးနပ်တယ်လို့ ဆိုရမှာပါ " 
( Mark Vickers )


ဒီနှစ် စစ်တပ်ကနေ အနားယူပြီး ကျနော့် ချစ်ဇနီးရှိရာ ထိုင်ဝမ်ကို သွားရော က်နေထိုင်ဖို့ ဆုံးဖြတ်ခဲ့ပြီးပါပြီ။ လွန်ခဲ့တဲ့ ဆယ်နှစ် ၀န်း ကျင်က ကျနော် တာဝန်ကျခဲ့တဲ့ တပ်အတွင်း စစ်သားစစ်ဗိုလ်တွေကို စာရင်းပြုကြည့်ရာမှာ ဗုဒ္ဓဘာသာရယ်လို့ များများစားစား မရှိ ခဲ့ပါဘူး။ အခုချိန်မှာတော့ စစ်တပ်ထဲ မှာပဲ ဗုဒ္ဓဘာသာခံယူထားသူ ရာပေါင်းများစွာ ဖြစ်နေတာကို တွေ့နေရပါပြီ။ ဗုဒ္ဓဘာသာစစ်မှုထမ်းတွေထဲမှာ ကျနော်က စီနီယာအကျဆုံးတဲ့။ ဒါကလည်း ကျနော့်ရဲ့ ဗုဒ္ဓဘာသာကျင့်စဉ် စာရိတ္တထက် ကျနော့် စစ်တပ်ရာ ထူးေ ကြာင့် ဖြစ်ပုံရပါတယ်။

ဗုဒ္ဓဘာသာ စစ်ဗိုလ်တစ်ယောက်အနေနဲ့ လွန်ခဲ့တဲ့ နှစ် နှစ်ဆယ် ကို ပြန် ကြည့်ရင် ဘာတွေတွေ့ရသလဲ။
တစ်ဖက်သား ထိခိုက်အောင် နောက်ပြောင်ခြင်း ခွင့်မပြု။ ဥပဒေနဲ့ မညီညွတ် တဲ့ အဆင့်အတန်း ခွဲခြားမှုမျိုး မလုပ်ရတဲ့ စစ်တပ်လို နေရာမျိုးမှာ တာဝန် ထမ်းဆောင်ခွင့်ရတဲ့အတွက် ကံကောင်းတယ်လို့ ကျနော်တော့ထင်ပါတယ်။ ဒီလို အပြောအဆိုအပြုအမူတွေကို အလေးအနက်ထားပြီး အနည်းဆုံး ကျနော်တို့ ညဏ်မီသမျှတော့ အကောင်းဆုံးဖြစ်အောင် ကြိုးစားနေထိုင်ခဲ့ကြ တာပါ။ အဲသလို မဟုတ်ခဲ့ဘူးဆိုရင်လည်း စစ်တပ်တာဝန်ကို ဒီလောက် အကြာကြီးထမ်းဆောင်နိုင်မယ်လို့ မထင်မိဘူး။

ကျနော့်ဘာသာရေးယုံကြည်မှုနဲ့ ပါတ်သတ်ပြီး ဘယ်သူ့ကိုမှလည်း အထူး တလည် ကြော်ညာမနေခဲ့ဖူးပါဘူး။ အမှန်တကယ်စိတ်ဝင်စားလို့ လာမေးမယ် ဆိုရင်တော့ ဗုဒ္ဓဘာသာနဲ့ပတ်သတ်လို့ ရှင်းပြဆွေးနွေးရတာကို ရှက်ရွံ့မှု မရှိခဲ့ဖူးပါဘူး။ မှားချင်မှား၊ မှန်ချင်မှန်ပေါ့ ကျနော့်အထက်၊ အောက်မှာရှိတဲ့ ဗုဒ္ဓဘာသာစစ်မှုထမ်းတွေနဲ့လည်း ကိုယ့်ယုံကြည်မှုနဲ့ ပတ်သတ်လို့ အချေ အတင် ဆွေးနွေးတာမျိုး မလုပ်ခဲ့မိဘူး။ ဘာသာရေးနာမည် မပါရင် တစ်ယောက်ကိုတစ်ယောက် စကြနောက်ကြရတာကိုက ပိုပြီး အဆင်ပြေ လွယ်ကူတယ်မဟုတ်လား။ အထူးသဖြင့်တော့ ကျနော့် လက်အောက်ငယ် သားတွေနဲ့ ရယ်စရာမောစရာ ပြောကြတဲ့အခါမျိုးတွေမှာပေါ့။
စစ်တပ်အတွင်း ရာထူးအဆင့်အတန်းတွေ ထပ်တလဲ သုံးစွဲနေရတာကို တောင်းပန်ပါတယ်။ ဒါပေမယ့် ဒီအဆင့်အတန်းတွေနဲ့မှ စကားပြောလို့ရတာကပင် ကျနော်ထမ်းဆောင်နေတဲ့ စစ်တပ်ရဲ့ ယဉ်ကျေး မှုဖြစ်နေလို့ မလွှဲသာ မရှောင်သာ သုံးစွဲနေရတာပါ။

