ကမ်းလက် ပရိုဖိုင်


ရဟန်းဘွဲ့။ ။ ဦးစိတ္တရ
နေရပ်။ ။ လက်ပန်ရွာ၊ မြင်းမူမြို့နယ်၊ စစ်ကိုင်းတိုင်း၊
လက်ရှိ သီတင်းသုံးရာ။ Mangala Vihara BuddhistTemple, 30 Jalan, Eunos, Singapore, 419495
ရာထူး။ ။ ကျောင်းထိုင်။ ဆန်းဒေးဓမ္မကလပ်စ် ဩဝါဒါစရိယ။ Buddhist and Pali Collage( Singapore) အုပ်ချုပ်စီမံ၊ နည်းပြ။
ကျောင်ပြင် လုပ်ဆောင်မှု။ ။ National University of Singapore ဗုဒ္ဓဘာသာအဖွဲ့ ဩဝါဒါစရိယ (Spiritual adviser)။
ကလောင်အမည်များ။ ။ ဇင်ဝေသော်၊ စောနေလတ်၊ သီဟနာဒ၊ (တစ်ခါတစ်ရံ ဦးကိုမောင်၊ ဆုထားမျက်ချယ်)



ASTROLOGY- ( နက္ခတ္တပညာ)


Astrology ( ဇောတိသတ္တ “သို့” နက္ခတ္တဝိဇ္ဇာ) ဆိုတာ နက္ခတ်တာရာတို့ရဲ့ တည်ရှိနေပုံနဲ့ ဆက်စပ်ပြီး လူတစ်ယောက်ရဲ့ စိတ်နေစရိုက်နဲ့ ဘဝပန်းတိုင်အပေါ် အကျိုးသက်ရောက်မှုရှိစေတယ်လို့ ယုံကြည်တဲ့ပညာရပ်တစ်ခုပါ။ ဒီယုံကြည်မှုက ဗုဒ္ဓဘာသာရဲ့ အခြေခံအဆုံးအမ တော်တော်များနဲ့ ဆန့်ကျင်ပါတယ်။ ဗုဒ္ဓဘာသာအရ လူတစ်ယောက်ရဲ့ စိတ်နေစရိုက်နဲ့ ဘဝပန်းတိုင်ဆိုတာ ကံသုံးပါးအပေါ်မှာပဲ အခြေခံပါတယ်။ ရဟန်း၊ သီလရှင်တွေကို နက္ခတ္တပညာနဲ့ အခြားသော ဝေဒဆိုင်ရာပညာတွေ မပြုလုပ်ကြဖို့ ဘုရားရှင်က တားမြစ်ခဲ့ပါတယ်။ ဒါတွေကို မဂ်၊ ဖိုလ်မှ ဖီလာဖြစ်တဲ့အတတ် (တိရစ္ဆာန ဝိဇ္ဖာ) တွေလို့ သတ်မှတ်တော်မူပါတယ်။ (D-1, 8)

    ဇာတ်တော်တစ်ခုထဲမှာ နက္ခတ္တပညာရဲ့ အညွှန်းအတိုင်း မှီခိုနေထိုင်ခြင်းဟာ ရူးသွပ်မှုတစ်ခုသာဖြစ်တယ်လို့ မိန့်ဆိုခဲ့ပါတယ်။ ( Ja-1, 258)

    ယုတ္တိကျကျပြောရရင် ၁၉၃၀- ခုမတိုင်ခင် တွက်ချခဲ့တဲ့ နက္ခတ္တပညာဟောကိန်းတွေဟာ မမှန်နိုင်ပါဘူး။ ဘာလို့လဲဆိုရင် ပလူတိုဂြိုလ်ကို ၁၉၃၀- ခုမှ စတင်တွေ့ရှိခဲ့တာဖြစ်ပြီး အဲဒီအချိန်အထိ ပလူတိုကို ဂြိုဟ်တစ်ခုအနေနဲ့ အသိအမှတ် မပြုခဲ့ရလို့ပါ။ ၁၉၃၀- နောက်ပိုင်းမှာ တွက်ချက်ခဲ့တာတွေလည်း မမှန်နိုင်ပြန်ပါဘူး။ ဘာလို့လဲဆိုရင် သက္ကရာဇ် ၂၀၀၅- ခုနှစ်မှာ အခြားဂြိုဟ်သစ်တစ်ခု ထပ်တွေ့ခဲ့ရပြီး အဲဒီဂြိုဟ်ကိုလည်း ထည့်သွင်းမစဉ်းစားရသေးလို့ပါ။
    ဗုဒ္ဓဘာသာ အဆုံးအမနဲ့မညီပေမယ့် ဗုဒ္ဓဘာသာနိုင်ငံတွေက လူတွေက အဲဒီနက္ခတ္တပညာကို ယုံကြည်ကြပါတယ်။ ရဟန်းတော်တွေကိုယ်တိုင်ကတောင် ဗေဒင်ဟောပြောမှုတွေ ရှိနေတတ်ပြန်ပါတယ်။

Apprecition (ကျေနပ်ဝမ်းမြောက်မှု)


ပါဠိလို မောဒနာဟာ တစ်စုံတစ်ရာ တစ်ယောက်ယောက်ရဲ့ကောင်းကွက်ကို ကြည့်ပြီး ပျော်ရွှင်ရတဲ့ ဝမ်းမြောက်မှုတစ်မျိုးပါ။ အပြုသဘောဆောင်တဲ့စိတ်ဓာတ်ဖြစ်ပြီး ကျေးဇူးတရား၊ မုဒိတာတရားတွေနဲ့  အနီးကပ် ဆက်ဆံမှုရှိပါတယ်။ ဝမ်းမြောက်ဝမ်းသာဖြစ်စေတဲ့အပြင် ကိုယ့်စိတ်တို့ ကိုလည်း တက်ကြွလာစေပါတယ်။
                ဘုရားရှင်က အချက်လေးချက်နဲ့  ရှင်းပြတော်မူတယ်။
                ၁။ ကိုယ့်ရဲ့ အားသာချက်
                ၂။ သူတစ်ပါးရဲ့ အားသာချက်
                ၃။ လူသားတစ်ယောက်အဖြစ် ဖွားမြင်ခဲ့ရခြင်း
                ၄။ ကျေနပ်စရာ အခွင့်အလမ်းတွေ ရရှိနေခြင်း တိုနဲ့  ပတ်သက်လို့  ဝမ်းမြောက်မိစေဖို့ပါ။
               ကိုယ့်အားနည်းချက်တွေကို ထိမ်းသိမ်းရာမှာ ဒီဓမ္မနဲ့  လက်တွေ့ ကျင့်သုံးကျော်လွှားနိုင်ပါတယ်။ ဒါ့အပြင် အားငယ်စိတ်တွေကို ကျော်ဖြတ်ဖို့  ကိုယ့်ရဲ့ကိုယ်ကျင့်သီလကို ပြန်လှန်သုံးသပ်မိဖို့  ဘုရားရှင်က ဆုံးမတော်မူပါတယ်။ (သီလာနုဿတိ) လူက တစ်ခါတစ်ခါ ဒါကို မေ့နေတတ်တယ်။
            ဒီဘဝမှာလည်း ကျေနပ်
            နောင်ဘဝမှာလည်း ကျေနပ်
            နှစ်ဘဝလုံးမှာလည်း ကျေနပ်
            ကောင်းမှုတွေကို ပြုမိ၊ စဉ်းစားသုံးသပ်မိသူတွေဟာ နှစ်ဘဝလုံးကျေနပ်
            (Dhp.16)
            အေးငြိမ်းမှုကို မြင်ရ၊ ကြားရတဲ့အခါ၊ သူတစ်ပါးတွေရဲ့ ကြင်နာမှု၊ ကောင်းမှုတွေကို စဉ်းစားမိတဲ့အခါ ဒီအခါတွေမှာ ကိုယ်တိုင်လည်း ကျေနပ်မှု၊ အားကျမှု စတဲ့ခံစားချက်တွေနဲ့  ပြည့်နှက်နေတတ်ပါတယ်။ တကယ် သဒ္ဓါတရားနဲ့ ပြည့်စုံတဲ့သူတစ်ယောက်ဆိုရင် သူတစ်ပါးရဲ့ ဒီလို ဂုဏ်ပုဒ်တွေကို ကြည့်ရင် “ငါလည်းပဲ သာရိပုတ္တ အရှင်၊ မောဂ္ဂလာအရှင်၊ ခေမာအရှင်၊ ဟတ္ထက ဥပါသကာ၊ ဥဇ           ဥပါသိကာ တို့ ကို ဖြစ်ချင်လိုက်တာလို့ ” အားကျမှုတွေလည်း ဖြစ်စေနိုင်တယ်လို့  ဘုရားရှင်က မိန့် မှာပါတယ်။ (A.1, 88)

Ananda(အာနန္ဒ)


           အာနန္ဒ(အရှင်)ကဘုရားရှင်ရဲ့ ဦးရီးတော်အမိတောဒနရဲ့သားဖြစ်ပါတယ်။ ဘုရားရှင်ရဲ့ နှောင်းပိုင်း (၃၅) နှစ်ကာလတစ်လျှောက်လုံး အလုပ်အကျွေးရဟန်းတစ်ပါးဖြစ်ခဲ့ပြီး ရဟန်းရှင်လူပရိသတ်ရဲ့ ချစ်မြတ်နိ်ုးခြင်းအခံရဆုံး ရဟန်းတော်တစ်ပါးလည်းဖြစ်ခဲ့ပါတယ်။
သာရိပုတ္တအရှင်ဟာ ပညာကိုကိုယ်စားပြုပြီး မောဂ္ဂလာန်အရှင်ဟာ တန်ခိုးဣဒ္ဓိပတ်ကို ကိုယ်စားပြုတယ်ဆိုရင် အာနန္ဒအရှင်ဟာ ကြင်နာမှုနှုးညံ့သိမ်မွေ့ မှုနဲ့မေတ္တာတရားကို ကိုယ်စားပြုပါတယ်။

        ဘုရားရှင်ကပင် အရှင်ရဲ့မေတ္တာထုံတဲ့ကံသုံးပါး (ကာယကံ၊ ဝစီကံ၊ မနောကံ)ကို ချီးကျူးတော်မူခဲ့ရပါတယ်။ (ဒီဃ၊၂၊၁၄၄)
         ဆိုလိုတာကတော့ လိုအပ်သူအတွက် အကူအညီပေးဖို့ အမြဲတမ်းအဆင်သင့်ဖြစ်နေတက်တယ်။ ဘယ် သူနဲ့ပဲပြောပြော သိမ်သိမ်မွေ့မွေ့ပြောတယ်။ သတ္တဝါတွေရဲ့အကျိုးကိုလိုလားတယ်။
        အာနန္ဒ(အရှင်)ဟာ တစ်ချို့ဂုဏ်ပုဒ်တွေမှာ ဘုရားရှင်နဲ့တောင်ဆင်ဆင်တူတယ်လို့ ဘုရားရှင်ကိုယ်တော်တိုင်မြွတ်ဟခဲ့ပါတယ်။ ရဟန်းရှင်လူပရိသတ်က အရှင့်ကိုတွေ့ရင်ကျေနပ်ကြတယ်။ အရှင်ရဲ့တရားတော် တွေကိုနှစ်ခြိုက်ကြတယ်။ ပရိသတ်ရဲ့ရင်တွင်းအပူတွေကို အေးငြိမ်းစေနိုင်တယ်။ (ဒီဃ၊၂၊၁၄၄)ပထမသင်္ဂါယနာမှာ အရှင်ဟာ အဓိက အရေးပါဆုံးရဟန်းတော်ဖြစ်ခဲ့ပါတယ်။
         ဘုရားရှင်နဲ့အတူတကွ နီးနီးကပ်ကပ်အတူသီတင်းသုံးခဲ့ရပြဲီး ဘရားရှင်ရဲ့ဒေသနာတော်တွေကို လုံးစေပတ်စေ့အမှတ်ရတော်မူခဲ့လို့ သင်္ဂါယနာတင်စဉ်မှာ သူကိုယ်တိုင်နှုတ်နဲ့ရွတ်ဆိုပြီး အားလုံးထံလက်ဆင့်ကမ်း ပေးတော်မူခဲ့တယ်။ သုတ္တန်တစ်ခုအစချီတိုင်း " Thus have I heard”  (ဧဝံ မေသုတံ) ဆိုတဲ့ စကားတော်လေးပါတယ်။ ဒါဟာအရှင်မြတ်ရဲ့ နှုတ်ထွက်စကားလေးပေါ့။ (ဗုဒ္ဓဘာသာတတိုင်းရဲ့ အသည်းစွဲစကားလေးတစ်ခွန်းပါ။ ဧဝံမေသုတံ-စာပြန်သူ)
*Great Disciples of the Buddha, Nyanaponika Thera and Hellmuth Hecker, 1997

AMBEDKAR, BHIMRAO


Bhimrao Amberdkar  ဟာ 1891 ခုမှာအိန္ဒိယနိုင်ငံ ဇာတ်နိမ့်မိသားစုမှာမွေးဖွားခဲ့ပါတယ်။ အခြေခံပညာသင်ယူပြီးနောက် အင်္ဂလန်နဲ့အမေရိကကိုပညာသင်သွားဖို့ စကေားလာရခဲ့တယ်။ ပြီးတော့ အလွန်ထက်မြက်တဲ့ ရှေ့နေတစ်ယောက်ဖြစ်လာခဲ့တယ်။ အဲ့ဒိနောက်နှစ်အနည်းငယ်အတွင်းမှာ လူမှုပြုပြင် ပြောင်းလဲရေးအတွက် အသံကျယ်ကျယ်အော်ဟစ်တောင်းဆိုခဲ့သူလည်းဖြစ်တယ်။ အထူးသဖြင့်ကတော့ ဟိန္ဒီတွေရဲ့ဇာတ်ခွဲခြားမှုစနစ်ကို ဝေဖန်ရှုပ်ချခြင်းပါဘဲ။
         အိန္ဒိယလွတ်လပ်ရေးရပြီးနောက် နိုင်ငံတော်ဖွဲ့စည်းအုပ်ချုပ်ပုံမူ ရေးဆွဲရေးမှာ ဥက္ကဋ္ဌအဖြစ်ပါဝင်ခဲ့တယ်။ ဟိန္ဒီတွေကြားမှာ လူတန်းစားညီမျှရေးကြိုပမ်းချက်ကိုရရှိဖို့ နှစ်များစွာကြိုးစာခဲ့ပြီး မအောင်မြင်တဲ့နောက်မှာတော့ သူဟာ 1956 ခုနှစ်မှာ ဗုဒ္ဓဘာသာဖြစ်ဖို့ဆုံးဖြတ်ခဲ့တယ်။ သိန်းပေါင်းများစွာရှိတဲ့လူထုကြီးလည်းသူနဲ့ အတူ သရဏဂုံသုံးပါခံယူပြီး ဗုဒ္ဓဘာသာဝင်တွေဖြစ်လာခဲ့ကြတယ်။
        ဝမ်းနည်းကြေကွဲစရာပါ၊ အဲဒီ့လှုပ်ရှားမှုစပြီး လအနည်းငယ်အတွင်းမှာပဲ သူဟာဆုံးပါးသွားခဲ့ရှာပါတယ်။ ဒီနေ့အိန္ဒိယမှာဗုဒ္ဓဘာသာဝင် ( ၈ )မီလျံရှိပါတယ်။ အိန္ဒိယမှာပြန်လည်ရင်သန်လာတဲ့ ဗုဒ္ဓဘာသာအတွက် သူ့ ကိုဂုဏ်ပြုကြရမှာဖြစ်ပါတယ်။


 Ambedkar and Buddhism, Sangharakshita, 1986*

ရွာအနောက်ခြမ်းက အသံများ(၃)

The Life of the Buddha

ယခု သကျမုနိ ဘုရားရှင်အကြောင်း ဆွေးနွေးချင်ပါတယ်။ ဒါပေမယ့် ဗုဒ္ဓဝင်ဆန်ဆန် အသေးစိတ်တော့ မပြောလိုပါဘူး။ ဇာတ်လမ်း၊ ဇာတ်ကွက်တွေနဲ့ ဗုဒ္ဓဝင်ကတော့ ရှေးကရော အခုရော ရေးခဲ့ဖူးကြလှပါပြီ။ ဘုရားရှင်ရဲ့ ဖြစ်တော်စဉ်ကို အခြေခံပြီး ဗုဒ္ဓဘာသာရဲ့တန်ဖိုးကို ဖော်ပြနိုင်မယ့် အချက်တစ်ချို့ကိုသာ ဆွဲထုတ်ဆွေးနွေးသွားမှာပါ။

ရှေ့ကအခန်းနှစ်ခန်းမှာ အိန္ဒိယရှေးဟောင်းကိုးကွယ်မှု၊ အိန္ဒုမြစ်ဝှမ်း ယဉ်ကျေးမှုနဲ့ အားရီးယန်းတွေအကြောင်း ဆွေးနွေးခဲ့ပြီးပါပြီ။ မြောက်ပိုင်းဂင်္ဂါလွင်ပြင်နဲ့ နီပေါတာရိုင်း (Tarai) တို့ဟာ အဲဒီခေတ်က အိန္ဒိယရဲ့ အသက်သွေးကြောသဖွယ် ဖြစ်ခဲ့တဲ့ မဓယဒေသဟာ ဒီယဉ်ကျေးမှုနှစ်ခုအားပြိုင်ရာ၊ ပေါင်းစည်းရာဖြစ်လာခဲ့တယ်။ ဒါဟာ တိုက်ဆိုင်မှုသက်သက် မဟုတ်ပါဘူး။ အာရီးယန်းတွေ ဖြစ်တဲ့ ရသေ့၊ ရဟန်းတွေက သူတို့ အားရီးယန်းအကျင့်တွေကို သင်ကြားပို့ချကြဖို့ အာရီးယန်းတွေနဲ့အတူ အရှေ့ဘက်ကို ခြေဦးလှည့်ကြတယ်။

ဒီလို အင်အားကြီးယဉ်ကျေးမှုနှစ်ခု ထိပ်တိုက်ရင်ဆိုင်တွေ့ကြုံမှုဟာ ဘာသာယဉ်ကျေးမှုအသစ်တစ်ခု ပေါ်ပေါက်လာဖို့ တွန်းအားတစ်ခုဖြစ်ခဲ့ပါတော့တယ်။ ဘုရားရှင်ရဲ့ ဖြစ်တော်စဉ်နဲ့ အဆုံးအမတစ်ချို့ကို ဒီလိုသမိုင်းအထောက်အထား ရှုထောင့်တွေကနေ ကြည့်နိုင်ပါတယ်။ ရှေ့မှာပြောခဲ့သလိုပါပဲ လူမှုရေး၊ စီးပွါးရေးနဲ့ နိုင်ငံရေးအပြောင်းအလဲတွေဟာ ဘီစီခြောက်ရာစုလူတွေကို တိတိကျကျသက်ရောက်စေခဲ့ပြီး ဘာသာရေးယုံကြည်မှု အမြင့်ဆုံးကို ရောက်ရှိစေခဲ့တယ်။

ဒီလိုအပြောင်းအလဲတွေကို သင်ခန်းစာယူကြပြီး သူတို့ရဲ့ဘေးကင်းလုံခြုံမှုတို့နဲ့ ပတ်သက်လို့ မရေမရာမှုတွေ ခံစားလာကြရတယ်။ ဒီနောက် ဘာသာရေးဘက်ကို ခြေဦးပြန်လှည့်လာကြတယ်။ ဘာသာရေးယုံကြည်မှုက တည်ငြိမ်မှု ကိုဖြစ်စေပြီး စိုးရိမ်ကြောင့်ကြရမှုတွေကို အထိုက်အလျှောက်ငြိမ်းအေးစေနိုင်ပါတယ်။ ဒီလိုခေတ်အခြေအနေ မျိုးတွေဟာ ဘာသာရေးပြောင်းလဲမှု၊ ဘာသာရေးအားပြိုင်မှုတွေ အမြဲတမ်းဖန်တည်းပေးတတ်ပါတယ်။

