ကလေးတွေကို ရိုက်တဲ့ ကျောင်းအုပ်ကြီးကို အကြံပေးချင်တာ...


ဘာမှ မသိဘဲနဲ့ သူများ ဒေါ်စုလို့ လိုက်စုနေတယ်ဆိုပြီး ကလေးတွေကို ရိုက်တဲ့ ကျောင်းအုပ်ကြီးကို အကြံပေးချင်တာ...

တစ်ပြည်လုံးက လူငယ် လူလတ်တွေကိုလည်း ခေါ်ရိုက်ပါ လို့။ ဖြူသလား မည်းသလား မသိဘဲနဲ့ သူများ ဗိုလ်ချုပ် အောင်ဆန်းဆိုလို့ လိုက် အောင်ဆန်းနေကြတာလေ။

ဒါတင် မကသေးဘူး။ တစ်ကမ္ဘာလုံးက ဗုဒ္ဓဘာသာတွေကိုလည်း ကြိမ်လုံးကြီကြီး ရေစိမ်ပြီး ခေါ်ရိုက်ရမှာ။ ဒီလူတွေကမှ ဘယ်သူမှ မမီလိုက်တဲ့ ဘုရားကို ဗုဒ္ဓ ဗုဒ္ဓ နဲ့ ဖြစ်နေကြတာ။ ကဲကို ကဲတယ်။

တစ်နပ်စား ဉာဏ်


အရိုးသားဆုံး ပြောရရင် ထောက်ခံမှုရဖို့ "ဒံပေါက်နဲ့ ငွေ ငါးထောင်ကိစ္စ" ကို အပြင်မှာနေသူ အဖို့ မျက်စေ့နဲ့ မြင်ရတာ မဟုတ်ပါဘူး။ (စင်္ကာပူကို မရိုးသားတဲ့ ဒန်ပေါက်တွေ ရောက်မလာဘူး၊ ရိုးရိုးသားသား စားစရာလေးတွေပဲ အချင်းချင်း ဝေကြတယ်။ ဒါကလည်း ဘယ်ပါတီကို ထောက်ခံသူမဆို ရကြတယ်။)

ဒါပေမဲ့ ဒါကလည်း ရွေးကော်ရဲ့ ကဘောက်တိကဘောက်ချာ ကိစ္စလို ဟိုးလေးတကျော်တော့ ဖြစ်နေတယ်။
ဒါသာ အစစ်အမှန်ဆိုရင်တော့ လက်ရှိအစိုးရရဲ့ ဉာဏ်က တစ်နပ်စား ဉာဏ်ပဲ။
ပညာမတတ်ရှာသူတွေကို နားလှည့် ပါးရိုက်လုပ်တာလို့ ဆိုချင်ပါတယ်။

ဒါပေမဲ့ ငွေငါးထောင်ယူသွားသူတိုင်း ပါးအရိုက် ခံ၊ မခံဆိုတာကတော့ မသေချာလှပြန်ဘူး။
(ဒီသတင်း မမှန်ရင် အစိုးရကိုရော၊ အစိုးရထောက်ခံသူတွေကိုပါ တောင်းပန်ပါတယ်)

ကိုယ့်ပါတီထောက်ခံသူကိုသာ ပေးတဲ့ ဒန်ပေါက်နဲ့ ဘယ်ပါတီကို ထောက်ခံသူကိုမဆို ဝေငှနေကြတဲ့ စင်္ကာပူရဲ့ စေတနာကို ယှဉ်ကြည့်ရင် အစိုးရဟာ နှလုံးရည်တိုက်ပွဲမှာ ပြည်သူကို ခွက်ခွက်လံအောင် ရှုံးနေတယ်။

ကဲ အရေးပေါ် ငြိမ်းချမ်းရေး စာရွက်လေး ဘာလေး ရွေးကောက်ပွဲ မတိုင်ခင်ရအောင် လုပ်ကြပေါ့ဗျာ


ကချင်ပြည်နယ်ရဲ့ နှစ်စဉ် ကျောက်စ်ိမ်းဝင်ငွေက ကန်ဒေါ်လာ ၃၁ ဘီလီယံဆိုလား။
လူထုကမွဲ၊ စားသွားတာက ထိပ်သီး စစ်အရာရှိကြီးတွေ၊ ခရိုနီတွေနဲ့ မူးယစ်ဆေး ရောင်းဝယ်သူတွေ တဲ့။
ကချင်လက်နက်ကိုင်နဲ့ ငြိမ်းချမ်းရေး မရတာကလည်း ဒါက အဓိက အကြောင်း ဆိုပါလား။

ရွေးကောက်ပွဲ အမှီ ဖွလာမယ့် ပြည်ပ မီဒီယာကလည်း စိတ်ဝင်စားစရာ။
ကချင်ပြည်နယ်ရဲ့ သယံဇာတက ကချင်ပြည်နယ်အတွက် ဘာမှဖြစ်မလာတော့ ဆွေးနွေးလို့ လိပ်ခေါင်းထွက်လည်း ငြိမ်းချမ်းရေးက ရလာမှာ မဟုတ်ဘူး။
လူလည်လုပ်တာ များလွန်းနေတာကိုး။

ဂျပန်၊ တိုကျိုသံရုံးမှာ ပေးရမယ့် မဲတွေကို အီဂျစ်ကို ပို့ထည့်ချလိုက်ဆိုလား


စိတ်ပျက်တယ်၊ အံ့ဩတယ်၊ ရယ်ချင်တယ် ရွေးကော်ရယ် သက်လား
သတင်းကတော့ သိကြပြီးသားပါ။ ပြည်ပ ကြိုတင်မဲပေးခွင့် ရက်တိုးပေးမယ်၊ အခု ဆွေးနွေးနေတယ်၊ ဘယ်နေ့ ဘယ်ရက် မသိရသေး။
ရွေးကောက်ပွဲ အတွေ့အကြုံမရှိလို့ မှားယွင်းခဲ့ရ၊ မဲပေးသူတွေက စိတ်ရှည်ပေးကြဖို့ ရွေးကော်က တောင်းပန်။
အဖွဲ့ချုပ်က တောင်ပြိုကမ်းပြို နိုင်ခြေရှိ၊ စသည် စသည်။

ဒီမနက် ပါးစပ် ၉၀ ရာခိုင်နှုန်းကျော် ဖွင့်ရီလိုက်မိတာက ပုံ နှစ်။
ဂျပန်၊ တိုကျိုသံရုံးမှာ ပေးရမယ့် မဲတွေကို အီဂျစ်ကို ပို့ထည့်ချလိုက်ဆိုလား။ ကျန်း လုပ်ပုံက။



