၂၀၁၅ ယဉ်ကျေးမှု အိပ်မက်

Burmese artifacts a door to its past- and its present
By Jane Perlez. NEW YORK TIMES

၂၀၁၅ ခုဟာ လူအများစု မျှော်လင့်နေတဲ့ နိုင်ငံရေးပြောင်းလဲမှုတင်မကဘဲ ကမ္ဘာက မသိသေးတဲ့ ပုဂံရဲ့ ယဉ်ကျေးမှု အဆင့်အတန်းကိုလည်း နယူးယောက်က တဆင့် ကမ္ဘာကို လှစ်ဟပြသခွင့်ရလာမယ့် မင်္ဂလာရှိတဲ့ နှစ် သစ် တစ်နှစ် ဖြစ်လာပါလိမ့်မယ့်။ ဒါတွေ အစပျိုးနိုင်ဖို့ သန္ဓေ ဥ ခဲ့တဲ့ သမ္မတ ကြီးရဲ့ အမေရိက ခရီးစဉ်ကိုလည်း ကျနော်တို့ ယဉ်ကျေးမှု အတွက် တလေး တမြတ် ထားကြရမယ်။ ပုဂံရဲ့ ယဉ်ကျေးမှု ကမ္ဘာကို ပြသနိုင်ဖို့ သူ့ခရီးစဉ် အ တွင်း သဘောတူညီမှုတွေ ပေးထားခဲ့လို့ နယူးယောက် သုတေသန အဖွဲ့ ဟာ တိမ်ကောနေတဲ့ ပုဂံနဲ့ နိုင်ငံအဝှမ်းပြတိုက်တွေဆီ နဖူးတွေ့ ဒူးတွေ့ လာရောက်ကြည့်ရှုခဲ့ကြပါတယ်။ အဲဒီ ရှေးဟောင်း အနုပညာတွေထဲက သင့်တော်မယ့်၊ သယ်ယူလို့လည်း ဖြစ်နိုင်မယ့်၊ အလွန်အမင်း တန်ဖိုးကြီးတာ လည်း မဟုတ်တဲ့ ရှေးဟောင်းလက်ရာတချို့ကို သယ်ယူပြီး ပြသကြပါလိမ့် မယ်။

ဒါပေမဲ့ မြန်မာ့ယဉ်ကျေးမှုတွေ အခုမှ အမေရိကကိုရောက်တာလား ဆိုရင်ေ တာ့ မဟုတ်ဘူး။ ဒီပြပွဲမှာ ပြသမယ့် သုံးပုံတစ်ပုံသာ မြန်မာပြည်ကနေ ငှား ရမ်းပြသမှာဖြစ်ပြီး ကျန်တဲ့ နှစ်ပုံက နယူးယောက် ကော်လက်ရှင်း (Collections) တွေကနေ ယူဆောင်မယ်လို့ ဆိုထားပြန်တယ်။ ဒီ မြန်မာ့ယဉ်ကျေးမှုတွေ ငှားရမ်းပြသခွင့်ရဖို့ သူတို့ သဘောတူခဲ့တာ က ရှေးဟောင်းပြတိုက်တွေအတွက် လိုအပ်ချက်တွေကို ကူညီပေးဖို့နဲ့ ဝန်ထမ်းတွေကို စနစ်တကျ သင်တန်းတွေ ပေးဖို့ပါ တဲ့။ ဘယ်လိုပဲ ဖြစ်ဖြစ် ဝမ်းသာစရာ သတင်းတစ်ပုဒ်ပါ။

မြန်မာ့ယဉ်ကျေးမှုတွေ အမေရိကမှာ တချို့ရှိနေပြီးဖြစ်တယ်လို့ ဆိုပေမဲ့ ဦးဆောင်စည်းရုံးသူတွေနဲ့ ပရိသတ်ကို ဖမ်းစားနိုင်မယ့် ရှားရှားပါးပါး ရှေးေ ဟာင်းလက်ရာတွေကတော့ ပြည်တွင်းမှာပဲ ရှိနေဆဲပါ။

အဲဒီ အထဲက အေဒီ ၁၂ ရာစုလက်ရာဖြစ်တဲ့ မြတ်စွာဘုရားရှင် တာဝတိံသာ မှာ အဘိဓမ္မာဒေသနာတော်ကိုချွေပြီး သင်္ကဿနဂိုရ်ကို ခြေတော်ခြတဲ့ လက် ရာကတော့ အကောင်းဆုံးပါပဲ လို့ဆိုသူရှိသလို အနော်မာ ကမ်းခြေမှာ သိဒ္ဓတ္ထ မင်သား ဆံပယ်နေပုံ လက်ရာကလည်း တော်ရုံတန်ရုံကို သဘော မ ကျ တတ်တဲ့ နယူးယောက်ပရိသတ်ရဲ့ အာရုံကို ဆွဲ ဆောင့်ယူသွားလိမ့် မယ် လို့ ခန့်မှန်းတဲ့ ပညာရှင်တွေလည်း ရှိပါတယ်။

ကုန်းဘောင်မင်းဆက်ရဲ့ မှန်စီရွှေခြ နန်းဝ တံခါးကတော့ နယူးယောက်ကို သယ်ယူဖို့ တန်ဖိုးကြီးမားလွန်းနေသတဲ့။ ယဉ်ကျေးမှုတန်ဖိုးလား၊ အခြား တန်ဖိုးလားတော့ မသိပါဘူး။

ဒီပြပွဲကနေ ကျနော်တို့ အဓိက ရမယ့်အမြတ်ကတော့ မြန်မာနိုင်ငံထဲမှာ ဗုဒ္ဓဘာသာဆိုတာ ကိုးကွယ်မှုတင်မကဘူး၊ တစ်မျိုးသားလုံးရဲ့ ယဉ်ကျေးမှု နှ လုံးသည်းပွတ်ပါဖြစ်နေတယ်ဆိုတာ ကမ္ဘာက လက်ခံသွားရမယ့် အချက်ပါပဲ။
နယူးယောက်တိုင်းမ်ပါ ဆောင်းပါးကို ကိုးကားရင်း ၂၀၁၅ ဆီကို အိပ်မက် ရှည် ရှည် လှမ်းမက်လိုက်မိပါတယ်။
၂၀၁၅
မင်္ဂလာ နှစ်သစ်
လိပ်ပြာသန့်တဲ့ ပုဂံသမိုင်းကို ဆွဲ..လှစ်။

Post a Comment