ဘီစီခြောက်ရာစုက အိန္ဒိယမှာ ဘာသာတရားပေါ်ပေါက်ခဲ့သလို၊ တရုတ်ပြည်မှာလည်း ပေါ်ပေါက်ခဲ့တာပါပဲ။

ဘုရားဗုဒ္ဓဝင်ကနေအခြေခံပြီး အရေးအကြီးဆုံး ဘာသာရေးတန်ဖိုးသုံးခု ပေါ်ထွက်လာခဲ့တယ်။
၁။ ကာမဂုဏ်ကိုခွါပြီး တောရိပ်ခိုလှုံခြင်း
၂။ မေတ္တာနဲ့ ကရုဏာ
၃။ ပညာတို့ ဖြစ်ကြပါတယ်။

ဒီအချက်သုံးချက်ကို နေရာတိုင်းမှာတွေ့ရပြီး နိဗ္ဗာန်ရောက်ရေးမှာလည်း ဒါတွေဟာ အရေးအကြီးဆုံးအချက်တွေ ဖြစ်နေခဲ့ပါတယ်။ ဗုဒ္ဓဘာသာရဲ့ အဓိက အကုသိုလ်မူလတွေက လောဘ၊ ဒေါသ၊ မောဟတို့ဖြစ်ပြီး လောဘကို ကာမဂုဏ်မှစွန့်ခွါခြင်း၊ ဒေါသကို မေတ္တာနှင့် ကရုဏာ၊ မောဟကို တရားထိုင်ရှုမှတ်ခြင်းဖြင့် လွန်မြောက်နိုင်တယ်လို့ တွဲစပ်ပြထားပါတယ်။

သိဒ္ဓတ္ထမင်းသားဟာ (၇) နှစ်သားအရွယ်ကတည်းကကိုပဲ လယ်ထွန်မင်္ဂလာပွဲကို တွေ့ကြုံခဲ့ရတယ်လို့ ဆိုပါတယ်။ လယ်ထွန်မင်္ဂလာပွဲကိုကြည့်ရင်း သိန်းငှက်ရဲ့အစာဖြစ်ရရှာမယ့် တီကောင်ကိုတွေ့ခဲ့တယ်။ အဲဒီကတည်းက သတ္တဝါတွေဟာ ကိုယ့်ရှင်သန်ရေးအတွက် တစ်ယောက်ကိုတစ်ယောက် သတ်ဖြတ်စားသောက်နေကြရတယ်ဆိုတာ သဘောပေါက်ခဲ့တယ်။ အလောင်းတော်ဟာ နုစဉ်ဘဝကတည်းကပဲ ဒီလို ဒုက္ခသုက္ခတွေကို ရှုမြင်လာခဲ့ရတော့ ဘုရားဖြစ်လို့ ဒေသနာတွေကို ဟောရာမှာလည်း ဒုက္ခသစ္စာကို ဦးတည်ထားပါတော့တယ်။

နိမိတ်ကြီးလေးပါးကို မြင်ပြန်တော့ ရှောင်လွှဲမရတဲ့ အိုမှု၊ နာမှု၊ သေမှုတွေကို တွေခဲ့ရတယ်။ ဒါတွေနဲ့ ကင်းကွာဖို့ဆိုရင် ပရမတ္တသစ္စာကို ဆိုက်မှရမယ်။ ဒီအခါမှာ တောထွက်ခြင်းကိစ္စ ပေါ်ပေါက်လာခဲ့တော့တယ်။

ဒီလို နုနယ်တဲ့အရွယ်မှာ တောထွက်ခြင်းဟာ အဆင်မပြေတဲ့ဘဝကို စိတ်ဓာတ်တွေကျပြီး တောထွက်(ဖြစ်လေ့ဖြစ်ထ ရှိတဲ့) မှုမျိုး မဟုတ်ဘူးဆိုတာတော့ သတိရနေဖို့ အရေးကြီးပါတယ်။ အကောင်းဆုံး ကာမဂုဏ်တွေကို ခံစားနေရင်းနဲ့ အတွင်းက ပုန်းလျှိုးကွယ်လျှိုး ဒုက္ခအစစ်တွေကို ကျော်မြင်တော်မူခဲ့တယ်။ ဒီအမြင်ကပဲ သိဒ္ဓတ္ထမင်းသားကို တောထွက်ဖို့ တွန်းအား ပေးလိုက်တာပါ။

မေတ္တာနဲ့ ကရုဏာကို ကြည့်ကြပါစို့။ စိတ်ဝင်စားစရာအကောင်းဆုံး အဖြစ်အပျက်ကတော့ ဒဏ်ရာရနေတဲ့ ငန်းတစ်ကောင်အကြောင်းပါ။ ဘုရားဖြစ်တော်စဉ်အရ သိဒ္ဓတ္ထမင်းသားနဲ့ ဒေဝဒတ္တတို့ ဥယျာဉ်ထဲလမ်းလျှောက်နေကြတယ်။ ဒေဝဒတ်က ငန်းကို လေးနဲ့ပစ်တယ်။ သူတို့နှစ်ယောက်လုံး ငန်းဆီကိုပြေးသွားကြတယ်။ အပြေးပိုမြန်တဲ့ သိဒ္ဓတ္ထမင်းသားက ငန်းကိုရသွားခဲ့တယ်။

သိဒ္ဓတ္ထမင်းသားက ဒဏ်ရာရနေရှာတဲ့ ငန်းကိုပွေ့ယူပြီး အနာသက်သာအောင် ပြုစုပေးတယ်။ ဒေဝဒတ္တက သူပစ်လိုက်တဲ့ငန်းမို့ သူသာပိုင်ကြောင်း အခိုင်အမာပြောတယ်။ သူတို့နှစ်ယောက်ဟာ အဲဒီငန်းကိုယူ၊ တရားသူကြီးဆီ သွားရောက်ပြီး ဆုံးဖြစ်ချက်ကို ခံယူကြတယ်။ တရားသူကြီးက သိဒ္ဓတ္ထမင်းသားပိုင်စေလို့ ဆုံးဖြတ်တယ်။ အကြောင်းကတော့ ပြုစုစောင့်ရှောက်သူသာ ငန်းကိုပိုင်သင့်ပြီး ညှင်းပန်းနှိပ်စက်သူ မပိုင်သင့်ဆိုတာပါပဲ။

ဒီဇာတ်လမ်းလေးက နုနယ်တဲ့မင်းသားရဲ့ မေတ္တာနဲ့ ကရုဏာကို လှလှပပ ပုံဖော်ပေးပါတယ်။ ဘုရားဖြစ်ပြီးတဲ့ နောက်မှာလည်း မေတ္တာ၊ ကရုဏာရဲ့ ပုံရိပ်တွေက အများကြီးပါ။ အခါတစ်ပါးမှာ တိဿဆိုတဲ့ ဂိလာနရဟန်းကို ဘုရားရှင်ကိုယ်တိုင် ပြုစုပေးခဲ့ပါတယ်။ တိဿရဲ့ရောဂါက ရွံရှာစရာ ပြည်ပုပ်တွေနဲ့ရောဂါပါ။ ဒါကို ဘုရားရှင်က စံပြအနေနဲ့ သန့်ရှင်းပေးခဲ့ပါတယ်။

အခု အရေးအပါဆုံးဖြစ်တဲ့ ပညာကိစ္စကို ကြည့်ကြပါစို့။
လွတ်လပ်ရေးတံခါးတွေကို ဖွင့်ပေးတာ ပညာ၊ ဒုက္ခအားလုံးရဲ့ အဓိကတရားခံ မောဟကို ပယ်သတ်တာ ပညာပါ။

သစ်တစ်ပင်ရဲ့ အကိုင်းအခက်တွေ၊ ပင်စည်တွေကို ဖြတ်တောက်လိုက်ပေမယ့် အမြစ်က ကျန်နေသေးတော့ ဒီသစ်ပင်က ပြန်လည်စည်ပင်လာသလို ကာမဂုဏ်ခွါ တောထွက်ခြင်းနဲ့ လောဘကို နှိမ်နင်းနိုင်တယ်။ မေတ္တာ၊ ကရုဏာနဲ့ ဒေါသကိုနှိမ်နင်းနိုင်တယ်ဆိုပေမယ့် မောဟဆိုတဲ့ အမြစ်ကတွယ်နေသေးတော့ တဏှာနဲ့ ဒေါသက တဖန်ပြန်ပြီး စည်ပင်လာပြန်တယ်လို့ ရှင်းလင်းစွာ ပြသခဲ့တယ်။

အဓိကအကျဆုံးပညာကို ဘာဝနာနဲ့ပဲရနိုင်တယ်လို့ မှတ်သားရင် မှန်နိုင်ပါတယ်။ သကျမုနိအရှင်ရဲ့ ဗုဒ္ဓဝင်အရ စွန်နဲ့ တီကောင်ကိုကြည့်ရင်းနဲ့ သံဝေဂရပြီး ဝင်သက်ထွက်သက်ကို တရားမှတ်လိုက်တာ ပထမဈာန်အထိပင် ရောက်သွားခဲ့တယ်လို့ ဆိုပါတယ်။ ဒါက ဘုရားရှင်ရဲ့ဘဝမှာ ပထမဆုံးတရားရှုမှတ်တဲ့ သာဓကတစ်ခုပါပဲ။

နောက်တော့ အလောင်းတော်ဟာ တောထွက်ပြီး ပရမတ္တသစ္စာကို ရှာခဲ့တယ်။ ရှေးဦးပိုင်းမှာ အာဠာရ ကာလာမနဲ့ ဥဒကရာမပုတ္တဆိုတဲ့ ဆရာတွေရှိခဲ့တယ်။ ဒီဆရာကြီးနှစ်ပါးဟာ အိန္ဒုယဉ်ကျေးမှုရွှေခေတ်လို့ခေါ်ရင်ရတဲ့ ဘီစီ(၆)ရာစုမတိုင်ခင်ကာလရဲ့ တရားရှုမှတ်ခြင်း၊ စိတ်ကိုထိန်းသိမ်းခြင်းတို့ရဲ့ သာဓကတွေလို့ ပြောရင်ရပါတယ်။

ဆရာနှစ်ဆူဆီကရခဲ့တဲ့တရားက အခိုက်အတန့် အေးငြိမ်းစေနိုင်ပေမယ့် ဒုက္ခကို အမြစ်ဖြတ်မပြစ်နိုင်ဘူးဆိုတာ ဂေါတမအလောင်း သိခဲ့တယ်။ ဒါဟာ အရေးကြီးပါတယ်။ အိန္ဒုယဉ်ကျေးမှုက ပေါက်ပွါးပေးလိုက်တဲ့ ဘာဝနာအမှုဟာ အဆုံးကိုမရောက်လေတော့ ဘုရားရှင်က ဘာဝနာနဲ့ပတ်သက်လို့ ရှေ့အကျင့်ဟောင်းကိုမှီပြီး နယူးဒိုင်မင်းရှင်း ထပ်ဖြည့်ခဲ့ရပါတယ်။ အဲဒီ အမြင်သစ်ဟာ ဗုဒ္ဓဘာသာကို အခြားအခြားသော အိန္ဒိယဂိုဏ်းတွေထဲကနေ ကွဲသွားအောင် ခွဲထုတ်ပေးလိုက်တာပါ။

အကျဉ်းချုပ်ပြောရရင် ဗုဒ္ဓဘာသာနဲ့ ဟိန္ဒူစတဲ့ အိန္ဒိယဘာသာတွေကြားက ခြားနားမှုဟာ ဗုဒ္ဓဘာသာကဆိုလိုက်တဲ့ ဘာဝနာဟာ သူတစ်ခုတည်း အလုပ်မဖြစ်ဆိုတဲ့အချက်ပါ။

ဗုဒ္ဓဘာသာရှုထောင့်အရ တရားထိုင်ခြင်းဟာ ခဲတံချွန်ခြင်းနဲ့တူတယ်လို့ ဆိုနိုင်ပါတယ်။ ဆိုပါတော့ ခဲတံက ဘာအတွက် ချွန်သလဲ။ စာရေးဖို့ပါ။ ဒီလိုပါပဲ၊ တရားရှုမှတ်ခြင်းမှာလည်း ဦးတည်ချက်ရှိကို ရှိရပါမယ်။ အဲဒါ ပညာပါ။

တရားထိုင်ခြင်းနဲ့ ပညာကို မီးတုတ်အကူအညီနဲ့ ပန်းချီကားကိုကြည့်ခြင်း ဥပမာတင်စားလို့ရပါတယ်။ မှောင်ထဲက ပန်းချီကားကိုကြည့်ဖို့ မီးတုတ်လိုပါတယ်။ မီးတုတ်အလင်းက မကောင်းရင်၊ မီးတုတ်မီးက လေကြောင့် မငြိမ်သက်ရင်၊ မီးတုတ်ကိုင်ထားတဲ့လက်က မငြိမ်ရင် ပန်းချီကားကို ရှင်းရှင်းလင်းလင်း မတွေ့ရဘူး။

ဒီလိုပါပဲ၊ အမှန်တကယ်ဖြစ်နေတဲ့ အဝိဇ္ဖာအမှောင်ကို ဖောက်ခွင်းဖို့အတွက် စိတ်ဓာတ်မခိုင်ရင်၊ စိတ်ပြန့်လွှင့်ရင်၊ သာယာမူးယစ်ခြင်းအနှောက်အယှက်၊ ခံစားမှုပြင်းပြခြင်း အနှောက်ယှက်၊အပေါ်ယံ ပညာရပ်ဆိုင်ရာ အနှောက်အယှက်တွေ ရှိနေရင် မဖြစ်နိုင်တော့ပါဘူး။

ပညာနဲ့ပတ်သက်လို့ နောက်တွေ့ရတဲ့ ဒိုင်မင်းရှင်းတစ်ခုကတော့ အလယ်လမ်းစဉ်ကို တွေ့ရှိခဲ့ခြင်းပါ။ အလယ်လမ်းစဉ်ဆိုတာ ဗုဒ္ဓဘာသာရဲ့နှလုံးသည်းပွတ်ပါ။ အဓိပ္ပါယ်တွေကလည်း အမျိုးမျိုးရှိပါတယ်။ ဒီနေရာမှာဆွေးနွေးလို့ မလုံလောက်နိုင်ပါဘူး။

မှန်တာပေါ့၊ ဗုဒ္ဓဝင်ထဲမှာ အခြားတန်ဖိုးရှိတဲ့ အချက်အလက်တွေ အများကြီးရှိမယ်။ ဒါပေမယ့် ကျွန်တော် ဆွေးနွေးလိုတာက ဝိဇ္ဖာ၊ စရဏနဲ့ ပတ်သက်တဲ့ သင်ခန်းစာယူမိဖို့ပါ။ နာမည်တွေ၊ မြို့ပြတွေနဲ့ပြည့်နေတဲ့ ဗုဒ္ဓဝင် မဟုတ်စေချင်ပါဘူး။ ဒါမှ ဘုရားရှင်ကို စံပြထားပြီး အတူလိုက် ကျင့်နိုင်ကြမှာပါ။ ဒီလို သဘောပေါက်မှလည်း ဘုရားရှင်ကို ပိုပြီးသဘောပေါက်စွာ နားလည်ကြည်ညိုနိုင်မှာပါ။ တကယ်တော့ ဗုဒ္ဓဝင်ဟာ ကာမဂုဏ်ခွါ၊ မေတ္တာ၊ ကရုဏာနဲ့ ပညာ ဒီသုံးမျိုးပါ။

Peter Della Santina-



ဆုထားမျက်ချယ်

အိန္ဒိယမှာဆို အသံကျယ်မှ

အိန္ဒိယမှာရောင်းမယ့်ကားတွေအတွက် ကားဟွန်းအမာစား၊ အကောင်းတွေအထူးပြင်ဆင်ထားရကြောင်း၊ အိန္ဒိယကားမောင်းသမားတွေဟာ ရှုပ်ထွေးနေတဲ့ကားလမ်းကြောင့် လမ်းကြောင်းရဖို့ ကားဟွန်းကို အသည်းအသန် တီးနေရကြောင်း ဂျာမန်ကားကုမ္ပဏီတစ်ခုဖြစ်တဲ့ အော်ဒီ ကားကုမ္ပဏီဒါရိုက်တာက ပြောကြားသွားပါတယ်။

"အထူးသဖြင့် အိန္ဒိယအတွက် ကားဟွန်းတစ်မျိုးတီထွင်ထားရပါတယ်" လို့ကားကုမ္ပဏီဒါရိုက်တာ Michael Perchke ကသတင်းစာမှာ မနေ့ကပြော ကြားသွားခဲ့ပါတယ်။

"ဥရောပမှာသုံးတဲ့ကားဟွန်းကိုသာတပ်လို့ကတော့ တစ်ပတ်၊ နှစ်ပတ်ဆိုပျက်ပြီ။ အိန္ဒိယမှာ တစ်ရက်ကားဟွန်းတီးတဲ့ အကြိမ်ရေဟာ ဂျာမနီက တစ်နှစ်နဲ့ ညီပါတယ်"

အိန္ဒိယလူချမ်းသာတွေအတွက် နိုင်ငံခြားလုပ်ကားတွေ ဈေးကွက်ပြိုင်ရာမှာ အဆင်ပြေဖို့ ကားဟွန်းအထူးတီထွင်ထားရကြောင်း သူကပြောပါတယ်။

"နှစ်ပတ်လောက်ဆက်တိုက်တီးလို့ရတဲ့ ကားဟွန်းမျိုးဖြစ်ဖို့ အထူးစမ်းသပ်တီထွင်ခဲ့ပါတယ်။ ကားဟွန်းတည်ဆောက်ပုံ မတူသလို ဆပ်ပလိုင်ယားတွေ လည်းမတူပါဘူး"

အိန္ဒိယ အော်ဒီကားပိုင်ရှင်တွေဟာ အများအားဖြင့် ဒရိုက်ဗာများရှိကြကြောင်း၊ ဒါကြောင့် ကားနောက်ခုံကနေအမ်ိန့်ပေးလို့ရအောင် ဒီဇိုင်းအသစ်ထွင်ထားကြောင်းလည်း သူကပြောကြားခဲ့ပါတယ်။

အိန္ဒိယကားလမ်းတွေဟာ သိပ်မချောမွေ့၊ အပေါက်အပြဲအဝေးပြေးလမ်းမ၊ ရွှံ့နွံတွေနဲ့မြို့တွင်းလမ်း ၊ဒီကြားထဲ နွားလှည်းတွေ၊ နွားတွေ၊ဆိုက်ကားတွေ၊ စက်ဘီးတွေကလည်း လမ်းကြောင်းရဖို့အတင်းတိုးဝင် သွားလာနေကြကြောင်းသိရပါတယ်။

သက္ကရာဇ် 2010 မှာ ကားတိုက်မှုကြောင့်လူ 133,938 ဦးသေဆုံးခဲ့ရပါတယ်၊ National Crime Records Bureau အရ တစ်ရက်မှာ လူပေါင်း 366 ယောက်သေဆုံးရပါသတဲ့။



Slice of life.S,T
AGENCE FRANCE-PRESSE
(အရင်နှစ်ပိုင်းလေးကပဲ ဗုဒ္ဓဂယာကို ဘုရားဖူးကြွတော်မူတဲ့ဆရာတော်တစ်ပါး ကားတိုက်မှုကြောင့် ပျံတော်မူခဲ့ရတာရယ်၊ မြို့တစ်ချို့ဆို မီးပွိုင့်တောင် တစ်မြို့လုံးရှာမတွေခဲ့တာရယ်ကြောင့် ဒါလေးကို တင်ပေးလိုက်ပါတယ်။ ဗုဒ္ဓဂယာကို ဘုရားဖူးသွားကြမယ့် ရဟန်းရှင်လူတွေအတွက် ဂရုစိုက်မိကြစေဖို့ပါ။)


ဆုထားမျက်ချယ်







Copyright © 2012 ကမ်းလက်. All rights reserved.

