တရုတ် (သို့) ရွက်ပုန်းသီး (၅)


"အမေရိကန်တွေက ရိုသားပြီး အန္တရာယ်လည်း ပိုကင်းတယ်လို့ ငါတော့ ထင်မိတယ်။ သူတို့က လည်ပင်း ညှစ်မယ့်လူတွေ မဟုတ်ဘူး။ သူတို့က လူ တိုင်း ဒီမိုကရေစီကို ကျင့်သုံးစေချင်တယ်။ ဂုတ်ခွစီးချင်တဲ့ လူတွေ မဟုတ် ဘူး။ တရုတ်က မင်းက ဒီမိုကရေစီနည်းနဲ့ အုပ်ချုပ်သလား၊ အာဏာရှင်စနစ် နဲ့ အုပ်ချုပ်သလား ဆိုတာကို စိတ်မဝင်စားဘူး။ သူတို့ လိုချင်တာ ရဖို့ပဲ စိတ် ဝင်စားတယ်"
(လီကွမ်းယု)

မေး ။ ။ မစ္စတာလီရဲ့ သဘောအရဆိုရင် …

ဖြေ ။ ။ လာမယ့် အနှစ် (၂၀) နဲ့ (၃၀) မှာတော့ ပါဝါညီလာမယ်လို့ ထင်တာပဲ။

မေး ။ ။ ပါဝါညီလာတဲ့ အခါမှာ ရလဒ်က ဘယ်လို ဖြစ်လာမလဲ။

ဖြေ ။ ။ ဒါကတော့ ကိုယ်တိုင် သုံးသပ်ကြရတော့မှာပဲ။ အနီးဆုံး အတူနေ ရမှာက တရုတ်ပဲ။ ပစိဖိတ် ဒီဖက်ကမ်းမှာ တို့အတွက် သူတို့က တည်နေရာ အားဖြင့် ပိုနီးသလို ပိုလည်း အားကောင်း လာလိမ့်မယ်။ အမေရိကန်တွေ အ တွက် အင်အားဖြည့်တင်းဖို့ လာရမယ့် အကွာအဝေးက မိုင်ထောင်ချီပြီး တရုတ်တွေအတွက်က ရာဂဏန်းပဲ ရှိတယ်။ ဒါပေမဲ့ အမေရိကန်တွေက ပစိ ဖိတ်သမုဒ္ဒရာထဲကနေ လုံးဝ ထွက်သွားမှာတော့ မဟုတ်ဘူး။ ပစိဖိတ်ထဲမှာ ရှိတဲ့ သူတို့ရဲ့ ဩဇာလွှမ်းမိုးမှုကို သူတို့က လက်လျှော့ပေးလိုက်မှာ မဟုတ် ဘူး။ ပြီးတော့ သူတို့မှာ ဂျပန်၊ တောင်ကိုရီးယား၊ ဗီယက်နမ်၊ ဖိလစ်ပိုင်စတဲ့ မဟာမိတ်နိုင်ငံတွေလည်း ရှိတယ်။ ပါဝါညီမျှမှုကတော့ မလွှဲမသွေ တဖြည်းဖြ ည်း ဖြစ်လာမှာပဲ။ ဒါပေမဲ့ ဒီဒေသတွင်းကနေ အမေရိကန်တွေ ပျောက်ကွယ် သွားမှာတော့ မဟုတ်ဘူး။

မေး ။ ။ တောင်တရုတ်ပင်လယ်နဲ့ ပတ်သက်ပြီး လွန်ခဲ့တဲ့ နှစ်နှစ်၊ သုံးနှစ်ေ လာက်ကတည်းက အငြင်းပွားမှုတွေ ရှိနေခဲ့တယ်။ ဒီကိစ္စနဲ့ ပတ်သက်လို့ တရုတ်က ဘယ်လို တုန့်ပြန်လာမယ်ဆိုတာ တစ်ခုခုများ ပြောပြနိုင်မလား။

