ရှင်းသန့်စိမ်းလဲ့ကျွန်း (၉း ၂) Hard Truths.( Chap 9,Singapore Greening) လီကွမ်းယု။


မေး။ ။ စီးပွါးရေးတိုးတက်အောင် စဉ်းစားရ၊ ပတ်ဝန်းကျင်ထိန်း သိမ်းရေး ကိုလည်း စဉ်းစားရနဲ့ ဒီ စဉ်းစားစရာနှစ်ခုကြောင့် အလုပ်မဖြစ်ခဲ့တဲ့ စီးပွါးရေးေ တွရှိခဲ့ဖူးသလား။

ဖြေ။ ။ ငါတို့ အမှားတစ်ခုက တန်ဂျွန်ပါဂါဆိပ်ကမ်းဘေးမှာ ဓာတ်ငွေ့ သန့်စင်စက်ရုံ တည်ဆောက်ခွင့်ပြုခဲ့တာပဲ။ ငါက သဘောမတူခဲ့ဘူး။ ဒါပေ မယ့် တို့မှာ အရင်းအနှီးလည်း မလုံလောက်ဘူး။ ဂျပန်ကုမ္ပဏီတစ်ခု (Maruzen Toyo Oil Company) က ဆိပ်ကမ်းဘေးမှာ နေရာပေးရင် စက် ရုံဆောက်ပေးမယ်လို့ပြောတယ်။ ဂိုကိန်ဆွီး (Goh Keng Swee) က ဒါကို လက်ခံဖို့ ငါ့ကိုတိုက်တွန်းတယ်။ ငါ့သုံးသပ်ချက်နဲ့ဆိုရင် မလုပ်ဖြစ်လောက် ဘူး။ သူပြောတာက တို့မှာ အရင်းအနှီးလိုတယ်။ ပြီးတော့ စင်ကာပူက ဂျပန်တွေကိုလည်း ကြိုဆိုတယ်ဆိုတဲ့အချက် ဂျပန်တွေကို အသိပေးထားဖို့ လိုတယ်လို့ ပြောတယ်။ ဟုတ်ပြီ၊ ဒါဆို လက်ခံရအောင်လို့ ငါပြောလိုက် တယ်။ နှစ်ပေါင်း ၃၀- စာချုပ်။ နှစ်သုံးဆယ်ပြည့်တော့မှ BP ( အပြည်ပြည် ဆိုင်ရာ ရေနံကုမ္ပဏီ) ကို လွဲပြောင်းပေးလိုက်တယ်။

မေး။ ။ လူတွေပြောနေကြတာက စင်ကာပူက ရေနံဓာတ်ငွေ့စက်ရုံတွေ ဟာ ကာဗွန်ဒိုင်အောက်ဆိုဒ်တွေ ထုတ်လွှတ်နေတော့ စင်ကာပူ အခု ကျင့် သုံးနေတဲ့ ကာဗွန်ဒိုင်အောက်ဆိုဒ်လျော့ချရေး ပရိုတိုကောအတွက် အဟန့်အ တားတစ်ခု ဖြစ်နေတယ်တဲ့။ စင်ကာပူဟာ လက်ရှိဓာတ်ငွေ့စက်ရုံတွေကို ရပ် ပစ်သင့်တယ်လို့ ထင်ပါသလား။

ဖြေ။ ။ စင်ကာပူရဲ့ ကာဗွန်ထုတ်လွှတ်မှုပမာဏက ကမ္ဘာ့ကာဗွန်ထုတ် လွှတ်မှုပမာဏရဲ့ ၀.၂ ရာနှုံးပဲရှိတာပါ။ ဓာတ်ငွေ့သန့်စင်စက်ရုံတွေက တို့ အတွက်မဟုတ်ဘူး။ အားလုံးထဲမှာ တို့အတွက်က ၅- ရာခိုင်နှုန်းလောက်ပဲ ရှိတယ်။ ကျန်တာတွေက အိတ်(စ်)ပို့အတွက်ပဲ။ အထူးသဖြင့် အရှေ့အာ ရှနိုင်ငံတွေကို ပို့တာ။ အပြည်ပြည်ဆိုင်ရာ ကုမ္ပဏီကြီးတွေက လုံခြုံရေးအ တွက် စိတ်ချရလို့ ဒီမှာလာပြီး ရင်းနှီးမြှုပ်နှံကြတာ။ အချောထုတ်ပြီးသားတွေ ကို ဒေသတွင်းက နိုင်ငံအားလုံးကို ဖြန့်တယ်။ မြောက်ဘက်ဆိုရင် အလာစ ကား၊ တောင်ဖက်ဆိုရင် နယူးဇီလန်တို့အထိရောက်တယ်။