နည်းနည်းလေးတော့ လွဲနေတယ် ဦးဌေးဦး

ပို့စ်အဟောင်းပါဗျာ၊ ကြာပါပြီ။ အခုမှ ပြန်ပြီး ဖတ်နေ၊ ရှယ်နေကြလို့ ပြန်တင်ပေး
လိုက်တာပါ။
******************************************************************


၁။ လူကြီးမင်းစကားအရ"ဒီမိုကရေစီဆိုရင် နှစ်ဦးနှစ်ဖက် သဘောကျလို့ ရောင်း တာဝယ်တာကို ဝင်တားပိုင်ခွင့်မရှိဘူးနော်" တဲ့။
၂။ ဒီမိုကရေစီနဲ့ ကက်ပီတယ်လစ်ဇင်ကို တူသလိုလို မလုပ်ပါနဲ့ ဦးဌေးဦး။
၃။ အစိုးရရဲ့ ဝေဝါးဝါးပေါ်လစီကို လူထုက သဘောမတူခွင့် ရှိပါတယ်။

"ဒီမိုကရေစီဆိုရင် နှစ်ဦးနှစ်ဖက် သဘောကျလို့ ရောင်းတာဝယ်တာကို ဝင်တား ပိုင်ခွင့်မရှိဘူးနော်" ဒီမိုကရေစီဆိုတိုင်း နိုင်ငံခြားသားစိတ်ကြိုက်ဝယ်ယူလို့ မရပါဘူး။ ဝယ်လို့ "ရ မရ" က အိုပင်းမားကက်နဲ့ပဲဆိုင်ပြီး ဒီမိုကရေစီနဲ့ လုံးဝမဆိုင်ပါဘူး ဦးဌေးဦး။ အိုပင်းဆိုတဲ့အောက်မှာတောင် ဘယ်လောက် အိုပင်းသလဲဆိုတာတွေ အများကြီး ကျန်နေပါသေးတယ်။ ထားပါတော့။

ဒီနေ့ ကမ္ဘာ့ နိုင်ငံရေးနဲ့စီးပွားရေးသမားတွေက ဒီမိုကရေစီနဲ့ ကက်ပီတယ်လစ်ဇင် တို့ ဂလိုဘယ်ဖြစ်နိုင်မဖြစ်နိုင် ခွဲခြားပြီး ဆွေးနွေးကြပါတယ်။ လီကွမ်းယုအဆိုအရ ကက်ပီတယ်လစ်ဇင်က ဂလိုဘယ်ဖြစ်နိုင်ပြီး ဒီမိုကရေစီကတော့ ဂလိုဘယ် မဖြစ်နိုင်ဘူးလို့ ကောက်ချက်ချပါတယ်။ ဒါဆို ဒီနှစ်ခု မတူဘူဆိုတာ ဦးဌေးဦး သဘောပေါက်လောက်ပါပြီ။

မပေါက်သေးရင် ဆက်ကြည့်ပါ။
၁။ တရုတ်။ ကက်ပီတယ်လစ်ဇင် ရာနှုန်းမပြည့် တပြည့်၊ ဒီမိုကရေစီ လုံးဝမဟုတ်ဘူး။ (စီးပွားရေးပြောင်း နိုင်ငံရေး မပြောင်း)
၂။ အိန္ဒိယ၊ ဒီမိုကရေစီရာနှုန်းပြည့်၊ ကက်ပီတယ်လစ်ဇင်ရာနှုန်း တစ်ဝက်တောင် မပြည့်ဘူး။ (အမျိုးသားရေး ဝါဒကြောင့်)
၃။ စင်္ကာပူ၊ အကန့်အသတ်နဲ့ ဒီမိုကရေစီ၊ ကက်ပီတယ်လစ်ဇင် ရာနှုန်းအပြည့်။ (ပြည်သူက ကန့်ကွက်ခွင်တော့ရှိတယ်၊ သူတို့အသံကိုနားထောင်ပြီး အစိုးရက တချို့ကို ဟန်ချက်ပြန်ညှိတယ်)
၎။ အနောက်၊ ဒီမိုကရေစီရာနှုန်းပြည့်၊ ကက်ပီတယ်လစ်ဇင် ရာနှုန်းပြည့်။ (ပေါ်လစီတွေ ကွဲနေသေးတယ်၊ ဝဲလ်ဖဲယား စတိတ် ဟုတ်၊ မဟုတ်။ ဥရောပက ၊ ဝဲလ်ဖဲယား စတိတ်။ အမေရိကားက ၊ ဝဲလ်ဖဲယား စတိတ် မဟုတ်ဘူး။ ဝဲလ်ဖဲယား စတိတ် ဟုတ်၊ မဟုတ်က ကက်ပီတယ်ဇစ်ဇင်ရဲ့ တိုးအား အနည်းအများကို ဖြစ် ပွားစေတယ်။ ဝဲလ်ဖဲယား စတိတ်မဟုတ်တဲ့ အမေရိကရဲ့ ကက်ပီတယ်လစ်ဇင်က တိုးအားပိုကောင်းသွားတယ်။ ဒီအတွက် ပြန်ပေးလိုက်ရတာက လူမှုရေး ပြသနာ အချို့ )

ဒီတော့
၁။ ဒီမိုကရေစီကျင့်သုံးတိုင်း ကက်ပီတယ်လစ်ဇင်ရာနှုန်းပြည့်စရာမလိုဘူး။
၂။ ကက်ပီတယ်လစ်ဇင် ကျင့်သုံးတိုင်း ဒီမိုကရေစီပြောလို့ မရဘူး။

သိပ်ပြီး စာဖတ်ခွင့်မရှိသေးတဲ့ လူထုကို မတူညီတဲ့(နိုင်ငံရေးနဲ့စီးပွားရေး တစ်ခြား စီပါ)ပေါ်လစီနှစ်ခုရောထွေးပြီး ရှုပ်သွားအောင် ခပ်တည်တည်မဖိန့်ပါနဲ့။ ကိုယ်တိုင်မသိလို့ဆိုရင်လည်း မသိသလို နေလိုက်ပါလားဗျာ။ အမြင်မတော်လည်း ဖြစ်မနေပါနဲ့။
ဦးဌေးဦး တကယ်လုပ်ရမှာက ဂလိုဘယ် ပေါ်လစ်တစ်နဲ့ ဂလိုဘယ် ကက်ပီတယ်လစ်ဇင်ကို ပိုပြီးကျေညက်အောင် ဖတ်ရှုလေ့လာရမှာပဲ ဖြစ်ပါတယ်။
ကျနော့် စတေးတပ်က ပေါ်လစီရဲ့ အဆိုးအကောင်းကို ဝေဖန်တာမဟုတ်ဘဲ ဝါးတားတား ဦးဌေးဦးစကားကို ထောက်ပြရုံပါ။
လေ့လာပါအုံး ဦးဌေးဦး။ တက်လမ်းရှိပါတယ်။