ရွာအနောက်ခြမ်းက အသံများ (၂)

Pre-Buddhist Background
ဗုဒ္ဓဘာသာကို လေ့လာကြရာမှာ ဗုဒ္ဓဝင်ကစကြတာများပေမယ့် ကျွန်တော်ကတော့ ဗုဒ္ဓ မပေါ်မီ ခေတ်ကို ပြန်သွားကြည့်ချင်ပါတယ်။ ဒီလိုလေ့လာမှုဟာ ဗုဒ္ဓဝင်နဲ့ ဗုဒ္ဓရဲ့အဆုံးအမတွေကို ပိုပြီး သဘောကျ စေမယ်လို့ ယုံကြည်ပြီး သမိုင်းနဲ့ယဉ်ကျေးမှုဆက်သွယ်ချက်တွေကို ပိုပြီးကျယ်ကျယ်ပြန့်ပြန့် သိနားလည် လာစေနိုင်ပါတယ်။ ဒါမှသာ ဗုဒ္ဓပေါ်ထွန်းခဲ့တဲ့ အိန္ဒိယရဲ့ ဒဿနအမြင်နဲ့ ကိုးကွယ်မှုကို အခြေခံလိုက်နိုင်မှာပါ။

အိန္ဒိယရဲ့ ဒဿနနဲ့ ကိုးကွယ်မှုဖွံ့ဖြိုးလာပုံကို ပထဝီအနေအထားပေါ် အခြေခံပြီး သုံးသပ်ကြည့် လိုပါတယ်။ အိန္ဒိယမှာ ဂင်္ဂါနဲ့ ယမုံနာဆိုတဲ့ မြစ်ကြီးနှစ်စင်းရှိတယ်။ ဟိမဝန္တာကနေ အစချီပြီး ဒီမြစ်ကြီးနှစ်စင်းက နယ်မြေတွေကို ကျယ်ကျယ်ပြန့်ပြန့်ခွဲထားပေးခဲ့တယ်။ နောက်မှ တဖြည်းဖြည်းနီးလာပြီး အိန္ဒိယလွင်ပြင် အလဟာဘတ်မြို့နားကိုရောက်မှ ဒီမြစ်ကြီးနှစ်စင်း ပေါင်းဆုံသွားတယ်။

ဒီမြစ်ကြီးနှစ်စင်းဟာ အိန္ဒိယဖလော်ဆော်ဖီနဲ့ ဘာသာရေးအစပြုပုံနဲ့ ဖွံ့ဖြိုးတိုးတက်ပုံတွေကို ညွှန်ပြနေတယ်။ ပထဝီ အနေအထားအရ ခြားနားသလို အဲဒီမြစ်ကြီးတွေအပေါ်မှာ အမှီပြုနေထိုင်နေကြတဲ့ လူတွေရဲ့ စရိုက်လက္ခဏာတွေကလည်း မတူကွဲပြားနေကြပါတယ်။ ဒီယဉ်ကျေးမှုတွေဟာ ရာစုနှစ်ပေါင်းများစွာ မတူကွဲပြားရာကနေ တဖြည်းဖြည်းနီးစပ်လာခဲ့ပြီး ယနေ့ဆိုရင် ခွဲခြားလို့တောင်မရတော့အောင် ဖြစ်နေပါတယ်။ မြစ်ကြီးနှစ်စင်းကွဲပြားရာကနေ နောက်ဆုံးပင်လယ်ထဲကို အတူစီးဝင်သွားသလိုမျိုးလို့ပြောရင် ရနိုင်လိမ့်မယ် ထင်ပါတယ်။

အိန္ဒိယသမိုင်းကိုပြန်ကြည့်တော့ ဘီစီတတိယထောင်စုနှစ်တွေကတည်းကပဲ အလွန်ဖွံ့ဖြိုးနေပြီဖြစ်တဲ့ ယဉ်ကျေးမှုကို တွေ့ကြရတယ်။ ဒီယဉ်ကျေးမှုဟာ လူ့ယဉ်ကျေးမှုပုခက်လို့ခေါ်ရမယ့် အီဂျစ်၊ ဘေဘီလုံတို့နဲ့ ခေတ်ပြိုင်ပါ။ ဘီစီ ၂၈၀၀ ခန့်ကနေ ၁၈၀၀ အထိ ဖွံ့ဖြိုးခဲ့တဲ့ အိန္ဒုမြစ်ဝှမ်းယဉ်ကျေးမှုပါ။ ဟရပ္ပန်စီဗီ လိုက်ဇေးရှင်းလို့လည်း ခေါ်နိုင်ပါတယ်။ အဲဒီယဉ်ကျေးမှုဟာ ဒီနေ့ပါကစ္စတန်အနောက်ပိုင်းကနေ ဘုံဘေအထိ ပြန့်ခဲ့ပြီး အရှေ့ဖက်ဆိုရင် ရှင်းမလကနေ ဟိမဝန္တာတောင်ခြေအထိ ပြန့်နှံ့ခဲ့တယ်။

ဒီနေ့မြေပုံကိုပြန်ကြည့်ရင် အိန္ဒုမြစ်ဝှမ်းယဉ်ကျေးမှုရဲ့ ခမ်းနားခဲ့ပုံကိုသိနိုင်ပါတယ်။ ဒီယဉ်ကျေးမှုဟာ နှစ်ထောင်ချီပြီးတည်တံ့ခဲ့ရုံသာမက ရုပ်ပိုင်းရော၊ စိတ်ဓာတ်ပိုင်းပါ အများကြီးတိုးတက်နေခဲ့ပါပြီ။ အထူးသဖြင့် ဆည်မြောင်းများနဲ့ မြို့ပြအိမ်ရာစနစ်တွေပါ။ အဲဒီခေတ်ကလူတွေဟာ ဒီနေ့ကွန်ပျူတာမှာသုံးနေတဲ့ binary model သင်္ချာစနစ်ကို သုံးစွဲတတ်နေပြီဆိုတဲ့ အထောက်အထားတွေ တွေ့ရပါတယ်။

သူတို့ဟာ စာပေတတ်မြောက်ခဲ့ရုံသာမက ရေးသားမှုပင်ရှိနေခဲ့ပြီး အဲဒီအက္ခရာတွေ ကို အခုအထိ ဘာသာ မပြန်ဆိုနိုင်သေးပါဘူး။ (အိန္ဒုမြစ်ဝှမ်းမှတ်တမ်းကကိုပဲ ဘာသာဗေဒအရ ဖြေရှင်းလို့မရသေးတဲ့ ပဟေဠိတစ်ခုရှိနေဆဲပါ) ။ ဒါ့အပြင် စိတ်ဓာတ်ရေးရာမှာလည်း အများကြီးဖွံ့ဖြိုးနေပြီဆိုတာ Mohenjo-daro နဲ့ Harappa တို့က သက်သေခံနေပါတယ်။

အဲဒီ ငြိမ်းချမ်းတဲ့ ရှေးဟောင်းလူ့ယဉ်ကျေးမှုဟာ ဘီစီ ၁၈၀၀ နဲ့ ၁၅၀၀ ကြားမှာတော့ သဘာဝ အန္တရာယ်နဲ့ နယ်ချဲ့သူအန္တရာယ်တို့ကြောင့် တော်တော်အထိနာခဲ့ရပါတော့တယ်။ နယ်ချဲ့သူတွေဟာ အာရီးယန်း တွေလို့ ဆိုစမှတ်ပြုကြပါတယ်။ သူတို့မူလနေရပ်က အရှေ့ဥရောပကဖြစ်နိုင်ပြီး ယနေ့ ပိုလန်နဲ့ ယူကရိန်း နိုင်ငံတို့လို့ဆိုရင် ရနိုင်ပါတယ်။ အရီးယန်းတွေဟာ ဒေသခံအိန္ဒုမြစ်ဝှမ်းကလူတွေနဲ့ လုံးဝမတူ ခြားနားပါတယ်။ အိန္ဒုမြစ်ဝှမ်းသားတွေက စိုက်ပျိုးမွေးမြူရေးနဲ့ အခြေချနေထိုင်တတ်ပြီး အရီးယန်းတွေက လှည့်လည်ကျင်လည် ကျက်စားတတ်ကြပါတယ်။ မြို့ပြစနစ်ကို အထာမကျကြသေးပါဘူး။

အာရီးယန်းတွေရောက်လာပြီး မကြာခင်မှာပဲ တဖြည်းဖြည်းနဲ့ သူတို့ယဉ်ကျေးမှုတွေ လွှမ်းမိုးလာခဲ့ပြီး ဒုတိယထောင်စုတစ်ဝက်လောက်လည်းရောက်ရော အိန္ဒိယပြည်ကြီးဟာ အာရီးယန်းယဉ်ကျေးမှုတွေနဲ့ လွှမ်းခြုံ သွားခဲ့ပါတော့တယ်။

အိန္ဒုမြစ်ဝှမ်းသားတွေနဲ့ အာရီးယန်းတွေရဲ့ ဘာသာရေးအမြင်ကို ကြည့်ကြပါဦးစို့။ ကျွန်တော် ပြောခဲ့ပြီးပါပြီ။ အိန္ဒုမြစ်ဝှမ်းသားတွေဆီမှာ ဒီနေ့အထိ ဘာသာပြန်ဆိုလို့မရသေးတဲ့ စာပေရေးသားမှု ရှိနေခဲ့ပါပြီ။

ဒါပေမယ့် ကျွန်တော်တို့သိထားခဲ့တဲ့ ယဉ်ကျေးမှုသမိုင်းဟာ ရှာဖွေတွေ့ရှိမှုအထောက်အထားနှစ်ခုနဲ့ အနည်းငယ်သွေဖီနေပါတယ်။ မိုဟိန်ဂျိုဒါဇိုနဲ့ ဟရပ္ပမှာ တူးဖော်တွေ့ရှိချက်တွေအရ ဒီစာပေရေးသားမှုတွေဟာ အာရီးယန်းတွေရဲ့ အက္ခရာတွေဖြစ်ပြီး သူတို့အောင်နိုင်သိမ်းပိုက်လိုက်တဲ့ လူတွေရဲ့ ဘာသာရေး ယုံကြည်မှု တွေနဲ့ ပတ်သက်လို့ ရေးသားထားတာလို့ ဆိုပါတယ်။

တူးဖော်တွေ့ရှိမှုတွေအရ အိန္ဒုမြစ်ဝှမ်းသားတွေရဲ့ အရေးကြီးတဲ့သင်္ကေတ အမှတ်အသားတွေ အများကြီးရှိတယ်ဆိုတာ သိရပြန်တယ်။ ဒါတွေက ဘာသာရေးနဲ့ပတ်သက်တဲ့ သင်္ကေတတွေဖြစ်ပြီး ဗုဒ္ဓဘာသာက အထွက်အမြတ် ထားတဲ့ သင်္ကေတတွေဖြစ်နေပြန်ပါတယ်။ ဥပမာ ဗောဓိပင်၊ ဆင်၊ သမင် စတာတွေပါ။ အရေးကြီးဆုံးလို့ ဆိုရင် ရနိုင်တာက လူတစ်ယောက် တင်ပလ္လင်ခွေ၊ လက်နှစ်ဖက်ပေါင်ပေါ်တင်၊ မျက်စိကို ခပ်ရေးရေးမှိတ်ထားတဲ့ တရားထိုင်နေတဲ့ ပုံမျိုးပါပဲ။

ဒီလို တူးဖော်တွေ့ရှိမှုတွေ၊ အထောက်အထားတွေကို ကြည့်ခြင်းအားဖြင့် အိန္ဒုမြစ်ဝှမ်းသားတွေရဲ့ ယောဂနဲ့ တရားထိုင်ခြင်းတွေကို ခြေရာခံနိုင်တယ်လို့ ပညာရှင်တွေက သုံးသပ်ကြပါတယ်။

ဒါပေမယ့် အာရီးယန်းတွေရေးသားထားတဲ့ အိန္ဒုမြစ်ဝှမ်းသားတွေအကြောင်း ဖော်ပြတဲ့ ဝေဒကျမ်း တွေကို ပြန်ကြည့်ပြန်တော့ အတည်တကျမရှိ လျှောက်သွားတတ်တဲ့ ရသေ့သူတော်စင် တွေအကြောင်းလည်း တွေ့ရပြန်တယ်။ သူတို့ဟာ စိတ်ထိန်းချုပ်မှုကျင့်စဉ်တွေကိုကျင့်ပြီး တစ်ယောက် တည်းနေ၊ အဝတ်အစားမပါ၊ (သို့) ကြီးမားတဲ့ဝတ်ရုံတွေကို ဝတ်ရုံထားတဲ့လက္ခဏာတွေ တွေ့ရပါတယ်။ သူတို့ဟာ မွေးခြင်း၊ သေခြင်းရဲ့လွတ်မြောက်ရာတရားတွေကို လိုက်လံဟောကြားနေတတ်ကြတယ်။

အိန္ဒုမြစ်ဝှမ်းယဉ်ကျေးမှုနဲ့ပတ်သက်လို့ တူးဖော်တွေ့ရှိမှုတွေ၊ အရီးယန်းတွေ ရေးသားထားတဲ့ ကနဦးပိုင်း အထောက်အထားတွေကို ပေါင်းစပ်ကြည့်ရင် အိန္ဒုမြစ်ဝှမ်းသားတွေရဲ့ ဘာသာရေးအယူအဆနဲ့ ကျင့်သုံးမှုတွေကို ရှင်းရှင်းလင်းလင်းကြီး မဟုတ်တန်စေ အရေးကြီးတဲ့အပိုင်းတွေကိုတော့ အတော်အတန် ကောက်ချက်ချလို့ရပါပြီ။

သူတို့ဘာသာရေးမှာ အရေးကြီးတာတွေ အများကြီးပါ။

ပထမဆုံး တရားထိုင်ခြင်း(သို့) စိတ်ကျင့်စဉ်အကြောင်း။
ဒုတိယ - တောရိပ်မှီခိုတဲ့ အလေ့အကျင့် စတာတွေဟာ တော်တော်လေး ယေဘုယျဆန်တဲ့ ဓလေ့စရိုက်တွေပါ။
တတိယကတော့ သံသရာဝါဒနဲ့
စတုတ္ထကတော့ ဒီနေ့ကမ္မလို့ပြောရမယ့် သေတဲ့နောက်ပါလာတဲ့ နာမ်သတ္တိသဘောတရားတွေပါ။
နောက်ဆုံးကတော့ သေခြင်းတရားမှ လွတ်မြောက်ရာ ဝိမုတ္တိဆိုတဲ့ အကြီးမားဆုံးပန်းတိုင်ပါပဲ။

ဒါတွေဟာ အံ့ဘနန်း အိန္ဒုမြစ်ဝှမ်းသားတွေရဲ့ ရှေးအကျဆုံးပုံရိပ်တွေပါ။

ယခု အာရီးယန်းတွေရဲ့ ဘာသာရေးကို ကြည့်ကြပါစို့။ တော်တော်လေး ခြားနားပါတယ်။ ရှေးဦး အာရီးယန်းတွေရဲ့ ယုံကြည်မှုက ရှင်းလင်းတယ်။ သူတို့မူလနေရပ်က အရှေ့ဥရောပက ဖြစ်နိုင်တယ် ဆိုတဲ့အတိုင်း ရှေးဟောင်း ဂရိယဉ်ကျေးမှုတွေနဲ့ တော်တော်များများ ဆင်တူတာတွေ့ရပါတယ်။ ဂရိနတ် မော်ကွန်းတွေကိုကြည့်ရင် သိနိုင်ပါတယ်။ သဘာဝကို ကိုယ်စားပြုတဲ့နတ်တွေ အများကြီး အာရီးယန်းတွေရဲ့ ကိုးကွယ်မှုမှာ တွေ့ရပါတယ်။ ဥပမာ ဣန္ဒရ(မိုးနတ်) ၊ အဂ္ဂိ( မီးနတ်)၊ ဝရုဏ(ရေနတ်) စတာတွေပါ။

အိန္ဒုမြစ်ဝှမ်းသားတွေအတွက် ရသေ့ရဟန်းဟာ ဘာသာရေး သင်္ကေတတစ်ခုမျှသာဖြစ်ပေမယ့် အာရီးယန်းတွေရဲ့ တရားဟောဆရာက ဒီထက်အများကြီး ပိုအရေးကြီးပါတယ်။

အိန္ဒုမြစ်ဝှမ်းသားတွေရဲ့ အထွက်အမြတ်ဘာသာရေးအကျင့်က ကာမဂုဏ်ကိုစွန့်ကာ တောထွက်ခြင်း ဖြစ်ပြီး အာရီးယန်းတွေအတွက်ကတော့ တူတူတန်တန်မိသားစုခေါင်းဆောင် ဖြစ်ဖို့ပါ။

မိသားစုနဲ့ပတ်သက်လို့ အိန္ဒုမြစ်ဝှမ်းသားတွေမှာ ထူးထူးခြားခြားယုံကြည်မှု မတွေ့ရပေမယ့် အာရီးယန်း တွေအတွက်ကတော့ “သား” မွေးဖွားမှုဟာ အကြီးမားဆုံးဆုလာဒ်ပါ။

အိန္ဒုမြစ်ဝှမ်းသားတွေက တရားရှုမှတ်ခြင်းကို အလေးအနက်ထားပေမယ့် အာရီးယန်းတွေကတော့ ယဇ်ပူဇော်မှုကို အလေးထားတယ်။

အိန္ဒုမြစ်ဝှမ်းသားတွေက ကမ္မနဲ့ သံသရာဝါဒကို ယုံကြည်ကြပေမယ့် ဒီလိုယုံကြည်မှုမျိုး အာရီးယန်း တွေဆီမှာ မတွေရပြန်ပါဘူး။

တမလွန်နဲ့ပတ်သက်တဲ့ အယူအဆတွေ၊ ကံတရားတွေ အာရီးယန်းတွေဆီမှာ မတွေ့ရပါဘူး။ သူတို့ရဲ့ အမြင့်မြတ်ဆုံးကိုယ်ကျင့်တန်ဖိုးက အဖွဲ့အစည်းကို သစ္စာစောင့်သိဖို့၊ လူမျိုးစုကြားထဲမှာ သပ္ပါယဖြစ်ဖို့၊ လူမျိုး ကိုပြန်လည်အကျိုးပြုဖို့ စတာတွေနဲ့ သတ်မှတ်ပါတယ်။

နောက်ဆုံးအနေနဲ့ အိန္ဒုမြစ်ဝှမ်းသားတို့ရဲ့ နောက်ဆုံးဘဝပန်းတိုင်ဟာ လွတ်မြောက်ရေးဖြစ်ပြီး အာရီးယန်း တွေအတွက်မှာတော့ ကောင်းကင်ဘုံရောက်ရှိရေးပါ။

အားလုံးကိုပြန်ချုပ်ကြည့်ရင် အိန္ဒုမြစ်ဝှမ်းသားတို့က တောထွက်ခြင်း၊ တရားအားထုတ်ခြင်း၊ သံသရာ၊ ကံ၊ ဝိမုတ္တိတို့ကို အလေးထားပြီး အာရီးယန်းတွေကတော့ ယဇ်နတ်ပူဇော်ခြင်း၊ သစ္စာရှိခြင်း၊ ချမ်းသာ ကြွယ်ဝခြင်း၊ အာဏာရှိခြင်းနဲ့ ကောင်းကင်ဘုံတို့ကို အလေးထားပါတယ်။ ဒါတွေကိုကြည့်ရင် ဒီယုံကြည်မှု နှစ်ခုဟာ လုံးဝမတူကွဲပြားခဲ့ပြီး နောက်ရာစုနှစ်များစွာကြာတဲ့အခါမှာတော့ ခွဲခြားလို့မရအောင် တစ်သားတည်း ဖြစ်ခဲ့ရပါတယ်။

ပြီးတော့ အရီးယန်းတွေဆီမှာ ဒေသခံတွေလုံးဝမကြားဖူးတဲ့ အချက်နှစ်ခုရှိနေပြန်ပါတယ်။ ဒါကတော့ ဇာတ်ခွဲခြားမှုနဲ့ နတ်ဒေဝတာတို့က သတင်းပေးခြင်းဆိုတာတွေပါ။

ဘီစီ ၁၅၀၀ နဲ့ ဘီစီခြောက်ရာစု (မြတ်စွာဘုရားပေါ်ထွန်းချိန်) ကြားကာလဟာ မတူကွဲပြားတဲ့ ဒီယဉ်ကျေးမှုနှစ်ခု အပြန်အလှန်နှီးနှောတဲ့ကာလ ဖြစ်ခဲ့တယ်။ အာရီးယန်းတွေက အိန္ဒိယအရှေ့တောင်ပိုင်း ဆီကို တဖြည်းဖြည်းရွေလျားခဲ့ကြပြီး မြို့ပြအိမ်ယာတည်ထောင်မှုစနစ်တွေက တဖြည်းဖြည်း မွေးစားကျင့်သုံး လာခဲ့ကြတယ်။ ရှေးရှေးကပြောခဲ့သလိုပါပဲ၊ မြစ်ကြီးနှစ်စင်း ပေါင်းဆုံသွားသလို ဒီယဉ်ကျေးမှုနှစ်ခုလည်း ပေါင်းစပ်သွားတော့တယ်။

ဘုရားရှင်ပွင့်ထွန်းတဲ့ကာလလည်းရောက်ရော ဘာသာယဉ်ကျေးမှုတွေဟာ လုံးဝဖွံ့ဖြိုးလာခဲ့ ပါတော့ တယ်။ ဘုရားရှင်ရဲ့ဖြစ်တော်စဉ်ထဲမှာကိုပဲ ဒီယဉ်ကျေးမှုတွေ တွေ့လာခဲ့ရတော့တယ်။ ဥပမာအားဖြင့် ဘုရား အလောင်းမွေးဖွားပြီးပြီးချင်း အလောင်းတော်ရဲ့ မြင့်မြတ်လာမယ့် အနာဂတ်နိမိတ်ကို ပညာရှင် တော်တော် များများက ဖတ်ကြားကြတယ်။

ပထမဆုံးနိမိတ်ဖတ်သူက အသိတပါ။ သူက တောတောင်ထဲမှာနေတဲ့ ရသေ့တစ်ပါးဖြစ်တယ်။ ဗုဒ္ဓဝင်အရ သူဟာ ဗြဟ္မာလို့အခိုင်အမာဆိုထားပေမယ့် သူဟာ အာရီးယန်းမျိုးဆက်အဖွဲ့ဝင်တစ်ယောက် ဖြစ်ပါတယ်။ ဒါဟာ ဒီယဉ်ကျေးမှုနှစ်ခု ဘယ်လောက်အထိ ထပ်တူကျနေပြီလဲဆိုတာ ပြောနေတဲ့အချက်ပါ။

ဘီစီခြောက်ရာစုမှာ ဗြဟ္မဏတို့ကိုယ်တိုင်ကပင် တောထွက်ပြီး အိမ်ယာမထောင် ရသေ့ရဟန်းဘောင် ကို ယူနေကြပါပြီ။ စောစောပိုင်းကဆို ဒါမျိုးကိစ္စက ကြားပင်မကြားဖူးတဲ့ကိစ္စပါ။ ခဏကြာတော့ ၁၀၈- ပါးသော ဗြဟ္မဏတို့ကို သိဒ္ဓတ္ထမင်းသားရဲ့ ကင်ပွန်းတပ်မင်္ဂလာအတွက် ဖိတ်ကြားခဲ့တယ်ဆိုတာ တွေ့ရပါတော့တယ်။ သူတို့ဟာ အိမ်ယာထောင်မှုကို မစွန့်လွှတ်ပဲ အာရီးယန်းတွေကျင့်သုံးတဲ့ ဓလေ့၊ စရိုက်တွေကို စွဲစွဲမြဲမြဲ လေ့ကျင့်ကြတဲ့ ဗြဟ္မဏတွေပါ။

ဒီလိုကွဲပြားတဲ့ယဉ်ကျေးမှုနှစ်ခု ဘာကြောင့် တစ်သားတည်းဖြစ်သွားရတာလဲ။

အာရီးယန်းတွေရဲ့ နယ်ချဲ့မှုဟာ မြေပြန့်လွင်ပြင်ကိုရောက်တော့ အဆုံးသတ်သွားခဲ့တယ်။ လူမျိုးခြင်း ပေါင်းစည်းသွားတယ်။ အဲဒီနောက် လူမှုရေး၊ စီးပွါးရေးနဲ့ နိုင်ငံရေးတွေ အပြောင်းအလဲဖြစ်ခဲ့တော့တာပါပဲ။

အစပထမကတော့ လူဦးရေအများစုဟာ မြစ်ချောင်းတွေနားမှာနေပြီး သဘာဝအန္တရာယ်တွေရဲ့ နှိပ်စက်မှုတွေကို အလူးအလဲခံခဲ့ကြရတယ်။ ဒီသဘာဝတွေကိုပဲ အာရီးယန်းတို့က နတ်တွေကို ကိုယ်စားပြု တယ်လို့ ယုံကြည်ခဲ့ကြတယ်။

ဒုတိယအနေနဲ့ စီးပွါးရေးအချက်အခြာ ဖြစ်လာခြင်းသဘောပါ။ ကနဦး အာရီးယန်းတွေရဲ့ ယဉ်ကျေးမှုမှာ ရသေ့၊ ရဟန်း(သမဏ၊ ဗြဟ္မဏ) နဲ့ စစ်သား(ခတ္တိယ) တို့သာ လွှမ်းမိုးထားခဲ့တယ်။ ရသေ့၊ ရဟန်းက နတ်ဒေဝတာတွေနဲ့ ဆက်သွယ်ပေးတယ်။ စစ်သားက နီးစပ်ရာလူမျိုးစုတွေဆီသွားပြီး စစ်တိုက်တယ်။ ဒီတော့ နိုင်ငံမွဲတေလာမှာပေါ့။ အဲဒီကနေတဆင့် စီးပွါးရေးပုံသဏ္ဍာန်ပေါ်လာပြီး ကုန်သည်၊ ပွဲစားတွေ အရေးပါလာတော့တာပါ။ ဘုရားရှင်ရဲ့ သာဝကဖြစ်တဲ့ အနာထပိဏ္ဏိကဆိုရင် ထင်ရှားတဲ့ သာဓကတစ်ခုပါ။

နောက်ဆုံးအနေနဲ့ လူမျိုးစုကွဲလေးတွေအားလုံး တစ်စုတစ်ဝေးတည်းဖြစ်လာတယ်။ လူ့အဖွဲ့အစည်း ဟာ လူမျိုးနဲ့မသတ်မှတ်တော့ပဲ၊ ပထဝီနယ်နိမိတ်နဲ့ သတ်မှတ်လာကြတယ်။ လူမျိုးစုကွဲတွေ စုပေါင်းနေထိုင် လာကြတယ်။ ဘုရားရှင်ရဲ့ သာဝကဖြစ်တဲ့ မဂဓတိုင်းသခင် ဘုရင်ဗိမ္ဗိသာရ မဂဓနိုင်ငံတော်ဟာ ဒီအတွက် ထင်ရှားတဲ့ သာဓကတစ်ခုပါပဲ။

စီးပွားရေး၊ လူမှုရေးနဲ့ နိုင်ငံရေးအပြောင်းအလဲတွေဟာ အိန္ဒုမြစ်ဝှမ်းသားတို့ကျင့်သုံးတဲ့ ဘာသာရေးဓလေ့စရိုက်တွေကို အာရီးယန်းတွေ လက်ခံလာဖို့တွန်းပို့လိုက်တဲ့ အချက်တစ်ချက်ဖြစ်နိုင်ပါတယ်။ အာရီးယန်းတွေက အစပိုင်းမှာ ရုပ်ဝတ္တုတွေနဲ့ လွှမ်းမိုးထားနိုင်ခဲ့ပေမယ့် နောင်နှစ်ပေါင်း နှစ်ထောင်လည်း ကြာရော အိန္ဒိယဟာ အိန္ဒုမြစ်ဝှမ်းသားတွေရဲ့ ဘာသာရေးအယူအဆ၊ အကျင့်တရားတွေနဲ့ လုံးဝကြီးလွှမ်းမိုး သွားပါတော့တယ်။ အဲဒီအခါမှာတော့ အိန္ဒုမြစ်ဝှမ်းသားတွေနဲ့ အာရီးယန်းတွေကြားက ခြားနားချက်ဆိုတာ ရှာမတွေ့တော့လောက်အောင် တသားတည်းဖြစ်သွားတော့တယ်။

ဒီသမိုင်းအထောက်အထားကိုကြည့်ရင် ဗုဒ္ဓဘာသာက ဗြဟ္မဏဘာသာကို ဆန့်ကျင်တယ်ဆိုတဲ့စကား လုံးဝအဓိပ္ပါယ်မရှိတော့ပါဘူး။

ဗုဒ္ဓဘာသာထဲမှာ အိန္ဒုမြစ်ဝှမ်းသားတွေယုံကြည်တဲ့၊ ကျင့်သုံးတဲ့ ဘာသာရေးအယူအဆ တော်တော် များများကို မွေးစားယူခဲ့ပါတယ်။ ဥပမာ တောထွက်ခြင်း၊ ကမ္မ၊ ဝိမုတ္တိ ဆိုတာတွေပါ။ ဗုဒ္ဓဘာသာ မပေါ်မီ ကတည်းက ဒါတွေရှိနေခဲ့ပြီး ဗုဒ္ဓဘာသာပေါ်လာတဲ့ နောက်မှာလည်း ဒါတွေက ဗုဒ္ဓဘာသာရဲ့ အရေးကြီးတဲ့ အချက်တွေပဲ ဖြစ်လာခဲ့ပါတယ်။

သူသင်ပြမယ့်တရားတွေဟာ ရှေးဟောင်းတရားဖြစ်တယ်၊ ပန်းတိုင်ကလည်း ရှေးကရှိခဲ့တဲ့ ပန်းတိုင် (သူထွင်တာ မဟုတ်- တထာဂတကို ဘာသာပြန်သည်ဟုထင်- စာရေးသူ) သာဖြစ်တယ်ဆိုတဲ့ ဘုရားရှင်ရဲ့ စကားဟာ အိန္ဒုမြစ်ဝှမ်းသားတွေရဲ့ အကျင့်ဟောင်း၊ ပန်းတိုင်ဟောင်းကိုပဲ အခြေခံတယ်လို့ မိန့်ဆိုဟန်ရှိပါတယ်။ (သမိုင်းကို လေ့လာရာမှာ ရှေးဘုရားရှင်တွေမပါဘူးဆိုတာလေး စိတ်ထဲမှာထားပြီး သဒ္ဓါတရားခိုင်ခိုင်နဲ့ ဖတ်ကြ စေချင်ပါတယ်)။

ဒါတင်မကပါဘူး။ ဂေါတမဗုဒ္ဓ မပွင့်ခင်ကတည်းက ရှေးရှေးဘုရားရှင်တွေ ရှိခဲ့ဖူးတယ်ဆိုတဲ့ အိန္ဒုမြစ်ဝှမ်း သားတို့ရဲ့ ယုံကြည်မှုကိုလည်း ဗုဒ္ဓဘာသာက ဆက်လက်ယုံကြည်စေခဲ့ပါတယ်။

ဗုဒ္ဓဘာသာနဲ့ ဟိန္ဒူဘာသာကိုလေ့လာရင်း ဘာသာရေးယုံကြည်မှုတွေဟာ အနည်းနှင့်အများ ကူးလူး ဆက်ဆံနေတာကို တွေ့ရပါတယ်။ ဗုဒ္ဓဘာသာဟာ အိန္ဒုမြစ်ဝှမ်းသားတို့ရဲ့ ယုံကြည်မှုကို အများစု လက်ခံခဲ့ပြီး အာရီးယန်းတွေရဲ့ ယုံကြည်မှုအနည်းငယ်ကိုသာ လက်ခံခဲ့ပါတယ်။ နတ်ဒေဝတာတွေနဲ့ ပတ်သက် တာနဲ့ နိမိတ်ဖတ်တာစတဲ့ ဝေဒပညာတစ်ချို့လောက်ပါ။

ဟိန္ဒူတွေကတော့ အာရီးယန်းတွေရဲ့ ယုံကြည်မှုကို အများစုအခြေခံပြီး အိန္ဒုမြစ်ဝှမ်းသားတွေရဲ့ ယုံကြည်မှုကို အနည်းငယ်သာ လက်ခံခဲ့တယ်။ ဒါကြောင့် ဟိန္ဒူအများစုဟာ ဇာတ်စနစ်ရှိတယ်၊ ဝေဒရှိတယ်၊ နတ်ရှိတယ်၊ ယဇ်ပူဇော်မှုရှိတယ်။ ဒါတွေဟာ အာရီးယန်းတွေရဲ့ အကျင့်ဟောင်းတွေပါ။ ဒါပေမယ့် အိန္ဒုသားတို့ရဲ့ ယုံကြည်မှုဖြစ်တဲ့ တောထွက်ခြင်း၊ တရားထိုင်ခြင်း၊ သံသရာ၊ ကမ္မ၊ ဝိမုတ္တိတို့ကိုလည်း နေရာတော့ပေးထားတာ တွေ့ရပြန်ပါတယ်။



ဆုထားမျက်ချယ်









Copyright © 2012 ကမ်းလက်. All rights reserved.


ရွာအနောက်ခြမ်းက အသံများ (၁)

မော်ဒန်ပါစပက်တစ်(ဗ်)


ကျွန်တော်ပြောလိုတဲ့ ဗုဒ္ဓဘာသာဆိုတာ ဘုရားရဲ့ဖြစ်တော်စဉ်၊ သစ္စာလေးပါး၊ မဂ္ဂင်ရှစ်ပါး၊ ကံ၊ ရှေးဘဝနောက်ဘဝ (သံသရာ)ပဋိစ္စသမုပ္ပါဒ်၊ လက္ခဏာရေးသုံးပါး၊ ခန္ဓာငါးပါးဆိုတဲ့ အခြေခံအဆုံးအမတွေအကြောင်းပါ။ ဒါတွေမပြောခင်မှာ ဗုဒ္ဓဘာသာအပေါ်ထားရှိတဲ့ ခေတ်သစ်အနောက်က အမြင်တစ်ချို့ကို ဆွေးနွေးချင်ပါတယ်။ ဗုဒ္ဓဘာသာကို ခေတ်ကာလမတူ၊ နေရာဒေသမတူ၊ ယဉ်ကျေးမှုမတူကြတဲ့လူတွေက နည်းမျိုးစုံနဲ့ ချဉ်းကပ်လေ့လာပြီး ကိုးကွယ်နေခဲ့ကြတယ်။ ဒီခေတ်ကမြင်တဲ့ ဗုဒ္ဓဘာသာနဲ့ ရှေးရိုးစွဲ မိရိုးဖလာဗုဒ္ဓဘာသာကို နှိုင်းယှဉ်ပြီးကြည့်ခြင်းဟာ အကျိုးရှိစေမယ်လို့လည်းထင်ပါတယ်။ မတူညီတဲ့အချိန်၊ မတူညီတဲ့ယဉ်ကျေးမှုတွေကို လေ့လာကြည့်ခြင်းအားဖြင့် ငါ့ဟာမှငါဆိုတဲ့အစွဲကို ကန့်သတ်ထားလိုက်နိုင်ပါလိမ့်မယ်။

ကမ္ဘာ့ရွာအနောက်ခြမ်းမှာ ဗုဒ္ဓဘာသာ တကယ်ကိုနိုးထခဲ့ပါပြီ။ အနောက်ကမ္ဘာမှာ ဗုဒ္ဓဘာသာလို့ တိတိကျကျခံယူသူတွေ၊ ဗုဒ္ဓဘာသာကို မခံယူသေးပေမယ့် စိတ်ညွှတ်နေကြတဲ့လူတွေ အများအပြားရှိနေပါပြီ။

ဒါက (၂၀) ရာစုရဲ့ ဦးဆောင်သိပ္ပံပညာရှင် အဲ(လ်) ဘတ် အိုင်စတိုင်းရဲ့ ရဲဝံ့လှတဲ့မှတ်ချက်ကြောင့်လို့ ပြောရင်ရပါတယ်။ သူဟာ ဘယ်ဘာသာကိုမှ မကိုးကွယ်ပါ။ ဘာသာတစ်ခုခုကို မဖြစ်မနေဝင်ရမယ်ဆိုရင်တော့ ဗုဒ္ဓဘာသာကို ရွေးချယ်မိလိမ့်မယ်လို့ ခပ်ရှင်းရှင်းပဲပြောခဲ့ပါတယ်။ အစပထမတုန်းကတော့ သူလို့ (၂၀) ရာစု သိပ္ပံရဲ့ဖခင်ကြီးက ဒီလိုပြောချလိုက်တဲ့အတွက် အားလုံးမျက်လုံြးံပူး၊ မျက်ဆံပြာဖြစ်ခဲ့ကြရတယ်။ ဒါပေမယ့်ခေတ်ပြိုင် အနောက်တိုင်းသိပ္ပံပညာရှင်လောကကိုကြည့်ရင် ပြင်သစ်က အာကာသပညာရှင် ဗုဒ္ဓဘာသာ၊ အီတလီက စိတ်ပညာရှင် ဗုဒ္ဓဘာသာ၊ အင်္ဂလန်က ရှေ့ဆောင်တရားသူကြီး ဗုဒ္ဓဘာသာတွေ ထပ်တွေ့ရပါလိမ့်မယ်။

ဒါကြောင့် သိပ္ပံနဲ့ဝိဇ္ဇာပညာရှင်တော်တော်များများဟာ ဗုဒ္ဓဘာသာဆီ အာရုံညွှတ်နေကြပြီလို့ပြောရင် လွန်မယ်တော့မထင်ပါဘူး။ ဒါပေမယ့် သူတို့သဘောပေါက်တဲ့ ဗုဒ္ဓဘာသာနဲ့ မိရိုးဖလာဖြစ်နေတဲ့ ဗုဒ္ဓဘာသာကို နှိုင်းယှဉ်ကြည့်မိဖို့တော့ လိုပါလိမ့်မယ်။ အထူးသဖြင့် အရှေ့တောင်အာရှနဲ့ အရှေ့အာရှမှာတွေ့ရတဲ့ ဗုဒ္ဓဘာသာနဲ့ပေါ့။

ဥရောပနဲ့ အမေရိကမှာတွေ့ရတဲ့ ဗုဒ္ဓဘာသာက အများကြီးရှေ့ရောက်တယ်။ ပိုပြီးတော့ ကျိုးကြောင်းညီညွတ်တယ်။ ခေတ်မီတယ်။ ကျွန်တော်ပထမဆုံး အရှေ့တောင်အာရှကိုရောက်ပြီး အရှေ့တောင်အာရှက ဗုဒ္ဓဘာသာကိုတွေ့လိုက်ရတော့ အံ့သြတကြီးဖြစ်ခဲ့ရတယ်ဆိုတာကို ဖုံးဖိမထားချင်ပါဘူး။ အရှေ့တောင်အာရှသားတွေဟာ ယုတ္တိမရှိတဲ့ အယူသီးမှုတွေနဲ့ ဗုဒ္ဓဘာသာကို ချည်တွယ်ထားကြပါတယ်။

ဒါဟာ ဗုဒ္ဓဘာသာကို ချဉ်းကပ်တဲ့အခါမှာ ပထမဆုံးတွေ့လိုက်ရတဲ့ အံမဝင်၊ ခွင်မကျဖြစ်မှုတစ်ခုပါပဲ။ အရှေ့တောင်အာရှက ဗုဒ္ဓဘာသာတွေရဲ့ အကျင့်တစ်ချို့ဟာ အနောက်ခြမ်းက လူတွေအတွက် ဘယ်လိုမှနားမလည်နိုင်အောင်ပါပဲ။ ဥရောပနဲ့ အမေရိက ကလူသားတွေက သိပ္ပံနဲ့မာန်တက်နေကြလို့လည်း ဖြစ်ကောင်းဖြစ်နိုင်ပြန်ပါရဲ့။

