ခေါင်းမြီးခြုံ လုံပါပေ့ (ကျောင်းတွင်းမှတ်စု)

စီစီတီဗွီထဲမှာ ခေါင်းမြီးခြုံထားသော အမျိုးသမီးငယ်တစ်ယောက် တောင် ကြည့် မြောက် ကြည့်ဖြင့် သူမ၏ ခေါင်းမြီးခြုံကို အလျင်အမြန် ခွာချပြီး ကျောင်းဝင်းထဲ ဝင်လာနေသည်ကို တွေ့မြင်နေရသည်။ သူမဘာလုပ်ချင်သည်လဲ မသိရ။ သူမမှာ မတူညီသော ကိုးကွယ်မှု ရှိသည် ဆိုတာကတော့ သေချာသည်။ သို့ဖြင့် စိတ်ဝင်စားစွာ သူမကို စောင့်ကြည့်နေ လိုက်မိသည်။ အတန်ကြာသောအခါ မိမိထိုင်နေသော စားပွဲကို ရောက် လာပြီး သူမသည် Buddhist and Pali Collage ဒီပလိုမာသင်တန်း တက်ရောက်ရန် လျှောက်လွှာလာတင်ခြင်းဖြစ်ကြောင်း သိလိုက်ရသည်။

ထို့ကြောင့် ဘာဖြစ်လို ခေါင်းမြီးခြုံကို့ ဖွင့်ခဲ့ရတာလဲ၊ စီစီတီဗွီထဲမှာ တွေ့မြင် လိုက်ရသည်ဆိုတော့ သူမက သူမသည် မွတ်စလင်ဘာသာဝင်ဖြစ်ကြောင်း၊ မွတ်စလင်ဘာသာဝင်ဖြစ်နေသည့်အတွက် သူမ၏ ကောလိပ်ဝင်ခွင့် အဟန့် အတား ဖြစ်မှာစိုးရိမ်မိခြင်းကြောင့် ခေါင်းမြီးခြုံကို့ ဖွင့်ခဲ့ရခြင်းဖြစ်ေ ကြာင်း ဖြေဆိုလေသည်။ Buddhist and Pali Collage ဟူသည် ဗုဒ္ဓဘာသာ ဝင်များအတွက်သာမက ဗုဒ္ဓဘာသာကို စိတ်ဝင်စားသူ ဘယ်ဘာသာဝင်မဆို တက်ရောက်လေ့လာနိုင်ကြောင်း၊ အရင်နှစ်က ခရစ္စယန် သီလရှင်များပင် တက်ရောက်လေ့လာတာ တွေ့ရကြောင်း ရှင်းပြမိသည်။

လျှောက်လွှာ ဖောင်ဖြည့်ပြီးသောအခါ သူမအမည်နှင့် ကိုးကွယ်သည့် ဘာသာကို လျို့ဝှက်ပေးထားစေလိုကြောင်း တောင်းဆိုလာသည်။ အကြောင်းက သူမ ဗုဒ္ဓဘာသာလေ့လာနေသည်ကို သူမ အသိုင်းအဝိုင်းက သိသွားလို့ မဖြစ်သောကြောင့်ပင်။ စာနာလိုက်မိသည်။

ကျွန်ုပ်တို့ ကံကောင်းကြပါသည်။ မိမိ စိတ်ဝင်စားသည့် ဘယ်ဘာသာ၏ ကျမ်းစာကိုမဆို လွတ်လပ်စွာ လေ့လာခွင့်ရကြပါသည်။ သို့သော် သူတစ်ပါး ဘာသာ၏ ကျမ်းစာများကို အပြစ်ရှာလိုခြင်းကြောင့် လေ့လာခြင်း ထက် ကောင်းကွက်၊ အားသာချက်များကိုပါ တွေ့ရှိရန် လေ့လာခြင်းက တစ်ဦးချင်း၏ စရဏနှင့် အသိကို တိုးတက်ကောင်းမွန်လာစေနိုင်ပေလိမ့်မည်။
ထို အမျိုးသမီးငယ်ကား သူမ ခေါင်းမြီးခြုံဖွင့်လိုက်သည်ကိုပင် သူမ အသိုင်း အဝိုင်းမှ တစ်စုံတစ်ယောက် တွေ့မြင်သွားမည်ကို လွန်စွာ စိုးရိမ်နေရလျက် ရှိနေရှာသည်။
ထို့အတူ သူမ၏ ဗုဒ္ဓဘာသာအပေါ် စိတ်ဝင်စားမှု ပမာဏကိုလည်း ကျွန်ုပ် တို့ လျှော့တွက်မထားသင့်။

Post a Comment