တစ်ယောက်ခံစားနေရတာတွေ ပွင့်ထွက်လာအောင် စပေးနောက်ပေးတာက ကျနော်တို့ ဗြိတိသျှ စစ်တပ်ရဲ့ အရိုးစွဲ ယဉ်ကျေးမှုတစ်ခုလို ဖြစ်နေပါတယ်။ ကျနော့် သဘောကတော့ သိပ်ပြီး ရေးကြီး ခွင်ကျယ်မရှိလှပါဘူး။ နောက် ဆုံးတော့လည်း စစ်ဝန်ထမ်းဆိုတာကပင် ကျနော်တို့အားလုံး စိတ်လိုလက်ရ လုပ်အားပေးနေတဲ့ တာဝန်တစ်ခုပဲ မဟုတ်လား။
အလားတူပါပဲ တစ်ဖက်သားကို ထိခိုက်နာကျင်စေလို၊ အရှက်ရစေလိုတဲ့ စေ တနာအရင်းခံနဲ့ နောက်တတ်ပြောင်တတ်တဲ့ လူတစ်ချို့ ရှိနေတတ်တယ် ဆို တာ ကိုလည်း ကျနော် သတိထားမိတယ်။ တစ်ဖက်သားကို တကယ်နှိမ့်ချ ချင်လို့ ပြောတဲ့စကား မျိုးတွေပေါ့။ ဒါမျိုးတွေ ကြုံတွေ့လာရပြီဆိုရင်တော့ တရားမျှတမှုဖြစ်အောင် ခပ်တင်းတင်းပဲ ကိုင်တွယ်ကြရပါတယ်။

တစ်ချို့ပြတ်လုံးတွေက ရယ်ဖို့မောဖို့ထက် ထိပါးခြင်းလို့ မပြောချင်ရင်တောင် သရော်တော်တော်တွေလို့တော့ ပြောရင်ရပါတယ်။ ဗုဒ္ဓဘာသာဖြစ်နေတော့ ကျနော်ကိုယ်တိုင်လည်း ဒီလို သရော်တာမျိုးတွေ ခံခဲ့ရဖူးတယ်။ အများ အားဖြင့်တော့ မျက်ကွယ်ပြုလိုက်တာပါပဲ။ သူတို့ပိုပြီး အမြင်ကျယ်လာပါစေ လို့ပဲ ဆုတောင်းနေမိတယ်။
စစ်တပ်ထဲရယ်မှလည်း မဟုတ်ပါဘူး။ ဒီလိုပြသနာတွေဟာ တစ်ခြားနေ ရာတွေမှာလည်း ရှိတော့ရှိနေမှာပါပဲ။ ပိုတောင် ဆိုးကောင်းဆိုးဦးမယ်။
တစ်ခု အံ့သြစရာကောင်းတာက ကျနော်တခါမှ မတွေ့ဖူးသေးတဲ့ လူ တချို့ ကတောင် ကျနော် ဗုဒ္ဓဘာသာဖြစ်တယ်ဆိုတာသိပြီး ဖြစ်နေတတ်ကြတယ်။ လူစိမ်းတစ်ယောက်ကို ကြားလူက ၀င် ၀င်ပြီး “သူက ဗုဒ္ဓဘာသာ” လို့ ၀င်ပြောတတ်ကြတယ်။ ဒါကိုပဲ တစ်ချို့က သတင်းထူးလုပ်နေကြသေးတယ်။ အင်း ငါ့အကြောင်း နောက်ကွယ်က ဘာတွေများ ပြောကြဦးမှာပါလိမ့်လို့ တခါ တခါ တွေးတောင်တွေးမိပါသေးရဲ့။

