လူတစ်ယောက်ရဲ့ ကမ္ဘာ့အမြင်
အခန်း (၂)
"တစ်က တရုတ်ပြည်ဟာ ဘယ်သူ့ကိုမှ အနိုင်ကျင့်တာမျိုး မလုပ်ဘဲ တိတ် တိတ်ကလေး တိုးတက်အောင် ကြိုးစားရင်း မသိမသာနဲ့ လွှမ်းမိုးမှု ဖြစ် လာအောင် ကြိုးစားလိမ့်မယ်။
နောက်တစ်ချက်ကတော့ သူတို့မှာရှိတဲ့ အင်အားကို ထုတ်ပြရင်း သူတစ်ပါး ကို ခြိမ်းခြောက်လိမ့်မယ်။" (လီကွမ်းယု)
၁၉၉၂ - ခုနှစ်မှာတော့ နာမည်ကြီး တောင်ပိုင်းပြည်နယ် တစ်ခုဖြစ်တဲ့ ဂွမ်ေ ဒါင်းပြည်နယ်ကို တံခါးဖွင့် စီးပွားရေး ပေါ်လစီ စတင်ကျင့်သုံးဖို့ တိုက်တွန်း ရင်း နဲ့ ခေါင်းဆောင်ပိုင်းကိုလည်း အားပေးစကား ပြောဖို့ စည်းရုံးရေးခရီး တိန့်ရှောင်ဖိန် ထွက်ခဲ့တယ်။ အဲဒီမှာ
“ကမ္ဘာကနေ လေ့လာသင်ယူကြ၊ အထူးသဖြင့် စင်္ကာပူဆီကနေ သင်ခန်း စာတွေ ယူကြ၊ သူတို့ထက်သာအောင် လုပ်ရမယ်” လို့ ပြောထားခဲ့တယ်။
အော် … သူ ငါပြောလိုက်တာကို မမေ့သေးပါလားလို့ ကျွန်တော် ပြန်ပြော မိတယ်။ တကယ်တော့လည်း သူတို့ဟာ ကျွန်တော်တို့ ထက် သာတာ အမှန်ပါ။
စင်္ကာပူရောက်စဉ် တိန့်ရှောင်ဖိန် တွေ့မြင်သွားရတာက နိုင်ငံခြားရင်းနှီးမြှပ်နှံ မှုတွေလုပ်၊ စနစ်တကျ စီမံခန့်ခွဲမှု နည်းပညာတွေ တိုးတက်လာအောင် လုပ် ယူပြီး ဘာမှ သယံဇာတ မရှိတဲ့ နိုင်ငံပေါက်စလေးက သူ့နိုင်ငံသားတွေကို ဒီလို ချမ်းချမ်းသာသာနဲ့ ထားပေးနိုင်တယ်ဆိုတဲ့ အချက်ပါ။ သူတို့လည်း စီး ပွားရေး တံခါးဖွင့်ရတော့မယ်ဆိုတဲ့ အမြင်ကို ယူသွားပြီး သူ့လူတွေကို စည်း ရုံးဖို့ တရုတ်ပြည်ကို သူ ပြန်သွားခဲ့တာပါ။ ဒီအချိန်ဟာ တရုတ်ပြည်သမိုင်း အ တွက် အထင်ကရ အလှည့်အပြောင်းတစ်ခုကို ဖြစ်စေခဲ့တယ်။ အဲဒီနောက် တရုတ်ပြည်ဟာ နောက်ကြောင်း ပြန်မလှည့်တော့ပါဘူး။
တရုတ်ပြည်ရဲ့ ပြောင်းလဲမှုကို ကျွန်တော်ကိုယ်တိုင် မျက်မြင်ကိုယ်တွေ့ တွေ့ ခဲ့ရတယ်။ ရုပ်ပိုင်းဆိုင်ရာ ပြောင်းလဲမှုတွေ ဖြစ်ခဲ့တယ်။ အခြေမခိုင်တဲ့ ခပ်ညံ့ ညံ့ မြို့ပြတွေကနေ အမြန်ရထားတွေနဲ့ ပြေးဆွဲနေတဲ့ ခေတ်မှီမြို့တော် ကြီးတွေ ဖြစ်လာခဲ့တယ်။ ဒါလီယံ (Dalian)၊ ရှန်ဟိုင်း၊ ဘေဂျင်း၊ ဂွမ်ဒေါင်း၊ ရှင်ကျန့် မြို့တော်တွေကို သွားကြည့်ပါ။ ဒီမြို့တွေဟာ တစ်ကမ္ဘာလုံးမှာ ရှိ တဲ့ ဟောင်ကောင်စတဲ့ မြို့တော်တွေနဲ့ ရင်ဘောင်တန်း နေနိုင်ပါပြီ။ တရုတ် လူမျိုးတွေဟာ ဆောက်လုပ်ရေးမှာ တော်ပါတယ်။ လက်သမားကောင်းတွေ ရှိတယ်။ ဒီလို ဖြစ်လျက်နဲ့ ဒီအခြေအနေ ရောက်လာအောင် ဘာ့ကြောင့်များ ဒီလောက် ကြာခဲ့ရတယ်ဆိုတာ ကျွန်တော်တော့ စဉ်းစားလို့ မရနိုင်အောင် ပါပဲ။
တရုတ်ပြည်ရဲ့ အောင်မြင်မှုလမ်းကြောင်းနဲ့ ပတ်သက်လို့ ချီးကျူးစရာ အေ ကာင်းဆုံး ပုဂ္ဂိုလ်ဟာ တိန့်ရှောင်ဖိန်ပါပဲ။ သူ စီးပွားရေး တံခါးဖွင့်တော့ မယ်ဆိုတော့ ရှေးရိုးစွဲ ဗိုလ်ချုပ်ကြီးတွေက သဘောမတူကြပါဘူး။ ဒါပေမဲ့ သူက စိတ်ဓာတ် တော်တော်ခိုင်မာတဲ့လူပါ။ သဘောမတူသူတွေကို ဘေး ဖယ်ထားခဲ့ပြီး သူ့လမ်းကြောင်းကို သူ ဆက်ခဲ့တာပါ။ သူသာ မရှိဘူးဆိုရင် တရုတ်ပြည်ရဲ့ အပြောင်းအလဲလည်း ဖြစ်လာနိုင်စရာ သိပ်မရှိဘူး။ အကြောင်းကတော့ သံသယ ရှိနေသူတွေရဲ့ သံသယကို ကျော်ဖြတ်နိုင်တဲ့ သမိုင်းနောက်ခံဟာ သူတစ်ယောက်ထဲမှာပဲ ရှိနေလို့ပါ။ သူ့ရဲ့ ကိုယ်လုံးကိုယ် ထည်က သေးငယ်သလောက် ကျွန်တော် တွေ့ကြုံခဲ့ရတဲ့ ကမ္ဘာ့ခေါင်းဆော င်တွေထဲမှာတော့ အထင်ကြီး လေးစားစရာ အကောင်းဆုံး ပုဂ္ဂိုလ်ဟာ တိန့်ရှောင်ဖိန်ပါပဲ။
ကျန်ဇီမင်းကတော့ ဆက်ခံသူအဖြစ်တိန့်ရှောင်ဖိန်ကိုယ်တိုင် ရွေးချယ်ခဲ့တာ ပါ။ ၁၉၈၉ - ခု တီယန်မင်ရင်ပြင် အရေးအခင်းဖြစ်တော့ သူက ရှန်ဟိုင်းမှာ အကြီးအကဲပါ။ ရှိန်ဟိုင်းမှာ ဖြစ်ခဲ့တဲ့ အရေးအခင်းကို ကျန်က ကောင်းေ ကာင်း ကိုင်တွယ်နိုင်ခဲ့ပါတယ်။ တိန့်ရှောင်ဖိန် ချမှတ်ထားခဲ့တဲ့ ခေတ်သစ် တရုတ်ပြည်ရဲ့ လမ်းစဉ်ကို အကောင်အထည် ဖော်နိုင်ဖို့ ပန်းတိုင်တစ်ခု သူ့ မှာ ရှိနေနှင့်ပြီး ဖြစ်ပါတယ်။ ကျွန်တော် သူနဲ့ ပတ်သက်လို့ မှတ်မိနေတာ ကတော့ ကျန်ဟာ နွေးထွေးပြီး ဖော်ရွေတဲ့ လူတစ်ယောက်ဆိုတာပါ။ နာမည်ကျော် ‘O Sole Mio’ ဆိုတဲ့ အီတလီသီချင်းသံကြားတော့ သူပါ ဝင်ကနေပါတယ်။ ပြီးတော့မှ ကျွန်တော့်လက်ကို ဆွဲကိုင်ပြီး “အမေရိကန်တွေက ကျွန်တော်တို့ကို ဘယ်လို အသုံးချမယ် ထင်သလဲ” လို့ မေးပါတယ်။ အဲသလို မေးတာက သူတို့နဲ့ အမေရိကန်တွေရဲ့ ဆက် ဆံရေး မရင်းနှီးခင်ကပေါ့။ အခုဆိုရင် ဒီစကားမျိုး ကျွန်တော့်ကို လာမေးနေ စရာ မလိုတော့ပါဘူး။