ဗုဒ္ဓဘာသာရဲ့ပုံရ်ိပ်ဟာ အနောက်မှာလူကြိုက်များနေတဲ့ ဗုဒ္ဓဘာသာရဲ့ပုံရိပ်နဲ့ မိရိုးဖလာနိုင်ငံတွေမှာရှိတဲ့ ဗုဒ္ဓဘာသာရဲ့ပုံရိပ်ဆိုပြီး နှစ်မျိုးကွဲနေပါတယ်။ ဗုဒ္ဓအမှန်သင်ကြားခဲ့တဲ့ အဆုံးအမတွေကို ကျေနပ်နိုင်ဖို့ အစွဲတွေကိုတော့ ချန်လှပ်ထားခဲ့မှ ရပါလိမ့်မယ်။ ဒါမှသာ ကမ္ဘာအရပ်ရပ်က လူသားများအားလုံး ဗုဒ္ဓဘာသာကို သမာသမတ်ကျကျ ရှုမြင်လာနိုင်မှာပါ။ အယူသီးမှု၊ လှေနံဓါးထစ်မှတ်သားမှုတွေကို ခွာချထားခဲ့ရပါမယ်။

ကျွန်တော်ဆွေးနွေးမယ့်အကြောင်းတွေဟာ ကမ္ဘာ့အနောက်ခြမ်းကလူတွေအတွက် ဖြစ်နိုင်သလို၊ အာရှနဲ့ အရှေ့တောင်အာရှက လူတွေအတွက်လည်း ကမ္ဘာအနောက်ခြမ်းကလူတွေက ဗုဒ္ဓဘာသာကို ဒီလိုမြင်နေကြပါလားဆိုတာလေး လက်တို့ဖို့လည်း ဖြစ်နိုင်ပြန်ပါတယ်။ အရှေ့ကလူတွေအတွက် အနောက်ကယုံကြည်တဲ့ ဗုဒ္ဓဘာသာရဲ့သဏ္ဍာန်ဟာ မတူကွဲပြားနေနိုင်တယ်လို့လည်း သုံးသပ်မိပါတယ်။ ဘာပဲဖြစ်ဖြစ် အနောက်မှာ ဗုဒ္ဓဘာသာပေါ်ထွက်လာခဲ့ပါပြီ။

အနောက်ခြမ်းက ဗုဒ္ဓဘာသာကို အထင်တကြီးဖြစ်နေတဲ့ ပထမဆုံးအချက်က ဗုဒ္ဓဘာသာဟာ ဘယ်ယဉ်ကျေးမှု၊ ဘယ်လူမျိုးစု၊ ဘယ်လူ့အဖွဲ့အစည်း၊ ဘယ်လိုအသားအရောင်ရှိသူတွေအဖို့ဆိုတဲ့ ကန့်သတ်ချုပ်ခြယ်မှုမရှိခြင်းပါ။

တစ်ချို့ဘာသာတွေက ယဉ်ကျေးမှုနဲ့လှောင်ခတ်ထားပါတယ်။ ဥပမာ ဂျူးနဲ့ ဟိန္ဒူဘာသာတို့ပါ။ ဒါ့ကြောင့် ဗုဒ္ဓဘာသာဟာ အိန္ဒိယဗုဒ္ဓဘာသာ၊ သီရိလင်္ကာဗုဒ္ဓဘာသာ၊ ထိုင်းဗုဒ္ဓဘာသာ၊ မြန်မာဗုဒ္ဓဘာသာ၊ တရုတ်ဗုဒ္ဓဘာသာ၊ ဂျပန်ဗုဒ္ဓဘာသာ၊ တိဗက်ဗုဒ္ဓဘာသာဆိုပြီး ရှိခဲ့တာပါ။ သံသယရှိစရာမလိုပါဘူး။ အင်္ဂလိပ်ဗုဒ္ဓဘာသာ၊ ပြင်သစ်ဗုဒ္ဓဘာသာ၊ အီတလီဗုဒ္ဓဘာသာ၊ အမေရိကန်ဗုဒ္ဓဘာသာဆိုတာတွေ ရှိလာမှာပါ။ ဘာကြောင့်လည်းဆိုရင် ဗုဒ္ဓဘာသာက ယဉ်ကျေးမှုတစ်ခုခုနဲ့ ကန့်သတ်မထားလို့ပါ။

ဗုဒ္ဓဘာသာဟာ ပြင်ပပုံသဏ္ဍာန်ထက် အဇ္ဈတ္တကို ပိုအလေးပေးထားလေတော့ ယဉ်ကျေးမှုတစ်ခုကနေ နောက်ယဉ်ကျေးမှုတစ်ခုဆီကို ကူးပြောင်းရတာသိပ်လွယ်ကူပါတယ်။

ဗုဒ္ဓဘာသာက လူ့စိတ်အကြောင်းကို ပြောတာပါ။ သူဝတ်ထားတဲ့ အဝတ်အစား၊ သူစားတဲ့ အစားအသောက်၊ သူထားတဲ့ ဆံပင်မဟုတ်ပါဘူး။

ဗုဒ္ဓဘာသာနဲ့ပတ်သက်လို့ ဒုတိယဆွဲထုတ်လိုတဲ့ အချက်ကတော့ ဗုဒ္ဓဘာသာဟာ ပညာရပ်ဆိုင်ရာ မေးခွန်းတွေ၊ ပဟေဠိဆန်ဆန် သီအိုရီတွေထက် လက်တွေ့ကျတဲ့ ဘဝပြဿနာတစ်ချို့ကို ချဉ်းကပ်ရှုမြင်ခြင်းပါ။ ဘဝပြဿနာတွေကို လက်တွေ့ကျတဲ့နည်းနဲ့ဖြေရှင်းဖို့ လမ်းညွှန်မှုပါပဲ။ ဒါကလည်း အနောက်ခြမ်းက သိပ္ပံရဲ့ Problem-solving နည်းပညာပါ။ အကျဉ်းဆုံးချုပ်ပြရရင် “ If it works, use it ” ဆိုတဲ့ မာ့(က်)ရဲ့ နိုင်ငံရေး၊ စီးပွါးရေးနဲ့ပတ်သက်တဲ့ အမြင်တစ်ခုပါ။

သဘာဝကျကျချဉ်းကပ်တဲ့ ဗုဒ္ဓဘာသာရဲ့သဘောကို စူဠမာလုကျသုတ်မှာ တွေ့ရပါတယ်။ မြားမှန်တဲ့လူဟာ မြားကိုနှုတ်ပြီး ဒဏ်ရာပျောက်ဖို့ အရင်လုပ်ရမယ်၊ ဘယ်ကလာတဲ့မြားလဲ၊ ဘယ်သူပစ်တာလဲစတာတွေနဲ့ အချိန်မကုန်စေရဘူးလို့ ကျကျနန မိန့်မှာခဲ့ပါတယ်။ ဒီသုတ်ဟာ အရေးကြီးတာကို ရွေးချယ်တတ်ရမယ်ဆိုတဲ့ သိပ္ပံရဲ့ပြဿနာဖြေရှင်းနည်းကို ပြောနေတာပါ။

မေးခွန်းမေးတာက ကောင်းပါတယ်။ အဓိပ္ပါယ်မရှိတဲ့မေးခွန်းတွေ မေးနေရုံနဲ့တော့ ပညာတိုးမလာနိုင်ပါဘူး။ အဓိက အရေးကြီးတာတွေကို ရွေးချယ်ကြရပါမယ်။ အရေးကြီးဆုံးက ဘဝဒုက္ခတွေနဲ့ ဒီဘဝဒုက္ခကို ကုန်ဆုံးစေဖို့ပါ။ ဒါကြောင့် ကမ္ဘာကြီးဆုံးမဆုံး ပြဿနာတွေကို မေးနေခြင်းဟာ မြားမှန်တဲ့လူသားအတွက် မြန်မြန်သေစေဖို့ပဲဆိုတာ ဘုရားရှင်မိန့်ခဲ့ပါတယ်။

ဒါ့ကြောင့် နေစဉ်ဘဝထဲမှာကိုပဲ အရေးကြီးတဲ့ကိစ္စတွေကို အရင်ရွေးထုတ်ရမယ်။ ဥပမာ ထမင်းချက်နေတယ်ဆိုပါတော့၊ ဒီအချိန်မှာ သင်က ပရိဘောဂတွေကို ဖုန်သုတ်၊ ကြမ်းပြင်ကို တံမျက်စည်းလှည်းကောင်း လှည်းနေပါလိမ့်မယ်။ ခဏနေတော့ ထမင်းအိုးဆီက တူးနံ့တွေရလာရော။ ကဲ ဒါဆို သင်ဘာလုပ်တော့မလဲ။ ဖုန်ဆက်သုတ်မလား၊ ဝေနေတဲ့ ထမင်းအိုးဆီကို သွားမလား။ ဒါပါပဲ။ အသေးအမွှားလေးတွေကအစ အရေးကြီးတာကို အရင်လုပ်ကြရမှာပါ။

တတိယအချက်ကတော့ အမှန်တရားကို ရှင်းရှင်းလင်းလင်း ချပြခြင်းပါ။ ဒါကလည်း ကေသမုတ္တိသုတ်( ကာလာမ) နဲ့ ထင်ရှားစေပါတယ်။

ကာလာမသုတ်လာ လမ်းညွှန်ချက်အရ ကိုယ့်ကိုကိုယ်သာ ထိန်းကျောင်းဖို့ အရေးကြီးတယ်ဆိုတာ ရှင်းရှင်းကြီးပြထားပါတယ်။ ကိုယ့်လောဘ၊ ဒေါသ၊ မောဟကိုသိဖို့၊ ကိုယ့်ပျော်ရွှင်ကျေနပ်မှုကို သိဖို့ပါ။ အလွယ်ကူဆုံး အခြေခံလေးတွေပါပဲ။ ကိုယ့်အတွေ့အကြုံကို အခြေခံပြီး ကျင့်သုံးသွားမှသာ ဗုဒ္ဓရဲ့အဆုံးအမက ဘဝကိုပြောင်းလဲပေးသွားနိုင်မှာပါ။ ဘုရားရှင်ရဲ့ အဆုံးအမအရင်းအမြစ်တွေက ကိုယ့်ရဲ့ကိုယ်ပိုင်အတွေ့အကြုံတွေနဲ့ ပေါင်းစပ်လိုက်မှသာ ဒုက္ခကိုလွန်မြောက်ရေးဆိုတာကလည်း ဖြစ်လာနိုင်ပါတယ်။

ဗဟုသုတကို ရှာဖွေတဲ့နေရာမှာလည်း ဗုဒ္ဓဘာသာနဲ့ သိပ္ပံပညာရဲ့ချဉ်းကပ်ပုံ တူနေတာကို တွေ့ရပြန်ပါတယ်။ အော့ဘဂျက်တစ်ဖြစ်တဲ့ စူးစမ်းမှုကို ဘုရားရှင်က အလေးပေးခဲ့တယ်။ ဒါဟာ ဗုဒ္ဓရဲ့ ပထမသစ္စာဖြစ်တဲ့ ဒုက္ခသစ္စာပါပဲ။ ဒီဒုက္ခကိုသိရာမှတဆင့်၊ တဆင့်ခြင်းတက်သွားမှ ဒုက္ခကလည်း လွန်မြောက်မှာပါ။ အစ၊ အလယ်၊ အဆုံးသုံးပါးသော ဆုံးမစကားတွေဟာ ဒုက္ခငြိမ်းအေးဖို့ချည်းပါပဲ။

ဒါကလည်း အနောက်ကကျင့်သုံးတဲ့ အော့ဘဂျက်တစ် ချဉ်းကပ်ခြင်းဆိုတဲ့ သိပ္ပံနဲ့ဘာမှ မထူးပါဘူး။ သိပ္ပံကပြောတာက အရင်ပြဿနာကို တွေ့အောင်ရှာပြီး ဒါကိုဖြေရှင်းနည်းတွေဆက်ပြီး လုပ်သွားရမယ်ဆိုတာပါ။

ဒါ့ကြောင့် ဗုဒ္ဓရဲ့အဆုံးအမကို ပိုပြီးနီးကပ်အောင်ကြည့်ရင် ဒီအချက်ဟာ အနောက်နိုင်ငံသားတွေ ဗုဒ္ဓဘာသာကို စိတ်ဝင်စားလာရခြင်းရဲ့ အဓိကအကြောင်းပါပဲ။ ဒါဆို အိုင်စတိုင်းလိုပုဂ္ဂိုလ်က ဘာကြောင့်ဒါမျိုးမှတ်ချက်ပေးခဲ့ရတာလည်းဆိုတာ ထင်သာမြင်သာပါပြီ။ သိပ္ပံရဲ့အနှစ်သာရလို့ပြောရင်ရတဲ့ Analytical ကိစ္စကို ထပ်ပြီးပြောရရင် ဗုဒ္ဓဇင်နဲ့ သိပ္ပံဟာ ချဉ်းကပ်မှုဘာမှမထူးဘူးဆိုတာ ပိုပြီးတောင်ထင်ရှားစေပါလိမ့်မယ်။

ဘုရားအဆုံးအမတွေကိုချုပ်ကြည့်ရင် ရှုမှတ်တဲ့တရားနဲ့ အရှုခံတရား ဒီနှစ်မျိုးပဲရှိပါတယ်။ ကျွန်တော်တို့က ကျွန်တော်တို့ဝန်းကျင်က သက်ရှိသက်မဲ့တွေကို ရှုမှတ်တယ်။ ဝန်းကျင်က သက်ရှိသက်မဲ့တွေက ကျွန်တော်တို့ကို ပြန်ပြီးရှုမှတ်နေကြပြန်တယ်။ ဒါပါပဲ။ ဒါတွေကို ခန္ဓာငါးပါးဒေသနာနဲ့ ကြည့်နိုင်ပါတယ်။ ဒါဟာ တကယ်ကို ခွဲခြမ်းစိတ်ဖြာမှု ဝိဘဇ္ဇဝါဒပါ။ ခန္ဓာငါးပါးကို အာယတန(၁၂) ပါးနဲ့ပြန်ခွဲပြီး၊ ဓာတ် (၁၈) ပါးဆိုပြီး ပြန်စိတ်ဖြာပြခဲ့ပြန်ပါတယ်။

သာမာန်အမြင်ကို ဘုရားရှင်က ကျေနပ်အားရတော် မမူခဲ့ပါဘူး။ ဒါ့ကြောင့် စူးစမ်းလေ့လာမှု၊ သက်သေပြနိုင်တဲ့ အနှစ်သာရတွေအထိရောက်အောင် ပို့ဆောင်ခဲ့တာပါ။ လှည်းကြီးတစ်စီးကို လှည်းဘီးတွေ၊ လှည်းဝင်ရိုးတွေဆိုပြီး တစ်စစီခွဲထုတ်ပြခဲ့သလို ခန္ဓာကိုယ်ကို ခွဲထုတ်ပြတော်မူခဲ့ပါတယ်။ ဒါမှသာ သဘာဝတွေဘယ်လိုဖြစ်စဉ်အတိုင်း ဖြစ်တည်နေကြတယ်ဆိုတာ ပိုမိုသဘောပေါက်လာမှာပါ။

ပန်းတစ်ပွင့်ကိုမြင်တဲ့အခါ၊ သီချင်းတစ်ပုဒ်ကို နားထောင်တဲ့အခါ၊ မိတ်ဆွေတွေနဲ့ တွေ့ဆုံရတဲ့အခါတွေမှာ ခံစားမှုစတဲ့ နာမ်သဘာဝ၊ ရုပ်သဘာဝတွေ ပေါ်ထွက်လာပါတယ်။ ဒါဟာ ခန္ဓာငါးပါးကြောင့်ပါပဲ။

ဒီချဉ်းကပ်ပုံက သိပံ္ပအတွက် လုံးဝတစ်စိမ်းတရံမဟုတ်ပါဘူး။ ဒီလိုနည်းနဲ့ ချဉ်းကပ်ကြတာ အများကြီးပါ။ အထင်ရှားဆုံးသာဓကကတော့ ဘာထရန် ရပ်ဆဲ(လ်)ပါ။ ဗုဒ္ဓဘာသာရဲ့ အဆုံးအမတွေနဲ နှိုင်းယှဉ်ပြီးလေ့လာခဲ့တဲ့သူရဲ့ ဒဿနိက သဘောတရားတွေဟာ တော်တော်အောင်မြင်ခဲ့ပါတယ်။

အနောက်တိုင်းစိတ်ပညာရှင်တွေဟာ အခုဆိုရင် ဗုဒ္ဓရဲ့ စိတ်၊ ဝေဒနာ၊ သညာ၊ သင်္ခါရ၊ စေတနာနဲ့ပတ်သက်တဲ့ အဆုံးအမတွေကို လေးလေးနက်နက်ကြီး စိတ်ဝင်စားနေကြပါပြီ။ ဗုဒ္ဓဘာသာတို့အပေါ် အနောက်က စိတ်ဝင်စားလာမှုဟာ (၂၀) ရာစုနှောင်းပိုင်းလည်းရောက်ရော Relativity Theory နဲ့ Quantum Physics တို့ကြောင့် အမြင့်ဆုံးကို ရောက်ခဲ့ပါတော့တယ်။

သိပ္ပံရဲ့ အခြေခံမတ်သတ်တွေဖြစ်တဲ့ Observation, Experimentation နဲ့ Analysis တို့ကို ဗုဒ္ဓကကျင့်သုံးခဲ့ယုံသာမက လူသားနဲ့စင်္ကြာဝဠာတို့ သဘောတရားတွေရဲ့ အနှစ်ချုပ်အဓိပ္ပါယ်ကို တိတိကျကျဖော်ပြထားခဲ့တယ်။

ဆိုပါတော့ စိတ်ဟာအရေးအပါဆုံးဆိုတဲ့ကိစ္စ။ ဒါကို အနောက်တိုင်းက အချိန်အတော်ကြာ မသိခဲကြမိပါဘူး။ အခုမှ အသိအမှတ်ပြုလာခဲ့ကြတာပါ။ မကြာသေးမီကပဲ ရူပဗေဒပညာရှင်တစ်ယောက်က စင်္ကြာဝဠာဟာ တကယ့်အကြီးစားတွေ့ကြုံမှုတစ်ခုနဲ့ တူနေတယ်လို့တောင် ပြောခဲ့ပါတယ်။ ဒါဟာ ဘုရားရှင်ရဲ့ခြေရာကို ခံလိုက်တာပါ။ ဓမ္မပဒမှာ စိတ်ဟာ အရာခပ်သိမ်းကို ပြုလုပ်သူလို့ဟောခဲ့ပါတယ်။

ဒီလိုပါပဲ၊ ရုပ်နဲ့ နာမ်ဆက်သွယ်ချက်၊ မက်တာနဲ့ အင်နာဂျီဆက်သွယ်ချက်၊ ဘာမှခွဲခြားထားလို့မရပါဘူး။ ဒါက ဖွံ့ဖြိုးလာတဲ့သိပ္ပံက သိလိုက်ရတဲ့၊ လက်ခံလိုက်ရတဲ့ အချက်ပါ။

ဒါတွေကို အားလုံးခြုံကြည့်လိုက်တော့ အရှေ့ကဗုဒ္ဓရဲ့ အဆုံးအမဟာ အနောက်ကသိပ္ပံရဲ့ အခြေခံမူတွေနဲ့ ဘာမှမခြားဘူးဆိုတာ သိပ္ပံပညာရှင်တွေ၊ စိတ်ပညာရှင်တွေ၊ ဒဿနိကဆရာတွေ တွေ့လာခဲ့ကြရပါတော့တယ်။

အနည်းငယ်ထပ်ဖြည့်ရရင် ဗုဒ္ဓဘာသာနဲ့ သိပ္ပံဟာ အခြေခံမူတွေ၊ ဆုံးဖြတ်ချက်ချပုံတွေ တူညီတာရှိနေကြပေမယ့် ဗုဒ္ဓဘာသာက အလေးထားခဲ့တဲ့ အဇ္ဈတ္တငြိမ်းချမ်းရေးကိုတော့ အနောက်သိပ္ပံက အလှမ်းကွာဝေးနေသေးတယ် ဆိုတာ ပညာရှင်တွေထပ်တွေ့လိုက်ရတော့ ဗုဒ္ဓဘာသာကို သူတို့က ပိုပြီးတောင် စိတ်ဝင်တစားရှိလာကြပါတော့တယ်။

သိပ္ပံက ပိုကောင်းတဲ့ မြို့တော်တွေ၊ လမ်းမကြီးတွေ၊ စက်ရုံတွေ၊ စိုက်ခင်းတွေဖြစ်လာအောင် သင်ပြနိုင်ပေမယ့် ပိုကောင်းတဲ့လူဖြစ်လာအောင်တော့ မသင်ပြခဲ့ပါဘူး။ ဒါကြောင့် ဒီခေတ်လူသားက နှောင်းခေတ်က ဗုဒ္ဓဒေသနာဆီကို ခြေဦးလှည့်လာကြတာပါ။

ဒါတွေကတော့ ဒီနေ့အထိတိုးတက်လာနေတဲ့ သိပ္ပံကို ဗုဒ္ဓဘာသာနဲ့နှိုင်းကြည့်မိလိုက်တဲ့ ကျွန်တော့်အမြင်ပါ။ ။
(Peter Della Santina)




ဆုထားမျက်ချယ်












Copyright © 2012 ကမ်းလက်. All rights reserved.