ကိုယ် ဗုဒ္ဓဘာသာဖြစ်တာနဲ့ ပတ်သတ်ပြီး ဘယ်သူ့ကိုမှ ဖွင့်မပြောဖို့ မိတ်ဆွေ ဗုဒ္ဓဘာသာတစ်ယောက်က အကြံညဏ်ပေးခဲ့ဖူးတယ်။ ခက်တာက စစ်သားေ တွ ဆိုတာက (၂၄)နာရီ တစ်ရက်၊ (၇) ရက် တစ်ပတ် အတူတူနေကြရတာ။ အလုပ်လုပ် အတူတူ၊ ထမင်းစား ရေချိုး၊ အိပ်တာတောင် အတူတူ၊ ကြာ လာတော့ ဘယ်သူမှ မပြောလဲ သူ့အားနည်းချက်၊ အားသာချက်တွေက ဘာ၊ သူ ယုံကြည်တာ မယုံကြည်တာက ဘာ၊ သူ့မိသားစုက ဘယ်လို၊ သူ့ အိပ်မက်က ဘယ်လို ဆိုတာတွေ တစ်ခုမကျန်သိကုန်ကြတာ။

ဒါပေမယ့် ယုံကြည်မှု ဘာသာတရားနဲ့ ပတ်သတ်လို့ တမင်တကာ ပြောဆို တတ်တဲ့ အခါတွေ ရှိတတ်တယ်ဆိုတာကိုလည်း ၀န်ခံရမှာပါ။ သူတို့ စဉ်းစား မိစေဖို့ပါ။ ဒီလို စိန်ခေါ်ပြီး ပြောလိုက်လို့ တစ်ယောက်စ နှစ်ယောက်စကများ ကျနော်တို့ လူနည်းစု ဗုဒ္ဓဘာသာ စစ်သားတွေရဲ့ ခံစားချက်နဲ့ ရပ်တည်ချက် ကို သဘောပေါက်သွားရင် ကြိုးစားရကျိုးနပ်တယ်လို့ ဆိုရမှာပါ။ တကယ်လည်း လူတိုင်း မတူညီနိုင်ဘဲနဲ့ အားလုံးတူညီရေးဆိုပြီး အော်နေလို့ အဓိပ္ပါယ်လည်း မရှိပါဘူး။

၂၀၀၈- ခုနှစ်က စလို့နီပေါကို ရောက်သွားပြီး ဂေါ် ရခါးတွေနဲ့ အတူ နေခဲ့ရ ဖူးတယ် ။ အတွေ့အကြုံတွေက စိတ်ဝင်စားစရာကောင်းသလို ဗုဒ္ဓဘာသာ တစ်ယောက်အတွက် ဘ၀အပေါ်ထားတဲ့ အမြင်ကို ပိုမိုလေးနက်စေပါတယ်။ သူတို့ဆီမှာ သေခြင်းနှင့် ရှင်ခြင်း အဓိပ္ပါယ်ဟာ ပိုပြီးထင်ထင်ရှားရှား ရှိတယ်။ လူတစ်ယောက် သေဆုံးတယ်ဆိုရင် ကနော်တို့ အနောက်မှာလို ဖုံးဖုံးဖိဖိ မရှိသလို ဆေးရုံဆေးခန်းတွေရဲ့ ပြင်ဆင်မှုတွေလည်း လုံးဝမရှိပါဘူး။ ၂၄ နာရီအတွင်းမှာပဲ မြစ်ကို သက်သေပြုပြီး မြစ်ဘေးမှာ မီးရှို့ မီးသဂြိုလ် လိုက် ကြတော့တာပဲ။
ကံမကောင်းလှတဲ့ အချက်က လူသေကောင်တွေကို မြင်ဖူးရတာ ဟာ(ကျနော်က စစ်သားဆိုတော့) များလွန်းနေပြီး သေခြင်းတရားအကြောင်းကို ထုံပေပေ ဖြစ်နေတတ်တာပါ။
အဲဒီမှာပဲ ဟိန္ဒူတွေရဲ့ တိရစ္ဆာန် ယဇ်နတ်ပူဇော်ပွဲတွေတက်ဖို့ ဖိတ်ကြား တာလည်း အကြိမ်ကြိမ်ခံခဲ့ရတယ်။ ဒီယဉ်ကျေးမှုက ကျနော့် ဗုဒ္ဓဘာသာ ယုံကြည်မှုနဲ့ ဖြောင့်ဖြောင့်ကြီးဆန့်ကျင်နေတာမို့ ဒီပွဲမျိုးတွေကို တက်သင့် မတက်သင့် တော်တော်စဉ်းစားယူရပါတယ်။

ဆက်ရန် -


 သီဟနာဒ