ကြိုးဟောင်းနဲ့ ပြန်ချည်လာတဲ့ ပျော်ရွှင်တဲ့ မိသားစုဘဝ ( ၁ ) မှအဆက်
၃။ The Oscillating family narrative
အကျိုးသက်ရောက်မှု အကြီးမားဆုံးကတော့ သူတို့အရွယ်နဲ့အညီ အဆိုးတွေရော၊ အကောင်းတွေပါ ထိန်ချိန်မထားဘဲ ပြောပြခြင်းလို့ ဆိုပါတယ်။
“တို့ မိသားစုထဲမှာ အဆိုးတွေရော၊ အကောင်းတွေပါ ဆုံတွေ့ခဲ့ရတယ်။ ငါတို့ မိသားစုပိုင် စီးပွားရေးဟာ သိပ်ကောင်းခဲ့တယ်။ မင်းတို့ အဘိုးဆိုရင်လည်း ( ) အဖွဲ့အစည်းမှာ အလွန်အရေးပါခဲ့တဲ့ လူကြီးလူကောင်း တစ်ယောက်ပေါ့။ ပြီးတော့ ( ) ဆေးရုံရဲ့ ဘုတ်အဖွဲ့ထဲမှာလည်း ပါဝင်တယ်”
“အဲသလိုပဲ။ အဆိုးတွေလည်း ရင်ဆိုင်ခဲ့ရတယ်။ မင်း ဦးလေးဆိုရင် ( ) အမှုနဲ့ အဖမ်းခံခဲ့ရဖူးတယ်။ ( ) ခုနှစ်က ငါတို့ ရပ်ကွက် မီးလောင်လို့ တို့အိမ်ပါ ပါသွားတယ်။ ဘာမှ သယ်ယူချိန် မရခဲ့ဘူး။ ဒီကြားထဲ အဖေက လည်း အလုပ်မရှိ ဖြစ်နေရတာ အကြာကြီးပဲ။ ဘာတွေပဲ ဖြစ်ဖြစ် တို့မိသားစု က မိသားစုပဲ။ အဆိုးနဲ့ကြုံလည်း ဒီမိသားစု၊ အကောင်းနဲ့ကြုံလည်း ဒီ မိသား စု၊ လက်တွဲညီညီနဲ့ ရင်ဆိုင်ခဲ့၊ မျှဝေခဲ့စားခဲ့ကြတယ်။”
ဒီလို စကားတွေဟာ ကလေးရဲ့ မိသားစုအပေါ်ထားတဲ့ စိတ်ဓာတ်ပါ ပြောင်း လဲခိုင်မာ လာစေတယ်လို့ ဆိုပါတယ်။
သူတို့ကိုယ်တိုင် မိသားစုနဲ့ တစ်သားတည်း ဖြစ်သွားတော့မှ သူတို့ တွေး ပုံခေါ်ပုံတွေဟာ သူတို့အတွက်ဆိုတဲ့ အဆင့်ကို ကျော်သွားပြီး မိသားစု အ တွက် ဆိုတဲ့ အဆင့်ကို ရောက်သွားတယ်လို့ သိရပါတယ်။
မိသားစုနဲ့ ပတ်သက်တာတွေကို ပြောဖို့ အခွင့်အလမ်း ရှာကြရာမှာတော့ အရှေ့နဲ့အနောက် တူမယ် မဟုတ်တော့ပါဘူး။ အနောက် ယဉ်ကျေးမှု မှာတော့ မိသားစုလိုက် ဟောလီးဒေး ခရီးထွက်စဉ်၊ ဈေးဝယ်သွားစဉ် တွေမှာ ကြုံသလို ပြောပြပေးနိုင်ပါတယ်။
ဟောလီးဒေးတွေ ထွက်လေ့သိပ်မရှိတဲ့ မြန်မာတွေမှာတော့ ကလေးတွေနဲ့ အတူ အိပ်ယာဝင်ချိန် လသာတဲ့ ညအခါတွေမှာ သူတို့ အိပ်မပျော် ခင် ပြော ပနိုင်ပါလိမ့်မယ်။ ဒါကြောင့်ပဲ လူကြီးသူမတွေက အိပ်ယာဝင် ပုံပြင်တွေ ပြောပြခဲ့ကြတာကိုးလို့ စဉ်းစားမိရင်း ကျေနပ်ရပါတယ်။