ဇင်ဝေသော်
(07/09/2014)

အစိုးရမင်းများ မှတ်သားအတုယူ ကြကုန်


ကမ်းလက် shared Aye Thandar's post.
အမေရိကန် သံအမတ်ကြီးက ရခိုင်ဖက်မှာ လယ်ထဲဆင်းပြီး ပျိုးပါဝင်ကြဲပစ်လိုက်တာ

မှတ်ကရော....

သွားလေရာ ထီးမိုး ဖိနပ်ကိုင် အိပ်ဆွဲ အပြည့်နဲ့  လိုအပ်သည်များကို မှာစားသွားလေ့ ရှိတဲ့အစိုးရမင်းများ မှတ်သားအတုယူ ကြကုန်




 

တရုတ်ကို လေးစားသလို ပြည်သူကိုလည်း လေးစားသင့်တယ်


ကိုးကန့်ဒေသ လေကြောင်းသုံးစွဲတာနဲ့ ဆက်စပ်ပြီး တရုတ်လူမျိုးလေးယောက် ဗုံးဒဏ်နဲ့ သေဆုံးရလို့ တရုတ်ဗိုလ်ချုပ်က တရားခံ မိအောင်ရှာ၊ အရေးယူ၊ နောက် ဒါမျိုးမဖြစ်စေနဲ့ဆိုပြီး အမိန့်လှမ်းပေးတယ်။

ရှင်ဝှာသတင်းဌာနအရ မြန်မာ့ပါဝါအရှိဆုံး ကာချုပ်က ဒီအတွက် စိတ်မကောင်းကြောင်း၊ ဒီပြသနာကို အမြန်ဖြေရှင်းပေးပါမယ်ဆိုတဲ့အကြောင်း ၀န်ခံကတိပြုခဲ့တယ်လို့ ဆိုပါတယ်။
ဒါက ဖြစ်သင့်ဖြစ်ထိုက်၊ ပြောသင့် ပြောထိုက်တဲ့ စကားတွေပါ။

ဒါပေမဲ့ မြန်မာလူမျိုးတွေ သေဆုံးရမှုနဲ့ပတ်သက်လို့ ဒီအစိုးရက ဘာလို့များ အဲသလို ၀န်ခံကတိပြုဖို့၊ တာဝန်ယူဖို့၊ နောက်မဖြစ်စေရအောင် လုပ်ဆောင်ပါမယ်လို့ ကတိပေးဖို့ တွန့်ဆုတ်နေရတာလဲဆိုတာက စဉ်းစားစရာ အချက်ကြီး ဖြစ်နေတယ်။

တရုတ်ကို လေးစားသလို ပြည်သူကိုလည်း လေးစားသင့်တယ်။ အမှုအမှန်ပေါ်အောင် လုပ်သင့်တယ်၊ အပြစ်ရှိသူကို အပြစ်ပေးသင့်တယ်။
ဒါမှ အစိုးရဖြစ်မှာ။ အခုတော့......။

အကြားအမြင်


အရင်က သူတို့ပြောတဲ့ "မိုးလုံးပြည့် မုသာဝါဒ" ဆိုတာ အမြဲကြားခဲ့ရတယ်။
အခုတော့ သူတို့လုပ်တဲ့ "ပေ့ဂ်ျလုံးပြည့် မုသာဝါဒ" ကို မြင်နေရတယ်။

ပြောရမှာတော့ အားနာစရာ


ဦးရဲထွဋ်က အီးကျူကောင်းပေမဲ့ အိုင်ကျူကတော့ တော်ရုံပဲ။
ဒါ့ကြောင့် ဘယ်လောက်ဆဲဆဲ သူက ပြုံးနေပြီး
လုပ်တာကိုင်တာကျတော့ တေ့လွဲဖြစ်နေတာ။
သူ့ကို သဒ္ဓါဓိကတွေက သဘောကျပြီး
ပညာဓိကတွေက သဘောမကျဘူး။
(From the Buddhist Psychological point of views)

ဦးရဲထွဋ်တို့ ပြန်ကြားရေးဌာနအနေနဲ့ အတုယူသင့် ယူရတာပေါ


ဖိလစ်ပိုင် အစိုးရကတော့ ပြည်ပရောက် အိမ်ဖော်တွေနဲ့ အဆက်အသွယ် မပြတ် ရှိနေဖို့ ဖရင်လုပ်ထားလိုသတဲ့။
ဖေ့စ်ဘုတ်အကောင့် မရှိတဲ့အေးဂျင့်တွေ အိမ်ဖော်ပို့ခွင့် ပိတ်မတဲ့။
မခံနိုင်တော့လို့ ထွက်ပြေးမှဆိုရင် သိပ်နောက်ကျနေပြီ။ ဒါ့ကြောင့် ဖေ့စ်ဘုတ် ကတဆင့် သူတို့ အခြေအနေကို ကြိုတင် သိရှိနိုင်ဖို့လို့ ဆိုပါတယ်။
လက်တွေ့ကျပြီး အကျိုးရှိတဲ့ အစီအစဉ်လို့ ယူဆပါတယ်။ အနည်းဆုံးတော့ အခြေအနေအမှန်ကို သိရတာပေါ့။

ဗိုလ်ရဲထွဋ်ကတော့ အရေးရယ်အကြောင်းရယ်ဆို


ဗိုလ်ရဲထွဋ်ကတော့ အရေးရယ်အကြောင်းရယ်ဆို ကရော်ကမည် ထ,လုပ်တော့ တာပဲ။
နိုင်ငံရဲ့အနေအထားက ပူတတ်ရင် ပူစရာကြီး၊ မန္တလေး၊ ဧရာဝတီ စခဲ့ပြီး ရန်ကုန်၊ မုံရွာနဲ့ ပခုက္ကူ စနေပြီ။
ဒီအချိန်မှာ ပြန်ကြားရေးဝန်ကြီး ထုတ်ပြန်လိုက်တာက ဖီးလ် စားသောက်ဆိုင်ရှေ့ က ကားမရပ်ရနေရာမှာ ကားရပ်ထားတဲ့ဓာတ်ပုံ။ မြန်မာပြည်မှာ တော်တော် ရှား ဟန်တူတယ်။
စင်္ကာပူလိုနေရာမှာ သတင်းစာနောက်ဆုံးက လူထုအော်သံထဲ ဓာတ်ပုံပို့၊ စာဝင်ရေး လုပ်ကြတာက သာမန်ပြည်သူတွေပါ။

