လူတစ်ယောက်ရဲ့ ကမ္ဘာ့အမြင် (၄)


(အမေး အဖြေ)

မေး ။ ။ တရုတ်ပြည်ရဲ့ စီးပွားရေးက ရုတ်တရက်ကြီး တိုးတက်လာပြီး တရုတ်ပြည်ရဲ့ နိုင်ငံရေး ပြောင်းလဲမှုကတော့ တော်တော် နှေးကွေးနေတယ်။

ဖြေ ။ ။ ဒါဆိုရင်တော့ တရုတ်ပြည်ရဲ့ ယဉ်ကျေးမှုနဲ့ သမိုင်းဆီကို ပြန်လှည့် ကြည့်သင့်တယ်လို့ ထင်တယ်။ တရုတ်ပြည်ရဲ့ သမိုင်းမှာ ဗဟိုဌာနချုပ် အားကောင်းနေခြင်းဟာ ငြိမ်းချမ်းမှု တစ်ခုပဲ။ ဗဟိုဌာနချုပ် အားနည်း ရင် ပြဿနာတွေ တစ်ခုချင်တက်ပြီ၊ ဒီလိုပေါ့။ ဒါက ရှေးဟောင်း တရုတ်စစ်သူကြီးတွေရဲ့ ခေတ်ကတည်းက ရှိခဲ့တာ။ လူတိုင်းဟာ သူ့ဥပဒေနဲ့ သူချည်းပဲ။ ဒီ အခြေခံမူကနေ သွေဖီပြီး ကြီးကြီးမားမား ပြောင်းလဲမှုတွေ မြ င်တွေ့လာနိုင်စရာ ရှိတယ်လို့ မထင်မိဘူး။

မေး ။ ။ ဗဟိုအားပြုတဲ့ တရုတ်ပြည်ဆိုတာ ကွန်မြူနစ်ပါတီနဲ့ သံတူကြောင်း ကွဲပဲလား။

ဖြေ ။ ။ လက်ရှိအနေအထားအရဆိုရင် ဒါ အမှန်ပဲပေါ့။ ဒါဆို တရုတ်ကွန်မြူ နစ်ပါတီ ဆိုတာကရော ဘာလဲ။ ဒါက အမည်ပဲကျန်တော့တာ။ သူတို့ ကွန်မြူ နစ် လုံးဝ မဟုတ်တော့ဘူး။ ဒါက တံဆိပ်အဟောင်း၊ ပုလင်းအဟောင်းထဲက ဝိုင်အသစ်လိုပဲ။

မေး ။ ။ ဒါပေမဲ့ နိုင်ငံရေး ပုံသဏ္ဍာန်တွေက မပြောင်းလဲသေးဘူး၊ အရင် အ တိုင်းပဲ။

ဖြေ ။ ။ နိုင်ငံရေး ပုံသဏ္ဍာန်နဲ့ ကွန်မြူနစ်ဝါဒက အပြန်အလှန် တိုက်ခိုက်နေ တာပဲ။ တရုတ်ဆိုရိုးစကားတစ်ခု ရှိတယ်။ တောင်တန်းက မြင့်မားနေရင် အ နားမှာ အင်ပါယာလည်း မရှိဘူးတဲ့။ သူ့တောင်မှာ သူ အင်ပါယာပဲ။ ဒီစနစ် က နှစ်ပေါင်းများစွာကတည်းက တည်ရှိနေခဲ့တာ။

မေး ။ ။ အပြောင်းအလဲတွေ တော်တော်များများ ဖြစ်ခဲ့ပြီးတဲ့နောက်မှာတောင် ဒီစနစ်ကို ပြောင်းလဲဖို့ အချိန် အတော်ယူရဦးမယ်လို့ ယုံကြည်ပါသလား။

ဖြေ ။ ။ အင်း … အခု ဗဟိုအစိုးရက ဟယ်လီကော်ပတာတွေ၊ အင်တာ နက်တွေ၊ ဆဲလ်ဖုန်းတွေ၊ လုံခြုံရေးအတွက် ခေတ်မီပစ္စည်း တပ်ဆင်မှုတွေကို သုံးစွဲလာနေတယ်။ ဒါပေမဲ့ အခြေခံ စိတ်ဓာတ်က ပြောင်းလဲ မလာသေးဘူး။