ကုလသမဂ္ဂ၊ အပြည်ပြည်ဆိုင်ရာအစိုးရတွေရဲ့ ဆွေးနွေးပွဲမှာ ရာသီဥ တုပြောင်းလဲမှုနဲ့ ပတ်သက်လို့ ငါပြောခဲ့တယ်။ ဒါတွေကိုလည်း ကြည့်ဖို့လို တယ်ဆိုတာ ထောက်ပြတာပါ။ လေထုညစ်ညမ်းမှုနဲ့ပတ်သက်လို့တရုတ်ပြည်ကို ဝေဖန်အပြစ်တင်ကြတော့ တရုတ်ပြည်က ဒီစက်ရုံတွေက ထုတ်တဲ့ ပစ္စည်းတွေအားလုံးကို အနောက်ချည်းပဲပို့တာ။ အနောက်ကသာ ဒီ စက် ရုံတွေကို တရုတ်ပြည်ထဲလာပြီး တည်ဆောက်ထားတာလို့ ပြန်ပြောတဲ့ အကြောင်း ငါက ပြောခဲ့တာ။

ဒါပေမယ့် တရုတ်တွေက ကျောက်မီးသွေးကို သုံးတာ။ တို့က ဓာတ်ငွေ့ကို သုံးတာ။ ပတ်ဝန်းကျင်ညစ်ညမ်းမှုကို တတ်နိုင်သရွေ့တော့ ငါတို့က ကာ ကွယ်တယ်။
ငါတို့ဆီမှာ ကာတာနဲ့ အခြားနိုင်ငံတွေက ဝယ်ယူထားတဲ့ ဓာတ်ငွေ့ သိုလှောင် ရုံတွေကတော့ LNG မြေအောက်လှိုဏ်ထဲမှာ ရှိတယ်။ ဒါကလည်း မလုပ်လို့ မရဘူးလေ။ မလေးရှားနဲ့ အင်ဒိုနီးရှားက ရေနံနဲ့ဓာတ်ငွေ့ ရောင်းဝယ်ရေး စာ ချုပ်ကို ဖောက်ဖျက်ချင် ဖောက်ဖျက်လာမှာ။ သူတို့က တို့ထက် ဓာတ်ငွေ့ လို တယ်။
ဒါမမဟုတ် တို့ထက်ဈေးပိုပေးတဲ့ နိုင်ငံတွေကိုလည်း ရောင်းပစ် ချင် ရောင်း ပစ်လိုက်မှာ။
အခုတော့ တို့မှာ အခက်တွေ့စရာ မရှိတော့ဘူး။ အခြေအနေကိုကြည့်ပြီး သဟဇာတဖြစ်အောင်တော့ နေတတ်မှရမယ်။ ကမ္ဘာမှာ ဘယ်အရာမှ တသ မတ်တည်းမရှိဘူး။

မေး။ ။ ကမ္ဘာ့ ရာသီဥတု အပြောင်းအလဲနဲ့ပတ်သက်လို့ “အူမတောင့်မှ သီလစောင့်” ဆိုတဲ့ စကားမျိုးပြောခဲ့ဖူးတယ်။ အဲဒါ ဘာကို အဓိက ရည်ရွယ် တာလဲ။