"လစာကောင်းကောင်း" "စေတနာ"


သန့်မြင့်ဦးစာအုပ်ကို ဘာသာပြန်တဲ့ မြနှင်းဆီလိုပဲ "ဒေါ်မြရီဆိုသည့် မိန်းကလေး သည်" တဲ့။ (မိန်းကလေးလို့ သုံးချင်ရင် "ဒေါ်" လေးဖြုတ်လိုက်ပါအုံး ဆရာမရယ်)
အခု အဲသထက်ဆိုးသွားပြီ၊ "လစာကောင်းကောင်း" "စေတနာ" တဲ့။ "လစာကောင်းကောင်း" လိုချင်ရင်လည်း "စေတနာ" မသုံးဘဲ " "လစာနဲ့တန်အောင်" လို့ လုပ်ပါ ဥက္ကဋ္ဌကြီးရယ်။

ဘာတွေကို ရွေးမလဲ


မသိမှုတွေနဲ့ ပျော်နေတဲ့ကျနော်တို့ဘဝထဲကို ဂလိုဘယ်လိုက်ဇေးရှင်းဆိုတဲ့ သတ္တဝါကြီးတစ်ကောင် မီးတုတ်ကိုင်ပြီး ခုန်ဆင်းလာခဲ့တယ်။ သိတော့တာပေါ့၊ ကျနော်တို့ရဲ့ မပြည့်စုံမှုတွေ၊ ချိနဲ့မှုတွေ၊ ဖိနှိပ်ခံရမှုတွေ၊ နောက်ကျကျန်မှုတွေ။ ဂလိုဘယ်လိုက်ဇေးရှင်းအလင်းဟာ မပြည့်စုံမှုတွေကို မီးမောင်းထိုးပြလိုက်နိုင်ေ ပမဲ့ လမ်းလျှောက်ဖို့ကျတော့ ကျနော်တို့အတွက် ဖျော့တော့လွန်းနေပြန်ရော။
(စောနေလတ်၊ လူလားမမြောက်သေးတဲ့ အတွေးများ၊ ကမ်းကြည့်ငှက်မှ)

ရဲရဲဝံ့ဝံ့ပြောင်းရဲမှကိုရမယ်၊ "မိဘပြည်သူများခင်ဗျား" လေချိုသွေး ဆေးမြီးတိုနဲ့ နိုင်ငံရဲ့ရောဂါ ပျောက်ကို မပျောက်နိုင်ဘူး။
ဟစ်တလာသေလို့ပျော်တာက ဂျူးတွေ၊ ဦးသန်းရွှေသေပြီဆိုတဲ့ မတိမကျ သတင်းကြောင့် တိတိကျကျကြီးပျော်နေကြတာက မြန်မာစစ်စစ်တွေ။ ကုန်ကုန်ပြောမယ်၊ မန္တလေးတိုင်း၊ ကျောက်ဆည်သားတွေ အမျာကြီး။ မပြည့်စုံမှုတွေ၊ ချိနဲ့မှုတွေ၊ ဖိနှိပ်ခံရမှုတွေ၊ နောက်ကျကျန်မှုတွေကြောင့် အထားအသိုလွဲသွားတဲ့ ဒီနိုင်ငံရဲ့ စိတ်ဓာတ်ကို ရှော့မတွက်သင့်ဘူး။

မယုံရင် ဒီသတင်းဓာတ်ပုံကိုဆက်ကြည့်။ ပါကစ္စကိုကယ်ဖို့ တာလီဘန်ကို ချေ မှုန်းရမယ် တဲ့။
ဒါ အမှန်တရားပဲ။ မွတ်စလင်တွေအချင်းချင်း ဒီလိုအကွဲအပြဲဆိုတာ မနှစ်ကအထိ ကြားရခဲပါဘိ။
မရဘူး၊ သူတို့ဘဝထဲလည်း "ဂလိုဘယ်လိုက်ဇေးရှင်းဆိုတဲ့ သတ္တဝါကြီး တစ်ကောင် မီးတုတ်ကိုင်ပြီး ခုန်ဆင်း" လာနေပြီ။

ဦးနှောက်နဲ့မပြောင်းလဲနိုင်ရင် သွေးထွက်သံယိုတွေရှိတတ်သတဲ့။ လက်ရှိပြသနာကိုင်တွယ်ပုံတွေကိုကြည့်ရတာကတော့ ဦးနှောက်အရင်းအမြစ် အတော်အားနည်းဟန်တူတယ်။ ထားပါတော့။

"ပါကစ္စကိုကယ်ဖို့ တာလီဘန်ကို ချေမှုန်းရမယ်" ဆိုသလို မြန်မာကိုကယ်ဖို့ လူကြီးမင်းတို့က ဘာကို ချေမှုန်းကြမှာလဲ။
မကျေနပ်တဲ့ လူထုကို ပစ်သတ်မှာလား။
အဲဒါ တောရိုင်းတိရစ္ဆာန် အုပ်ချုပ်ရေး။

ကွန်မြူနစ်အမည်ခံ တရုတ်သမ္မတ


ကွန်မြူနစ်အမည်ခံ တရုတ်သမ္မတကိုကြည့်ပါ။
သူဟာ နိုင်ငံရေးကျမ်းကြေသူပါ၊ ဝမ်းနည်းကြောင်းပြောတယ်၊ နောက်ဆင်ခြင်ဖို့ သတိပေးတယ်။
သူဟာ"ဘယ်လိုပြောရမလဲပေါ့နော်"သမ္မတမျိုးမဟုတ်ဘူး။ ပြောရမယ့်စကားကို သိကိုသိတဲ့ သမ္မတ။