မေး ။ ။ အနာဂတ် လူငယ်မျိုးဆက်တွေနဲ့ ပတ်သက်လို့ကော ဘယ်လိုလဲ။ သူတို့က သတင်းတွေအားလုံး ရယူနိုင်ကြတယ်။ သူတို့ခေတ် ရောက်ရင် ချိန်ခွင်လျှာ ညီမျှလာမယ်လို့ မထင်မိဘူးလား။ မြို့တွေမှာ ရှိတဲ့ အောက်ခြေ လူတန်းစားနဲ့ လယ်သမားလူတန်းစားတွေကို ကြည့်ရင်ကော ဘယ်လိုလဲ။ သူတို့ကိုယ်တိုင် ဝင်ငွေ မညီမျှမှုတွေကို သိလာပြီး အုံကြွမှုတွေ ဖြစ်လာနိုင် မလား။

ဖြေ ။ ။ ဒီလို အုံကြွမှုတွေ လုပ်ပြီး အောင်မြင်နိုင်မယ်လို့တော့ မထင်ပါဘူး။ ဂွမ်ဒေါင်းပြည်နယ်၊ ဝူကန်ကျေးရွာမှာ အုံကြွမှု ဖြစ်ခဲ့တာပဲ။ ပြည်နယ်ရဲ့ လက်ထောက်အုပ်ချုပ်ရေးမှူး ကိုယ်တိုင်ဆင်းပြီး ပြဿနာကို ဖြေရှင်းေ ပးနိုင်ခဲ့တယ်။ သူတို့မှာ အစွမ်းရှိတဲ့ လူထုလုံခြုံမှုနဲ့ဆိုင်တဲ့ ဝန်ကြီးဌာနတွေ ရှိတယ်။

မေး ။ ။ ဒီအချက်က သူတို့အာဏာ တည်မြဲဖို့အတွက် လျှို့ဝှက်ချက်များ ဖြ စ်နေမလား။ အစိုးရ တော်တော်များများဟာ အာဏာသုံးပြီး သူတို့အာဏာ တည်မြဲဖို့ ကြိုးစားခဲ့ကြတာပဲ။ အထူးသဖြင့် အရှေ့ဥရောပနဲ့ ဆိုဗီယက်ပြ ည်ထောင်စု နိုင်ငံတွေမှာပေါ့။ ဒါပေမဲ့ သူတို့ ကျရှုံးခဲ့ကြတယ်။

ဖြေ ။ ။ တရုတ်ပြည်က အရှေ့ဥရောပနဲ့ မတူဘူး။ အရှေ့ဥရောပဆိုတာက တစ်ခေတ်ဆန်းလို၊ လွတ်မြောက်လို၊ လွတ်လပ်စွာ တွေးခေါ်လိုတဲ့ လူ့အဖွဲ့ အစည်းရဲ့ အစိတ်အပိုင်းထဲမှာ ပါတယ်။ လူတိုင်းကလည်း တီထွင်ကြံဆနိုင် ကြတယ်။ တရုတ်ပြည်က တရုတ်ပြည်၊ သပ်သပ်ပဲ။ ရှေ့မှာ ငါပြောခဲ့သလိုပဲ၊ တရုတ်ပြည်ရဲ့ ယုံကြည်မှုက ဗဟိုက အားကောင်းရင် နိုင်ငံလည်း လုံခြုံေ အးချမ်းတယ်။ ဗဟိုက အားနည်းရင် နိုင်ငံလည်း မလုံခြုံတော့ဘူး။

မေး ။ ။ လာဘ်ပေးလာဘ်ယူ မူဝါဒကနေ လုံးဝ အကျိုးအမြတ် မရရှိနိုင် တဲ့ တောနေ လူတန်းစားတွေက ဒီစနစ်ကြီးကို မခံမရပ်နိုင် ဖြစ်လာ ပြီး ပြောင်းလဲဖို့ ကြိုးစား မလာနိုင်ဘူးလား။

ဖြေ ။ ။ သူတို့က စုစုစည်းစည်း မရှိဘူး။ ဒီတော့ သူတို့က မြို့ပေါ်က လူလတ် တန်းစားတွေထဲကို ဝင်ဆန့်နိုင်ဖို့ပဲ ကြိုးစားကြလိမ့်မယ်။ သူတို့ အနာဂတ်ဘဝ ကို တော်လှန်ရေးသမားတွေအနေနဲ့ သူတို့ မရှုမြင်ကြပါဘူး။ ဒါဆိုပိုပြီး ပြဿ နာတွေ တက်လာမှာပေါ့။ ဒါ့ကြောင့် သူတို့ဟာ မြို့ပေါ်က လူတွေထဲ ဝင် ဆန့်နိုင်ဖို့ပဲ ကြိုးစားကြမှာ ဖြစ်တယ်။