ဖြေ ။ ။ ဒါနဲ့ ပတ်သက်လို့ တရုတ်က စိတ်ဝင်စားမှု များသလို အဲဒီနေရာ ဟာ သူတို့ပိုင်နက်ဆိုတာကိုလည်း တရုတ်က ယုံကြည်ထားတယ်။ အနီး တဝှိုက်က သဲသောင်တွေ၊ ကျွန်းငယ်ငယ်လေးတွေကို တရုတ်က ပိုင်ထား တာ။ နောက်ပြီး ရေအောက်မှာ ရေနံနဲ့ သဘာဝဓာတ်ငွေ့ ရှိနိုင်တယ်လို့ ယုံကြည်ထားတော့ တရုတ်က အလျှော့ပေးမယ်လို့ မထင်မိဘူး။ နောက် ဆုံးတော့ ဒီကိစ္စက ကုလသမဂ္ဂရဲ့ သမုဒ္ဒရာပိုင်းဆိုင်ရာ ဥပဒေနဲ့ ဆုံးဖြတ်ရ မှာပဲ။ ဒါမှသာ ဘယ်နိုင်ငံကမှ ဘယ်နိုင်ငံကို ကျောထောက်နောက်ခံ လုပ်လို့ မရမှာ။ ကျွန်းငယ်တိုင်း၊ သဲသောင်တိုင်းဟာ ဘယ်သူရဲ့အဆိုတင်သွင်းမှုနဲ့ အနီးဆုံးမှာ ရှိသလဲဆိုတာကို တိုင်းထွာပြီး ဘယ်သူ ပိုင်သင့်တယ်ဆိုတာ ဆုံးဖြတ်ရမယ်။ ဒါပေမဲ့ ဒီဆုံးဖြတ်ချက်ကို နှစ်နိုင်ငံချင်းပဲ ညှိနှိုင်းပြီး ချကြလိမ့် မယ်။ သူတို့ ပြောသလိုပေါ့၊ အာဆီယံနိုင်ငံအားလုံးနဲ့ (တစ်စုတစ်ပေါင်းတည်း ) အတိုက်အခံ မလုပ်ဘူးတဲ့။

မေး ။ ။ အာဆီယံနိုင်ငံတွေ ပိုပြီး သဘောကျမှာကတော့ အုပ်စုလိုက် ဖြေ ရှင်းတာမျိုးပဲ ဖြစ်မယ် ထင်တယ်။

ဖြေ ။ ။ ဟုတ်တယ်။ အာဆီယံတွေ သဘောကျတာက တောင်တရုတ် ပင်လယ်နဲ့ ပတ်သက်တဲ့ နိုင်ငံအားလုံးရဲ့ ကျင့်ဝတ်ပိုင်းဆိုင်ရာ ထုတ်ပြန် ချက်နဲ့အညီ (DOC – Declaration On the Conduct) ရယ်၊ တောင်တရုတ် ပင်လယ်အတွင်း လိုက်နာရမယ့် ကျင့်ဝတ် (COC – Code of Conduct on the South China Sea) နဲ့အညီရယ် ဒီတင်းမာမှုကို ဖြေရှင်းစေလိုတာပေါ့။

မေး ။ ။ အာဆီယံနိုင်ငံတွေ ဆန္ဒရှိတဲ့အတိုင်း မဖြစ်နိုင်လောက်ဘူးပေါ့။ ဒီတင်းမာမှုကို တရုတ်က တစ်နိုင်ငံချင်းဆီနဲ့ ရှင်းသွားမလား၊ အဖွဲ့လိုက် ရှင်း သွားမလား။

ဖြေ ။ ။ တရုတ်က တစ်နိုင်ငံချင်းစီပဲ ရှင်းလိမ့်မယ်။ အင်ဒိုနီးရှားက ပဲ ဖြစ်ဖြစ်၊ မလေးရှားကပဲ ဖြစ်ဖြစ်၊ စင်္ကာပူကပဲ ဖြစ်ဖြစ် အာဆီယံ တစ်ဖွဲ့လုံး ကို ခေါင်းဆောင်ပြီး စစ်ချီသံပေး ချီတက်လိမ့်မယ် မထင်ဘူး။ ဘာအတွက် ဒီလို လုပ်နေမှာလဲ။

မေး ။ ။ ဒါဆို အမေရိကန်တွေကရော …။

ဖြေ ။ ။ အမေရိကန်တွေက သံတမန်ရေးအရ ဒီကိစ္စထဲကို ဝင်ပြီးသားပဲ။ စစ်ရေးအရ ပါဝင်လာမလား ဆိုတာက နောက်ထပ် မေးခွန်းတစ်ခုပေါ့။ ငါတော့ မထင်ဘူး။ သူတို့က စိတ်ဝင်စားမှု မရှိလှသလို အင်အားဖြည့်တင်း ဖို့ကလည်း အကွာအဝေးက မနည်းလှဘူး။ ဗီယက်နမ်နဲ့ ဖိလစ်ပိုင်နိုင်ငံတွေ ရဲ့ အကျိုးအမြတ်အတွက် အမေရိကန်က ဘာဖြစ်လို့ တရုတ်နဲ့ စစ်တိုက်နေ မှာလဲ။