ဘာသာရေးနဲ့နိုင်ငံရေး


အီတလီကိုရောက်လာမယ့် ဒလိုင်းလားမားကို ပုတ်ရဟန်းမင်းကြီးက မတွေ့၊ ဖြစ်နိုင်တဲ့အကြောင်းကတော့ တရုတ်ကို စိတ်ကသိကအောက် မဖြစ်စေ ချင်လို့ဖြစ်မယ်လို့ ခန့်မှန်းချက်ပေးထားပါတယ်။
ဒါဟာ ဘာသာရေးခေါင်းဆောင်နှစ်ယောက်ကြားက နိုင်ငံရေးလား။ နောက်ပြီး ဒီနှစ်တွေအတွင်း ဒလိုင်းလားမားနဲ့ဘာသာမဲ့တွေကြား အလွန်ကောင်းမွန်တဲ့ ဆက်ဆံရေးကလည်း စိတ်ဝင်စားစရာတော့ကောင်းပါတယ်။



အမျိုးသမီး ပြတ်လပ်မှု

ကလေးတစ်ယောက်စနစ်၊ သားယာက်ျားလေးမှလိုချင်တဲ့ အယူသည်းရှေးဟောင်း ယဉ်ကျေးမှုကြောင့် တရုတ်ပြည်ကျေးလက်ဒေသတွေမှာ အမျိုးသား အမျိုးသမီးဦးရေ မညီမမျှဖြစ်နေတယ်။ ဒီတော့ အိမ်နီးချင်းနိုင်ငံတွေဆီ ဇနီးလောင်းရှာပုံတော်ဖွင့်ကြတယ်။ အဲဒီကတဆင့် လူကုန်ကူးတဲ့အဆင့်ရောက် ကုန်တယ်။ ဗီယက်နမ်တင်မကဘူး၊ ဒီပြဿနာက မြန်မာပြည်အပေါ်လည်း အကြီး အကျယ် သက်ရောက်မှုရှိနေတယ်။

စဉ်းစားစရာက လက်ရှိမြန်မာ့ယဉ်ကျေးမှုကို ရာနှုန်းပြည့်ကျင့်သုံးနေကြပြီဖြစ် တဲ့ မြန်မာပြည်ဖွား တရုတ်လူမျိုးတွေ(တချို့က ရာနှုန်းပြည့်၊ တချို့က ၅၀ ၅၀၊ တချို့က ၇၅ ၂၅) ကို ရာနှုန်းပြည့်အသိအမှတ်မပြုခင် မြန်မာစကားတောင် မပြော တတ်တဲ့ ပြည်ကြီးတရုတ်တွေ မြန်မာနိုင်ငံသားဖြစ်နေတဲ့ကိစ္စပါ။ အခုမှဖြစ်နေတာမဟုတ်သလို ဒါကိုတားဆီးနိုင်တဲ့နည်းလမ်းလည်း မရှာနိုင်သေးဘူးထင်တယ်။

ဗိုလ်ချုပ်ကြီးဟောင်းတွေ၊ တရုတ်တွေရဲ့ဝင်ငွေတွေ ရောမွှေလို့ GDP တက်လာ တာက နိုင်ငံစီးပွားရေး တကယ်ဦးမော့လာတာ မဟုတ်ဘူး။ စာရင်းအရ နိုင်ငံက ချမ်းသာပြီး စားစရာမရှိတဲ့ လူဦးရေက ၈၀ ရာခိုင်နှုန်းကျော် ဖြစ်နေမယ်။

ဒီလိုသတင်းလေးတွေ လုပ်ပါအုံး ဦးရဲထွဋ် ရ (၃)


တရုတ်သမ္မတ ရှီကလေ ၂၀၀၂ခုကနေ ၂၀၁၂ ခုအထိ လာဘ်စားလာတဲ့ စွမ်း အင်ဝန်ကြီးဌာနအကြီးအကဲ မစ္စတာလျူကို ဆော်ထည့်လိုက်ပြန်ပြီတဲ့ဗျ၊ ထောင် ဒဏ် တစ်သက်တစ်ကျွန်းတဲ့ဗျာ။ ပိုင်ဆိုင်သမျှတွေလည်း အားလုံး ပြည်သူပိုင် သိမ်းချလိုက်တာ တဲ့။ အဲသလိုသတင်းလေးတွေပါလာရင် ဦးရဲထွဋ်တို့ဆရာ တပည့်ကို လူတွေချစ်လာမှာ၊ "ပုလင်းတူ ဖော့တုံး" လို့လည်းပြောကြမှာ မဟုတ်တော့ဘူး။
အဲဒီ သူခိုးကြီး လျူက သူ့သားနောင်ရေးအတွက် ခိုးခဲ့မိတာပါ၊ အခုနောင်တရပါ တယ်တဲ့။ မခက်ဘူးလားဗျာ။ လူတိုင်းလိုလို သားသမီးရှိနေတာကြီးကို။



စင်္ကာပူနဲ့တရုတ်ဆီက အတုခိုးရင်လည်း ကောင်းတာလေးတွေ ရွေးခိုးကြပါ ဗျာ။ တော်ကြာအိုင်းစတိုင်းပြောသလိုဖြစ်နေအုံးမယ်။ ခင်ဗျားလည်း ဝန်ကြီးတစ်ယောက်ပဲ၊ ကြားဖူးမှာပါ။
သူ့ဇနီးချောချောလေးက
"ရှင့်ကိုလက်ထပ်တာက ရှင်လို ဉာဏ်ကောင်းပြီး ကျမလို ရုပ်ချောတဲ့ကလေး ရချင်လိုိ့" ဆိုတော့အိုင်းစတိုင်းက
"ကောင်းရောကွာ၊ ဒါပေမဲ့ ငါလိုရုပ်ဆိုးပြီး မင်းလိုအူတူတူလေး မွေးလာမှာလည်း စဉ်းစားထားအုံး" လို့ ပြောခဲ့တယ်ဆိုတာလေ။

ပြည်သူတွေ စိုးရိမ်တာက စင်္ကာပူဆီကရောတရုတ်ဆီကပါ မဟုတ်တာတွေ အတုခိုးမိကြမှာကိုတဲ့ဗျာ။ စိတ်မရှိနဲ့နော်။ ဦးရဲထွဋ်တို့ဆရာတပည့် အခုတလော နာမည်ကောင်း သိပ်မထွက်လို့ ကျုပ်က ကြားကနေ ပြောတာရတာပါဗျာ။