မေး ။ ။ ဒီလူတွေ မြို့ပေါ်က လူတန်းစားတွေထဲ ဝင်ဆန့်လာနိုင်ဖို့ တရုတ်ြ ပည်ရဲ့ လူမှုရေး ဆက်သွယ်မှုက အလုံအလောက် အကူအညီ ပေးထားနိုင် ပါ့မလား။

ဖြေ ။ ။ တရုတ်ပြည်ရဲ့ လူမှုရေး ဆက်သွယ်မှုက အထိုက်အလျောက်တော့ ရှိနေပြီလို့ ထင်တယ်။ သူတို့ ခံစားမှုထဲမှာ ဒါကို ကျေကျေနပ်နပ် ရှိကြပုံတော့ မရဘူး။ ငါ့အတွေ့အကြုံအရ ဗြိတိန်ကို ဥပမာအနေနဲ့ ကြည့်လို့ရတယ်။ မျိုးဆက်တိုင်းဟာ အထက်တန်းလွှာ လူတန်းစားကို မွေးထုတ်ပေးတယ်။ ပြီးတော့ သူတို့က မွေးလာတဲ့ ကလေးတွေကလည်း အထက်တန်းလွှာ အ ချင်းချင်းပဲ အိမ်ထောင်ပြုကြတယ်။ ဒီတော့ သူတို့က မွေးလာတဲ့ ကလေးတွေ ကလည်း မျိုးရိုးဗီဇအလိုက် ထိပ်တန်း ကလေးတွေပဲ ဖြစ်လာကြပြန်တယ်။ တရုတ်ပြည်အနေနဲ့ ဒီအနေအထားကို ရောက်ဖို့ အချိန် အတော် ယူရလိမ့် ဦးမယ်။
စင်္ကာပူအနေနဲ့ကတော့ တိုးတက်လာနေတဲ့ နိုင်ငံရဲ့ ပညာရေးကြောင့် ဒီ အဆင့်ကို ရောက်ဖို့ ခန့်မှန်းထားတာထက် ပိုစောနေလိမ့်မယ်။ ငါတို့ဆီမှာ အပြောင်းအလဲက သိပ်မြန်နေတယ်။ တက္ကစီမောင်းသမားရဲ့ ကလေးက တက္ကသိုလ်ဘွဲ့ရနိုင်တယ်။ တက္ကစီသမားရဲ့ ကလေးနဲ့ လမ်းဘေးဆေးဆိုင်က ကလေး တွေ့ပြီး လက်ထပ်တယ်။ သူတို့က ရလာတဲ့ကလေးက ဗီဇကြောင့်ေ ရာ၊ ပညာရေးစနစ်ကြောင့်ပါ တက္ကသိုလ်ဘွဲ့တွေ ဘာတွေ ရပြီး ထိပ်တန်း အဆင့်ကို တက်လာနိုင်တယ်။ သူတို့ဘဝကို သူတို့လည်း ကျေနပ်ကြတယ်။ ဒီဖြစ်စဉ်က လူ့အဖွဲ့အစည်းတိုင်းမှာ ဖြစ်နေတာပဲ။

အဲဒီအဆင့်ကို ရောက်ပြီးတဲ့နောက် နောက်ဆုံးမှာတော့ မကျေနပ်မှုတွေ ဖြစ် လာကြတတ်ပြန်ရော။ ဒီတော့ အောက်ခြေလူတန်းစားတွေက
“ဟုတ်ပြီ၊ ဖဲ ထုပ်တစ်ထုပ်လုံး ပြန်မွှေပြီး အသစ် ပြန်စကြရအောင်” လို့ ပြောလာကြတော့တာပဲ။
ကွန်မြူနစ် တော်လှန်ရေး ဖြစ်ပေါ်လာခဲ့တာဟာ အဲဒီအတိုင်းပဲ။ ကွန်မင်တန် လည်း ကန်ချတာ ခံလိုက်ရတယ်။ အခု ကွန်မြူနစ်တွေ ခေါင်း ပြန်ထောင် လာတယ်။

လူတစ်ယောက်ရဲ့ ကမ္ဘာ့အမြင်(၁)
လူတစ်ယောက်ရဲ့ ကမ္ဘာ့အမြင် (၂)

လူတစ်ယောက်ရဲ့ ကမ္ဘာ့အမြင် (၃)

Post a Comment