မေး ။ ။ တက်လာမယ့် အမေရိကန်သမ္မတက စစ်မက်လိုလားမယ်ဆိုရင် ပါဝါလွန်ဆွဲပွဲကို အချိန်ဆွဲမနေဘဲ အခုပဲ စတင်လိုက်ရအောင် ဆိုတာမျိုးေ ရာ ဖြစ်မလာနိုင်ဘူးလား။

ဖြေ ။ ။ မဖြစ်နိုင်ဘူး။ သမ္မတက စစ်ဝါဒီဆိုစေဦး … ဒီအတွက် စစ်အင် အား ဘယ်လောက် သုံးမှာလဲ၊ ဒီအတွက် အကုန်အကျက ဘယ်လောက် ရှိနိုင်မယ်၊ ကာကွယ်ရေး အသုံးစရိတ်အတွက် ဘယ်လောက်ထပ်ပြီး သုံး စွဲနိုင်မလဲစတဲ့ မေးခွန်းတွေ မေးလာမယ့် စစ်တပ်ဘက်က အကြီးအကဲတွေ လည်း ရှိနေမှာပဲ။

မေး ။ ။ နောက်ထပ် ပြောစမှတ်တစ်ခု ဖြစ်နေတာက ထိုင်ဝမ်အပေါ် ထား ရှိတဲ့ အမေရိကန်နဲ့ တရုတ်တို့ရဲ့ သဘောထားပဲ။ စီးပွားရေး၊ နိုင်ငံခြားခရီး သွား စတာတွေနဲ့ အခုတော့ စီးပွားရေးမှာ အဆင်ပြေနေတာ တွေ့ရတယ်။ ဒီလို အပြန်အလှန် ဆက်သွယ်မှုက သူတို့ကို ပိုပြီး နီးနီးကပ်ကပ် ရှိစေတယ်။ ဒါပေမဲ့ ထိုင်ဝမ်နဲ့ ပြည်မကြီး ပြန်လည်ပူးပေါင်းရေးကတော့ အချိန် အကန့် အသက်မရှိ ရွှေ့ဆိုင်းထားကြရတယ်။

ဖြေ ။ ။ ဒါက တရုတ်ပြည်အတွက် အရေးမကြီးလှဘူး။ ဘယ်လောက် ကြာကြာ သူတို့က စောင့်နေနိုင်တယ်။ အချိန်က သူတို့ဘက်မှာ ရှိတယ်။ လတ်တလောမှာတော့ စီးပွားရေး တိုးတက်မှုအတွက် ထိုင်ဝမ်ဟာ တ ရုတ်ပြည်နဲ့ အပြန်အလှန် မှီခိုနေရတယ်။ အချိန်ကြာလာလေလေ တက် လာမယ့် အစိုးရအနေနဲ့ ပေါ်လစီကို ပြောင်းဖို့၊ နောက်ပြန်ဆုတ်ဖို့ ခက်ေ လလေ ဖြစ်နေမှာပဲ။

မေး ။ ။ ထိုင်ဝမ်က အခြေခံလူထုရဲ့ သဘောထားကို ကောက်ခံကြည့်ရာ မှာတော့ အများစုက ပြန်လည်ပူးပေါင်းရေးထက် လွတ်လပ်စွာ ရပ်တည်ရေး ကို ဆန္ဒရှိနေကြတဲ့အကြောင်း သိရတယ်။