ဂွတ်လပ်၊ တိတ်ကဲယား ဒကာကြီးဦးသိန်းစိန်


ယနေ့သတင်းစာကောက်လှန်တော့ အောက်ပါပုံကို ထင်းထင်းကြီးတွေ့ရသည်။ ယင်းပုံထဲမှာပင် ဒကာကြီး ဦးသိန်းစိန်ပုံက ပို၍ထင်းနေလေသည်။ ယဉ်ကျေးမှု မျက်စေ့ဖြင့် အေး၏။ ဂလိုဘယ်မျက်စေ့ဖြင့် တစ်မျိုးလေးဖြစ်နေ၏။ ကိစ္စမရှိပါ။ သီဟနာဒမှာ မျက်စေ့နှစ်လုံးရှိသဖြင့် တစ်လုံးစီ ခွဲကြည့်လိုက်ပါသည်။

ယနေ့မနက်ရေးချင်သည်က ဝတ်စားဆင်ယင်မှုအကြောင်း အတိုအထွာသာဖြစ် ၏။
ကမ္ဘာမှာ ဝတ်စားဆင်ယင်မှုလုံးဝကွဲနေသည့် လူ့အဖွဲ့အစည်း သုံးခုရှိသည်။ (ဘာသာရေး ခေါင်းဆောင်များကို မထည့်သွင်းပါ)
၁။ အာဖရိကန် လူရိုင်းများ
၂။ မွတ်စလင်အမျိုးသမီးများ
၃။ ကမ္ဘာအရပ်ရပ်ရှိ အိန္ဒိယန်း ဆစ်ခ်ဘာသာဝင်များ ဖြစ်ကြသည်။

ယနေ့အထိ သူတို့ ဝတ်စားဆင်ယင်မှုကနေ လက်တစ်လုံးမှ မခွာလိုကြသည့် လူ့အဖွဲ့အစည်း များဟု ဆိုနိုင်သည်။ ဘယ်လောက်ခံမလဲ၊ ထာဝရပဲ ဒီအတိုင်း ရှိနေမလားက သီဟနာဒတို့ ဉာဏ်မီသောကိစ္စမဟုတ်။
သို့သော် မြန်မာပြည် လူ့အဖွဲ့အစည်းက သူတို့နဲ့မတူပါ။ မွေးစားတတ်သော အကျင့် ရှိသည်။ အထူးသဖြင့် လူငယ်ထုက မွေးစားရမှာကို မကြောက်ကြ။ လူကြီးတာဝန်က သူတို့ကို တားမြစ်ခြင်းမဟုတ်၊ ဘယ်ဟာကိုတော မွေးစား သင့်သည်၊ ဘာကိုတော့ မမွေးစားသင့်ဟု လမ်းပြခြင်းဟုထင်သည်။

ယင်းတို့အထဲတွင် ဂျင်းဘောင်းဘီယဉ်ကျေးမှုက အတော်ကောင်းသည်ဟု ထင် သည်။ ခိုင်ခြင်း၊ လုံခြုံခြင်း၊ အကြိမ်ကြိမ်ပြန်ဝတ်စရာ မလိုခြင်းစသည်တို့ဖြစ်သည်။ မိန်းကလေးများအတွက် ပိုလုံခြုံပြီးတောင်သူများအတွက် ဆူးဒဏ်ကို အကာ အ ကွယ်ပေးနိုင်သည်။ ကာလကြာမြင့်စွာကတည်းက လူငယ်နှင့် ဂျင်းဘောင်းဘီ ယဉ်ကျေးမှု အပေါ် မျက်စိစပါးမွေးမစူးခဲ့ဖူးပါ။ အခြားသူများစူးနေချိန် ကိုယ့်မှာ မစူးသည့်အတွက် ကံကောင်းသည်ထင်ပါသည်။
ဟာ့ ဒီကိုယ်တော် မဟုတ်က ဟုတ်ကတွေ မြှောက်ေးနေပြီထင်လျှင် စိတ်မကောင်းပါ။ ဤကိစ္စက "မဟုတ်က ဟုတ်က" မဟုတ်၊ "ဟုတ်က ဟုတ်က" သာဖြစ်ပါသည်။

ကျွန်ုပ်တို့ လူ့အဖွဲ့အစည်းထဲမှာ သခင်ကိုယ်တော်မှိုင်းတောင်ရှည်မရှိတော့ပါ။ သခင်ကိုယ်တော်မှိုင်းမျိုးချစ်စိတ်တော့ရှိကြပါသည်။ အထင်ရှားဆုံးကတော့ တပ်မတော်သည် မဟာဗန္ဓုလယူနီဖောင်းနဲ့ ရှေ့တန်းမထွက်တော့ခြင်းဖြစ်သည်။
လူမျိုးတိုင်းမှာ ယဉ်ကျေးမှုဝတ်စုံရှိသည်၊ ယဉ်ကျေးမှုပွဲလမ်းတိုင်း ထိုဝတ်စုံများကို အမျိုးသားရေးလက္ခဏာအနေနဲ့ဝတ်ဆင်ကြသည်။ အချို့က အနည်းငယ်ပိုသည်၊ ကဲသည်။

ဝဋ်ကြွေးကြောင့် နိုင်ငံရေးစာအုပ်များဖတ်မိသောအခါ နိုင်ငံခေါင်းဆောင်များကိုယ်တိုင် ယဉ်ကျေးမှုအဝတ်အစားများကို အထူးအလေးထား ဝတ်ဆင်လာတတ် သည်ဆိုတာကို တွေ့ရသည်။ ယင်းသို့ဝတ်ရခြင်း၏ အဓိက အကြောင်းနှစ်ရပ်က
၁။ ယဉ်ကျေးမှုကို ကာကွယ်ပြရမည်ဟု သူတို့ကိုယ်တိုင် ရှေ့မှနေဦးဆောင်ပြခြင်း။
၂။ နိုင်ငံထဲရှိ အစွန်းရောက်၊ မရောက်အမျိုးသားရေးဝါဒီတို့၏ထောက်ခံမှုကို ဤနည်းဖြင့် အမိအရဖမ်းယူရမည်၊ လစ်ဘရယ်ဝါဒီအပေါ် အသာစီးယူရမည်ဟု သဘောပိုက်ကာ လူထုနှင့်အတိုက်အခံ၏ အားနည်းချက်ကို အခွင့်ကောင်း ယူခြင်းတို့ ဖြစ်ကြလေသည်။

ရဟန်းတစ်ပါးအနေနဲ့ ယုံကြည်နေချင်မိသည်မှာ မိမိတို့ သမ္မတကြီးသည် နံပါတ် တစ် အကြောင်းကြောင့် ဤသို့ဝတ်စားသည် ဟူသောအချက်ဖြစ်ပါ သည်။ ဖြစ် ပါစေဟုလည်း ဆုတောင်းမိပါ၏။