ကျွန်တော်ကတော့ ဟူကျင်တောင်ကို အားသစ်လောင်းသူ တစ်ယောက် အနေနဲ့ မြင်မိပါတယ်။ သူ့အုပ်ချုပ်မှုအောက်မှာ တစ်ခုစ နှစ်ခုစ အရေးကြီးတဲ့ အပြောင်းအလဲလောက်ပဲ လုပ်ခဲ့ပါတယ်။ ဒီလို လုပ်သွားနိုင်တာဟာလည်း သူ့အတွက် မသေးမွှားလှပါဘူး။ အဲဒီအချိန်မှာ တရုတ်ပြည်ဟာ ကျေးလက်နဲ့ မြို့ပြ လူတန်းစား ကွာဟမှု ပြဿနာက အကြီးအကျယ် စိန်ခေါ်နေတဲ့ကာလပါ။ သူဟာ စကားနည်းပြီး သုံးသပ်နိုင်တဲ့ ခေါင်းဆောင်တစ်ယောက်ပါ။ သူက ထင်ထင်ပေါ်ပေါ် မနေ တတ်ဘူး။ မှတ်ဥာဏ် သိပ်ကောင်းပြီး အရာအားလုံးကို စေ့စေ့စပ် စပ် တွေးခေါ်တတ်သူလည်း ဖြစ်တယ်။ သူ အာဏာရပြီးပြီးချင်း ဆားရောဂါ ဖြစ် ပွားတော့ အမှားတစ်ခု သူ လုပ်ခဲ့တယ်။ ဒီပြဿနာက စီးပွားရေးအထိ လာ ထိခိုက်မှန်း သိတော့မှ ဒီကိစ္စကို ကြပ်ကြပ်မက်မက် ကိုင်တွယ်တော့တာ။ အဲဒီအထဲမှာ မကြုံစဖူး ကျန်းမာရေးဝန်ကြီးနဲ့ ပီကင်းမြို့တော်ဝန်ကို အလုပ်ဖြုတ်ပစ်လိုက်တာ ပါဝင်တယ်။ ဒီအချက်ဟာ ဟူကျင်တောင်နဲ့ သူ့ ဝန်ကြီးချုပ် ဝမ်ကျားပေါင်တို့ရဲ့ ပြတ်သားတဲ့ ခေါင်းဆောင်မှုကို ညွှန်ပြလိုက် တာပါပဲ။ ဒါတွေ အားလုံးထဲမှာ ဟူနဲ့ ပတ်သက်လို့ ပြောစမှတ် တွင်ခဲ့တာ ကတော့ တိဗက်အရေးအခင်းမှာပါပဲ။ ဒီလူဟာ သံမဏိလို မာတဲ့လူသားပါ။
သူ အာဏာတည်မြဲနေစဉ် ဆယ်စုနှစ်ကာလထဲမှာ ဘယ်မူကို ရှီကျင့်ဖျင် (ရှီကျင့်ပင်း) လက်ကိုင်ကျင့်သုံးပြီး သူ့သိက္ခာအတွက် ဘာတွေ လုပ်သွား မယ်ဆိုတာကတော့ ခန့်မှန်းဖို့ ခက်ပါတယ်။ တရုတ်ခေါင်းဆောင်တိုင်းဟာ သူတို့ အနာဂတ်စီမံကိန်းကို ဘယ်တော့မှ ကြိုတင် မပြောတတ်ကြပါဘူး။ သူတို့က ရွက်ပုန်းသီးဘဝကို သဘောကျကြတယ်။ လက်ရှိအချိန်မှာ တရုတ်ပြည်ရဲ့ ပြည်တွင်းရေး ပြောင်းလဲမှုနဲ့ ပတ်သက်လို့ အရေးကြီးလှပါ တယ်။ ဒီပြဿနာကို နိုင်နိုင်နင်းနင်း ကိုင်တွယ်သွားနိုင်ဖို့ပဲ သူ အာရုံစိုက် ထားမယ့်သဘော ရှိပါတယ်။ သူ့အပေါ် ကျရောက်လာမယ့် နိုင်ငံတကာ မှာ ဖြစ်ပျက်နေတာတွေကိုလည်း အများကြီး သူ အာရုံစိုက်ထားရပါလိမ့်မယ်။ တိုးတက်လာတယ်ဆိုပေမဲ့ မျှော်လင့်ထားသလို တိုးတက်လာတာမျိုး မဟုတ် ဘူးဆိုရင် အရင်ချမှတ်ခဲ့တဲ့ မူဝါဒတချို့ကလည်း ကမောက်ကမ ဖြစ်သွားနိုင် ပါသေးတယ်။ ဒါပေမဲ့ တည်တည်ငြိမ်ငြိမ်နဲ့ပဲ သူ ကိုင်တွယ်ဖြေရှင်း သွားနိုင် မယ်လို့ ကျွန်တော် ယုံကြည်မိပါတယ်။ သူ့ရဲ့ စစ်တပ်တွင်း ထောက်ခံမှုက လည်း အားသစ်တစ်ရပ် ဖြစ်နေနိုင်ပါတယ်။