ဖြေ ။ ။ ဒါက သိပ် မဖြစ်နိုင်လှပါဘူး။ မင်းသာ ထိုင်ဝမ်လူမျိုးတစ်ယောက် ဆိုရင် လွတ်လွတ်လပ်လပ် ရပ်တည်မလား၊ ဒီအတိုင်းပဲ ရေလိုက် ငါး လိုက် နေချင်မလား၊ တရုတ်ပြည်ရဲ့ အစိတ်အပိုင်းအနေနဲ့ နေမလား ။ တောင်ပိုင်းက ထိုင်ဝမ်လူမျိုးတွေက ဘယ်အခြေအနေမျိုးနဲ့မဆို တရုတ်နဲ့ ပူးပေါင်းလိုကြတယ်။ ဒီဆန္ဒအတိုင်းလည်းပဲ ဆက်ရှိနေလိမ့်မယ်။ သူတို့ ဆန္ဒ အတိုင်းရော တကယ် ဖြစ်လာမလား။ တကယ်တော့ ထိုင်ဝမ်ရဲ့ အနာဂတ်ကို ထိုင်ဝမ်လူမျိုးတွေက ဆုံးဖြတ်လို့ မရတော့ဘူး။ ဒါကို ဆုံးဖြတ်မှာက ထိုင်ဝမ် နဲ့ တရုတ် ပါဝါချိန်ခွင်လျှာ အပြောင်းအရွေ့ပဲ။ ဒီကြားထဲ ဒီ အခြေအနေကြား မှာ အမေရိကန်က ကြားဝင်လိုမှု ရှိ၊ မရှိဘဲ။

မေး ။ ။ ကင်ဂျုံအီး သေဆုံးသွားမှုက အာရှတိုက်ရဲ့ ပထဝီနိုင်ငံရေး အခြေ အနေကို အပြောင်းအလဲ ဖြစ်စေသလား။


ဖြေ ။ ။ မထင်မိပါဘူး။ တောင်ကိုရီးယားက မြောက်ကိုရီးယားကို မြိုသွား မှာ တရုတ်က မလိုလားပါဘူး။ အဲသလိုသာ မြိုသွားရင် တောင်ကိုရီးယားနဲ့ အမေရိကန်စစ်တပ်တွေ ယာလု (Yalu) မြစ်ကြောင်းထဲ ရောက်လာမယ်။ ဒါကိုလည်း တရုတ်က မလိုလားလှဘူး။ လက်ရှိ အနေအထားအတိုင်းပဲ ရှိနေ ဖို့ တရုတ်က အတတ်နိုင်ဆုံး ကြိုးစားလိမ့်မယ်။

မေး ။ ။ မြောက်ကိုရီးယားအပေါ်မှာ တရုတ်ရဲ့ လွှမ်းမိုးမှုက ဘယ်လောက် များများ ရှိသလဲ။

ဖြေ ။ ။ မြောက်ကိုရီးယားရဲ့ အသက်ရှင် ရပ်တည်မှုက တရုတ်အပေါ် မှာ တော်တော်ကြီး မှီနေတာပဲ။ သူတို့ ( မြောက်ကိုရီးယား) စီးပွားရေး လုပ်နေပုံကြောင့် သူတို ငတ်တော့မလို အကြိမ်အကြိမ် ကြုံခဲ့ပြီးပြီ။ ကြုံလာတိုင်း တရုတ်က အစားအစာတွေ၊ အကူအညီတွေ ပေးနေတာပဲ။

မေး ။ ။ လက်ရှိအနေအထားအတိုင်း နှစ်ပေါင်း (၂၀)၊ (၃၀) ကျော်အောင် ဆက်ရှိနေနိုင်ပါ့မလား။ မြောက်ကိုရီးယား ပွင့်ထွက်လာမယ့် အန္တရာယ် မရှိ ဘူးလား။

ဖြေ ။ ။ ငါတော့ မထင်မိပါဘူး။ ဘာကြောင့် ပွင့်ထွက်နေရဦးမှာလဲ။ ငတ်ပြီး သေကြတော့မယ့် အနေအထားမျိုးအထိ ရောက်ခဲ့ပြီးပြီ။ အဲဒီ အချိန် မှာ တရုတ်ပြည်ရော ကမ္ဘာကပါ အစာရေစာတွေ သွားပေးခဲ

မေး ။ ။ တိန့်ရှောင်ဖိန်က တရုတ်ပြည်ရဲ့ စီးပွားရေးကို ဖွင့်လိုက်သလို မျိုး မြောက်ကိုရီးယားလည်း ဖွင့်လာအောင် တရုတ်က အားပေးမှုမျိုးလုပ်ဖို့ စိတ်ကူးမရှိလောက်ဘူးလား။