What is mindfulness meditation? (သတိပဋ္ဌာန်တရားဟူသည် ဘာလဲ)

ဒီနည်းစနစ်က လူနာ၏ နာကျင်မှုနှင့် စိတ်ထိခိုက်မှုကို လျော့ကျစေနိုင်သည်။ Tony Merrit ဆိုသည့် စိတ်ပညာရှင်က ဆစ်ဒနီရှိ Royal Prince Alfred ဆေးရုံ၊ Pain Management Centre ၌ လူနားများကို သတိပဋ္ဌာန်တရားပြသပေးလျက်ရှိသည်။

"ဒီနည်းစနစ်က သတိပိုကောင်းစေပြီး နာကျင်မှုကို ရင်ဆိုင်ရာမှာ အထောက်အကူ အများကြီးဖြစ်စေပါတယ်။ဝေဒနာနဲ့ ကိုယ်တိုင် ခွဲခြားရှုမှတ်လိုက်ရင် ခြားနားချက်တွေ အမျာကြီးရှိလာတယ်။

ဥပမာနဲ့ပြောရရင် စိတ်ကသမုဒ္ဒရာနဲ့တူပြီး လူက လှိုင်းနဲ့တူတယ်။"

သတိပဋ္ဌာန်တရားက လှိုင်းကိုရပ်လို့မရပါဘူး။ လှိုင်းကြားထဲမှာ ဘယ်လိုရွက်လွှင့်သွားရမလဲ ဆိုတာကိုသာ သင်တာပါ။"သူကရှင်းပြပါတယ်။

နာကျင်မှုအပေါ်မှာရှုမှတ်နေလျှင် ဝေဒနာပိုဆိုးဖွယ်ရာရှိသည်ဟု လူအများက မှတ်ထင်တတ်ကြသည်၊ သို့သော် ဤပရိုဂရမ်၏ အဆုံး၌ လူကို မသက်မသာဖြစ်စေသော အရာသည် နာကျင်မှုထက် ထိုနာကျင်မှုအပေါ်၌ ငြိ တွယ်နေသော ကြောက်ရွံ့ထိတ်လန့်မှု သာဖြစ်ကြောင်း သဘောပေါက်သွားကြသည် ဟု သူကရှင်းပြသည်။

"ဝေဒနာကို အဆိုးအကောင်း သုံးသပ်မနေပဲ လက်ခံ မှတ်သားထားပြီး သူ့သဘောအတိုင်းထားလိုက်ရင် နာကျင်တဲ့ဝေဒနာက လျော့ပါးသွားပါတယ်"

သတိပဋ္ဌာန်တရားကိုအားထုတ်ရန် နှစ်ပေါင်းရှည်ကြာ မလိုအပ်လှပါ။ "ဝေဒနာကို ရှုမှတ်နိုင်တဲ့ အစွမ်းကို အချိန်ခပ်တိုတို အတွင်းမှာပဲ ရနိုင်ပါတယ်။ နှစ်ရက်အတွင်းမှာကိုပဲ ထူးထူးခြားခြား အကျိုးကျေးဇူးတွေ ရလာနေတာတွေ့မြင်နေရပါတယ်။ " ဟု Merritt က ထပ်မံရှင်းပြခဲ့သည်။

For more information,visit


ဆုထားမျက်ချယ်

















Copyright © 2011 ကမ်းလက်. All rights reserved.

ရေနွေးကြမ်းစကားများ

ရေနွေးကြမ်းသည် တရားဘာဝနာ၏ မိတ်ဆွေဖြစ်သည်။ အသည်းနှလုံးကို ကြီးထွားစေပြီး ငြိမ်းချမ်းမှု ကို လေးနက်စေ ၏။ ရေနွေးကြမ်းသည်အတွေးအခေါ်၏ တောင်ပံများဖြစ်ပြီး လူသားကိုသာမန်ဘ၀ထက် ပိုအောင် ပို့ဆောင်ပေးတတ် ၏။ ထို့ကြောင့် ကမ္ဘာ အရှေ့ခြမ်းနိုင်ငံတိုင်း၌ ရေနွေးခြမ်းကို မက်မက်မောမော သောက်သုံးကြလေ၏။

ထုတ်လုပ်ပုံနည်းပညာမတူသဖြင့် ချိုင်းနီ(စ်)တီးဟု ခေါ်သော ရေနွေးကြမ်းသည် ယေဘုယျအားဖြင့် ခြောက်မျိုးကွဲပြားလေသည်။
  1. Green tea
  2. Black tea
  3. Oolong tea
  4. Dark tea
  5. Yellow tea နှင့်
  6. White tea တို့ဖြစ်လေသည်။

Green tea သည်တရုတ်ပြည်တောင်ပိုင်းမှထွက်ပြီး ပညာရှင်များအကြိုက်ဟုဆိုကြသည်။ Black tea ကား ပြန်လည်မွမ်းမံမှုဖြင့် စီရင်ထားပြီး အမျိုးသမီးများ အကြိုက်ဟုဆိုကြ၏ ။ အူးလုံးတီးကား နွေးထွေးပြီးလူကိုတက်ကြွစေသဖြင့် အားကစားသမားများ အကြိုက်ဟုဆိုကြပြန်သည်။ Dark tea ကား လျှာပေါ်၌ အရသာစွဲထင်ရစ်သဖြင့် ပညာရှင်နှင့် သက်ကြီးရွယ်အိုတို့ အသဲစွဲတည်း။

တရုတ်ပြည်ကား ရေနွေးကြမ်းနှင့်ပတ်သက်၍ ရှေ့ဆောင်နိုင်ငံဖြစ်ပြီး ရေနွေးကြမ်းပေါ်ပေါက်လာပုံနှင့် ပတ်သက်၍ နှစ်ပေါင်းလေး ငါးထောင်ခန့် သမိုင်းရှိလေသည်။ အစပိုင်းတွင်လတ်ဆတ်သော လက်ဖက်ရွက်ကို ရေနွေးထဲကို ထည့်သောက် ကြပြီး နောက်ပိုင်းတွင် လက်ဖက်ရွက်ကို အခြောက်လှမ်းပြုပြင်ပြီး သောက်သုံးလာကြသည်။ ထိုမှနောက် ခြောက်မျိုးသော ရေနွေး ကြမ်း အမျိုးအစား တို့ တန်မင်းဆက်၌ (၆၁၁-၉၀၆) ဖွံ့ဖြိုးလာခဲ့လေတော့သည်။

မူလရေနွေးကြမ်းသမိုင်းကားပျောက်ဆုံးခဲ့ပြီဖြစ်၏။ အကြမ်းဖျင်း မှတ်သားနိုင်သည်ကား ရေနွေးကြမ်းယဉ်ကျေးမှုသည် တရုတ်ပြည် အနောက်တောင်ပိုင်းမှ စတင်ခံ့သည်ဟု ဆိုနိုင်၏။ ယူနန်နှင့် အခြားသောနေရာများ၌ သက်တမ်းထောင်ချီသော လက်ဖက်ပင်များရှိနေ၏။ ယင်းရေနွေးကြမ်းကို စတင်တွေ့ရှိသူကား Shen Nong ဟုဆိုကြ၏။ (မြန်မာလို ရှင်နှောင်းလို့ဆိုရလျှင် မှတ်သားရလွယ်ကူနိုင်ပါသည်။)



ရှင်နှောင်းကား သစ်ပင်အမျိုးမျိုးမှ သစ်ရွက်တို့ကိုခူးကာ စားသောက်လို့ဖြစ်မဖြစ် ၊ ဆေးဝါးအတွက် အသုံးဝင် မ၀င် အမျိုးမျိုးစမ်းသပ်ကြည့်ခဲ့၏။ ကံကောင်းသည်မှာ ရှင်နှောင်း၌ ထူးခြားသော အစာအိမ်ရှိပြီး ထိုသစ်ရွက်တို့၏ တုန်ပြန်မှုကို နားလည်ခံစားနိုင်၏။ ထို့ကြောင့်ပင် “ရှင်နှောင်း သစ်ရွက်တစ်ရာကို မြည်း၏ ” ဆိုသော စကားပုံပေါ်ပေါက်လာလေတော့သည်။

တနေ့၊ ခရီးအဝေးကြီးလမ်းလျှောက်ခဲ့ပြီးနောက်မောပန်းဆာလောင်နေသော ရှင်နှောင်းတစ်ယောက် သစ်ပင်အောက်၌ အနားယူနေ၏။ ထို့နောက်ရေနွေးအိုးတည်၏။ ထိုစဉ်ကြွေကျလာသော လက်ဖက်ရွက်တစ်ချို့ ရှင်နှောင်း၏ ရေနွေးအိုး ထဲသို့ကျလေသည်။ ထိုရေနွေးကို သောက်ကြည့်သောအခါ ချိုမြမြရှိယုံသာမက လွန်စွာအရသာရှိပြီး လူကိုလန်းဆန်းသွားသည် ကိုလည်း ရှင်နှောင်းတွေ့ခဲ့ရတော့သည်။ သူပင်ပန်းခဲ့သမျှ ယူပစ်လိုက်သလို ပျောက်သွား၏။ ထို့ကြောင့် ထိုရေနွေးကြမ်း အားလုံးကု ရှင်နှောင်းသောက်ပစ်လိုက်လေတော့သည်။

ရှင်နှောင်းနှင့်ပတ်သက်သော နောက်ဇာတ်လမ်းတစ်ပုဒ်က ပို၍ပင် အံ့သြဖွယ်ကောင်းသေး၏။ ရှင်နှောင်းက ၇၂ -မျိုးသော အဆိပ်အတောက်ဖြစ်စေသည့် သစ်ရွက်တို့ကို မြည်း၏။ ပြီး - မြေပြင်၌ သေလုမျောပါးဖြစ်နေရှာ၏။ ထိုအခါ သူ့ဘေးသို့ကြွေ ကျလာသော သစ်ရွက်တစ်ချို့၏ အနံ့ အသက်ကို ရှင်နှောင်းရလေသည်။ စပ်စုသောရှင်နှောင်းက ထိုသစ်ရွက်တို့ကို ပါးစပ်ထဲ ထည့်ပြီးဝါးလေတော့၏။ ခဏကြာသောအခါ ရှင်နှောင်း၏ ကုန်ခမ်းသွားသော အားအင်များ ပြန်လည်ပြည့်ဖြိုးလာသည်ဟု ဆို၏။ ထို့နောက် ထိုအရွက်တို့ကို ကောက်ယူစားလိုက်သောအခါ သူ့ခန္ဓာကိုယ်ထဲမှာ ရှိနေသော အဆိပ်မျာအားလုံး ကင်းစင်သွာလေတော့၏။

ဇာတ်လမ်းများက မည်သို့ပင်ဆိုစေ၊ ရေနွေးကြမ်းနှင့် ပတ်သက်၍ကား ရှင်နှောင်း၏ အခန်းကဏ္ဍကို ပစ်ပယ်ထား၍ မရတော့ပေ။ ထို့ကြောင့် တရုတ်ရှေးဟောင်းဆေးပညာကျမ်းကြီးကို ရှင်နှောင်းကို ဂုဏ်ပြုသောအားဖြင့် “Shen Nong Herbal” ဟုခေါ်ကြလေတော့၏။

           “Tea tastes bitter. Drink it, 
                      one can think quicker, 
                                 Sleep less, move lighter, 
                                            And see clearer.”

ဟုရေနွေးကြမ်းကို ဂုဏ်ပြုစပ်ဆိုထားကြလေတော့သည်။

Zhou မင်းဆက်ရောက်သောအခါ (၁၀၄၆ -၂၅၆ ဘီစီ) ရေနွေးကြမ်းသည် ခန္ဓာကိုယ်ကို ပေါ့ပါးစေပြီး စိတ်ကိုကြည် လင်စေသဖြင့် ဆေးအရာသို့ပင် ထားခဲ့ကြသည်။ လက်ဖက်ရွက်ကိုပို၍ကောင်းမွန်အောင်လည်း ကြိုးစားပြုပြင်လာခဲ့ကြသည်။

Ham မင်းဆက် (၂၀၆ ဘီစီ - အေဒီ ၂၂၀) သို့ရောက်သောအခါ လက်ဖက်ရွက်ခူးခြင်း လက်ဖက်ပြုလုပ်ခြင်း များစွာတိုးတက် လာခဲ့သည်။ ရေနွေးကြမ်းသည် အရသာရှိသော သောက်သုံးဖွယ်တစ်ခုဖြစ်ခဲ့ပြီး ဂုဏ်သရေရှိလူတန်းစားများကြား၌ များစွာရေပန်း စားလာလေတော့သည်။

Wei (၂၂၀ - ၂၆၅) နှင့် Jin(၂၆၅ - ၄၂၀) မင်းဆက်များလက်ထက်တွင်မူ ရေနွေးကြမ်းသည် ဧည့်ခံပွဲမျာ၌ မပါမဖြစ် သောက်ဖွယ် တစ်ခု ဖြစ်လာတော့သည်။ ထိုအခါ လူအများက လူကိုလန်းဆန်းပြီး သန့်ရှင်းသော ရေနွေးကြမ်းကို မူးယစ်စေတတ်သော ၀ိုင်ထက် ပင် ပို၍လူကြိုက်များလာလေတော့သည်။

ထိုမင်းသုံးဆက်၏ နောက်ဆုံးမင်းမှာ Sun Hao(264-280) ဖြစ၏။ သူကပွဲတော်တည်တိုင်း သူ့မူးမတ်များကို ၀ိုင် ခြောက်လီတာ ကုန်အောင် သောက်ရမည်ဟု အမိန့်ပေး၏။ ထိုမူးမတ်များတွင် အမတ်တစ်ယောက်က ၀ိုင်ကိုမကြိုက်၊ ထို့ကြောင့်  ၀ိုင် အစား ရေနွေးကြမ်းသောက်ခွင့်ပြုရန်တောင်းပန်၏။ အမှန်မူ ၀ိုင်နှင့် ရေနွေးကြမ်းအစား ဆက်စပ်မှု တူညီမှု အချို့ ရှိလေသည်။

ဝိုင်ကပျော်ရွှင်ဖွယ်ကောင်းသော ၀န်းကျင်နှင့် သဟဇာတဖြစ်ပြီး ရေနွေးကြမ်းကမူ တိတ်ဆိတ်သော ၀န်းကျင်နှင့် ပို၍စပ်ဟပ်သည်။ သူတို့ကြား၌ ကွဲပြားမှုများစွာရှိသော်လည်း ရေနွေးကြမ်းနှင့်ဝိုင်ကား အကောင်းဆုံး ပါတနာများလည်းဖြစ်လေသည်။ အကြောင်းကရေနွေးကြမ်းက မူးယစ်မှုကို ပြေပျောက်စေခြင်းကြောင့်ဖြစ်၏။ ရေနွေးကြမ်း ယဉ်ကျေးမှု ပျံ့နှံ့ရာ၌ ဗုဒ္ဓဘာသာနှင့်  တာအိုဘာသာ တို့ကလည်း ခွဲခြား၍ မရအောင် အရေးပါလှသည်။

ဗုဒ္ဓဘာသာဝင်များက ရေနွေးကြမ်းသည် ငိုက်မြည်းမှု ၊ နှေးကွေးလေးလံမှုတို့ကို ပယ်ဖျောက်နိုင်၏ ဟူသော အကြောင်းပြ ချက်ဖြင့် နှစ်ခြိုက်ကြသလို တာအိုဘာသာဝင် တို့ကလည်း ရေနွေးကြမ်းက လူကိုနုပျိုစေတယ် ဆိုပြီး နှစ်နှစ် ခြိုက်ခြိုက်  သောက်သုံးကြ၏။ ထိုအခါ လူအများက လက်ဖက်ရွက် များကို ကိတ်မုန့်သဏ္ဍာန်ပြုလုပ် ကြ၏။ သောက် လိုသော အခါမှ ဖဲ့ယူ၍ ရေနွေးအိုးထဲသို့ ထည့်ပြီးသောက်ကြ၏ ။


ထို့ကြောင့်ရေနွေးကြမ်းသည် “Tan မင်းဆက်မှာ အစပြုခဲ့ပြီး Song မင်းဆက်မှာ ဖွံ့ဖြိုးခဲ့သည်။” ဟု ဆိုစမှတ်ပြုကြရတော့သည်။

ယင်းလက်ဖက်ရွက်၊ ရေနွေးကြမ်း ၊ လက်ဖက်ရည်တို့ကား ယနေ့ဆိုလျှင် ကမ္ဘာသို့ပင် ပျံ့နှံ့နေပြီဖြစ်၏ ။ ဂျပန်ဘုန်းတော်ကြီး များက လက်ဖက်စေ့၊ လက်ဖက်ခြောက်ပြုလုပ်နည်း ၊ ရေနွေးကြမ်း အသုံးအဆောင် ပစ္စည်းတို့ကို ဂျပန်သို့ သယ်ယူသွားကြသည်။ ယခုဆိုလျှင် ဂျပန်မှာ ရေနွေးကြမ်း ပွဲတော်ဟုပင် ရှိလေသည်။

ဥရောပတိုက်သို့ လက်ဖက်ရွက် ၊ လက်ဖက်ခြောက် ရောက်ရှိခြင်းနှင့်ပတ်သက်၍ ရှေးဦးအကျဆုံး အထောက်အထားကို ခရီးသွား အာရပ်တစ်ယောက်၏ မှတ်စု၌ တွေ့ရ၏။ မာကိုပိုလို၏ မှတ်စုထဲ၌လည်း တရုတ်ဘဏ္ဍာရေး အမတ်ကြီးက လက်ဖက်ခြောက် ၊ လက်ဖက်ရွက် အခွန်နှင့် ပတ်သက်ပြီး အဆမတန် တောင်းခံကြောင်း ရေးသားထားလေသည်။

(၁၆) ရာစုရောက်သောအခါ ဒတ(ခ်ျ)တို့က ကမ္ဘာ့အရှေ့ပိုင်း၌ လွန်စွာထူးဆန်း၍ အရသာနှင့်ပြည့်စုံလှသော သစ်ရွက်တစ်မျိုး ရှိကြောင်း သတင်းကို ဥရောပသို့ သယ်ဆောင်သွားခဲ့ကြ၏။ ထိုစကားသည် ဥရောပသားတို့အတွက် လက်ဖက်ရွက်နှင့် ပတ်သက်ပြီး ပထမဆုံးကြားရသောစကား ဖြစ်လေသည်။

၁၆၁၀ ခုနှစ်တွင် အရှေ့ အိန္ဒိယ ကုမ္ပဏီက ဥရောပသို့ ပထမဆုံး လက်ဖက်တင်ပို့လေတော့သည်။ ထို့နောက် လက်ဖက်ရည် သောက်ခြင်း အကျင့် ဥရောပ၌ အမြစ်တွယ်သွားလေတော့သည်။

ထို့နောက် ၁၆၃၆ ခုတွင် ပြင်သစ်၊ နှစ်နှစ်ကြာသောအခါ ရှရှားသို့ လက်ဖက်ပျံ့သွားတော့သည်။ ယနေ့ လက်ဖက်ရည်ကို စွဲစွဲမြဲမြဲ သောက်သုံးနေသော အင်္ဂလန်ကား ၁၆၅၀ ခုအထိ လက်ဖက်အကြောင်း ဘာမှ မသိခဲ့ရှာပေ။

လက်ဖက်ရွက်ထဲ၌ ၄၅၀ ကျော် ဓါတ်သဘာဝများ ပါဝင်နေကြာင်း သိပ္ပံက ရှာဖွေတွေ့ရှိခဲ့သည်။ တစ်ချို့ စွမ်းအင်များက လူကိုဒုက္ခပေးနိုင်သည့် ရောဂါတစ်ချို့ကိုပင် ကာကွယ်ပျောက်ကင်းစေနိုင်ကြောင်းတွေ့ရ၏။


Green tea ဆိုလျှင် ဗီတာမင်များ ပါဝင်သည့်အပြင် ကင်ဆာဆဲ(လ်)များကို ကာကွယ်ပေးနိုင်သည့် Hydroxybenzene ဓါတ်သဘာဝပါဝင်လေသည်။ အူလုံးတီး (Oolong tea) ဆိုလျှင် ကိုယ်အလေးချိန်ကိုကျစေနိုင်၏။ Black tea က သလိပ်ပျော်စေပြီး အစာကျေညက်မှု အားကောင်းစေကာ စားသုံးသမျှ ခံတွင်းတွေ့စေ၏ ။ အထူုးသဖြင့် အစာအိမ်ရောဂါရှိသူများနှင့် ကိုက်ညီ၏။ Duer tea ကနှလုံးသွေးကြောကျဉ်းရောဂါကို ကာကွယ်ပြီး “Tea of longevity” ဟုပင် ဆိုစမှတ်ပြုထားကြရသည်။

လက်ဖက်ရွက်များသည် Rediation ကိုကာကွယ်မှုပေးနိုင်သည့်အတွက် ကွန်ပျူတာအမြဲတမ်းသုံးစွဲနေရသူများနှင့် အထူးသင့်တော်လေသည်။

(၂၁) ရာစုတွင် ရေနွေးကြမ်းကို သောက်စရာဟု အသိအမှတ်ပြုထားရသည့် အပြင် လက်ဖက်ရွက်၏ အဆီအနှစ် များကို ခေါင်းလျှော်ရည် များ ၊ သွားတိုက်ဆေးများနှင့် အခြားနေ့စဉ်သုံး ပစ္စည်းများတွင်ပါ တွေ့ရှိလာရတော့သည်။ ကျန်းမာရေး အတွက် လိမ်းဆေးများ တွင်လည်း လက်ဖက်ရွက်၏ အဆီအနှစ်များ ပါဝင်နေပြန်သေး၏။

သို့ဖြင့်ပင် ရေနွေးကြမ်း၏ ဇတ်လမ်းကတော့ ပြောမဆုံးပေါင် တောသုံးတောင်ပင် ရှိနေဆဲပင်။



ဆုထားမျက်ချယ်






(Chinese Tea by Lin Tong, Translated by Yue LiwenEternal Tea Fragrance ကို သင့်သလို ပြန်ဆိုထားပါသည်။)


Copyright © 2012 ကမ်းလက်. All rights reserved.