ကိုယ့်ခံစားမှုနဲ့ ပြောရရင် ကျနော့်အဖေဟာ သုံးပတ်လောက် အချုပ်ကျ ခံခဲ့ရဖူးတယ်။ ဝါကုန်သည်လုပ်ရင်း တော်တော် ပိုက်ဆံရှိတဲ့အထဲ ပါဖူးတယ်။ ဒါပေမဲ့ ကျနော် လူမှန်း တကယ်သိလာတဲ့ အချိန်မှာတော့ ဒါတွေက မရှိတော့ပါဘူး။ ဒါပေမဲ့ အဖေဟာ အချုပ်ခံခဲ့ရဖူးတယ်ဆိုတာနဲ့ သူဟာ တောသား တစ်ယောက်အနေနဲ့ တိုင်းကိုယ်စားလှယ် (တောင်သူလယ်သမား) အဆင့်အထိ ရောက်ခဲ့ရဖူးတယ်ဆိုတဲ့ အဖေ၊ အမေတို့ ပြောပြခဲ့တာတွေဟာ ဒီနေ့အထိ ပြတ်ပြတ်ထင်ထင် ရှိနေဆဲပါပဲ။
ဒါကြောင့် ဒီစိတ်ပညာ သိပ္ပံဆောင်းပါးကို စိတ်ထဲကနေ လှိုက်လှိုက်လှဲလှဲ ခံစား ယုံကြည်လိုက်ရတယ်။
တကယ်တော့ ကျနော်တို့ခေတ်က လူတိုင်းလိုလိုဟာ အိပ်ယာဝင် ပုံပြင်တွေ နဲ့ သိပ် မဝေးခဲ့ကြပါဘူး။ လူတိုင်းကိုယ်စီမှာ မတူညီတဲ့ ပုံပြင်တွေ ရှိနေကြပါ တယ်။ ဒီပုံပြင်တွေဟာ ကျနော်တို့ဘဝရဲ့ ဦးတည်ရာကို တစ်တပ် တစ် အား ထောက်ပံ့ပေးခဲ့တယ်ဆိုတာ ငြင်းလို့ မရပါဘူး။
ကွန်ပျူတာ၊ အင်တာနက်တွေကြောင့် အိပ်ယာဝင် ပုံပြင်တွေနဲ့ ဝေးပြီး ရင်း ဝေးနေကြရတဲ့ မိသားစုဘဝတွေဟာ ပြဿနာကို ရင်ဆိုင်ရာမှာ အရင် လို စည်းစည်းလုံးလုံး မရှိလှဘူးလို့လည်း ထောက်ပြကြတယ်။ ဒါကြောင့် ဒီဆောင်းပါးဆရာကတော့ …
“If you want to have a happy family, create, refine, and retell the stories of your family’s positive moments and your ability to bounce from the difficult ones” လို့ ပြောထားတယ်။
ပိုပြီး ပျော်ရွှင်တဲ့ မိသားစုဘဝကို ပိုင်ဆိုင်ချင်ရင် ကလေးတွေကို စိတ်ဝင် စားဖွယ် ဖြစ်အောင် မိသားစုရဲ့ အားသာချက်၊ ကောင်းကွက်တွေကို ရှာကြံပြောပေးပါ။ အခက်အခဲတွေကြားက သင် ဘယ်လို ရုန်းကန် ထိုးဖောက်ခဲ့တယ်ဆိုတာကိုလည်း ပြောပေးပါတဲ့။
ပိုပြီး ပျော်ရွှင်တဲ့ မိသားစုဘဝကို ပိုင်ဆိုင်ချင်ရင် ကလေးတွေကို စိတ်ဝင် စားဖွယ် ဖြစ်အောင် မိသားစုရဲ့ အားသာချက်၊ ကောင်းကွက်တွေကို ရှာကြံပြောပေးပါ။ အခက်အခဲတွေကြားက သင် ဘယ်လို ရုန်းကန် ထိုးဖောက်ခဲ့တယ်ဆိုတာကိုလည်း ပြောပေးပါတဲ့။
အိပ်ယာဝင် ပုံပြင်တွေဟာ ဘဝမှာ အရေးပါတယ်ဆိုတာ သိကြပေမဲ့ ဒါဟာ မိသားစု ပျော်ရွှင်ရေး သိပ္ပံပညာဆိုတာ အခုမှ သိခွင့်ရလိုက်တဲ့အတွက်တော့ Dr. Duke တို့ကို ကျေးဇူးစကား ပြောခဲ့မှ တာဝန် ကျေပါလိမ့်မယ်။
ဇင်ဝေသော်
Post a Comment