သူ့ရဲ့ နိုင်ငံခြားရေးမူဝါဒကိုလည်း ကမ္ဘာက အနီးကပ် စောင့်ကြည့်နေလိမ့် မယ်။ အနောက်မှာပဲ ဖြစ်ဖြစ်၊ အာရှတိုက်မှာပဲဖြစ်ဖြစ် ရုတ်တရက်ကြီး တိုး တက်လာတဲ့ တရုတ်စီးပွားရေးဟာ နိုင်ငံ တော်တော်များများ အပေါ်မှာ ထိ ရိုက်မှု ရှိနေပါတယ်။ အားကောင်းတဲ့ တရုတ်စီးပွားရေးဟာ ကမ္ဘာမှာလည်း အကျိုးသက်ရောက်မှု ရှိပါတယ်။ ဘာကြောင့်လဲဆိုရင် တရုတ်ကုမ္ပဏီ ကြီးတွေဟာ ကမ္ဘာအနှံအပြားမှာ ရင်းနှီးမြှုပ်နှံမှုတွေ လုပ်လာမှာမို့ပါ။ တရုတ်ရဲ့ အိမ်နီးချင်း နိုင်ငံတွေကတော့ နိုင်ငံခြားရေးမူဝါဒနဲ့ ပတ်သက်လို့ အိပ်ပျော်ရာက နိုးလာတဲ့ ကျားကြီးဆီက ပါဝါသုံးတဲ့ ပေါ်လစီတွေများ ကျင့် သုံးလာလေမလားလို့ စတင် ခံစားနေကြရပါပြီ။ အမေရိကန်တွေကိုယ်တိုင်တောင် တစ်ခါမှ မကြံဖူးသေးတဲ့ ရင်ဆိုင်မှုနဲ့ ကြုံတွေ့နေရပါပြီ။ တစ်ကမ္ဘာလုံး မဟုတ်စေဦးတော့ အာရှနဲ့ ပစိဖိတ်ဒေသ မှာတော့ တရုတ်ရဲ့ စိန်ခေါ်မှုဒဏ်ကို ကောင်းကောင်း ခံနေကြရပြီ။
ဒီမှာ အရေးအကြီးဆုံး အချက်က ငြိမ်းချမ်းစွာ စီးပွားရေး တိုးတက်မှုကိုပဲ လို လားပါတယ်လို့ ထပ်တလဲလဲ ပေးနေတဲ့ တရုတ်ပြည်ရဲ့ ကတိစကားကို ယုံ သည်ဖြစ်စေ၊ မယုံသည်ဖြစ်စေ သေချာတာကတော့ တရုတ်ဟာ သူ တစ်ပါးနိုင်ငံထဲကို ကျူးကျော်လာမယ် မဟုတ်ဘူးဆိုတာပါပဲ။
ဒီမှာ အမြင်နှစ်မျိုး ရှိတယ်။
တစ်က တရုတ်ပြည်ဟာ ဘယ်သူ့ကိုမှ အနိုင်ကျင့်တာမျိုး မလုပ်ဘဲ တိတ် တိတ်ကလေး တိုးတက်အောင် ကြိုးစားရင်း မသိမသာနဲ့ လွှမ်းမိုးမှု ဖြစ်လာအောင် ကြိုးစားလိမ့်မယ်။ နောက်တစ်ချက်ကတော့ သူ တို့မှာရှိတဲ့ အင်အားကို ထုတ်ပြရင်း သူတစ်ပါးကို ခြိမ်းခြောက်လိမ့်မယ်။
ဆက်ရန်
ဇင်ဝေသော်
လူတစ်ယောက်ရဲ့ ကမ္ဘာ့အမြင်(၁)
လူတစ်ယောက်ရဲ့ ကမ္ဘာ့အမြင် (၂)
လူတစ်ယောက်ရဲ့ ကမ္ဘာ့အမြင် (၃)
လူတစ်ယောက်ရဲ့ ကမ္ဘာ့အမြင် (၄)
လူတစ်ယောက်ရဲ့ ကမ္ဘာ့အမြင် (၅)
Post a Comment