ဖြေ ။ ။ အေးလေ၊ သူတို့လည်း ကင်ဂျုံအီးကို ကိုယ့်အာဏာလည်း လက် မလွှတ်စေဘဲ စီးပွားရေး တိုးတက်အောင် ဘယ်လိုလုပ်ရမယ်ဆိုတာ ရှန် ဟိုင်းမြို့တွေ၊ ဘာတွေ ခေါ်ပြကြသေးတာပဲ။ ဘာမှ ဖြစ်မလာဘူး။ တချို့ကေ တာ့ ခေါင်းဆောင်အသစ်ရဲ့အောက်မှာ စီးပွားရေး ပြုပြင်ပြောင်းလဲမှုတွေ လုပ်လာနိုင်ခြေ ရှိတယ်လို့ သုံးသပ်နေကြတယ်။ ဒါပေမဲ့ ဂျူနီယာ ကင်(မ်) က ဒီလမ်းကို လိုက်ဖို့ အဲသလောက် ရဲရင့်မလားဆိုတာက ပြောဖို့ အချိန် အတော်စောနေပါသေးတယ်။

မေး ။ ။ တဖြည်းဖြည်းနဲ့ အာရှပစိဖိတ်ဒေသတွင်းမှာ အမေရိကန်တွေဟာ သူတို့ရဲ့ ဩဇာလွှမ်းမိုးမှုကို တရုတ်တွေနဲ့ ခွဲယူရတော့မယ်လို့ မစ္စတာလီ တစ်ခါက ပြောဖူးပါတယ်။ အဲသလို တကယ် ဖြစ်လာခဲ့ပြီးဆိုရင် စင်္ကာပူ လို နိုင်ငံတွေအနေနဲ့ ဘယ်လို ကျင့်သုံးနေထိုင် သင့်သလဲ။

ဖြေ ။ ။ အမေရိကန်တွေ ဘာတွေ စဉ်းစားနေတယ်ဆိုတာထက်တောင် တရုတ်တွေ ဘာတွေ စဉ်းစားနေတယ်ဆိုတာ တို့က ပိုပြီး အာရုံစိုက်ထား ရမယ်။ ဂျပန်နဲ့ တောင်ကိုရီးယားတို့ဆိုရင် အခုဆိုရင်ပဲ တရုတ်ပြည်ထဲမှာ အ လုံးနဲ့ အရင်းနဲ့ ရင်းနှီးမြှုပ်နှံမှုတွေ လုပ်နေကြပြီ။ အမေရိကန်တွေနဲ့ လုံခြုံရေး သဘောတူညီမှုတွေလည်း သူတို့မှာ ရှိနေတာပဲ။ ဒီလိုပဲ ပိုပြီး ဆက်ဆံမှုတွေ များလာ၊ ရင်းနှီးမြှုပ်နှံမှုတွေလည်း ပိုများလာပြီဆိုရင် လုံခြုံရေး သဘောတူ ညီမှုကလည်း တရုတ်ပြည်ရဲ့ အကြပ်ကိုင်မှုကို ဘယ်လိုလုပ် ဝင်ရောက်စွက် ဖက်လို့ ရနိုင်ပါတော့မလဲ။ ခုတမျိုး တော်ကြာတမျိုး လုပ်လို့ ရနိုင်ပါ့မလား။

မေး ။ ။အမေရိကန်တွေနဲ့ ဆက်ဆံရတာနဲ့ နှိုင်းယှည်ရင် တရုတ်နဲ့ ဆက် ဆံရတာက ခြားနားမှု အများကြီး ရှိနိုင်တယ်။ စင်္ကာပူမှာတော့ သူတို့ လွမ်းမိုး မှုက ပိုများနေတော့ အမေရိကန်တွေနဲ့ပဲ ဆက်ပြီး ဆက်ဆံသွားရမယ်။

ဖြေ ။ ။ ဟုတ်တယ်။ အမေရိကန်တွေက ရိုသားပြီး အန္တရာယ်လည်း ပို ကင်းတယ်လို့ ငါတော့ ထင်မိတယ်။ သူတို့က လည်ပင်း ညှစ်မယ့်လူတွေ မဟုတ်ဘူး။ သူတို့က လူတိုင်း ဒီမိုကရေစီကို ကျင့်သုံးစေချင်တယ်။ ဂုတ်ခွစီး ချင်တဲ့ လူတွေမဟုတ်ဘူး။ တရုတ်က မင်းက ဒီမိုကရေစီနည်းနဲ့ အုပ်ချုပ်သ လား၊ အာဏာရှင်စနစ်နဲ့ အုပ်ချုပ်သလား ဆိုတာကို စိတ်မဝင်စားဘူး။ သူတို့ လိုချင်တာ ရဖို့ပဲ စိတ်ဝင်စားတယ်။ သူများအစိုးရရဲ့ ပေါ်လစီကို ပြောင်းလဲ လာအောင် စည်းရုံးဖို့လည်း စိတ်မဝင်စားဘူး။ မင်းရဲ့ လက်ရှိ ပေါ်လစီနဲ့ ကိုက်ညီမယ့် ပေါ်လစီကို လိုက်ပြီး ကျင့်သုံးသွားကြမှာပဲ။

