"ငါ၊ မင်း" အသုံး ရှင်းလင်းချက်နဲ့ ကျေးဇူးစကား


လိုကောလိုအပ်သေးရဲ့လား မသိပါ။ နှစ်လကြာအချိန်မှာ "နာဝင်းမချိုတဲ့ အမှန်တရား" က တတိယအကြိမ်ရိုက်ဖို့တောင် (ပြင်ဆင်ဖို့) လိုအပ်နေပါပြီ။
မနေ့ကမှ စာဖတ်သူတစ်ယောက်ဆီကတဆင့် အီးမေးပိုလာလို့ စာအုပ် ဝေ ဖန်၊ ကြော်ငြာ ဆောင်းပါးတစ်ပုဒ် ဖတ်လိုက်ရပါတယ်။ ငါ မင်း အသုံးကို တို့ ထိ ထားတာ တွေ့လိုက်ရပါတယ်။
ဒီစာအုပ် တစ်လုံးထဲရှိ "You" နဲ့ " I "ကို မင်း(တို့) နဲ့ ငါ လို့ပဲ ပြန်ခဲ့ပါတယ်။
စာအုပ်ကိုပဲ ဖတ်စဉ်မှာ "ကျွန်တော်၊ ခင်ဗျား" စတဲ့ နာမ်စားတွေကို သုံးဖို့ ဆုံးဖြတ်ပြီး အခန်းတစ် တစ်ဝက်လောက်အထိ ဒီအတိုင်းပဲ သုံးစွဲခဲ့ပါတယ်။
ဒါပေမဲ့ လီကွမ်းယု ရဲ့ လေသံနဲ့ ခံစားချက်ကို နီးစပ်နိုင်သမျှ နီးစပ်အောင် ဆိုပြီး အင်တာဗြူး စီဒီကို ထပ်တလဲလဲ နားထောင်ကြည့်မိပါတယ်။

သုံးခါလောက် နားထောင်ပြီးတဲ့နောက်မှာတော့ ဝါရင့် နိုင်ငံရေးသမားကြီးက သတင်းထောက်တွေကို ဖြေနေတာမျိုး မဟုတ်တော့ဘဲ အဘိုးတစ်ယောက် က မြေးတွေကို ရှေးဟောင်းနှောင်းဖြစ်ပြောပြနေသလိုမျိုး ဖြစ် ဖြစ်လာပါတော့တယ်။
ဒါက ကျနော် ခံစားလိုက်ရတဲ့ ခံစားမှုပါ။
ဒါ့ကြောင့် (လူချင်းမသိရင်) ရိုင်းသလိုလို ရှိပေမဲ့ (လူချင်းသိရင်) ပိုပြီး နီးနီး စပ်စပ်ရှိတဲ့ မင်း(တို့) နဲ့ ငါ ကိုပဲ သုံးဖြတ်လိုက်ပါတယ်။
ငါ မင်း အသုံးပြီးရင် ဒီ ( Hard Truths နဲ့ Tough Love) နှစ်လုံးအတွက် ဘာသာပြန်ဖို့လည်း တော်တော်ခေါင်းခဲခဲ့ရပါသေးတယ်။

ဖြန့်ချီရေး စကားကို တဆင့်ကြားလိုက်ရတာက ဒီ (နိုင်ငံရေး) စာအုပ်ကို လူထု စာဖတ်ပရိသတ်သာမက သံဃာတော်များကပါ တခဲနက်အားပေးလို့ ဒီလောက်ရောင်းအားကောင်းသွားတာလို့ သိရပါတယ်။
ဒါ့ကြောင့် သံဃာတော်များနဲ့ အားလုံးကို ဖေ့စ်ဘုတ်ပေါ်ကနေပဲ ကျေးဇူး တင်ကြောင်း လျှောက်ထား (ပြောကြား) လိုက်ပါတယ်ဘုရား။

Post a Comment