Meditation as medication (တရားသည်ဆေး)

သတိပဋ္ဌာန်တရားကို စွဲစွဲမြဲမြဲ အားထုတ်နေသူများသည် နာကျင်မှုဒဏ်ပို၍ သည်းခံနိုင်ကြသည်ဟူသောအချက်ကို အချိန် အတော်ကြာ ကတည်းကပင်သိခဲ့ရသည်။

ယခုတွေ့ရှိမှုအရ ကျင့်စ ယောဂီအသစ်များပင် အကျိုးတရားများရရှိနိုင်သည်။

North Carolina တက္ကသိုလ်က တစ်ရက်လျင် တစ်နာရီ၊သုံးရက်ကြာ သတိပဋ္ဌာန်တရားကုထုံးကို စမ်းသပ်ခဲ့ကြသည်။

ထို သုံးနာရီမျှဖြင့် နာကျင်မှုကိုသက်သာစေကြောင်းတွေ့ရှိခဲကြသည်။ ထိုအဖွဲ့ခေါင်းဆောင် စိတ်ပညာရှင် Fadel Zeidan က တရားထိုင်ခြင်းဟာ ခက်ခဲတဲ့အလုပ်၊ ဒါမှမဟုတ် ငြိမ်းအေးမှုအတွေ့အကြုံ အတွက်သာ ဆိုသူတွေ အတွက် ရွေးချယ်စရာ တစ်ခု ဖြစ်သွားလိမ့်မယ်ထင်တယ်လို့ ဆိုပါတယ်။

"တရားအကြာကြီးထိုင်ခဲ့တဲ့သူတွေဟာ သူတို့ ဦးနှောက်တွေက အများကြီးပြောင်းလဲသွားတော့ နာကျင်မှုဒဏ် ပို ခံနိုင်ရည်ရှိတယ် ဆိုတာ အချိန်အတော်ကြာကတည်းကသိခဲ့ရပါတယ်။

ဒါပေမယ့် သုံးရက်အတွင်းလေးမှာ တစ်ရက်ကို မိနစ် ၂၀ လောက် တရားမှတ်ရုံနဲ့ အကျိုးရှိတယ်ဆိုတာတော့ အခုမှ တွေ့ရှိခဲ့ရပါတယ်" သူကဆိုပါတယ်။


For more information, please visit
mindfulness.org.au


ဆုထားမျက်ချယ်









Copyright © 2012 ကမ်းလက်. All rights reserved.

Why Buddhism and not Christianity

ဒီနေ့မနက် FB မှာထိုင်းလူမျိုးတစ်ယောက်က မေး ခွန်းနှစ်ခုမေးတယ်၊ အီစတာပွဲကိုမြင်ပြီး စိတ်ဝင်စားတာရယ် ခရစ်ယန်အသိုင်းအဝိုင်းထဲက အနောက်တိုင်းသားတစ်ယောက် ဗုဒ္ဓဘာသာရဟန်းဖြစ်နေတာရယ်ကြောင့်ပါ။

သူသိချင်တာက ဘုန်းကြီးဘာကြောင့် ရဟန်းဝတ်ရတာလဲ နဲ့ ခရစ်ယန်နဲ့ ဗုဒ္ဓဘာသာ တို့ရဲ့ ခြားနားချက်ကဘာလဲ ဆိုတာပါ။ ဘုန်းကြီးကမဂ္ဂဇင်းကနေပဲ ဖြေဖို့ဆုံးဖြတ်ပါတယ်၊ ဒီအဖြေက FB ကွန်မင့်မှာသိပ်ရှည်လျားသွားမှာမို့ပါ။ ပြီးတော့ ဒီအဖြေကိုလူတိုင်းဖတ်လို့ရတာလည်း ဖြစ်စေချင်တယ်။ ဒါကိုဖတ်ပြီး လူတိုင်းကွန်မင့်ပေးလို့လည်းရသွားတာပေါ့။ ဒီစာက ဘယ်သူ့ကိုမှအတိုက်အခံမဖြစ်စေချင်သလိုအားလုံးဖက်ကလည်း ဒီလိုပဲလို့မျှော်လင့်ပါတယ်။

ပထမမေးခွန်းကိုဖြေဖို့အတွက် ဒုတိယမေးခွန်းကို အရင်ဖြေတာက ပိုအဆင်ပြေမယ်လို့ထင်ပါတယ်။

ဒါက ဂျီးဇက်နဲ့ ဗုဒ္ဓ တို့ အဆုံးအမတွေရဲ့ အဓိက ခြားနားချက်က ဘာလဲ ဆိုတာပါ။ အခြေခံအားဖြင့် ဘာသာတွေအားလုံး အတူတူပဲဆိုတာ ဒီနေ့ တော်တော်များများပြောနေကြတယ်။ တစ်ချို့မှန်ပါတယ်။ လူသားတိုင်းအတွက် လူတော်လူကောင်းတွေဖြစ်အောင်လုပ်ရမယ်ဆိုတာ ဘာသာတိုင်း သင်ကြားကြပါတယ်။ ဒီအထိသဘောတူပါတယ်။ အခုပြောမှာတွေကလည်း ကိုယ့်ဘာသာ ပြန့်ပွားရေးအတွက် သူများဘာသာကို ထိခိုက်စေဆိုတဲ့ ဘာသာရေး တစ်ယူသန်ကိစ္စအကြောင်း မဟုတ်ပါဘူး။ ဒါပေမယ့် ဘာသာတရားတွေမှာ လုံးဝ ညှိလို့မရတဲ့ ကွဲလွဲမှုတွေရှိပါတယ်။ ဒါကြောင့် သူတို့ကို မုန်တီးဖို့ မလိုသလို သူတို့တည်ရှိနေခြင်းကိုလည်း ငြင်းဆန်နေစရာမလိုပါဘူး။

စရစ်ယန်ကပြောပြီး ဗုဒ္ဓဘာသာက မပြောခဲ့တာတွေက..
  • ၁။         ခရစ်ယန်ဘာသာက ဖန်ဆင်းရှင်အကြောင်းကို ဆုံးမတယ်၊ ဗုဒ္ဓဘာသာကဖန်ဆင်းရှင်အကြောင်းမပြောဘူး။

  • ၂။         ခရစ်ယန်ဘာသာက ဂျီးဇက်ဟာ ထာဝရုရားရှင်ရဲ့ သားလို့ဆိုပြီး ၊ဗုဒ္ဓဘာသာကတော့ ဗုဒ္ဓဟာလူသားတစ်ယောက်ဖြစ်ပြီး သစ္စာတရားကိုလည်း ကိုယ်တိုင်ကြိုးစားပြီးမှသိခဲ့ရတာလို့ဆိုပါတယ်။ ဗုဒ္ဓဟာ နတ်မဟုတ်၊ နတ်ရဲ့သားမဟုတ်၊နတ်ရဲ့မက်ဆေ့ဂ်ျကိုသယ်လာသူလည်းမဟုတ်ပါဘူး။

  • ၃။         ခရစ်ယန်ဘာသာက ထာဝရ ဝိဉာဉ်ရှိတယ်လို့ဆိုတယ်၊ ဗုဒ္ဓဘာသာက ဒါကိုငြင်းတယ်၊ အရာခပ်သိမ်းဟာ ဖြစ် ပျက်ပဲရှိတယ်။

  • ၄။         ခရစ်ယန်ဘာသာက အားလုံးတစ်ဘဝပဲရှိတယ်၊ ဒီဘဝပြီးရင် ကယ်တင်ရှင်ကို ယုံရင်ယုံသလို မယုံရင်မယုံသလို ထာဝရကောင်းကင်ဘုံနဲ့ ထာဝရငရဲမှာ စံရ ခံရမယ်လို့ဆိုတယ်။ ဗုဒ္ဓဘာသာက ရေတွက်လို့မရတဲ အတိတ်ဘဝတွေ ဘုံဘဝအသီးသီးမှာရှိခဲ့ပြီးပြီ၊ ကိလေသာကုန်ခမ်းပြီးရဟန္တာဖြစ်သည်အထိ ဒီသံသရာကဆက်လည်နေဦးမယ်လို့ဆိုတယ်။ ကျွန်ုပ်တို့ကျူးလွန်ခဲ့တဲ့အပြစ်တွေကိုခွင့်လွှတ်ပြီး လာရောက်ကယ်တင်ပေးဖို့ တောင်းခံစရာ ပြင်ပ တန်ခိုးရှင်လည်းမရှိပါဘူး။

  • ၅။         ခရစ်ယန်ဘာသာ ယုံကြည်တာက တိရစ္ဆာန်တွေဟာ ဝိဉာဉ်မရှိလို့ လူသားတွေပဲ ကယ်တင်ခြင်းကိုခံရမယ် လို့ဆိုတယ်။ ဗုဒ္ဓဘာသာကတော့ သတ္တဝါအားလုံးဟာ ခံစားမှုရှိတယ်၊ဒါကြောင့် အားလုံးဟာဒုက္ခမှလွတ်မြောက်သင့်တယ်လို့ ဆိုပါတယ်။

  • ၆။         ခရစ်ယန်ဘာသာ ယုံကြည်တာက ကျွန်ုပ်တို့မှာ ဆွေ(၇)ဆက်က အကုသိုလ်တွေအတွက် တာဝန်ရှိတယ်လို့ဆိုတယ်။ ဗုဒ္ဓဘာသာက ပြောတာကတော့ ဘုန်းကြီးကံနဲ့ဘုန်းကြီးပဲ၊ဘုန်းကြီးက ဘယ်သူ့ကံကိုမှတာဝန်ယူစရာမလိုဘူး လို့ဆိုပါတယ်။

ဒီတော့ ပထမမေးခွန်းကိုဖြေဖို့ ခရစ်ယန်ဘာသာနဲ့ဗုဒ္ဓဘာသာကြားခြားနားချက် သဲလွန်စ တစ်ချို့ရခဲ့ပါတယ်။

ဘာကြောင့် ဗုဒ္ဓဘာသာရန်းတော်တစ်ပါးလုပ်ဖို့ ဆုံးဖြတ်ခဲ့တာလဲ။ အနောက်မှာကြီးပြင်းခဲ့ရသူပီပီ ပုံစံအမျိုးမျိုးနဲ့ ခရစ်ယန်နဲ့ပဲ ထိစပ်နေခဲ့ပါတယ်။ ဒါပေမယ့် စွဲယူဖို့ခက်ခဲတဲ့ ခရစ်ယန်ဘာသာ ယုံကြည်မှုတွေရှိခဲ့ပါတယ်။


  • ၁။         ဘုန်းကြီးကြားသိခဲ့ရတာက လူတစ်ယောက်သေအံ့ဆဲဆဲမှာ အပြစ်တွေကိုခွင့်လွှတ်ပြီးကယ်တင်ဖို့ ဂျီးဇက်ဆီမှာတောင်းခံခွင့်ရရင် ထာဝရကောင်းကင်ဘုံမှာ ခံစားရပြီး မွေကင်းစကလေးတစ်ယောက်ဟာ ဂျီးဇက်ဆီမှာ ဒီလိုတောင်းခံမှုမျိုးမပြလုပ်ရဘဲ သေဆုံးခဲ့မယ်ဆိုရင် ထာဝရငရဲဘုံမှာ ခံစားသွားရမယ် ဆိုတာပါ။

  • ၂။         ဂျီးဇက်မပေါ်မှီမွေးဖွားသေဆုံးသွားကြသူတိုင်းဟာ ဂျီးဇက်ကို ကယ်တင်ရှင်အဖြစ် တောင်းခံခွင့်မရခဲ့ကြတဲ့အတွက်ထာဝရငရဲဘုံမှာ ခံစားသွားရမယ်လို့ ကြားခဲ့ရဖူးပြန်ပါတယ်။

  • ၃။         နောက်တစ်ခုက အဖေရဲ့အပြစ်တွေ သားကအစားခံယူရမယ်ဆိုရင် အဲဒီသားဟာထာဝရကောင်းကင်ဘုံရောက်ဖို့ အခွင့်အလမ်းရှိပါဦးမလား။ တကယ်လို့ ကိုယ်ပြုတဲ့ကံက အဲသလိုစီမံပြီးသားဆိုရင် ကိုယ်ကြိုက်တာတွေလုပ်လိုက်ရုံပါပဲ။

  • ၄။        နောက်ထပ်ပြဿနာတစ်ခု နောက်ဆုံး ဘိုက်ဘယ်စာအုပ်ထဲမှာဖော်ပြထားတာက လူပေါင်း ၁၄၄ ၀၀၀ သာ ကယ်တင်ခြင်းခံရမယ် တဲ့။ ဒါဆို လူတွေ အများကြီး အမှောင်ကမ္ဘာကြီးထဲ ကျန်နေခဲ့ရလိမ့်မယ်ထင်ပါတယ်။

လွန်ခဲ့တဲ့ ဆယ်နှစ်ကအိန္ဒိယမှာ ဒလိုင်းလားမားရဲ့ တရားနာဖို့ အခွင့်ကြုံခဲ့ပါတယ်။ သူက ဗုဒ္ဓဘာသာရဲ့ အခြေခံဖြစ်တဲ့ ကံ၊သံသရာအကြောင်းကိုဟောသွားခဲ့တယ်၊ နက်နက်နဲနဲရှိလှပါတယ်။ ဒါပေမယ့် ကိုယ်တိုင်က ထေရဝါဒဖက်ကို ပိုနွှယ်နေတော့ ထိုင်းနိုင်ငံက ကျောင်းတွေမှာ အနေများပြီး ဝိပဿနာတရား ကိုပဲ အားထုတ်ဖြစ်ခဲ့တယ်။ နှစ်အတော်ကြာတော့ ရဟန်းဝတ်ဖို့ စဉ်းစားမိသေးတယ်၊ ဒါပေမယ့် တစ်ခုခုက အမြဲ ဆွဲထားသလိုပါ။

မနှစ်ကတော့ ချင်းမိုင်က အိမ်မှာ ကိတ်မုန့်စားနေရင်း မုန့်အပဲ့လေးတွေ ကျမ်းပြင်ပေါ်ကျသွားတယ်။ မကြာပါဘူး ပုရွက်ဆိတ်တွေ အတန်ကြီးလိုက်ရောက်ာပြီး မုန့်အပဲ့လေးတွေ ချီပြီးပြန်သွားကြတယ်။

သူတို့ကိုကြည့်ရင်း ငါ ဘယ်လောက်ကံကောင်းလိုသလဲ၊ လူဖြစ်လာပြီး ဘုရားရှင်ရဲ့ တရားတော်တွေကို နာခွင့်ရနေတယ် လို့စဉ်းစားမိတယ်။ အရွယ်လည်းရှိ စိတ်ဓာတ်လည်းပြင်းပြနေတုန်း အိမ်ကိုအပ်နှံပြီး ဒီကိစ္စကိုအထမြောက်အောင်ကြိုးစားခဲ့ပါတယ်။ မနှစ်ကပဲ ရဟန်းဖြစ်ပြီး ဝိဿနာတရားပြဖို့ ဒီကျောင်းက ပင့်လျှောက်တာနဲ့ အခု ဒီရောက်နေတာပါ။

ဘုန်ကြီးက နယူးဇီလန်မှာမွေးခဲ့တော့ ပတ်ဝန်းကျင်အမှားထဲရောက်နေရသလို ငယ်စဉ်ကခံစားခဲ့ရတယ်။ လမ်းသူရဲတွေနဲ့အတူနေပြီး ရန်ဖြစ်တဲ့အထဲတွေအထိ ပါဝင်လာခဲ့တယ်။ ဒီအပြစ်တွေကိုမြင်လာတာနဲ့ မွေးရပ်နိုင်ငံကနေ ခရီးထွက်ဖြစ်ခဲ့တယ်။ ခရီးထွက်ရင်းနဲ့ ကိုယ့်ထက်ပျော်စရာကောင်းတဲဘဝမှာ နေကြတဲ့လူတွေကိုတွေ့လာတယ်။ ဒါနဲ့ တရားတွေ စ နာဖြစ်ခဲ့တာပါ။

ပထမဆုံး တရားနာရတဲ့ အခိုက်မှာ ကိုယ့်အိမ်ပြန်ရောက်သွားသလို စိတ်ထဲမှာ ခံစားနေရတယ်။ ပထမ တိဗက်နည်းနဲ့ တရားထိုင်ခဲ့တယ်၊နောက်မှ ဝိပဿနာတရားရိပ်သာကို ရောက်တာပါ။ ၂၀၀၅ ခုနှစ်မှာ ချင်းမိုင်က ဆရာတော် That Doi ဆီ ချဉ်းကပ်ပြီး တရားအားထုတ်ဖြစ်ခဲပါတယ်။

အဲဒီနောက် ဆရာဖြစ် သင်တန်းပြီးသည်အထိ အားထုတ်ခဲ့တယ်။၂၀၀၆ မှာ ကမ္မဌာန်းပြခွင့်ရပါတယ်။ ၂၀၁၀ ခုမှာ မလေးရှားနိုင်ငံ Buddhist Hermitage ကိုရောက်ပြီး ရဟန်းဘဝကိုရောက်ခဲ့ပါတော့တယ်။ ဒီကျောင်းမှာ မနက်လေးနာရီကနေ ည ကိုးနာရီအထိ တရားအားထုတ်ကြတယ်။ ဒီကျောင်းရဲ့ ကျောင်းထိုင်ဆရာတော်က မြန်မာပြည်မှာ ဗုဒ္ဓဘာသာလေ့လာခဲ့ပြီး မဟာစည်နည်းနဲ့ တရားမှတ်ပါတယ်။ ဘုန်းကြီးကတော အခု Wat Sri Boen Ruang မှာသီတင်းသုံးပြီး ကိုယ်တိုင် ကျင့်သုံးရင်းနဲ့ စိတ်ဝင်စားသူတွေကို တရားပြပေးလျက်ရှိပါတယ်။


Original version >> Why Buddhism and not Christianity
 
ဆုထားမျက်ချယ်











Copyright © 2012 ကမ်းလက်. All rights reserved.