မေး ။ ။ တစ်နေ့နေ့မှာများ တရုတ်ပြည်ရဲ့ လော်ဂျစ်စတစ် စင်တာလို၊ ရေ တပ်အခြေစိုက်စခန်းလို ဟာမျိုးတွေ စင်္ကာပူက လက်ခံလာရစရာ အကြောင်း ရှိလာနိုင်မလား။

ဖြေ ။ ။ ဒါတော့ မပြောနိုင်ဘူး။ ငါ့တစ်သက်တော့ ဖြစ်လာမယ် မထင်ဘူး။ ပထမအဆင့်အနေနဲ့ ဖြစ်နိုင်တာက နှစ်နိုင်ငံလုံးရဲ့ လော်ဂျစ်စတစ်ဌာနတွေ လက်ခံပေးရခြင်းမျိုး ဖြစ်နိုင်တယ်။ သူတို့ထဲက တစ်ယောက်ယောက်ကို ရွေး တာမျိုး မလုပ်ရဘူး။

မေး ။ ။ တစ်ယောက်ယောက်ကို မရွေးဘဲနဲ့ ဒီပုံစံအတိုင်း စင်္ကာပူက ဘယ်လောက်ကြာအောင် ခရီးဆက်လို့ ရမှာလဲ။

ဖြေ ။ ။ ဒါကိုလည်း ငါ မပြောနိုင်ဘူး။ ဒါက အမေရိကန်ရဲ့ စီးပွားရေးနဲ့ အင်အားဖြည့်တင်းမှု စွမ်းရည်အပေါ်မှာ မူတည်တယ်။

မေး ။ ။ မစ္စတာလီကိုယ်တိုင် အမေရိကန်တွေနဲ့ ဆက်ဆံရတော့ ဟင်နရီ ကစ်ဆင်ဂျာနဲ့ အခြား အရေးကြီးတဲ့ ပုဂ္ဂိုလ်တွေနဲ့ ဆက်ဆံရေး ကောင်းေ ကာင်းမွန်မွန် ရှိခဲ့တယ်။ အခု တရုတ်ပြည်နဲ့ ဆက်ဆံရပြီ ဆိုတဲ့အခါ လက်ရှိ ဝန်ကြီးတွေအနေနဲ့ မစ္စတာလီ ခေတ်တုန်းကလို ပုဂ္ဂိုလ်ရေး ဆက်ဆံမှုေ တွ ကောင်းကောင်းမွန်မွန် ရှိနိုင်ပါ့မလား။

ဖြေ ။ ။ အေးလေ၊ လက်ရှိ အခြေအနေမှာတော့ သူတို့က ငါတို့ဆီက ယူ စရာတွေ ရှိနေတော့ ဆက်ဆံရေးက ကောင်းနေတာပဲ။ နောက်ပိုင်း သူတို့က ထိပ်ရောက်သွားပြီ၊ ငါတို့ဆီက ယူစရာ မရှိတော့ဘူးဆိုရင်တော့ ဆက်ဆံရေး က ပြောင်းသွားလိမ့်မယ်။ ဒါပေမဲ့ ဒီကျေးဇူးတရားတွေကို ထောက်ထား ရင် ကောင်းမွန်တဲ့ ဆက်ဆံရေးက တစ်ငွေ့ငွေ့တော့ ရှိနေဦးမယ်လို့ ထင်ပါ တယ်။ သူတို့ဆီက စုကျု (Suzhu) စက်မှုကွင်း တည်ဆောက်သလိုမျိုးပေါ့။ ငါတို့လက်ရာတွေ အဲဒီမှာ ချန်ထားနိုင်ခဲ့တယ်လေ။