ဖြေ။ ။ ဒီပြဿနာက သြစတေးလျတောင်ပိုင်းမှာ စ ကြုံနေရပြီ။ မြောက် ပိုင်းမှာ မိုးတွေပိုများလာနေပြီ။ ဒီအတိုင်းဆက်သွားနေရင် တို့အတွက်လည်း မကောင်းဘူး။ ဒီမှာလည်း မိုးတွေပိုများလာတော့မယ်။ ဒါပေမယ့် ဒါက အဆုံး သတ်ပြီး ဦးတည်ရာလည်းပြောင်းသွားနိုင်တယ်။ ဒါဆို တို့ဆီမှာ EL Nino (အယ်နီညို) တွေ ပိုများလာပြီး မိုးနည်းသွားတာလည်း ဖြစ်နိုင်ပြန်ရော။ အဲဒါကမှ တကယ့်ပြဿနာ။
တို့က အနေအထားကြည့်ပြီး အဆင်ပြေအောင် ပြင်ဆင်ထားရမှာ။ စင်ကာပူ မှာ ဘာတွေဖြစ်လာနိုင်သလဲဆိုတာ ဘယ်သူမှ တပ်အပ်သေချာ မပြောနိုင် ဘူး။ လတ်တလောအနေအထားအရ ဒီမှာ ပိုပြီးစိုစွတ်လာတယ်။ သြစတေး လျတောင်ပိုင်းမှာ ပိုပြီးချောက်သွေ့လာတယ်။ မြောက်ပိုင်းမှာ ပိုပြီးစိုစွတ်လာ တယ်။ ဒါကြောင့် မြောက်ပိုင်းကနေ တောင်ပိုင်းကို ရေပိုက်တွေနဲ့ ရေပြန်ပို့ပေးနေရတယ်။ ဒါပေမယ့် သူတို့မှာက ကျောက်မီးသွေး၊ ဓာတ်ငွေ့၊ ယူရေနီယံ သယံဇာတတွေက အလျံပယ်ရှိနေတာ။ ပြီးတော့ ရေကိုလည်း ပြန်လည်သန့်စင်ယူပြီး ပြန်သုံးလို့ရအောင် တို့လိုပဲ လုပ်နေကြတယ်။
(စင်ကာပူက သူတို့လို သယံဇာတမရှိတော့ တချို့ပတ်ဝန်းကျင်ထိန်သိမ်းရေး နဲ့ဆိုင်တဲ့ ဥပဒေတွေကို မလိုက်နာနိုင်ဘူး)

မေး။ ။ပတ်ဝန်းကျင်ထိန်သိမ်းရေးကို အကြီးအကျယ် ဆော်သြနေတဲ့ အယ်လဂိုး (AL Gore) လို ပုဂ္ဂိုလ်တွေရဲ့ စည်းရုံးရေးကို နားထောင်လိုက်မိ တာမျိုး ရှိသလား။ ပတ်ဝန်းကျင်ထိန်းသိမ်းရေးတော့ လိုကို လိုအပ်နေပြီ ဆိုတဲ့ သက်သေသာဓက တစ်ခုခုများ တွေ့မိလို့လား။

ဖြေ။ ။ ငါ့သဘောအတိုင်း ပြောရရင်တော့ တစ်ချို့ဆို အမှန်တကယ် လိုအပ်နေပေမယ့် ရွေးကောက်ပွဲမှာ မဲတွေရှုံးမှာဆိုရိမ်တော့ အစိုးရတွေက မလိုက်နာနိုင်ကြပါဘူး။ ပြောင်းလဲလာတဲ့ ကမ္ဘာ့ရာသီဥတုနဲ့အညီ အဆင်ြေ ပအောင် နေနိုင်ဖို့ပဲ ကြိုးစားကြရမှာပါ။
ပတ်ဝန်းကျင်ညစ်ညမ်းမှုကို လျော့ချဖို့ အမေရိကန်တွေက ကျောက်မီးသွေး သုံးတာရပ်ဖို့ တရုတ်ကိုအဆိုပြုတယ်။ ဒီတော့ တရုတ်က ပြန်ပြောတယ်။ “ဒီနှစ်တွေအတွင်းမှာ တကယ်တန်း ညစ်ညူးစေတာက ခင်ဗျားတို့” တဲ့ ။

အခု တရုတ်နဲ့ အိန္ဒိယက ပတ်ဝန်းကျင်ညစ်ညမ်းမှုလျော့ချဖို့ အမေရိကန်တွေ ဆီက တောင်းဆိုဖို့ ညှိနှိုင်းကြတယ်။ ၁၉၉၀- ခုနှစ်ကရှိခဲ့တဲ့ ၄၀ ရာခိုင်နှုံးအ ထိ လျော့ချဖို့ပေါ့။ ဒါပေမယ့် အမေရိကန်ကွန်ဂရက်က လေးရာနှုံးပဲလျော့ချဖို့ ဆုံးဖြတ်လိုက်ကြတယ်မဟုတ်လား။ ဒီတော့ တရုတ်ကလည်း သူတို့တောင်း ဆိုတာအတွက် တုန်လှုပ်နေမှာ မဟုတ်ဘူး။ ကမ္ဘာမြေပူနွေးလာမှုရဲ့ အဓိက တရားခံက တရုတ်မှမဟုတ်ပဲ၊ အမေရိကပဲ ဥစ္စာ။
(ဆက်ရန်)




ဇင်ဝေသော်

Post a Comment