ဂွတ်လပ် တိတ်ကဲယား ဒကာကြီးဦးသိန်းစိန်။




အမှာ။ ။ (ဒကာကြီး ဦးသိန်းစိန်ဟုဆိုသဖြင့် ဦးတင်မောင်ဝင်းတို့အဖွဲ့က နောက် ကြပေတော့မည်၊ မတတ်နိုင်၊ ဤစကားက သူကိုင်တိုင် "ကိုယ်တော့် ဒကာကြီး ဦးသိန်းစိန်၊ ကိုယ်တော့် ဒကာကြီးဦးသိန်းစိန်" ဟု သုံးခဲ့သည့် ဝေါဟာရသာဖြစ် သည်မဟုတ်ပါလား)

သမ္မတကြီး ဖတ်မိစေချင်သည်


ဂျပန် မေဂျိပြုပြင်ပြောင်းလဲရေးကာလ အမျိုးသား အဓိဋ္ဌာန် ၆ ချက်

ကျွန်ုပ်တို့ တစ်မျိုးသားလုံး သစ္စာအဓိဋ္ဌာန်ပြုကြပါသည်...
၁။ ကျယ်ပြန့်သော အခြေခံလိုအပ်ချက်၊ အခြေခံဥပဒေနှင့်အညီ နိုင်ငံတော်၏ ကြွယ်ဝချမ်းသာမှုကိုရရှိအောင် တည်ဆောက်သွားကြပါမည်။

၂။ အမျှော်အမြင်ရှိ တွေ့ဆုံဆွေးနွေးပွဲများ ကျယ်ကျယ်ပြန့်ပြန့်ပြု လုပ်ပြီး ဖြစ်ပေါ် လာသမျှ အရေးကိစ္စတိုင်းကို ပွင့်လင်းမြင်သာစွာဆွေးနွေးဆုံးဖြတ်သွားကြပါမည်။

၃။ ဆင်းရဲ ချမ်းသာ လူတန်းစားအားလုံး နိုင်ငံတော်၏ ဦးဆောင်မှုအောက်၌ တညီတညွတ်တည်း ရှိနေကြပါမည်။

၎။ ပြည်သူ့ဝန်ထမ်း၊ စစ်မှုထမ်းများပါမကျန် သာမန်လူတန်းစားအားလုံး မိမိတို့ ယုံကြည်ရာအိပ်မက်အမှန်တကယ်ဖြစ်လာရန် အကောင်အထည်ဖော်ခွင့် ရှိနေရမည်။

၅။ အတိတ်က အကျင့်ဆိုးများကို ခဝါချပြီး အရာခပ်သိမ်း လောကနိယာမနှင့်အညီ ကျင့်သုံးသွားကြပါမည်။

၆။ အင်ပါယာ၏ အခြေခံဥပဒေတော်များ ပျံ့နှံ့အားကောင်းလာစေရေးအတွက် ကမ္ဘာအရပ်ရပ်က ပညာရပ်များကို အပတ်တကုတ် လေ့လာဆည်းပူးသွားကြ ပါမည်။

(Henry Kissinger. World Order. P 186-187)

နံပါတ် ၅ နဲ့ ၆ ဟာ မြန်မာပြည်အတွက် သိပ်အရေးကြီးနေတယ်။
စာအုပ်အသစ်ထွက်ရင် ဂျပန်က ဘာသာပြန်ပြီးသား။ အင်္ဂလိပ်ဝေါဟာရအသစ်ထွက်ရင် ဂျပန်လို မွေးစားပြီးသား။
ကဲ နံပါတ် ၅ ကရော ဘယ်လိုလဲ။ အားမရလှဘူး။

အမြှောက်မခံတဲ့ ဦးသိန်းစိန်အစိုးရ


အရင်လကပဲ အိမ်ဖော်တွေရပ်ထားတယ်၊ ရသင့်တဲ့ အခွင့်ရေးတွေ ရမှသဘော တူမယ် ဆိုလို့ တို့အစိုးရ လူရည်လည်လာပြီဆိုပြီး အားရဝမ်းသာ ဆောင်းပါးကောက်ရေးမိပါတယ်၊ သူတို့ယုံမိလို့ ကိုယ့်ဖေ့စ် ဘုတ်တောင် နာမည်ပျက်သေးတယ်။ အဲဒီကတည်းက တွေးတွေးဆဆကွန်မင့်တချို့က "ဟုတ်ကြပါ့မလား ကွယ်တို့၊ ကလေးတွေ ပိုပြီး ဒုက္ခရောက်ကုန်ပါ့မယ်" လို့ ဆိုခဲ့ကြတယ်။ သူတို့သံသယက အမှန်ပဲ။ နောက်ပိုင်း သတင်းတွေအရ အူကြောင်ကြောင် မြန်မာအစိုးရ ဘာဥပဒေတွေထုတ်ထုတ် အိမ်ဖော်တွေက စင်္ကာပူထဲ ဝင်လာမစဲ ပဲလို့ သိရပြန်တယ်။ ဒါက သတင်း၊ ကိုယ်တွေ့မဟုတ်သေးဘူး။

ဒီနေ့မနက် ဖုန်းဝင်လာတယ်။ မြန်မာနဲ့ဆိုင်တယ်ဆိုပြီး အတွင်းရေးမှူးကပေး လို့ ဖြေလိုက်ရတယ်။ စလုံးအမျိုးသမီးကဆက်တာ။ သူမအိမ်ဖော် အသစ်က မြန်မာ၊ ဗုဒ္ဓဘာသာ၊ ဒီနေ့ နေ့ထူးနေ့မြတ်မို့ (သတင်းကျွတ်အပြီး ပထမဆုံး တနင်္ဂနွေပေါ့) ပရေးယားလုပ်ချင်တယ်ဆိုလို့ သူမအနေနဲ့ ဘာ လုပ်ပေးသင့်သလဲ လှမ်းမေးတာ။

သူမဆန္ဒကို ဖြည့်ဆည်းပေးလိုရင် (If you are kind enough) မြန်မာဘုန်းကြီးကျောင်း တစ်ကျောင်းကျောင်းကို လိုက်ပို့ပေးလိုက်ပါ လို့ အကြံပြုလိုက်ရတယ်။
ဥပဒေလျှောက်ထုတ်ပြီး တည်အောင်မကိုင်တွယ်နိုင်တဲ့အစိုးရကို ဘယ်သူက လေးစားမှာလဲ။
တကယ့်ကို ပြောချင်ရာပြော၊ လုပ်ချင်ရာလုပ်ပဲ။ လူရယ်စရာကြီး။ အတော်အသုံးမကျတဲ့ အစိုးရ။
ကိုဝန်းသိုရေ ကျုပ်မှားပါတယ် လို့ပဲ ပြောရတော့မှာပဲ။