မေး ။ ။ ၁၉၇၆ - ခု၊ မစ္စတာလီ ပီကင်းကို ရောက်တော့ ဝန်ကြီးချုပ် ဟွာကော်ဖန် (Hua Goufeng) နဲ့ တွေ့ခဲ့တယ်။ အဲဒီတုန်းက တရုတ်ပြည်ရဲ့ အမြင်နဲ့ ရေးထားတဲ့ တရုတ်အိန္ဒိယ စစ်ပွဲအကြောင်းစာအုပ်ကို သူက လက်ေ ဆာင်ပေးတော့ စင်္ကာပူမှာ အိန္ဒိယန်းတွေလည်း ရှိတယ်၊ ဒီကိစ္စမျိုးက ထိ လွယ် ရှလွယ် ကိစ္စမျိုးတွေလည်း ဖြစ်တယ်ဆိုပြီး လက်ခံဖို့ ငြင်းဆန်ခဲ့ တယ်နော်။ ဒီလို ထပ်ပြီး ကြုံလာမယ်ဆိုရင်တောင် မစ္စတာလီအနေနဲ့ ကေ တာ့ ငြင်းဆန်ဦးမှာပဲဆိုတာလည်း သေချာပါတယ်။ ဒါပေမဲ့ လက်ရှိတရုတ်က ပိုပြီး အားကောင်းလာနေတယ်။ ဒီတော့ လက်ရှိ စင်္ကာပူက လူငယ်ဝန်ကြီးေ တွ အနေနဲ့ ဒါမျိုး ကြုံလာရင် ငြင်းရဲကြပါ့မလား။

ဖြေ ။ ။ ဒါတော့ ငါ ဘယ်သိနိုင်မလဲ။ သူ့ကာရိုက်တာနဲ့ပဲ ဆိုင်မယ်။ တကယ်လို့ လက်ခံမယ်ဆိုရင်တောင် သူက ဒီစာအုပ်မျိုးကို စိတ်ဝင်တစား ဖတ်မယ်လို့ ငါတော့ မထင်ပါဘူး။ ဒီစာအုပ်က တစ်ဖက်သတ် အမြင်ကြီးပဲ။ ငါတို့က အမြင်ပေါင်းစုံ၊ ရှု့ထောင့်ပေါင်းစုံက အချက်အလက်တွေ ရှိခဲ့ကြပြီးပြီ ဥစ္စာ။

မေး ။ ။ ဒါပေမဲ့ တရုတ်က အင်အား ပိုပိုကြီးလာတော့ ဒီလို ငြင်းလိုက် ရင် ပြဿနာ ရှာလာမယ့် တရုတ်ရန်ကို စိန်ခေါ်ရဲကြပါ့မလား။
ဖြေ ။ ။ ဒီစာအုပ် လက်ခံလိုက်ပါပြီတဲ့၊ မင်း ခံယူချက် ပြောင်းသွားမှာလား။ ငါ့တုန်းကလည်း သူတို့ကို ရှင်းရှင်းပဲ ပြောခဲ့တယ်။
“ဒီစာအုပ်ကြောင့် ကျွန်တော့်ခံယူချက် ပြောင်းသွားမှာ မဟုတ်ဘူး” လို့။ ဒါပေမဲ့ ဒီနေ့ တရုတ်က အရင်က တရုတ် မဟုတ်တော့ဘူး။ လူငယ် ဝန်ကြီးေ တွ အနေနဲ့ တရုတ်နဲ့ ပုဂ္ဂိုလ်ရေး ဆက်ဆံမှုကို ဘယ်လို ကိုင်တွယ် ဖြေရှင်း ရမယ်ဆိုတဲ့ ပြဿနာ ကြုံရနိုင်တယ်။ သူတို့က တရုတ်နဲ့ ဆက်ဆံရေး အဖု အထစ် ဖြစ်သွားရင် ပြန်ကောင်းလာနိုင်မယ် မဟုတ်ဘူးလို့ ယူဆကောင်း ယူ ဆမှာပေါ့။

ဆက်ရန်

လူတစ်ယောက်ရဲ့ ကမ္ဘာ့အမြင်(၁)
လူတစ်ယောက်ရဲ့ ကမ္ဘာ့အမြင် (၃)
လူတစ်ယောက်ရဲ့ ကမ္ဘာ့အမြင် (၄)
လူတစ်ယောက်ရဲ့ ကမ္ဘာ့အမြင် (၅)
တရုတ် (သို့) ရွက်ပုန်းသီး (၂)
တရုတ် (သို့) ရွက်ပုန်းသီး (၃)
တရုတ် (သို့) ရွက်ပုန်းသီး (၄)

Post a Comment