Harvard တက္ကသိုလ် ပါမောက္ခ Francis Bowen က သံသရာဝါဒကိုလက်ခံယုံကြည်ကြရန် ခရစ်ယာန် ညီအစ်ကိုမောင်နှမများထံ ရေးသောစာ

ယခုလက်ရှိရထားသောဘဝသည် ပို၍မြင့်မြတ်သောနောက်ဘဝသို့ တက်လှမ်းရန် ထိန်းကျောင်းဖို့နှင့်ကြိုတင်ပြင်ဆင်ဖို့ဖြစ်သည်။ အလွန်မြင့်မြတ်သောဘဝသို့ ရောက်ရှိရန်
တစ်ခုတည်းသောဘဝကအချိန် အလွန်ပင် တိုတောင်းနေသည်။


ထာဝရကောင်းကင်ဘုံသို့ရောက်ရှိရန် သုံးနှစ်၊ ငါးနှစ်ဆိုသောကာလက
လုံးဝမလုံလောက်နိုင်ပေ။ ဝိဉာဉ်ကိုထိမ်းသိမ်းလေ့ကျင့်ရန်
ဤမျှတိုတောင်းသော အချိ်န်အကန့်အသပ်လေးထဲ၌ ဘယ်လိုဖြစ်နိုင်ပါမည်နည်း။

တူညီသောကိုယ်ရည်ကိုယ်သွေး ပါရမီတို့ဖြင့် တစ်ဘဝပြီးတစ်ဘဝခရီးဆက်ကြရင်း
ကျင့်စဉ်များအားဖြည့်၊ ကိုယ်ကျင့်တရားများဖြည်းဆည်း၊ စရဏနှင့်လူ့ကာရိုက်တာတို့ကို
ထူထောင်ကြရန် အဘယ့်ကြောင့်အဆက်မပြတ်ဖြစ်နေမည့် ဘဝများစွာ ရှိမနေရပါသနည်း။

လက်ရှိဘဝမှာ အတိတ်ကအကြောင်းတရားတွေရဲ့ အကျိုးဆက်တွေ ရှိနေပေမယ့်
အတိတ်ကို မှတ်မိနေရန်တော့မလိုအပ်ပေ။ လူတစ်ယောက်နှင့်တစ်ယောက်မတူညီအောင်
ခွဲခြားပေးနေသည့် စာနာနားလည်မှုနှင့် သိမြင်သဘောပေါက်မှုတို့ကို တည်ဆောက်ရန်
အများကြီး အထော်အပံ့ ပြုခဲသော အတိတ်စာမျက်နှာပေါင်း မည်မျှ ကျွန်ုပ်တို့ မေ့လျော့ပစ်ခဲ့ကြပြီနည်း။

ဒါတွေအားလုံးကို သတိမရခြင်းကြောင့်တော့ ကျွန်ုပ်တို့ဆောင်ရွက်ရမည့်ဝတ္တရားများ လျော့ပါးမသွားပါ။
ဘာတွေကို ဘယ်လို ဖြုန်းတီးခဲ့ကြတယ်ဆိုတာကို မေ့လျော့နေကြရင်တောင် အချိန်ကို အလွဲသုံးစားလုပ်ခဲ့တြယ်ဆိုတာကတော့ ထင်ရှားပါတယ်။

ယခုလတ်တလောမှာပင် မေ့လျော့နေသည့် အတ္တအခြေခံသော အတိတ်ကအကုသိုလ်တရားတို့၏ အကျိုးဆက်ဖြစ်ကြသော ကျန်းမာရေး မပြည့်စုံခြင်း၊ သမ္မာဆန္ဒနှင့်စွမ်းရည်သတ္တိများ မလုံလောက်ခြင်း
စတဲ့ ခါးသီတဲ့အကျိုးဆက်များကို ခံစားနေကြရဆဲပင်ဖြစ်သည်။ ထိုအကုသိုလ်များက အလွန်များပြားနေသည့်အတွက် ကျွန်ုပ်တို့ မှတ်သားမထားနိုင်ခဲ့ကြပေ။

လူတစ်ယောက်အတွက် ထာဝရ ကောင်းကင်ဘုံကို ချီးမြှင့်ဖို့ မိတ်ဆက်အနေနဲ့ပေးထားတဲ့
ဒီဘဝဟာ ထာဝရဘုရားရှင်၏ ဖန်ဆင်းပေးမှုသက်သက်ကြောင့်သာဆိုလျှင် ဘာကြောင့်
ဝိဉာဉ်တွေရဲ့ ပြင်ပပုံသဏ္ဌာန်ခြားနားချက်က ဒီလောက်ကြီးမားနေရတာလဲ လို့
ကျွန်ုပ်တုိ့မေးစရာရှိနေပါတယ်။

အကယ်၍ မီတန်ဆိုက်ကိုစစ်သာ တံခိုးရှင်အုပ်ချုပ်သည့် အစီအမံထဲ ပါသွားပြီလျှင် ယင်းပြဿနာပါ အတူတတကွပျောက်ကွယ်သွားပေတော့မည်။ လူတစ်ယောက်၏ လက်ရှိအခြေနေသည် သူ၏အတိတ်ကံကြောင့်ဖြစ်သည်ဆိုတဲ့ အမြင်ကနေကြည့်ပါ၊ အကုသိုလ်ကံနှင့် ထိုကံ၏အကျိုးဆက်ဟူသောဒေသနာသည် ခက်ခဲစွာလေ့လာရသည့်သင်္ခန်းစာဖြစ်သွားနိုင်သည်။

သို့သော် သူကိုယ်တိုင်အတိတ်ကအကြောင်းတရားတွေရဲ့အကျိုးကိုလက်ခံနေရသည်ဆိုသည့်အချက်ကိုမူ မည်သူကမှ စောဒကတက်၍မရနိုင်။ ကျွန်ုပ်တို့ခေါ်နေကြသည့်  သေခြင်းတရားသည်
နောက်ဘဝတစ်ခုဆက်ရန် အစပြုခြင်းသာဖြစ်သည်။

နောက်လာမဲ့ဘဝမှာ ဒီဘဝထက်ပိုပြီးမြင့် မြတ်မလာဘူးဆိုလျှင်ဖြင့်
ကျွန်ုပ်တို့ ကိုယ်တိုင်ကိုသာ အပြစ်တင်ရန်ရှိတော့သည်။


ဆုထားမျက်ချယ်












Copyright © 2011 ကမ်းလက်. All rights reserved.

ဗုဒ္ဓဘာသာသည် ဟိန္ဒူဘာသာ၏ နှလုံးသားဖြစ်သည်

 
ကိုယ်က သူများကိုကြည့်သလို၊ သူများက ကိုယ့်ကိုမြင်တာလေးတွေလည်းသိရတာ တစ်ခါတစ်ခါတော့ ကောင်းပါတယ်။ ဒါ့ကြောင့် ဟိန္ဒူဘာသာရေးဂုရုကြီး ဆွာမိ ဝိဝေကာနန္ဒရဲ့ Buddhism: The Fulfillment of Hinduism ကို ဘာသာပြန်လိုက်ပါတယ်။ နှီးနှောကြည့်လို့ရတာပေါ့။ သဘောတူတာ၊ မတူတာအပထားလို့ပေါ့။ Agree to Disagree ပေါ့လေ။
26- Sep- 1983 (CHICAGO)

သင်တို့ ကြားခဲ့ကြသည့်အတိုင်း ကျွန်ုပ်က ဗုဒ္ဓဘာသာမဟုတ်၊ သို့သော် ကျွန်ုပ်က ဗုဒ္ဓဘာသာဖြစ်နေပြန်တယ်။ တရုတ်၊ ဂျပန်၊ သီရိလင်္ကာ စတဲ့နိုင်ငံတွေမှာ ဗုဒ္ဓရဲ့ အဆုံးအမကို လိုက်နာကြ၏။ အိန္ဒိယ၌ကား ဗုဒ္ဓကို ထာဝရဘုရားရှင်၏ တမာန်အဖြစ် ကိုးကွယ်ကြတယ်။ ကျွန်ုပ်က ဗုဒ္ဓဘာသာကို ဝေဖန်တော့မယ်လို့ ယခုလေးပင် သင်တို့ကြားခဲ့ကြရတယ်။ အမှန်မူ ကျွန်ုပ်တို့ ထာဝရဘုရားရှင်၏ တမန်တော်ကို ဝေဖန်ဖို့ကမူ ဝေလာဝေးဟု ပြောချင်ပါတယ်။

သို့သော် ကျွန်ုပ်တို့အမြင်က ဗုဒ္ဓကို သူ၏တပည့်သားများက ကောင်းကောင်းနားမလည်ကြဟူ၍ ဖြစ်သည်။ ယနေ့ ဟိန္ဒူဘာသာနှင့် ဗုဒ္ဓဘာသာတို့အကြားက ခြားနားချက်သည် ဂျူးဘာသာနဲ့ ခရစ်ယာန်ဘာသာတွေရဲ့ ခြားနားချက်အတိုင်းပါပဲ။ ဂျီးဇက်ခရိုက်က ဂျူးပါ။ သကျမုနိက ဟိန္ဒူပါ။ ဂျူးတွေက ဂျီးဇက်ကို ကန့်ကွက်တယ်။ လက်ဝါးကပ်တိုင်ပေါ်တင်တယ်။ ဒါပေမယ့် ဟိန္ဒူတွေက သကျမုနိကို လက်ခံတယ်၊ ထာဝရဘုရားအနေနဲ့ ကိုးကွယ်တယ်။

ဟိန္ဒူဘာသာဝင်တွေအနေနဲ့ အမှန်တကယ်ခြားနားတဲ့ ခြားနားမှုကို ပြောပြလိုတာကတော့ သကျမုနိရဲ့ သင်ကြားမှုတွေထဲမှာ အသစ်ဆိုလို့ မပါသလောက်ပါပဲ။ သူလည်း ဂျီးဇက်လိုပါပဲ။ ဖြည့်ဆီးပေးဖို့ လူ့ပြည်ကို ရောက်လာတာဖြစ်ပြီး ဖျက်ဆီးဖို့ ရောက်လာတာ မဟုတ်ပါဘူး။

ဂျူးဘာသာဝင်တွေက ဂျီးဇက်ကို နားမလည်သလို၊ ဗုဒ္ဓရဲ့ တပည့်သားတွေကလည်း ဗုဒ္ဓရဲ့ အဆုံးအမ အရေးကြီးပုံကို နားမလည်ကြပါဘူး။ ဂျူးတွေက သမ္မာကျမ်းစာဟောင်းကို နားမလည်ကြသလို၊ ဗုဒ္ဓဘာသာဝင်တွေကလည်း ဟိန္ဒူဘာသာရဲ့ မှန်ကန်တဲ့ပြည့်စုံမှုကို နားမလည်ကြပါဘူး။

ထပ်ပြောပါရစေ၊ ဗုဒ္ဓဟာ ဖျက်ဆီးဖို့ ရောက်လာတာ မဟုတ်ပါဘူး။ ဟိန္ဒူဘာသာအတွက် ယုတ္တိဗေဒကို ဖြည့်စွက်ဖို့၊ ယုတ္တိဗေဒ ဖွံ့ဖြိုးဖို့ ရောက်လာခဲ့တာပါ။

            ဟိန္ဒူဘာသာကို အကြမ်းဖျင်းနှစ်မျိုးခွဲကြည့်နိုင်ပါတယ်။
            ၁။ သမရိုးကျ ဟိန္ဒူ နဲ့
            ၂။အစစ်အမှန် ကိုယ်ကျင့်ရေး၊ စိတ်ဓာတ်ရေးရာဟိန္ဒူရယ်လို့ပါ။
ဒုတိယဟိန္ဒူအမျိုးအစားကို ရဟန်းတွေက လေ့လာလိုက်စားကြပါတယ်။
အဲဒီမှာ ဇာတ် ဆိုတာ မရှိပါဘူး။ အနိမ့်ဆုံးဇာတ်ကလာသူ၊ အမြင့်ဆုံးဇာတ်ကလာသူနှစ်ဦးဟာ ရဟန်းဖြစ်ပြီးတဲ့နောက် ဘာမှမရှိထပ်တူဖြစ်သွားပါတယ်။ ဘာသာရေးမှာ ဇာတ်မရှိပါဘူး။ ဇာတ်ခွဲခြားမှုဆိုတာ လူမှုရေးကိစ္စသက်သက်ပါ။

သကျမုနိကိုယ်တိုင်က ရဟန်းတစ်ပါးပါ။ သူကပဲ ကြီးမားမြင့်မြတ်တဲ့နှလုံးသားနဲ့ ဝေဒကျမ်းတွေထဲက ငုတ်လျှိုးနေတဲ့အချက်တွေကို ဖော်ထုတ်ပြီး ကမ္ဘာကို ဖြန့်ချီပေးခဲ့တာဖြစ်ပါတယ်။

ဘာသာရေးစည်းရုံးမှုနဲ့ လက်တွေ့ကျင့်သုံးမှု တစ်ထပ်တည်းဖြစ်အောင် ပြုလုပ်နိုင်ခဲ့သူတွေထဲမှာ ဗုဒ္ဓဟာ ပထမဆုံးလူသားပါပဲ။ ဒီအရှင်မြတ်ရဲ့ ဂုဏ်ကျက်သရေတွေဟာ အရှင်ရဲ့ မဟာကရုဏာအပေါ်မှာ တည်နေပါတယ်။ အထူးသဖြင့် အသိဥာဏ်နုံ့သူတွေနဲ့ ဆင်းရဲသားတွေကို ပိုပြီးကရုဏာသက်တော်မူခဲ့ပါတယ်။
           
သူ့တပည့်အချို့ဟာ ဗြဟ္မဏတွေပါ။

ဗုဒ္ဓ တရားဒေသနာတွေ ဟောကြားနေတဲ့အချိန်မှာ သက္ကဋဘာသာဟာ စကားပြောဘာသာစကားသက်သက် မဟုတ်တော့ပါဘူး။ ဒါပေမယ့် ပညာရှင်တွေသာ လေ့လာနိုင်တဲ့ ဘာသာစကားဖြစ်နေပါတယ်။ ဗုဒ္ဓရဲ့ ဗြဟ္မဏတပည့်အချို့က ဗုဒ္ဓရဲ့ အဆုံးအမတွေကို သက္ကဋဘာသာပြန်ဆိုဖို့ ဆန္ဒရှိခဲ့ပါတယ်။ ဗုဒ္ဓကတော့ ရှင်းရှင်းပဲငြင်းဆိုခဲ့ပါတယ်။

 “ငါဟာ ဆင်းရဲသားလူထုအတွက်ဖြစ်တယ်။ ဒီလူတွေ နားလည်တဲ့ဘာသာစကားနဲ့ပဲရှိပါစေ” လို့ မိန့်ခဲ့တယ်။ ဒါ့ကြောင့် ဗုဒ္ဓဒေသနာတော်တွေဟာ အိန္ဒိယရဲ့ ဒေသသုံးဘာသာစကား (ပါဠိ) နဲ့ပဲ ရှိနေခဲ့ပါတယ်။

ဖလော်ဆော်ဖီတွေ၊ မက်တာဖီးဇစ်တွေ ဘယ်လောက်ပဲ တိုးတက်တိုးတက် သေခြင်းတရားဆိုတာရှိနေသ၍၊ လူသားတွေမှာ အားနည်းချက်တွေရှိနေသ၍၊ ထာဝရဘုရားရှင်ကို ကိုးကွယ်မှုဆိုတာ ရှိနေမှာပါ။

ဗုဒ္ဓရဲ့တပည့်သား ဖလော်ဆော်ဖာတွေက ဗုဒ္ဓရဲ့အဆုံးအမ အကူအညီနဲ့ ဝေဒဆိုတဲ့ကျောက်ဆောင်ကို အတိုက်အခံလုပ်ခဲ့ကြတယ်၊ မရခဲ့ဘူး။ နောက်ဆုံး ဗုဒ္ဓမွေးဖွားရာ အိန္ဒိယကလူတွေ အလွန်အမြတ်တနိုးထားတဲ့ ဗုဒ္ဓဒေသနာတွေကို အိန္ဒိယအပြင်ဘက် ယူထွက်သွားခဲ့ကြပါတော့တယ်။

အဲဒါရဲ့ အကျိုးဆက်ကတော့ ဗုဒ္ဓဘာသာဟာ အိန္ဒိယပြည်ထဲမှာ သေဆုံးပျောက်ကွယ်သွားခဲ့ရခြင်းပါ။ ဒီနေ့ ဗုဒ္ဓမွေးဖွားခဲ့တဲ့ အိန္ဒိယကလူတွေထဲမှာ သူတို့ကိုသူတို့ ဗုဒ္ဓဘာသာလို့ ခေါ်ဆိုသူမရှိတော့ပါဘူး။ (ဗုဒ္ဓဘာသာနှစ်သန်းရှိတယ်လို့တော့ သိရပါတယ်- ဘာသာပြန်သူ)

တချိန်ထဲမှာပဲ ဗြဟ္မဏဘာသာလည်း တစ်ချို့လက်လွတ်ဆုံးရှုံးခဲ့ရပြန်တယ်။ ဒါတွေက ဗြဟ္မဏဝါဒ ပြန်လည်ပုံဖော်ဖို့ လူတိုင်းအတွက် ကရုဏာနဲ့ ပေးကမ်းကူညီမှုတို့ပါ။

ဗုဒ္ဓဘာသာရဲ့ မက်ဆေ့(ခ်ျ) တွေကနေတဆင့် ဂရိသမိုင်းပညာရှင်တွေဆီ ပို့ပေးလိုက်နိုင်ခဲ့တဲ့ “မုသားပြောတဲ့ ဟိန္ဒူမရှိ၊ ဖောက်ပြန်တဲ့ ဟိန္ဒူ အမျိုးသမီးမရှိ” ဆိုတာတွေပါ ပျောက်ဆုံးခဲ့ရပါတော့တယ်။

            ဗုဒ္ဓဘာသာမပါပဲ ဟိန္ဒူဘာသာရပ်တည်လို့မရဘူး။
            ဟိန္ဒူဘာသာမပါပဲလည်း ဗုဒ္ဓဘာသာရပ်တည်လို့မရဘူး။

ဗုဒ္ဓဘာသာဟာ ဟိန္ဒူရဲ့ဦးနှောက်မပါပဲ မရပ်တည်နိုင်သလို၊ ဟိန္ဒူဟာလည်း ဗုဒ္ဓဘာသာရဲ့ နှလုံးသားမပါပဲ ရပ်တည်လို့မရဘူး။ ဒီနှစ်ဘာသာကို ခွဲခြားဖို့ကြိုးစားခဲ့တာဟာ အိန္ဒိယရဲ့ ကျရှုံးးမှုပဲ။ ဒါနဲ့ပဲ အိန္ဒိယမှာ သူတောင်းစားမီလျံသုံးရာရှိခဲ့တယ်။ သူ့ကျွန်ဘဝ ရောက်ခဲ့ရတယ်။

ဒါ့ကြောင့် ဟိန္ဒူရဲ့ဦးနှောက်နဲ့ ဗုဒ္ဓရဲ့လူသားဆန်တဲ့ နှလုံးသားပေါင်းစပ်ပြီး ဗုဒ္ဓဘာသာနဲ့ ဟိန္ဒူဘာသာ အတူတကွလက်တွဲသွားကြဖို့ တောင်းဆိုလိုပါတယ်။

                                                                                               

Original version by Swami Vivekananda >> Buddhism: The Fulfillment of Hinduism



ဆုထားမျက်ချယ်












Copyright © 2011 ကမ်းလက်. All rights reserved.