ထောက်ခံပါတယ် အလုပ်သမားဝန်ကြီး


အနိုင်ကျင့်နှိပ်စက်မှုတွေကို စိုးရိမ်လို့ မြန်မာအိမ်ဖော်တွေ စင်္ကာပူလာခွင့် ငါးလ ရပ်ဆိုင်းထားမယ်လို့ သိရပါတယ်။ အနည်းဆုံးတော့ အလုပ်သမားတွေရဲ့ ဒုက္ခ နဲ့လူထုရဲ့ စိုးရိမ်မှုကို အသိအမှတ်ပြုရာ ရောက်ပါတယ်။

၁။ အိမ်ဖော်လာလုပ်ခြင်းဟာ (နိုင်ငံတော်အတွက်၊ တစ်ဦးချင်းစီအတွက်) ရေ ရှည်ပြသနာဖြေရှင်းခြင်း မဟုတ်နိုင်ဘူး။
၂။ အမျိုးသားရေး သိက္ခာအရ မစွံလှဘူး(စိတ်မကောင်းပါ။ ဒီနေရာမှာ "အလုပ် ဟူသမျှ ဂုဏ်ရှိစွ" ကို ကိုင်မထားချင်ပါဘူး။ သဘောတူသူ၊ မတူသူ အများအပြား ရှိနိုင်၊ ပိုက်ဆံတစ်ပြားမှ မရှိလည်း သိက္ခာရှိချင်သေးသတဲ့)
၃။ စင်္ကာပူဟာ အိမ်ဖော်မရှိရင် ပြသနာပေါင်း သောင်းခြောက်ထောင် တက်သွားနိုင်လို့ လျှော့ မပေးသင့်။

၁ နဲ့ ၂ က ရှင်းလွန်းလှပါတယ်။ ၃ ကိုတော့ ရေးချင်ပါတယ်။
လူဦးရေပြသနာကြောင့် သူ့လူတွေကို အိမ်ထောင်ပြုစေချင်၊ ကလေးယူစေချင် တဲ့အစိုးရဟာ သူ့လူမျိုးတွေရဲ့ ဝန်ထုပ်ကို (နော်ဝေတို့လို) လျှော့ချဖို့လည်း လုပ် မပေးနိုင်သေးဘူး။ လင် မယား နှစ်ယောက်စလုံး အလုပ်လုပ်မှ ရပ်တည်လို့ ရတယ်။
ဒါဆို ကလေးတွေကို ဘယ်လို စောင့်ရှောက်မလဲ။
နောက်ပြီးတိုးပွားလာတဲ့ သက်ကြီးရွယ်အိုကိစ္စ ရှိသေးတယ်။ ဒါ့ကြောင့် အိမ်ဖော်မရှိရင် ပြသနာပေါင်း သောင်းခြောက်ထောင် တက်သွားမယ်။ ဒါကိုသိတဲ့ အစိုးရဟာ အိမ်ဖော်ကိစ္စကို တတ်နိုင်သမျှ အဆင်ပြေအောင် ဆောင်ရွက်ပေးနိုင်ဖို့ HOME ဆိုတဲ့ လူမှုရေးအဖွဲ့ ဖွဲ့ပေး ထားတယ်(အခြားအဖွဲ့တွေ ရှိသေးတယ်၊ နယ်ပယ်အသီးသီးမှာ၊ အစိုးရရဲ့ တိုက်ရိုက်စီမံခန့်ခွဲမှု)။
ဒီပလိုမေစီစကားအရ စင်္ကာပူကို အလုပ်လာလုပ်သူတိုင်း အလုပ်သမား အခွင့် အရေး ရ,ရမယ်။ အရပ်စကားနဲ့ပြောတော့ ခပ်ညံ့ညံ့ အင်ဒို၊ ဖိလစ်ပိုင်နဲ့မြန် မာနိုင် ငံတွေဆီက အိမ်ဖော်တွေမရှိရင် သူ့ရဲ့ လူမှုရေး၊ စီးပွားရေးတွေ ကမောက် ကမဖြစ်သွားနိုင်လို့ သူ့ကိုယ်သူ ကာကွယ်တာပါပဲ။ လာချင် လွှတ်ချင်အောင် လုပ်ထားတာ။ သိပ် အဆိုးမြင်သွားသလား။ မတတ်နိုင်ဘူး၊ ဖြစ်နိုင်ခြေကိုတော့ စဉ်းစားသုံးသပ်ရမှာပဲ။ အူကြောင်ကြောင် အကောင်းမြင်သမား မလုပ်ချင်ဘူး။



ဒီတော့ စင်္ကာပူရှိမြန်မာသံအမတ်က စင်္ကာပူက အေးဂျင့်တွေနဲ့ သဘောတူညီမှု ရဖို့ ညှိနှိုင်းသလို အင်ဒို၊ ဖိလစ်ပိုင်သံအမတ်တွေနဲ့လည်း ဒီကိစ္စ စကားပြောသင့် တယ်။ ဆွေးနွေးသင့်တယ်။ အိမ်ဖော်တွေ အခွင့်အရေးပိုရအောင် လုပ်သင့် တယ်။ ပြောခဲ့ပြီ၊ သူတို့ရှိနေလို့ စင်္ကာပူ အဆင်ပြေနေတာ။ နို့မို့ ကလေး၊ အိုမင်း မစွမ်းမိဘ၊ ဝင်ငွေ၊ ဖိအားများတဲ့ လိုက်ဖ်စတိုင်လ်၊ ဈေးကြီးလှတဲ့ လူနေမှုစနစ်။ ဒီပြသနာက သေးသေးလေး မဟုတ်ဘူး။

မြန်မာနိုင်ငံအနေနဲ့ကတော့ ရေရှည်မှာ ဒီအလုပ်ကို အပြီး ပိတ်နိုင်အောင် လုပ် ရမယ်။ ၂၀၀၃ ခုအထိ အိမ်ဖော်ဆိုတာ မရှိသလောက်ပဲ။
ဒါက ဖြေဆေး၊ ထွက်ပေါက် လုံးဝမဟုတ်ဘူး။
သဘောမတူရင် ဆောရီးပါ။