အချင်းချင်းသာ ကစောင်းစေးနဲ့ မျက်ချေး


၁။ သူတို့က သိပ္ပံဆိုတောလည်း သိပ္ပံလိုက်ရတာပေါ့လေ။ တီဗွီအကြည့်များ၊ အင်တာနက်အသုံးများတဲ့ကျောင်းသားက ပညာရေးမှာ အမှတ်လျော့တတ် သတဲ့။ ဒါများ ကိန်းဘရေ့ဂ်ျ ဆရာကြီးတွေက သုတေသနပြုနေရသေး တယ်။ မြန်မာပြည်က မိဘတွေဆို ကလေးတွေကို တိဗွီရှေ့ကနေ အတင်းမောင်းထုတ်ပြီး သူတို့ခမျာ ကေ ဒရားမား ကြည့်နေရရှာတာ။ ပညာရေး ထိုခိုက်လို့ပေါ့။ ဟိုကလေးကလည်း တိဗွီရှေ့မှာသာမရှိတော့တာ ဟန်းဖုန်းရှိနေတော့ ပွတ်နေ ရတာပဲ။

၂။ စစ်တပ်အစိုးရကို မြန်မာနိုင်ငံရေးသမားတွေကပဲ သဘောမကျတာ ထင်နေတာ၊ မဟုတ်ဘူး၊ ထိုင်းလည်း အတူတူပဲ။ သူတို့ပါတီကြီးနှစ်ခု အချင်းချင်းသာ ကစောင်းစေးနဲ့ မျက်ချေး၊ စစ်တပ်အစိုးရကို သဘောမကျတာကြတော့ တစ်သံထဲပဲ။ သူတို့ဆွဲတဲ့ ဥပဒေမူကြမ်းကို သဘော မတူလို့ ကော်မရှင်ဥက္ကဋ္ဌ ပြန်ပြောတဲ့စကားက မဆိုးဘူး။ "အလှမယ်ကို တစ်ကိုယ်လုံးခြုံကြည့်မှ သူမအလှကို တွေ့ရမှာပေါ့၊ သူ့ ရိုးတွင်းချင်ဆီက ဘယ်လို သူ့ အသည်းက ဘယ်လို တစ်စစီခွဲကြည့်ရင် ဘယ်မှာ အလှရှာတွေ့ပါတော့မလဲ" တဲ့။

တော်သေးတယ်၊ ၃၂ ကောဋ္ဌာသ ပြည့်အောင်ပြောမသွားလို့။ ဗုဒ္ဓဘာသာနိုင်ငံတွေက ဘာလုပ်လုပ် ဘုရား အိုင်ဒီယာတော့ ပါလိုက်ရမှ။


Post a Comment